part5
"مقتبسه"
عيوني تعبو دموع وتلفتت عالجنب مانبيش حد يلاحظني
خوله:وراس بنيتي ماتبكي الله غالب مشا مع صحابه ماقدرش يعتذر
مالقيتش شي نرده عليها وانا عارفه انها بس تحط في اعذار باش مانضايقش وتلم القصه
سادين:تعالي نركبو فوق شويه
قعمزت عاسرير وخلاص دموعي نزلو
اريام:لا عاد معقوله تفسدي مكياجك عاخاطر صقر المعفن
نورهان:معليشي حبيبتي الغايب عذره معاه
انا:بنسألكم وجاوبوني بدون كذب
سادين:شنو
انا:خوك مايبينيش!
سادين سكتت
اريام تحاول تلفق:هوا كان يبي يأجل الزواج لكن عمي ضغط عليه يتزوج توا هدي هيا كل القصه وانتي مش رافضك نهائي تي وين يلقا عسل زيك هيا امسحي دموعك عاخاطري
قعدو يقنعو فيا ننزل ثاني وبعد جهد جهيد وافقت ونزلت
دخلو البنات السوابيت شفتلهم كلهم حاجات غاليه وراقيه ومغلفات بطريقه تهبل لاحظت بينهم بوكس ابيض مغلف زيهم بس مااهتميتش
خوله:اول مايروح يجيك يطلعك ويتأسف منك
انا:ان شالله
لبستني الدبله ومعاها طاقم وساعه قعدو شويه وروحو
صالحه:ربي يهنيك
كوثر:الف مبروك نوسه
انا بدون نيه:الله يبارك فيك بنركب نغير ونرقد
نور:نوم شنو بنسهرو مع بعضنا وتعطينا من اللي جابه خطيبك ولا بتاكليه بروحك
انا بدون نيه:خوديه كله مانبي شي
نادين:غير تعالي شوفي البوكس هدا شوره هديه خاصه
نورهان جابتهولي:اركبي افتحيه بروحك والباقي تو نرتبوهم في دار نور قبل
خديته وركبت وانا مكتئبه دموعي ينزلو بروحهم غيرت ومسحت المكياج قعمزت نتفرج عالبوكس ونفكر شن بيكون فيه جبت مقص وفتحته لقيت فيه "قفطان اسود طلعته من مكانه حطيته عالسرير اقل مايقال عليه تحفه معاه كندرة وشنطه وهاتف جديد ومعاهم ورقه صغيرة "
علقت القفطان اللي خدي مكان في قلبي وفتحت الورقه
"مانذكرش في شكلك نهائي،، و ذاكرتي ماجابت شي يخصك، بس مره شفتك بالظهر ومانعرفش علاش القفطان هدا حسيته ليك انتي وماينفعش تلبسه غيرك،تقدري تسامحيني؟
صقر"
قطعتها وحدفتها من الشباك:يعني هوا عارف وواعي للي قاعد يدير فيه بس مصر عليه حتا لو يجرح فيا 💔
____________________________________
بعد اسبوعين
الساعه 11الليل
مقعمز ندخن ونفكر الوقت بدا في العد التنازلي اسبوعين بس ونتزوج نقرا فاتحه علي بنت مانعرفش شكلها لو توقف قدامي مش حانعرفها لابس دبلة مانعرفش صاحبتها قاعد نوتي في حوش لبنت ماعندهاش في قلبي ولا شعور، يارب فرج
طلعو البنات من حوشي اللي كانو يفرشو فيه
سادين:عقبالي ياحنه
اريام:خرفي
مرام"مرت فؤاد":مبروك ربي يهنيكم
هزيت راسي وماخاطريش نفتح فمي
اريام قعمزت جنبي:احكي
ابتسمت ونفخت دخاني:ماحد فاهمني غيرك
اريام:رغم اني فاهماتك وعارفه احساسك كويس بس اللي دير فيه غلط ياصقري
انا:مش قادر
اريام:حاول واجبر روحك انت خلاص انحطيت في الامر الواقع وبعد ايام بتبدا مرتك،وقتها بتنجبر تتعامل معاها
انا:اوووف
اريام:لو شفتها يوم بيانها رهو حسيت قداش انت غلط وقداش ظلمتها البنت صغيرة ماتعرفش اللي صار معاك ماتعرفش غير انها شافاتك في صور وحباتك تبي خطيبها تبي تعيش فتره الخطوبه معاك زي باقي البنات حقها ولا!
