part11
"مقتبسة"
ايلان:عمو راجل نور
وقفو مفتاح وياسر
صالحه:بلا مشاكل بالله
طلعو للمربوعه
مفتاح:تفضل
عبدو ماقالش كلمه ولا قام راسه بكل
عصمان:راسي منك في الوطا يارفيقي وماعارف شن نقولك
مفتاح:ان شالله راسك مايتواطى ماعليك لوم
عصمان:عمله ودارها الولد وجايين نصلحوها اللي تبيه كنتي انا فيه
مفتاح:نبي نسمع منك يانسيبي
عبدو:ياعمي والله غلطه شيطان ولعب في دماغي ووعد نصلحها غلطتي انا نبي مرتي وصغاري
مفتاح:من امتا متزوج
عبدو:سنه
مفتاح:ماشالله سنه وبنتي راقده على وذانها بالك منقصه عليك حاجه؟
عبدو:لا بنتك مافيش زيها وماعمرها قصرت في حاجه ولا نقصت شي قايمه بحوشها خدمتها وصغارنا ماعمرها هملتهم بس انا الغالط شيطان وزني نتزوج والبنت وعدتني يقعد كل شي سر وانا قلتلها يوم تسمع نور رح نطلقك دارتها وانا طلقتها وامس مشيت ثبتت الطلاق في المحكمه
مفتاح:يعني شاري مرتك وصغارك
عبدو:ايه
عصمان:بنجيب رجاله واللي تشرطوه احنا فيه
مفتاح:انا يوم جيتني وطلبت بنتي قتلك هيا ليكم ومانردك بكل واثق في تربيتك وعارف ولدك يصونها لكن هدا مايعنيش اني لوحتها ولا مانوقفش معاها وقت الجد انت غلطت وانا دموع بنتي مش شويه عندي ياعبدالحكيم
عصمان:عندكم حق في كل شي بعد اذنك يامفتاح ناديهالي نبي نحكي معاها ونسمع منها
مفتاح:برا نادي اختك وقلها تجيب الصغار لبوهم وجدهم
لحظات وخشت نور
عبدو قام راسه شافلها كانت ذابله عيونها متورمات ووجها احمر انقهر ولسانه انعقد
بلفيس نقزت في حضن بوها:بابااستحشتك
عبدو:حتا اني ياروحي
بلقيس:بنروحو
عبدو:كيف تبي ماما
بلقيس:ماما تبكي
سكت معاش عرف شن يرد عليها
عصمان:كيف حالك يابنتي
نور:الحمد لله عمو كيف حالك انت وصحتك
عصمان:الحمد لله نعتذرلك. عالعمله اللي دارها
نور:حاشا قدرك
عصمان:راجلك يبيك ومش مفرط فيك انتي وصغاره وكان على هاديكا طلقها وطلعت من حياتكم
نور:بس هوا ياعمي خاني وكسرني
عصمان:عندك حق عاقبيه كيف ماتبي
نور:انا نبي نطلق
عصمان:وصغاركم يقعدو هكي بيناتكم معلقين تشوفي فيهم قداش متعلقين بيه بهي واطلقتو الحضانه ليك بيصبرو انه يشوفو بوهم كل نهاية اسبوع
نور سكتت
عصمان:خودي راحتك توا هنا وفكري كويس وبعدين اللي تطلبيه نديرهولك انا
عبدو:بوي
عصمان:اسكت وريحني
انسحبو الكل وخلوهم بروحهم
عبدو قعمز جنبها شد يديها وباسهم:وغلاوت صغارنا روحي معاي يانور راني بلا بيكم مدمر
وخرت ومسحت دموعها:انت درت فينا هكي انت السبب في كل دمعه نزلت من عيوني ومن عيون صغارك وهما يبوك مافكرتش فينا لما مشيت تزوجتها ماحسبتش حساب يوم نسمع فيه وشن بيصير
عبدو:مافكرتش وربي مافكرت حمار حمار
نور:تحمل نتيجه افعالك
عبدو:شن تبي نديرلك نسافرو نبيعو الحوش ونحولو نسيب خدمة وننتقل لفرع ثاني اللي تبيه نديره
نور:مانبيش شي غير تخليني في حالي بس
عبدو:مرتاحه انتي
