part 1
"مقتبسة"
"الخيانه مش مقتصرة عالرجالة وبس، اوقات الراجل يكون في موقف المنخان يلتعب بقلبه وينظلم من اكثر انسانه حبها في حياته.بس وقت يكون الراجل في الموقف هدا كيف بيتصرف هل بيكون تصرفه نفس البنت او لا.! بينسى بسهولة ولا بيتعذب لأيام وايام.! بيفتح قلبه من جديد ولا بيحرم.! هي نكتبلكم على قصه صقر وشن صار معاه وكيف تصرف...."
بطلنا اسمه #صقر عمره 24سنه يقرا طب بشري وفي اخر سنه ✨
عيلته:
الاب/نور الدين
الام/خولة
عنده اختين /سادين 16سنه و راوية 30سنه"متزوجه"
وأخين/رامي20 و فواد 36"متزوج"
عمكم نور الدين عنده زوز خوت وبس
محمد الصغير
ومسعود الوسطي
"تو نعرفو قصتهم قداام"
بطلتنا اسمها #نسيبه عمرها 16سنه تقرا شهادة ثانويه ✨
عيلتها:
الاب/مفتاح
الام/صالحه
3خوات/نور،نادين،نورهان "كلهم متزوجات"
اخ واحد/ياسر
"الرواية بتكون عالسان الابطال كل شخص بيحكيها من وجهة نظره وانتم متابعه طيبه"
_____________________________
صقر ✨
كنت واقف على رجليا بس حاس روحي متحطم من جميع النواحي منتهي،لاقلبي راضي يوقف وجع،ولا عقلي راضي يصدق انه حب حياته قدامه وتقوله هكي.
عايشه:حقي نشوف حياتي اني لأمتا بنستناك
انا:شن مزالي انا اخر سنه ونحصل خدمة في اي عيادة ونتزوجو عيوشتي مادمريناش
عايشه:اوووف انا تعبت رهو وفديت عمري 22وماما تبيني نتزوج شن بنقوللها نستنا في الطالب
انا:طالب! ماكانش هدا كلامك زمان لما حبيتيه الطالب
عايشه:قتلك تقدملي اعطي فيا كلمة بس
انا:امي رافضه قالت لين تتخرج
عايشه:خلاص امك حرماتك من حبك
انا:يعني
عايشه:بصراحه نبي نأمن مستقبلي ومستقبل صغاري انا نبي راجل مرتاح ماديا انت زي ماشايف قاعد يادوب حطيت رجلك في الدنيا وانا ماعنديش خلوق ولا طاقه نتحمل ونكافح معاك
ماقدرتش نعبر على كميه الاهانه والذل اللي سمعتها منها ومالقيتش كلام نرد بيه 💔💔
عايشه:ربي معاك وياريت تنسا اللي بينا بسرعه
اي عافكرة حناك اعجبت بيا هلبا وكلمت ماما باش تاخدني لمحمد لوسمحت ماديرليش مشاكل في حياتي
شفتلها نظره اخيرة وهيا ابتسمتلي بكل بساطه بعد السكاكين اللي غرستهم في وسط قلبي ومشت......
فقت من ذكرياتي على صوت الباب لما انفتح وحسام اللي خش وحتا قعمز قدامي
حسام:ها وين كنت سرحان حتا التخبيط مارديت عليه
لبست نظاراتي الطبيه وشديت ملف قدامي نقرا عالحاله:ولا شي شويه ذكريات
حسام:امتا بتنسا
ابتسمت:ومن قالك مانسيتش لكن احساسي وقتها مستحيل ننساه ياصاحبي ولو يفوتو مليون سنه
خسام:تكرها
سكرت لملف وشفتله:لا،ولا نحسلها في اي شي سبحان اللي زرعها في قلبي بكل قوة وثبات ومسحها كأني ماعرفتهاش في يوم
حسام:دعيت عليها!
