part16
"مقتبسة"
نسيبه:واخيرا 😥
صقر:تعبتي مالا
نسيبه:ايه
جبدها من ايدها طاحت في حضنه:سلامتها غزالتي تو نريحك انا
نسيبه:احم مش قتلي بنحضرو فيلم
صقر:تهربي براحتك توا لكن نحصل عليك
نسيبه:ماشيه بندير بشاار 😁 اختار انت
صقر:ماشي تحصلي يانوسه
_____________________________________
معتز طلع يجري من الدار:ندو خيرك شن فيه
نادين شاده هاتفها وتبكي
معتز:خيرك ياروحي قوليلي
نادين:بكري طلعت
معتز:به
نادين:مشيت لنورهان في المختبر درت تحليل
قعمز وخداها في حضنه:اهدي قبل وكملي بالشويه عليك تحليل شنو
نادين:حبيبي بيجينا بيبي
معتز:شنو
نادين:والله 😢😍بيبدا عندنا بيبي يهبل صغيرون
نزلت دمعته:بجديات
نادين:اي اي
قامها قعد يدور بيها:اخيرا ياقلبي قداش فرحتيني ربي مايحرمني منك
نادين:نزلني معتز
حطها عالكرسي:خلاص من اليوم فيش حركه ولا ضمي ولا اي شي
نادين:خيرك انا كويسه نخلي حوشي خامر ولا شن
معتز:من غدوة يكون عندك طاقم خدم وانتي ارتاحي بس لين تجيبيلنا الاميرة السمحه
نادين:يعني برايك بنوته
معتز:اللي يجي من ربي يامحلاه المهم يجي صحيح وتنوضي انتي بالسلامه
نادين:نحبك
معتز:نعشقك يا روحي 😍
نادين:سوري حبيبي خلعتك
معتز:احلا خلعه وربي 😘😘
_____________________________________
صباحا 🌞
عبدو:خيرك يابابا علاش تبكي
نور خشت للدار:نوضك
عبدو:مستاحش حسهم في الحوش ينوضوني في اي وقت المهم جنبي
قعدت تشوفله قداش مستاحش صغاره وباين ندمان خدت منه الولد:هي تعالا افطر
عبدو:نحبك وربي
نور:شن المناسبه
عبدو:حياتي بلاك ماليهاش معنى
باسم شد شعرها بقوة
نور:ااي ياماما 😣
عبدو:هاتيه نشده منك
نور:لا خليه بنرضعه
عبدو:اوك ندوش وجاي
بعد ربع ساعه
نور:اسكتي بلا دلع
بلقيس:نبيسي هدا
نور:تاكلي فيه كل يوم يعني جاك بالشكلاطه معاش تبيه
بلقيس:نبيسي 😭😭😭بابا
نور:كولي خير مانضربك
عبدو:خيرك عليها
بلقيس:بابي 😢
عبدو:عيون بابا خيرك انتي وامك
نور:ماتبيش الكورنفليكس عاخاطر بالشكلاطه
عبدو:ماهو عارفتها تحب الصافي
نور:بهي تام شن بنديرلها 🙄
عبدو:تو ننزل نجيبلها
نور:اي زي دلعها
عبدو:كان دلعتش اميرتي من بندلع
نور 😒😒
عبدو:هيا وامها وخوها 😘
نور:رقع توا
عبدو:شن تبي نجيبلك انتي
نور:نبيش شي
عبدو:والباشا هدا شن ناقصه
نور:شي
هبدو:ماحد محظوظ زيه هدا شابع فيك احضان وبوس ونوم في حضنك اااخ ياناري علينا 😔
نور:فطورك صقع ره
عبدو:مش مشكله هي نعطلش عليكم
"زعما نور خلاص استقرت حياتها وترجع سعيدة ولا بيصير شي ينهي هالزواج للابد! ! 🤔"
___________________________________
في هداكا المكان اللي يحبه قلبي وقلبكم 💜
مجمع العشاق
كانو الكل يرتبو في البضاعه وسط السيارات ويقسمو وين بيركبو
أريام:العزايز مع عمي نورالدين وبابا انا ودوسه مع معتصم وراويه مع رامي وصقر معاه مرته
محمد:عليك تقسيمه
اريام:خيرها ياعمو
محمد:زي وجهك انا بنلم البنوت معاي والشباب في سيارات البضاعه
اريام:لااا
رامي:ايه هكي خير نفتك من صداعكم
معتصم همسلها:بتركبي معاي
سادين:وكيف
معتصم:تو تشوفي