نور:وين نشوفها الراحه وصغارك مايرقدو الا بالبكا وفي جمله نبي بابا
عبدو:روحيلي بهي وريحيهم
نور:لا وياسر عاد
عبدو:اخر قرار هدا
نور:ايه
حضن ولده اللي رقد وشم ريحته:تمام اللي يريحك نديره حتا لو فيها موتي يانورتي
باس على راسها وطلع
______________________________________
رن هاتفه للمرة الرابعه خداه من عالمكتب وفتح الخط
محمد:ايوا
عايشه تبكي:حبيبي حمادي
محمد:اها
عايشه:مااشتقتلي بكل
محمد:شن تبي
عايشه نبي نروح لحوشي وعد نديرلك اللي تبيه بس روح بيا
محمد:بعد تتعلمي كيف تبدي مرا تقيم حوشها تو نروح بيك
عايشه:والله نتعلم وقلت لماما تعلمني
محمد:به
عايشه:بهي نقول لخوي يروح بيا
محمد تنهد وفي باله ممكن لو يزيد يقرب من عايشه ينسا البنت اللي واخده عقله:بنكمل خدمتي ونفوت عليك نلقاك واتيه
عايشه ضحكت:اوك ياقلبي نستنا فيك وتو نجيب غداك معاي
محمد بدون اهتمام:تمام
كمل شغل وعالساعه 3طلع اتجه لحوش نساباته رن عليها:اطلعي تالف وماعنديش جهد ننزل
عايشة:هي
لحظات وطلعت تجري لابسه احلا ماعندها
ركبت السيارة باساته عاخده ورقبته:استاحشتك
محمد حضنها:حتا انا
عايشه:اليوم انا طيبت ودرت رشدة
محمد:تو نروح ونذوق
شدت ايده:نحبك
محمد:وانا
وصلو للحوش شافت الزحمه
عايشه:شن فيه
محمد:مرت صقر كانت في مستشفى ومروحه اكيد عيلتها هنا
عايشه ابتسمت:امم بعدين نمشيلهم
محمد:هي هي انزلي خلي نتغدا
رامي:عمي
محمد:نعم
رامي:الغدا عندنا رهو
محمد:اعفيني توا تالف بكل العشيه نجيكم وخلولي حصتي
رامي:تم
خش للحوش
عايشه:هي دوش لحد ماسخنته
وقف تحت الميه المسقعه وعقله يرفع ويجيب:يارب نسيني فيها وامسحها من حياتي خلاااص تعبت خبط ايده في الحيط بقوة
عايشه:حبيبي
محمد:المنظهر يسهف ان شالله الطعم زيه
عايشه:كول
قام كاشيك
عايشة:شن
محمد:عسل 😘
شدت يده تألم:شن هدا خيره ايدك حمرا
محمد:شي ماتركزيش
عايشه:تغدا بعدين تو نديرلك مرهم
هز راسه واستمر ياكل
اما عايشه فاكان الجسم مع راجلها بس العقل والتفكير مع صقر
كمل محمد غداه:يسلمو ايديك
عايشه:صحتين ياروحي نديرلك شاهي
محمد:لالا بنرقد كملي وتعالي
عايشه:حاضر
_____________________________________
بعد ساعات في حوش العيله
خولة:مرحبتين بالغاليه
حضنو بعض هيا وصالحه ساعتين يسلمو
اريام:كيف الحال
نورهان:الحمد لله شن اخبارك انتي
اريام:بخير بست ياسمحه تعالي
نسيم:نلا
نورهان:عيب ماما بري سلمي
صالحه توشوش:شن حالهم
خوله:لا باهيين بعد كلامك تعدلو اليوم مروحين قارنين الرووس
صالحه:الحمد لله عوينه وجت فيهم
خوله:ربي يهنيهم
صالحه:مالا قعدا ماجتش هنا
خوله:لالا قلنا بالك راقده تو تنوض براحتها وتجي
اما عند العصافير
صقر كان حاصل عليها:مانبيش نمشي انا ولا نعتب برا الدار اصلا
نسيبه:حرام عليك يستنو فينا اكيدة ماما جت
صقر:تو تهدرز مع امي
نسيبه:نبي نشوف خواتي حبيبي 🥺
صقر:اوووف نوضي عندك نص ساعه وبعدها مش حانخليك تطلعي