انا:حقها وعارف لكن
اريام:بهي تشوفها
انا:وين
اريام:نوريلك صورتها توا وبكرة بنطلعو باش تقيس الفيللو عالتغييرات ارفعنا انت
انا:هاتي صورتها
اريام قعدت تقلب في هاتفها:ها شوف غزاله والله
ماقدرتش نشوفلها فجأه حاوطتني كل ذكريات عايشه وكلامها يوم سيبتني رجعت لنقطه الصفر اني مانبيش نفتح قلبي لحد دفيت الهاتف ونضت طلعت
اريام تنهدت:ربي يهديك
___________________________________
نسيبه ✨
كنت حايسه في البتات والتجهيز للعرس نروح من المدرسه طول نتغدا ونطلع هلكت في الشهر هدا وزدت ضعفت خطيبي كالعادة مختفي نشوف فيه صور بس
كنت مقعمزة نراجع في دروسي باش مايتراكمش عليا المنهج لين خشت عليا
نورهان:صقر في المربوعه يبيك
انا:بجديات
نورهان:ايه هي غيري وانزلي
نطيت وانا فرحانه غيرت درت لمسات وحطيت عطري ونزلت نجري
خشيت لقيته مقعمز وراسه لوطه
انا:السلام عليكم
قام راسه وشافلي:وعليكم لسلام كيف الحال
انا هايمه في طوله وريحته:الحمد لله وانت
صقر:قعمزي
قعمزت وهوا جي قدامي عالطاوله
صقر شد يدي وضغط عليها:حاولت هلبا هلبا،،كل يوم نقول امشيلها شوفها لكن ماقدرتش عقلي سيطر عليا وماقدرتش ولا رح نقدر نستمر يانسيبه
قعدت نشوفله وقلبي خايف
نحالي دبلتي ونحا خاتمه:اسف احنا مش لبعض
انا:لا بالله عليك ليش تخلي اهلك يخطبوني من الاول مدام ماتبينيش
صقر وقف وتعصب:وانتي ليش توافقي ولا تبي راجل وخلاص هبله بتسيب قرايتها ورابطه حياتها براجل هه حكايه فارس الاحلام اللي بيجيك عاحصان ابيض قديمه ياحلوة فيقي دفني وطلع
انا قعدت نبكي بقوة وبعدين عيطت بأعلا صوتي ومعاش حسيت الا بماما تفيق فيا
صالحه:بسم الله عليك يابنيتي خيرك
نضت لقيت روحي نحلم واااخ عالشعور اللي استوطن في قلبي والخوف اللي سيطر عليا من وقتها وانا كل يوم يزيد توتري وفرحتي انطفت بديت نجهز وايدي عاقلبي انه في اي وقت يلغي العرس 💔💔
________________________________
محمد ✨
كنت مع الشباب مقعمزين في الجنان روحت بناخد فلوس خشيت للدار لقيتها تبكي:شن فيه
عايشه مسحت دموعها:شي خيرك جيت
محمد:سؤالي واضح خيرك علاش تبكي
عايشه:شي استاحشت بابا
محمد:بابا بهي ونمشوله وين اللي يبكي في الموضوع
عايشه:شي
محمد:دلع نازل عليك هاليومين
عايشه حضنتني بقوة:مهو نحبك حمادي
بستها وبعدت:وحمادي يحبك خيرك مامشيتي للعيله
عايشه:علاش شن يديرو
محمد:بكري خوله قالت بدير حلويات لكن توا خليتهم حاصلين عالعريس
عايشه:امم بهي توا نغير ونمشي هي
محمد:عسل مديلي فلوس من الخزنه بنطلع
عايشه:اوك
_________________________________
يوم الفاتحه ✨✨
lole
من الصبح العريس والعروس قلبهم مايعلم بيه الا ربي
صقر واقف عالمرايا يلبس في الزبون:يارب
خشت خوله:سلم وليدي العريس
صقر:عريس بالغصب 🙂
خوله:غدوة تشكرني وتبوس ايدي عليها
صقر:تو نشوف
خوله:هي اطلع بوك وعمامك يستنو
تنهد وطلع لقا الحوش زحمه
اريام:يامبرووك عليه زبونه وافتكينا من صابونه 👏👏
سادين:يامبرووك عليه الشيخه وافتكينا من تكشيخه 💃💃