صقر لبس نظارته:انا رافع مرتي وماشي بضاعه الفطور والحلو عليا هي السلامه
نسيبه واقفه تضحك:وانتم لامتا بتقعدو تتناقشو
صقر:اركبي ياحبي فوتيهم
نورالدين:احنا توكلنا اقعدو تعاركو وطلع بالسياره
نسيبه:باااي حتا ني
اريام:اوووف
محمد:اركبي والنبي فاضي قاعد نهدرز
عايشه:يلا حبيبي
رامي يتفرج عليهم:معطلين انتم
راويه:تي هيا يادعوة انتي وياها كل واحد يرفع خواته وتمت
رامي:لا انزلي امشي معاهم
وصار نقاش طويل بين رامي وراويه واريام في الدوشه هدي معتصم سحب سادين ركبها وطلع بسرعته
رامي:حي عالكلب
راويه:واختك الحيوانه ركبت
اريام ضحكت:هيا رمروم حصلت فينا
رامي:اوووف عليك هم
راويه:اسمع خوك مش ماشي
رامي:مش عارف امس حاضر لما اتفقنا بلكي يلحق بعدين
راويه:اي ممكن
اريام:هيا حطلنا اغاني خلي نغيرو جونا
راويه:اي والله خاطري في عرس
رامي:هني روحك بطنك لركابك تجيبيلي في السيارة 😒
راويه:خزي قليل ادب
اما في حوش فؤاد
مرام دارت الفطور وتوكل في بناتها
فؤاد:صباح الخير
مرام:صباح النور
فؤاد:نسمع في دوشه برا مشو شكلهم
مرام:اكيد
فؤاد:شن رايك نمشو للشاليه احنا بلاش زحمه
فرحت:بجد
فؤاد:ايه نقضو يومين بروحنا
مرام:اوك 😍
فؤاد:هي مالا كملي فطورهم ولبسيهم ماتاخديش حاجات تو نشري من الطريق
مرام:تمام
وناضت تجري مبسوطة حست انه فيه بصيص امل في علاقتها بفؤاد 💜
__________________________________
نسيبه متكيه عالكرسي تتفرج عليه كيف يسوق ويهدرزلها
صقر حول نضارته:وسيم هلبا!
نسيبه:لدرجه خديت قلبي من اول مره شديت فيها يديا
صثر:امتا تأكدتي انك تحبيني
نسيبه:اممم انا ماكنتش نتفكر فيك كويس لانه زمان مانتلاقوش في حوشكم،لما كلمتنا عميمه بعتتلي سادين صورك اعجبت بيك وبشخصيتك وبنيت هلبا احلام معاك زي اي بنت تستنا في فارس احلامها،لكن في العرس وقت شديت ايديا وتمسكت بيا مارضيتش انك ترخيني حبيتك هلبا،قلبي تعلق بيك كنت كل يوم نفيق في حضنك نفرح نحس انه ربي راضي عليا اللي رزقني بيك،كنت نصلي وفي سجودي ندعي انه مايحرمنيش منك ويغرس حبي في قلبك 💜
شد يدها وباسها: محلاك ومحلا كلامك وعدتك قبل ونوعدك ثاني رح نعوضك ياروحي عاكل يوم بكيتي فيه بسببي ونحققلك كل احلامك الورديه يااميرتي ربي مايجيب الزعل بينا 💜
وقف قدام سوبرمارت:هي تنزلي معاي ناخدو البضاعه
نسيبه:اوك
معتصم:تي بايخه
سادين شدتله ايده:عاخاطري بيبي 🥺
معتصم:ترا عاودينا ثاني
سادين بدلع:بيبي 😘
معتصم علا الصوت:عن جد اللي يردلك طلب الزح نموت فيك يافرخه
سادين:مجنون 😅به نبي شكلاطه وجيلاطي
معتصم:حاضر
واستمرو باقي الطريق يضحكو ويحبو في بعض 😁💜
اما في سياره رامي كان الوضع شبه ممل بالنسبه ليه راويه فاتحه اغاني على مزاجها وتهدرز هيا واريام هدرزة بنات 😂
وعند محمد اللي ماقالش كلمه من لما طلع شاغله تفكيره دنيا وعايشه معروف تفكيرها وين 🤷♀️
بعد ساعه تقريبا وصلو الكل
نسيبه:نعسانه
صقر:اي تو يخلوك دوسه واريام ترقدي
نسيبه:محلاها مزرعتكم
صقر:انتي احلا هي نخشو نرتاحو بعدين نرفعك للخيل
نسيبه:الله 😍تركبني!