ناضت تجري للحمام:مكاار
صقر حك شعره:شكلك بتحبها وبتلعبك علي صوابعها يادكتور
بعد ربع ساعه
نسيبه:هي كملت
صقر يتفرج عالتلفزيون:امسحي فمك
نسيبه:كيف شفته انت
صقر:امسحي وخففي من مكياجك
خشت زي الشاطرة دارت مكياج خفيف وطلعت:هيااا
صقر:ديريلي قهوة
نسيبه:اييي علينا انا مريضه
صقر:بخل من اولها هدا غير قالو ناشطه وحره في المطبخ 🙄
نسيبه 😦مشت دارت قهوة معاها كيكه وجابتله:تفضل
قعمزت جنبه طايرتلها
صقر بيكلمها شاف هاتفها يرن عرفهم خواتها:هي نوضي نمشو
نسيبه:اشرب قهوتك
قرب منها باسها:بعدين تعاوديهالي توا بري لاهلك
نسيبه:تبينيش نمشي
صقر:نبيك تقعدي جنبي ديما
نسيبه:وانا معاك ديما ديما
صقر:هي مالا خير مانغير راي
طلعو لحوش اهله
نسيبه:استحشتكم 😢
نورهان:كلها ايام ماشفتيناش
نسيبه:خزي نور خيرك
نورهان قرصتها:مش وقته قدام الناس
نسيبه سكتت وقعمزت تلعب في صغار خواتها
صقر سلم عليهم وقعمز جنبها
سادين:مش لازم تلصق فيها
صقر:ريحيلي روحك ولا جلدك يحك فيك
سادين:سكتت
نسيبه:خيرك عليها الا توأمتي
صقر:اشي بتوقفي معاها وتسيبي راجلك
نسيبه:توأمي 😁
صقر:بهي بعدين نتفاهمو
استمرت الهدرزة لطيفه لين قطعتها
عايشه خشت تتمايل:هااي
خوله:اهلين
سلمت عليهم
صالحه:مني هدي
خوله:سلفتي مرت محمد
صالحه:ااه بالجودة بيك
عايشه:تسلمي سلامتك ياعروسه خيرك قالو تعبتي
نسيبه:الله يسلمك
عايشه:بكري وحمادي مروح بيا من حوش العيله قالي كنتي في مستشفى خيرك شن قالولك
نسيبه:ارهاق وهبوط
عايشه:ردي بالك على روحك عاد
خشت نادين:خير
صقر:جت اختك اللي لسانها سابقها
نادين:حسك قلت حاجه نسيبي
صقر:ابدا
حضنت اختها وباستها:ختيسلمها هالقمر من خداك بعين
نسيبه:ماحد
نادين همستلها:زابطه انك مرضتي بسببه لكن على خاطرك مش حانتعارك
نسيبه:نحبك
نادين:وانا نموت فيها وخيتي الصغيرونه رد بالك منها صقر 😒
اريام:بتبدا 😅
صقر:حبيبي بنطلع انا
نسيبه:وين
صقر:صاحبي
نسيبه:رد بالك على روحك
صقر:حاضر وانتي ماتروحيش لين نجي بهي
نسيبه:اوك
وقف بيطلع
عايشة:قعمز خيرك
صقر شافلها باستحقار:انستينا عمتي
صالحه:الله يأنسك وليدي
صقر:هي نستاذن
صالحه:زينه
طلعو البنات يجهزو في الضيافه
نادين:نوسه شفتش حوشك انا
خوله:نوضي بنيتي بري مع وخياتك يشوفو حوشكم
___________________________________
علي لسان نسيبه ✨
مشينا لحوشي حسيت ندو عندها كلام بتقوله درنا وريتهم الحوش وقعمزنا في المطبخ
صبيت عصير:ها احكو شن صايرلكم
نور:شي
انا:بلا جو انتم خواتي نقرا عيونكم بدون ماتتكلمو خيرك انتي
نور نزلو دموعها:عبدو متزوج عليا
عيطنا انا ونادين:شنو 😱😱
نور:سنه كامله ضاحك عليا وانا مانعرفش ولا حسيت بيه
نادين:كيف هكي معقوله لا حسيتي بيه متغير لا ريحته لا تأخر لاشي
نور:والله مابان عليه حاجه يجي في موعده ديما وريحته اخر يومين بس لاحظتها في عرس نوسه قبل عادي انا نغسله في لبسه بيديا
