تجلس امامها تستمع لها بتركيز لفهم ما تقوله لتتنهد براحه عندما تقول التي امامها : بس كدا فهمتي
لتقول هي : آه فهمت أنا مكنتش متخيله ان الشغل بالصعوبه دي
هبه بابتسامة : مش دايما كدا بس عشان بنجهز لصفقه جديده
سمرا : آه
ليقطع حديثهم رنين هاتف المكتب الذي لم يكن غير ادهم يطلب حضور سمرا بمكتبه لتخبرها بطلبه لتتنهد وتدخل لتجده جالسآ علي مكتبه واضعآ كل تركيزه فالملف الذي امامه لتحمم هي قائله : استاذه ادهم
لينظر لها ثم يعطها احد الملفات قائلا : اتفضلي الملف دا عايزك تطباعيه خمس نسخ وتروح لكل رؤساء الشركه تقوليلهم في اجتماع بعد نص ساعه وهاتيلي فنجان قهوة
سمرا : حاضر اي اوامر تانيه
ليبتسم هو قائلا : لا تقدري تتفضلي
لتؤمي له ثم تخرج لتنفذ ما قاله ثم تعود بعد وقت حامله بيديها فنجان القهوة
سمرا : اتفضل
ادهم بابتسامه وهو ياخذه : شكرا
لتبتسم هي وتخرج
ليمر الوقت ويذهب ادهم ومعه هبه وسمرا الي غرفة الاجتماعات
_______________________________
"انسه حنان انسه حنان"
لتلتفت حنان باستغراب قائله : دكتور اسر
اسر : ازيك
لتنظر له حنان باستغراب
اسر وهو يمد يده بكتاب : دا وقع منك
لتنظر له حنان ثم تقول بهدوء : لا مفيش حاجه وقعت مني (لتنظر للكتاب ثم تنظر له وتكمل) وبعدين واضح انه كتاب فيزيا فاكيد مش ليا
اسر بارتباك : اه صح ماختش بالي انا افتكرته بتاعك لما لقي...
لتقاطعه حنان قائله : خلاص ولا يهمك بعد اذنك بقا عشان اتاخرت
ثم تتركه وتذهب دون ان تسمع رده
اسر لنفسه : اي اللي انا عملته دا هتقول عليا اي دلوقتي غبي غبي ملقتش غير الكتاب دا عشان اكلمها بقيت بتصرف زي المراهقين
ليقطع حديثه صوت ضحك صديقه احمد قائلا : اي يابني مالك انت لسعت بتكلم نفسك
اسر بضيق : انا مش فايقلك دلوقتي مش كفايه اللي حصل
احمد بتسائل : واي الي حصل
اسر بتنهيده : حاولت اعمل اي حجه عشان اكلم بيها حنان فخدت كتاب وروحت ليها وهي ماشيه ......
احمد بمقاطعه : وعملت انك لقيت الكتاب فافتكرته بتاعها ووقفتها عشانه مش كدا
اسر : ايوا انا عملت كدا فعلا بس هي شكلها فكست اللعبه عشان كانت بتبصلي وكأنها بتقولي بطل هبل لعبتك مكشوفه وقالتلي كمان ان دا كتاب فيزيا اكيد مش هيبقي لواحده فتجاره
احمد : هي معاها حق اصل دي مش تصروفات حد عاقل
لينظر له اسر بضيق ثم يتنهد ليكمل أحمد كلامه قائلآ
أحمد : انت لو عايزها فعلا قولها
اسر : طب افرض بتحب حد تاني ابقا خسرتها خلاص
أحمد : علي الاقل تبقي عرفت راسك من رجلك بدل متبقي حاطت املك علي مجرد سراب
ليتنهد اسر بحزن قائلآ : معاك حق
أحمد : طب يلا قوم عندك محاضره ولا الحب هينسيك طلابك
اسر : يلا
ليقوم كل منهما متجهاالي محاضرته
في جهه اخرا
نجد حنان تركب سياره احدهم
ليقول عند تحركهم : يعني اتاخرتي هو دا اللي خلصت وجايه
حنان : مانا كنت جايه فعلا بس دكتور اسر اللي قابلته الصبح وقفني عشان يديني كتاب كان فاكره بتاعي
خالد بصوت منخفض : اسر
حنان : بتقول حاجه
خالد : لا
ليعم الصمت المكان ليقطعه خالد بقوله
خالد : أنا عايز اشوف سمرا
حنان : خلاص بليل نروح نشوفها لانها قالتلي انها بدأت شغل فالشركه مع ادهم
خالد : ماشي بس متقوليش اني هنا عايز اعملها مفاجئه
حنان : خلاص أنا هخلي ماما تعزمهم بكره ع الغدا كدا احسن
خالد : خلاص ماشي
___________________________
عند سمرا
التي تجلس لمراجعه ملفات الصفقه وما اقترحوه فالاجتماع لتنتهي من الملف الذي امامها لتاخذه وتذهب الي مكتبه لتدخل بعد ان آذن لها