صقر:حسب
نسيبه:كيف
صقر:بعدين تو نقولك وغمزلها 😉
رامي:احترمونا
نسيبه وجها بدي احمر وخشت تجري
صقر:مابرد وجهك 😒
سادين:اااخ شابعه جيلاطي انا
اريام:غير ره تمرضي بس 🙄
سادين:خيرك حبي زعلانه
اريام:يازفته ركبتي معاه ومشيتي بكل صحه وجه
سادين:مهو نحب فيه خوك
اريام:بري فكيني منك نوسه
نسيبه:نعم
اريام:الوجه منور شنو فيه جديد 😁
نسيبه:حبيبي قالي نحبك
سادين:الله 😍
نسيبه:ايه
اريام حضنتها:اخيرا 💜
سعاد:هيا تعالو افطرو
عايشه:حمادي نبي نقعمز جنبك
محمد:بلا دراه كبد قدام خوتي قعمزي في اي مكان
شافت كرسي جنب صقر فاضي استغلت الوضع وبتقعمز
نسيبه:لوسمحتي مرت عمو انا بنقعمز جنب راجلي
عايشه:مش ضروري تلصقي فيه
نشيبه:معليشي يعني 🙄
حولت عايشه وهيا تطنفر 😂
صقر:يموت فيك راجلك 😍😍😍 اللي حارمتيه منك
نسيبه:خلااص يشوفولنا
محمد: ياصقر افطر وانت ساكت 😅
اريام:بابا بعد نكملو نمشو للخيل!
مسعود:امشو لكن ماتركبيش
اريام:علاش 😔
معتصم:ناسيه شن درتي مالا بسببك الفرس قريب راحت فيها
اريام:اووف تبوش تنسوها
صقر:خلاص تو نركبها انا ياعمي ونقعد معاها
مسعود:تمام
اريام:سلمه 😍
عايشه:وين فؤاد ومرته
صقر:كلمني قال مش جاي هنا
خوله:خيره اللطف
صقر:بيمشي للشاليه
رامي:حتا قعدا عالبحر مليحه توا
فطرو وانقسمو الرجاله شاهي وهدرزة، النساوين الغدا والبنات مع الشباب عند الخيل
نسيبه:هيا حبيبي انا الاولى
صقر يركب للحصان في السرج:حاضر ياعمري شويه بس
نسيبه:نحبك
صقر:نموت في حبك انا 😘
عايشه:ربي يدوم 😏
نسيبه:ويدوملك عمو
عايشه:قوليلي يا كنتنا
نسيبه:نعم
عايشه:مافيش حويجه قريب تسكري 3شهور
نسيبه انصدمت في وقاحتها:اه لالا تو يرزقنا ربي مزال عرسان
عايشه:اي قلت حتا اني غير صقر يحب الصغار هلبا
نسيبه:حتا عمو محمد من زمان يقول نبي عشره صغار خيرك مادرتيلاش مع انه ليك سنين متزوجه 🙂
عايشه:مانبيش نخرب جسمي
نسيبه:يارووحي عليك 😓
عايشه:شن قصدك
نسيبه:لا شي غير وجعتيني تخيلتك جايه عليك ضره
عايشه:مستحيل اصلا حمادي مايديرهاش
صقر:هيا حبيبي شدي هنا واركبي
نسيله:خليك معاي
صقر:معاك ياقلبي ركبها وركب وراها نحبك
نسيبه ضحكت:نموووت فيك 😍
عايشه واقفه تتفرج عليهم والعه فيها ناار 🔥:انا نوريكم
سادين:نبي نركب حتا انا
معتصم:تعالي هي
رامي شدها:تو نركبها معاي خود اختك
معتصم:خيرك انت
رامي:ولا شي خليك في اختك وفوتها دوسه
معتصم:جديد الكلام هدا
رامي:جديد قديم هدا اللي عندي
معتصم:تي ادوي كويس يافرخ 😡
رامي دفه:مانيش فرخ واختي فوتها
سادين:خيرك شن صار توا
رامي:سكري فم .....انتي
معتصم خنقه:اعرف شن طلع من فمك قدام البنات
نسيبه:هيي خيرهم
صقر قرب منهم بالحصان ونزل:شن فيه
رامي:تمد في ايدك اطلعلي برا تو نوريك 😡😡
صقر:تي سكر فمك واحترم نفسك
رامي:ديما انا الغالط ايه
معتصم:غالط لما تفتح فمك وتقول الكلام هدا قدام اختك وبنت عمك
صقر:خشي داخل انتي وياها
اريام:هيا بنات وخشو
سادين:ياحليلي خيره زعما شايفنا 😣