نادين:حقيير من واخد
نور:حبيبته القديمه جتني لعندي تخيلو وحكتلي لا وهوا يحكيلها مدام نور سمعت وزعلت انتي طالق
انا:قصدك طلقها
نور:ايه وجي هوا وعمي اليوم يتأسفو ويبيني نروح
نادين:تروحي قهرته هالوسخ تي اكلقي
نورهان:لاا شن انتي اي شي عندك طلاق
نادين:يتزوج عليها وتقولي ماتطلقش
نورهان:وصغارها يافالحه
نادين:بابا مش حايبخل عليهم ولا احنا نربوهم احسن تربيه
نورهان 🤦♀️
انا قعدت نتفرج عليهم وخلاص
نورهان:وانتي خيرك
انا:شي
نورهان:علينا
ماقدرتش ندس اكتر حكيتلهم كل شي اصلا انا عنديش صاحبات مقربات غير حواتي
نادين:بس مافيش اي دليل يثبت انه يكلم فيها
نورهان:اي ردي بالك انتي مدام قالك انه انجدبلك زيدي تقربي منه خليه يفتحلك قلبه وماتضغطيش عليه واضح تحربته الاولى كانت سيئه هلبا
هزيت راسي وسرحت في كلامهم
نادين:معناها معتز ممكن يتزوج عليا حتا اني
نورهان:ليش
نادين:في عرس اختك ساهر مع الكلبه عبير وصلت بيهم للبوس
نور:كويس والله
ضحكت:ملاحظين انه تزوجت وانتم تعاركتو مع رجالتكم شكلي كنت مركز استقراركم 😂😂
نادين:ضمي فمك خير مانوضلك
نورهان:انا ماصارش شي معاي
نور:محلاها حياتكم هادية وراجلك مش متع الحركات هدي
نورهان:عبدو يحبك مش رح يخليك تو تشوفي بعدين اول خطوة اثبتلك بيها انه شاريك هيا طلاقه لهاديكا توا ربيه بس وانتي معتز ساحرتيه عاد كان بابا رفضه زمان رهو خطفك غلطه وصارت
انا:محلاكم وخياتي
نادين:تزوحت ودارت روحها بدت مؤدبه
انا:خزو عليكم هيا نرجعو غادي البنات بيديرو قهوة
رجعنا لحوش عمي شربنا القهوة وهدرزنا كلنا نتجاهلو في عايشه 😂
____________________________________
نسيبه:بالك تسرعي الاحداث شوية يالولي اكيد المتابعين ملو مني 🤭
lole:هي احكيلنا انتي شن صار قدام
نسيبه:معادش صار اي شي مهم انا وصقر علاقتنا تزيد تقوا حكالي على علاقته الاولى وكيف انفصلو بس ماقاليش اسمها ولا من تكون اللي مريحني انه ديما معاي
فات شهر ونص ووصلت امتحانات انا ودوسه
صقر:نوسه قلبي ياعيوني
انا من الدار:ها تعالا
خش في ايده قميص:حبيبي نتعب تكويهولي بنطلع مستعجل
خديته منه ونضت بدون كلام
صقر:بنتي زعلانه
انا:لا
صقر:مالا خيرك تتكلمي من راس خشمك
انا:شي
صقر:به شن فيه
انا:شي شي
نعرفش علاش تعصب عليا وكشخ:قلت خيرك ماتقعديش تفددي في امي 😡
دموعي عاد يدورو في سبله طول بديت نبكي
صقر:حبيبي اسف والله مانقصد اشش خلاص
عطيته قميصه وطلعت للدار
قعد يلبس وجاني باسني:اسف مش معطل عليك ونجي نرضي غزالي الزعلان بهي سلام
___________________________________
سادين كان غاطسه في القرايا ماتطلعش بكل
حست بتخبيط عاشباك دارها
فتحاته شافت حبل مربوط في الحديد:شن هدا 😕
وصلتها رساله من رقم:اجبدي الحبل بشويه
قعدت تجبد فيه كان ثقيل ولما وصلت النهاية لقت سلة مغلفه معبيه شكاليط وحلوى معاها ورقه صغيرة"نبي الامتياز دوستي موفقه 💜"