رامي:اهبلي انتي وياها امتا روحلكم هوا باش تتعبو من صابونه
فؤاد:هيا ياصقر وقت
طلع وفي كل خطوة يحس روحه يزيد ينخنق اكثر
اما عند عروستنا اللي شادتها بكي من الصبح وخوفها خلاص بدي جزء منها
نورهان:حرام عليك ماكفتلكش دمعه علاش هدا كله
نسيبه:بيسيبني تو تشوفي مش حايقروها الفاتحه
نور:ياودي انتي خايفه بس مش حايسيبك اطمني
نورهان:عاخاطر امك امسحي دموعك والله امس مارقدت
نسيبه:وين بابا
نور:مشا للجامع مع ياسر
نسيبه:باه
خشت جنان:حبيبت قلبي بتتزوج
نسيبه حضنتها وزادت تبكي
نورهان 🤦♀️
اما بعيد على كل هذا شخصين غارقين في الحب ومش مدورين حد برا في الجنان ورا الحوش
معتز حاضنها ودافن وجهه في رقبتها:مستاحشك فرختي قداش ليا ليله نرقد بلا حضنك
نادين تلعب بشعره:ياعمري ماقدرتش نخلي ماما ونوسه مضايقه بكل
معتز:وعلاش مضايقه تو توصل صقر ويدلعها عالمزبوط 😉
نادين:صايع
معتز:وانا امتا تروحلي عروستي
نادين:اكيد الجمعه ياقلبي
معتز:وراسك ماصارها غدوة بنروح بيك للحوش طول
نادين:نفكر
معتز:فكري وعارفك ماتزعليش حبيبك
نادين خشت حضنه:استاحشتك توزي
معتز:ياروحه وقلبه انتي 😘😘
_________________________________
الساعه 2 ✨
رن هاتف صالحه وفي نفس الوقت رساله عاهاتف نسيبه
صالحه:الو
مفتاح:قريناها مبارك
صالحه سكرت وبدت تزغرط:مبروك بنيتي مبروك
بعد فضت الزحمه ركبت لدارها فتحت الرساله لقتها من رقم"مبروك "
نسيبه:متعب روحه 💔
صقر خش للحوش جوه امه وخواته يباركوله
اريام ضغطت علي ايده:توا بتمشي لمرتك ولا
صقر:شنو
خوله:واخدتلها خاتم ذهب ارفعه وامشي شوفها
صقر:مش ماشي غدوة مروح بيها مافيش داعي
خوله:ياولدي
صقر:خلاص ياسر اللي تبيه وصار تمت القصه لهنا وماحد دخله باللي نديره
سيبهم وركب لداره يغير
سمع الباب يخبط:خش
خشت وسكرت بالمفتاح:حبيبي
صقر تلفت:انتي شن ديري هنا
عايشه: معقوله تاخد غيري
صقر ضحك:لا يامظلومة ياللي خنتك وكسرت قلبك
عايشه:نحبك وعارفني ماخشش قلبي غيرك
صقر قعمز عالكرسي:ايه بهي استمري
عايشه:طلقها وانا نطلق من عمك ونتزوحو معاش نقدر نعيش بعيد عليك لما كنت مسافر صابره بس اول مارجعت حبي ليك رجع وكبر اكثر مانبيش وحدا غيري تقرب منك
صقر:مش عارف كميه الحقاره اللي فيك كيف ماكنتش مركزلها قبل بس يلا ربي كرمني وبعدك عليا عقبال عمي يعرف حقيقتك
عايشه:شن قصدك
صقر:قصدي وخري قاعدة تغلطي
عايشه:بس انا نحبك
صقر فتح الباب وطلع
_____________________________________
تسريع للاحداث ✨
الساعه 12 الظهر يوم الحفله
مقعمزه في المزين نستنا في دوري ونتفرج علي حنتي اللي طلعت حمرا
نورهان شدت يدي وباستها:هونيها تهون وخيتي
انا:خايفه
نورهان:من شنو
انا:يسيبني
نورهان:ولو سيبك
قلتلها بضعف:حبيته
نورهان ضحكت:خيتي سلمها المتحشمه
انا:باردة
جت المزينه:هيا ياحلوة دورك
قمت هاتفي وقلبي خلاني نكتبله رساله الاصح رجاء انه مايكسرش قلبي بعتتله"ماتكسرنيش ياصقر" قفلته وعطيته لناني حطيت كل موضوعي في ايد ربي وتوكلت عليه.