انا:دعواتي اللي مرافقتني من يومها لليوم "اللهم اجبرني جبرا يتعجب له اهل الارض والسماء" "حسبي الله في من ظلمني"
حسام:ربي حايعوضك والله لانه قلبك ابيض
اتكيت عاظهر الكرسي:اني نستنا وكلي امل ❤️
"الحديث اللي صار بين صقر وعايشه كان قبل 5سنين يعني هوا يذكر بس"
____________________________
خولة ✨
تنهدت وانا قلبي محروق على ولدي اللي متغرب ليه سنين بالي ديما مشغول عليه ومايوم ارتحت من لما سافر عارفاته ماشي وقلبه مكسور وهارب 💔
سادين:ماما الووو
خولة:نعم
سادين:غير وين سارحه حتا كانك صغيره نقولو تحب وتفكر في الكبيده 😉
خوله:خزي عليك ياقليله الربايه شن تبي جايتني
سادين قعمزت جنبها:استحشت صقر كلميه قوليله يجينا حتا زيارة بس مش معقوله ليه سنتين ماجاش هنا 😔
خوله:على عينك يابنيتي كل ما يتصل بيا نقوله روح ياسر غربه هوا شي
خشت عليهم راويه قايمه سفرة القهوة:انا من راي تزوجيه يمى ولدك مش رح يثبت الا بمرا تعقله خوديله وحدا كبيرة ورازنه تخليه يشد بلاده
سادين:صح ياماما هي ندوروله
سكتت وانا نفكر في كلام بناويتي مزبوط مافيش من يعقل الراجل الطايش غير مرا تقدره لكن من وولدي بيطاوعني ويروح ولا يدير مافي راسه
__________________________
نسيبه ✨
زي عادتي كل يوم مستمتعه بنووم عميق لين تقطع عليا صرخات نبع الحنان
صالحه:تي والله كان ماتنوضي يافرخه نهارك اليوم
انا:ياماما حرام عليك خليني نغيب اليوم بس
صالحه:نووضي قلت مزااال والله اسقطي خلي يديروني الناس مضحكه ويقولو بنت صالحه سقطت 😒تحركي لمدرستك هيا
حدفت الغطا من عليا ونضت:ماتنسيش انك وعدتيني نكمل الثانويه ونقعمز
صالحه:بهي غير انجحيلي بس
خشيت ندوش وانا طايرتلي طبعا مانحبش المدرسه واكتر مكان نكرهه مستمره لتوا بس لانه ماما وبابا يبوني نقرا بس واعديني انه الجامعه تكون باختياري لو مانبيش نقراها عادي انا اخر العنقود في الحوش عندي 3بنات اكبر مني تزوجو الكلبات وخلوني شغاله في الحوش وعندي خو متزوج حتا هوا ساكن فوقنا ومرته تدوي هلبا 😣لكن طيبه ونحبها 😁
طلعت لبست عالسريع ودرت شعري اه نسيت نقلكم انا مش متحجبه كل يوم ياسر دايرلي عركه ومش معدله عليه 🤭
صالحه:اهو الفطوور واتي
انا وقفت عالطاوله ناكل في جبنه:كان تبيني ناكل براحتي رهو ماتفتحيليش سريب المدرسه
صالحه:كولي بسرعه واطلعي لبوك يستنا
طلعت رفعني بابا للمدرسه كابوس عمري 😭
استقبلتني جنان صديقتي الصدوقه وبنت جيرانا:صباحو قردوشتي اللي تكره القراية
انا:يارب تنحرق المدرسه
جنان:هبلة اليوم بيكرمو الطلبه اللي جايبين درجه كاملة في الرياضيات
انا:وبه
جنان:شن هكي مابردك تي انتي معاهم اكيد
شبحتها بنص عين وكملت نتمشا في الساحه
مستغربين من كلام جنان 😅متوقعين اني نكره المدرسه لاني مانفلحش فيها لالا غالطين انا من الاوائل ديما وعقلي ماشالله نابغه لكن مانحبش طول عمري عايشه في عالمي الوردي نستنا في فارس احلامي اللي بيسكني في قصر ويعبيه شغالات نبدا انا الامرة والناهية لكن ماما ديماتقولي لازم نعرف نطيب لانه الراجل يحب ياكل من ايد مرته
رجعت لارض الواقع لما ضربتني صاحبتي الزفته كف
جنان:ارجعي لكوكب الارض يا ربانزل الجرس رن
🙄:استغفر الله هي امشي قدامي
فات يومي زي اي يوم قبله ممل وقريب نرقد في الفصل 😣 وفي الاستراحه كرموني انا و3طلبه لانه ديما درجاتنا مسكره في الرياضيات عااساس يعني هالانجاز 🙂 وبعدها روحت
وصلت للحوش لقيت عندنا صاحبة ماما اللي تعرفت عليها في المستشفى زماااان لما كانت حامل بيا 😅
السلام عليكم
ماما:مرحبتين بنيتي تعالي سلمي......