اريام:ماتركبيش علي روحك انتي اسكتي وانكري اي شي تو صقر يحلها
نسيبه:شن صار خيرهم
اريام:تعالي نديرو قهوة نحكيلك فكيني منهم كنت بنركب الحصان فسدو عليا
صقر:شن فيه
رامي:هوا بكري جاب اختك معاه وتوا بيركبها الحصان قتله عندك اختك وتمت
صقر:هدا ولد عمنا رهو مش من الشارع
رامي:حتا لو
معتصم:فوته ياصقر زايد الكلام معاه ماشي انا
صقر:امتا بتحط عقلك في راسك انت
رامي:انت مش عارف شي
صقر:برا من وجهي توا احسن مانكبرها ولينا هدرزة بعدين
نسيبه:خزي يابارده
اريام:غير قولي الحق
نسيبه بتتلفت حضنها:خيركم علي مرتي
سادين:ايوا مرتي وحركات 😂
خدي من ايدها القهوة:قصو علينا انسجامنا
اريام:لا عندك حق سامحنا
نسيبه 🙈
صقر بصوت واطي:ماشي لدارنا الحقيني مافيش داعي نحشمك قدامهم بهي
____________________________________
عايشه:لامتا بنقعد هكا اللي جاي واللي ماشي يهزب فيا وراجلي مش دايرلي حل
محمد:توا بتقنعيني انك مارديتيش عليهم هدا لو مش انتي باديه
عايشه:مادرت شي نهدرز معاهم وكنة خوك هدي لفعه
محمد يهدرز مع دنيا عالواتس ابتسم:به
عايشه:شن يضحك فيك انا نحكيلك
محمد:شي
عايشه:انت شن دير
محمد:استغفر الله تحقيق ولا شن 🤬
عايشه:قالولي حايجيب عليك ضرة
محمد:امم معناها مش حايكون وقع الخبر عليك كبير جهزي روحك
ضحكت:تبصر صح
دفها وخدي دخانه:القعدة معاك تغم
طلع وقربع الباب
عايشه:عيله تجيب الفقر لولا حبيبي بس كنت اطلقت لكن بسيطه فتره ناخده ونسيب كل شي 😍
فاتو يومين جميلات عند الكل ورجعو لحياتهم وكان هاديكا الجمعه في المزرعه اخر جمعه يتلاقو فيها كل العيله او نقولو بعدها حايصير التغير في حياة الكل
نبدو من حوش صقر ✨
نسيبه:اي هدا هوا خلاص
صقر:تمام انا بنمشي لحسام لو احتجتي شي كلميني
نسيبه:اوك حبيبي رد بالك عاروحك
صقر:تقعدي باللبسه هدي لين نروح
نسيبه:حاضر 😊
كانت دايره جمعه لصاحباتها
واجتمعو الصبايا معاهم سادين
برا الحوش
جنان خشت من الباب الخارجي عفست في ميه:اووف عليك عمله 😪غبيه علاش نلبس الابيض انا وهما عاد ماخطرلهم يسقو زرعهم غير توا 🙄
سمعت صوت وراها:دنيتي 😍
تلفتت وانصدمت:انت
محمد متكي عالباب:ومن كنتي تتوقعي يادنيا
جنان:اييي علينا خلاص تقدر تناديني باسمي
محمد:يعني انتي زابطه انتي عم راجل صاحبتك ومخليتني حالتي حاله ندور فيك
جنان: 😁اللي يبي الورد
محمد:مستعد نتحملك باقي عمري غير وافقي نتزوجو
جنان:نلا ناخدش واحد متزوج انا مزال صغيرة
محمد:نحبك يافرخه
جنان:اششش يسمعك حد
محمد:مش هامني
جنان:بااي وخشت تجري
محمد مسح عالحيته وطلع يضحك:وربي ناخدك ياجنتي
وفعلا زي ماقالت جنان كان فيه حد يسمع وشاف كل شي بس من يكون 🤔🤔
نسيبه:خيرك عطلتي
جنان:بابا طالع وصلو البنات
نسيبه:اي كلهم
جنان:اشيه عالمكياج واللبس والحركات جو متزوجات 😉
نسيبه:خشي ياباردة
______________________________________
اريام:بهي تمام هكي كملنا كل شي
سعاد:ايه ابدي اطلعي انتي وبنت عمك خودي بتاتك الراجل قال بالكثير شهر ونص وبنوصل