________________________________
صقر ✨
جوني صحابي من الصبح ومشينا لاستراحة حسام كلهم كانو مبسوطين يضحكو ويهدرزو الا انا في عالم بروحي شي يقولي. خود تذكره سافر وخلي يصير اللي يصير في نفس الوقت قلبي مانعني ومخليني نكمل
فات الوقت بدون مانحس بيه نقصت شعري شويه ولحيتي خليتها زي ماهيا لبست بدلتي وبعد اذان العشا طلعنا
نسيبه ✨
روح بيا ياسر من المزين لبست في الحوش وطلعت للصاله دخلوني ماما وعمتي لدار العروسه وانا نرعش كل شويه نشوف للساعه
اريام:اهدي خيرك بتعرقي مكياجك يسيل
انا:بيجي!
سادين:اكيد
نورهان:بتخش المصورة تاخدلك لقطات عاخاطر البث اهدي وماتوتريش روحك
طلعو البنات وخلوني نصور
نادين:اسمعو خوكم شن وضعه بيجي الليله ولا عرس عالابيض
نورهان:اسكتي عيب
نادين:لا عيب لا غيره هما عارفين البير وغطاه كان نضحكو على نسيبه بكم كلمه فاهدا لانه مانبوهاش تخاف لكن كلنا فاهمين انه رافض الزواج وقاعد يتهرب من اختي سادها اللي صار من اول خطبتها
اريام:اللي قلتيه كله صح لكن هوا ماسيبهاش وان شالله حايجي اليوم ويكمل العرس عاخير واحنا مانتمنوش الشر لنوسه عارفين غلاوتها عندنا
نادين:مانعرف شي غير انه لو خوكم ماجاش اليوم وكسر لاختي فرحتها مستحيل نسكت ونبكيه بدل الدموع دم
سادين:تهددي فينا ولا شنو
نادين:بعد تنحطي في موقف اختي نشوفو راويه شن دير
نور شدت اختها وبعدتها
نورهان:اسفه امسحوها في وجهي يابنات
اريام:ولا يهمك عارفين موقفها ومقدرينها
سادين:تخيلي مايجيش
اريام:تفائلي خير وفكينا
كملت التصوير وقعمزت بدي العد التنازلي وقلبي بيطلع من مكانه...........
صقر ✨
بعد دارو بيا الشباب دوره وجايبين مصور يكمل في فيديو العرس مشينا للحوش خديت السيارة وطلعت ماشي للصاله وقفت في نص الطريق ومش عارف نلف ونرجع ولا نكمل......
نسيبه ✨
خشولي البنات كلهم وساد الصمت شادة هاتفي في ايدي فاتحه عالساعه كل دقيقه تفوت نحس قلبي يوجعني......
صقر ✨
فتحت هاتفي علي رسالتها قريتها قريب 100 مره وقلبي مش مريحني انقرت فاتحتنا بس حاس انه مزال عندي سبيل نسيب كل شي ونمشي.......
نسيبه ✨
وصلت الساعه 10 قمت راسي شفتلهم كلهم ولا وحدا فيهم وجها طمني كلهم خايفين والتوتر سيطر عليهم اكثر مني وقفت عالشباك خديت نفس عميق وتلفتت
انفتح الباب و.........
صقر ✨
فكرت لين صدعت وفديت ولعت سيارتي وانا واخد قراري وخلاص........
نسيبه 😢
صقر 💔
يتبع
___________________________________
#شكرا_لخذلانكِ ✨