_______________________________
صقر
كملت حالاتي وخشيت مكتبي نرتاح 😴 اليوم تعبت بكل بس طبعا مستحيل تكمل معاي
خبط الباب وانفتح كنت عاطي بالظهر بس عرفت اللي خاش من الدقات عالباب 😪
سهير:مساء الورد
تلفتت:مساء الخير دكتورة كيف الحال
سهر:بخير وين اليوم من المكتب ماطلعتش الا للعمليات
صقر:عندي شويه خدمة نبي نكملها
عزمت روحها بكل وقاحه وقعمزت:نقدر نساعدك لو مافيش مانع ونشربو قهوة مع بعضنا 😊
صقر 🤦♀️:انا شربت قبلك اطلبي لروحك لو تبي
الحمد لله امي انقضتني منها واتصلت"
صقر:بعد اذنك عندي مكالمه عائلية
سهير:اي طبعا خود راحتك نتلاقو وقت ثاني وطلعت تنفخ 😅
فتحت الخط وانا عارف بناخد محاضره طويله:ايوا
خوله:بهي اللي سمعنا صوتك
صقر:كيف حالك ياامي
خوله:من ربي بخير شن حالك انت
صقر:الحمد لله كيف حال بوي والشباب والبنات
خولة:خوتك وخواتك مستاحشينك قداش ليك ماجيت ولا دورتهم وبوك قال مش مكلمه لين يروح
صقر تنهد:تو نجي ياامي عندي خدمة
خولة:اسمع انا موال الخدم هدا كليت كبدي بيه انا نبيك تروح هنا زي خوتك نزوجك ونتهنى عليك
صقر:زابط انا مواضيع الزواج لازم منها في كل مكالمه
خولة:شن قصدك يافرخ
صقر:قصدي انسيه الموضوع امي بتقعدي شاده فيه هكي مش حانروح
خوله:بهي مالا على كلامك هدا عندك شهر ياصقر وماتروحش غاضبه عليك دنيا واخره وحارمة عليك جنازتي ياولد بطني
كيف بنفتح فمي سكرت عليا استغفر الله وخلاص. 😓
______________________________
نورالدين:خير مادرتي
خوله:مالا نخليه ولدي ضايع في بلادات الاجانب
نورالدين:ومن ناويه تاخديله
خوله:قعدا نشوف في البنوت خليه يروح هوا وعارفاته صقر راسه كاسح مش زي باقي خوته توا بيديرلي في الرز عظام ويحط شروط تعجز
نورالدين ضحك:وانتي قده ياخوخه
خوله:قده يا حاج 😌
سادين:بايته انتي قصدك! 😏
راوية:وخيرني مانباتش حوش بوي يافرخه
سادين:ولدك لوحيه عليا غادي اهو قتلك
رائد"ولد راوية":وعلااش 🙄
سادين:شوفي كيف يقلب في عيونه الدراه هدا
رائد:غطي وجهك وارقدي كان مش عاجبك
سادين:ياقليل الادب انا خالتك
راوية:خلاص حبيبي عيب
رائد:به ماما اسف خالتو 😇
سادين: 😒😒
__________________________________
كنت نتفرج عافيلم. ناكل في شكلاطه مزاجي رايق لين اقتحمت امي الدار 🤦♀️
صالحه:شن تصنعي
نسيبه:نتفرج ياماما
صالحه:شن رايك تنوضي نعلمك شويه حلويات
نسيبه:لا خليهم الجمعه
صالحه:بهي بنيتي براحتك
نسيبه:شن فيه ماما عارفاتك عندك موال تبي تجلطيني بيه
صالحه:مافيش شي قريتي دروسك
نسيبه:ايه قريت
صالحه:موفقه
نسيبه 🙂
خشت ايلان:عمتو عمتو
نسيبه قامتها:ياعيون عمتو تاحشتها بنتي
ايلان:حتا ني 😍😍
نسيبه:خيرك مانزلتيش لحنينه اليوم
ايلان:مشينا لاميمه توحه
نسيبه:اها
ايلان:نبي سطلاته
نسيبه:اونها على السرير خودي اللي تبيه وتعالي لحضني جري
ياسر باس ايدها وقعمز:كيف حالك يمى
صالحه:الحمد لله وليدي
ياسر:خيرك شن فيه
صالحه:اليوم.......يتبع ✨
_________________________________
#شكرا_لخذلانكي ✨