سمرا : اتفضل الملف
ليرفع راسه مريحا اياها علي كرسيه ليغمض عينيه وهو يقوم بتدليك ما بين عينيه قائلا : تمام ممكن تجبيلي فنجان قهوة
سمرا بترقب لحالته : ماشي
لتخطو خطوتين ثم تعود مره اخره له
لينظر لها باستغراب لتقول هي
سمرا : انت مش ملاحظ انك شربت قهوة كتير ودا مضر بالصحة
ليبتسم هو لاحساسه انها تخاف عليه قائلا : ملاحظ بس أنا معرف اركز من غير مشربها ودلوقتي عندي صداع وعايز اشربها عشان افوق والصداع يقل عشان اكمل شغل
سمرا : لا القهوة الكتير مضره وعشان الصداع أنا هجبلك حبت بنادول وكوباية شاي هيظبطوك وتكمل بعدين شغل تمام
ادهم بابتسامه : تمام ، بس انتي مالك قلقانه عليا كدا ليه مش انا مفرقش معاكي
سمرا : انت فعلا متفرقش معايا وعشان كدا أنا بعملك بطبعتي ، لو اي حد تاني فمكانك كنت هعامله نفس المعامله لأني مينفعش اشوف حد بيأذي نفسه ومحاولش اساعده ، فدلوقتي اجبلك بنادول وا لا
ادهم بتجهم : جيبي
سمرا : تمام
لتخرج وتعودت بعد وقت قليل حامله بيديها صنيه فوقها كوب الشاي وماء والبنادول لتعطيه البنادول والماء لتترك له الشاي وتاخذ الصنيه وتغادر
ليتنهد هو بتعب ضاغطا علي راسه محاولا تخفيف هذا الالم ليكمل عمله
لينتهي الدوام ويعود هو وسمرا الي المنزل
لتقول سمرا عند دخولها وهي تجلس علي احدا الكراسي : ااه تعبت أنا مكنتش اعرف ان الشغل صعب كدا
ليبتسم هو بسخريه : هو مش صعب انتي اللي مش قد الشغل
سمرا باستنكار : أنا مش قد الشغل ، أنا مفيش حاجه بتصعب عليا هو بس عشان اول يوم
ادهم بضحك : انتي بتسالي وبتردي علي نفسك
لتهم سمرا بالرد عليه لكن يقطعها رنين هاتفه
ليرد ادهم علي المتصل الذي لم يكن غير والد سمرا
ادهم : اهلا ياعمي ازيك
محمد : أنا الحمدلله يابني انت عامل ايه وسمرا اخبارها ايه
ادهم وهو ينظر لسمرا : أحنا كويسين الحمدلله
محمد : يارب دايما يابني ، المهم أنا مستنيك انت وسمرا بكره علي الغدا ومش عايز اي اعذار ماشي
ادهم : ماشي ياعمي
محمد : سلام
ادهم : سلام
سمرا : بابا كان عايز ايه
ادهم : باباكي عازمنا ع الغدا بكره
سمرا : آه ، أنا هدخل انام بقا تصبح علي خير
ادهم : وانتي بخير
ليذهب كل منهم الي غرفته لينام
_____________________
تجلس امام التلفاز تشاهد احدا البرامج بتركيز ليجلس هو بجانبها قائلا : هتفضلي كدا لحد امته
رانيا بدون ان تنظر اليه : كدا اللي هو ازاي
باسم وهو يغلق التلفاز لتحاول رانيا الاعتراض ليوقفها قائلا : سيبك من دا دلوقتي انتي هتعملي اي مع ادهم مهو أحنا مش هنسبهم وبعدين هما دلوقتي متزعلين من بعض وضرب الحديد وهو سخن بيجيب نتيجه فاي الضربه الجايه
رانيا : مفيش اي ضربه جايه أنا قولتلك اني مش هعمل حاجه ليهم وهسبهم فحالهم
باسم : هتسيبي الملايين تروح لوحده زي دي
رانيا بابتسامه : آه
ثم تاخذ جهاز التحكم لتشغل التلفاز وهي تقول : اياك تعمل حاجه ليهم أو تقربلهم لان ساعتها هانسه انت مين فاهم
باسم : ماشي ي رانيا اللي مش هعمل حاجه ، انا ماشي
لتؤمي له رانيا وهي تعود بتركيزها لشاشه التلفاز
(نهايه الفصل)
اسفه جدا علي التاخير دا كلو بس الفون كان بايظ ولسه شغال امبارح فاسفه جدا
وكمان مش هعرف انزل الفترة دي عشان الامتحانات بتاعتي وأكيد انتو كمان عندكو امتحانات ومش هتقدروا تقرو حاجه أنا هخلص امتحانات يوم 18 وهبقي انزل بعديها
دلوقتي قولولي اي رايكو فالفصل واعملو فوت وفولو ☺️