اريام:حاضر
رن الجرس مشت فتحت
مرام:السلام عليكم
ازيام:وعليكم مرحبتين تفضلي
مرام:عادي نحكو شويه
اريام:ايه عادي
مرام:انا اسفه عاكل الكلام اللي قلتهولك قبل واي حركه مش كويسه درتها معاك اكتشفت انك مش السبب في تخريب زواجي وانه هدي نيتي لاني خديت انسان مش ليا وكسرت قلبك اسفه انا نبي نصحح اخطائي مع العيله كلها وياريت تسامحيني وتسمحيلي نبدا من جديد معاك
اريام:انا مش مضايقه منك وكل تصرفاتك طبيعيه لما تحسي بالخطر يقرب من راجلك انسي ونفتحو صفحه جديده تمام
مرام:اوك
اريام:خشي انا وماما نجهزو للبيان ساعدينا
مرام:هي
اريام:وين البنوتات
مرام:رفعتهم خالتهم عيد ميلاد ولدها
______________________________________
رن الجرس
فتحت نسيبه:اهلين مرت عمو
عايشه:كيف حال
نسبه:تمام
عايشه:سامحيني جيتك فجأه غير بندير حلو وتم مني السكر حمادي عنده مشوار بعيد
نسيبه:ولا يهمك خشي عندي صاحباتي
عايشه:هي نتعرف عليهم
خشت سلمت عالكل
نسيبه:مرت عم صقر
جنان قعدت تشوفلها ومركزه معاها
عايشه:تشرفنا هيا نوسه اعطيني السكر حبيبي باش نلحق نكمل قبل يروح حمادي
نسيبه:حاضر
بعد وقت روحو البنات قعدت سادين وجنان ساعدو نسيبه في الضمان ورتبو معاها الصاله جهزت عشا حلو ورومنسي لصقر
الساعه 12
صقر:نوستي
خش للدار لقاها مزينه وكلها شموع
نسيبه حضناته:استحشتك حبيبي
صقر:روحه حبيبك كان نندري عالجو هكي ره روحت بكري
نسيبه:هي تعالا نتعشو
قعنزو ياكلو وتهدرزله علي حياتها ،مدرستها وعيتلها
صقر فتح اغنيه:ممكن تشاركيني الرقصه هدي يامدام 😘
نسيبه:اكيد زوجي العزيز
صقر:نحبك ،نموت في كل تفاصيلك روحي انتي وحياتي بلاك ولا شي
نسيبه:ربي يخليك ليا ومايحرمني وجودك ياكل دنيتي 💜
قرب منها اكثر:تبيني زي مانبيك!
نسيبه:نحبك وكلي ليك 🙈
خداها في بوسه يعبرلها فيها على كميه حبه الكبير وراحو في خبر كان .......😍💜
الصبح الساعه 10:00
الباب يخبط بالقوة وكأنه بيهدوه
نسيبه انخلعت:شن صاير
صقر غطاها:ماتخافيش شويه نشوف مني
نسيبه:لا خليك 😭
صقر:ياعمري مافيش شي اهدي
وهما مزال يتكلمو سمعو شي شق قلب نسيبه وخلاها في صدمة ودموعها معاش وقفو
اما صقر كره روحه لانه السبب في كسرة قلب حبيبته
وفي هداكا اليوم كل العيله انقلبت،انصدمت،صارت بينها فجوات مش معروف هل الوقت بيداويها او بتستمر ..........يتبع
_______________________________________
مقتطفات من الحلقه 17
صقر:اقنعوها انتم ادوو معاها مستحيل نسمحلها تسيبني تسمعو فيا مستحيل نتخلا عليها بعد لقيتها..........
محمد:صار هكي جنتي
جنان:طبيعي انت تي في شن نهدرزلك انا
محمد:غدوة جاي بنخطبك.........
خوله:الله يسامحك ياوليدي على هالعمله
رامي:مش عارف علاش تقولي هكي عاديه رهو ............
نسيبه:توا تتصلو بخوي يجي يرفعني
اريام:غير اهدي وخلينا نحكو
نسيبه:انتي بالذات مانبيش نسمع صوتك ولا نحكي معاك اطلعي برا 😡😢............
توقعاتكم! !
#شكرا_لخذلانكِ✨