عرفت انها من معتصم دخلتها خدتلها صور حطتهم عالستوري وكتبت عليها"تزعلني الامتحانات ويرضيني اللي شاري فرحتي" خدت شكلاطه كلتها ورجعت تقرا هيا مبسوطه لانها حست بمعتصم مهتم بيها
________________________________
اما عند اريام طول الفترة اللي فاتت مبعده عالكل لاهيه بس بشغلها تحاول تتجنب فؤاد وحتا احمد اللي انقطعت اخباره مره وحده
رن هاتفها:الو ماما
سعاد:روحي توا عندنا ضيوف
اريام:عندي خدمة
سعاد:قتلك روحي مش جايين يخطبو فيا انا هما وفوتي على محل الحلويات جيبي حاجه للقهوة والشاهي
اريام:خطبه
سعاد سكرت عليها
اتصلت بسندس:اهلا
اريام:شن الجو
سندس:مليح كلماتك امك شكله
اريام:معقوله هكي تخططي وتنفدي بدون علمي
سندس:انا توا مش صاحبتك نمثل اخت العريس بس يعني تواصلي مع امك
اريام:ماشي ماشي تو نتفاهمو هي وجهك خليني نروح
سندس:اطرحي عاد جايين معاي عماتي وخالتي رهو
اريام:بهي باي
طلعت من الخدمة قضت مشاويرها وروحت
سعاد:بري الهي بروحك تو يجو بنات عمك للكوجينا
الساعه 5 وصلو الخطاب 🤗
سادين:هي انزلي
خدت اريام العصير قدمتلهم
سندس:شن رايكم في صاحبتي
خالتها:الله يبارك زي ماقلتي بالزبط غزاله ربي يحفظك
عمتها:ان شالله تكوني من نصيب ولد خوي
سعاد:طلعي لخوك القهوة
اريام مشت للمطبخ:ياربي
سادين:خيرك تخافيش والله ماتصير حاجه بعدين صقر موجود
اريام:بنموت
سادين:توكلي علي ربي
خدت القهوة وطلعت للمربوعه قدمتلهم وقعمزت جنب خوها
صقر:هي يامعتصم وطلعو
احمد:كيف الحال
اريام:تمام الحمد لله عاسلامة
احمد:متاخرة رهو
اريام:مهو ما وسكتت
ضحك:مش مشكله مقبوله منك قوليلي فكرتي كويس
اريام:امم
احمد:واكيد عندك شروط
اريام:نبي نخدم ومانبيش تقطعني من اهلي انا بنت وحدا نبي نجيهم ديما
احمد:بس
اريام:اي
احمد:بهي لو قتلك اني بنسكن مع اختي وخوي
اريام:ماعنديش اعتراض في النهاية خوتك وانت الكبير ومسؤول عليهم
احمد ابتسم وشد ايدها:هدا العشم فيك بنت اصول انا حوشي بروحي بس في سياج واحد مع حوش العيله باش نكون قريب منهم وخدمتك مستحيل نقولك سيبيها الا لو انتي تبي واهلك على عيني وراسي في اي وقت تبيهم نجيبك بس وافقي وارضي علينا يا بنت تعبتيني
ضحكت اريام و ياريتها ماصارت 🤭...........يتبع
___________________________________
تشويييق من الحلقه الجاية
احمد طالع متعصب:تي والله مايجي الكلام هدا 😡
صقر:امسحها في وجهي ياصاحبي
احمد:وجهك مش فوطة ورحمه بوي ماني فايتها ولا رح نسكت عليه اللي صار هدا وانت زابطني كويس ركب سيارته وخر وطلع بسرعته.........
اريام مقعمزة تبكي ونفسها تاخد فيه بالسيف..........
عايشه:طلقها وريح روحك وريحني عارفه قلبك معاي
صقر:انتي
انفتح الباب و.............
استنوني 😁
__________________________________
#شكرا_لخذلانكِ ✨
