part15
"مقتبسة"
نور تبكي:اني خايفه علاش تضحك
عبدو حاضنها:لانهم يبو يوصلو للشي هدا عارفين مرتي خوافه لكن خدموني خدمة العمر
نور:خيرك هازي انت بلكي دارولهم حاجه نقولك تهدد فيا
عبدو:ولا تقدر تمس شعرة منهم ولو تبي غدوة تجي تتأسفلك وتبوس رجلك
نور:انت قاعد تحكي معاها
عبدو:ابدا ياروحي
نور:بهي شن تبي منا حرام عليها 😢😢
عبدو:خلاص ياسرك بكا هلكتي عيونك اهو جيتو هنا ونديرو حتا حراسه شن رايك 😁
نور:تسهوك زيد 😒
عبدو:تصدقيش قداش مبسوط اول مااتصلتي بيا
lole:تبو تعرفو شن صار هي نحكيلكم 😁
flash back
لما ردت نور عالمكالمه
بنت:مرت عبد الحكيم
نور:ايه
نهال:اسمعيني كويس مش كان طلقني تفكري انك ارتحتي لا اقسم بالله نوصل لصغارك الزوز ونحرمك صوتهم في الدنيا تفهمي وكيف ماطلقني نحرق قلبك على صغارك وسكرت
نور قعدت ترعش وتبكي
بلقيس:خيرك ماما
نور قعمزت وتتصل بيه سكر وعاودلها:الو
عبدو راقد:ها ياعمري خيرك تبكي الصغار فيهم شي
نور:تعالا خودني توا
عبدو:حاضر غير قوليلي شن فيه
نور:تو نحكيلك
عبدو:ماتسكريش الهاتف خليك عالخط
بلقيس:ابي بابا 😭
عبدو:عطيهالي
نور:خودي كلمي بوك
ربع ساعه وكان عندها خداها وطلع
عبدو:غير خيرك احكي
نور:الصغار
عبدو:اوووف
بعد وصلو ورقدتهم حكتله وهوا ماعدلش بكل فات الموضوع وفرحان بيطير انه مرته رجعت للحوش
end back
نور:نحي بنمشي نرقد
عبدو:خليك شويه ماشبعتش منك
نور:انا مش بالشبعه يافالح 🙄
عبدو:حليلي منه اللي داير روحه شرير يطلعش عليك يابكايه
نور 😔
عبدو:وربي نموت فيك وفي زعلك
نور:كان تحبني ماتتزوج عليا ياخاين
عبدو:شيطان الله غالب وصلحت غلطي
نور:سيب ايدي
عبدو:بنرقد معاكم
نور ناضت دور في الحوش:من منظف!
عبدو يدور وراها:مش حد
نور:حوشي ره حافظه مكان كل حاجه فيه حد منظف ومغير مكانات
عبدو ضحك:امس امي كلمت المرا اللي تجيها ونضفاته
نور:اممم
عبدو:الرضا بس 😇
نور:ظالماتك
عبدو:سامحيني به
نور:تو نفكر
_____________________________________
محمد:وين
عايشه:بنمشي لخوله نهدرز معاها ومرات نمشو لسعاد
محمد:تمام
خدي هاتفه فتح عارقمها واتصل مرة اثنين بعدها ردت
البنت:ايوا
محمد:صوتك حايكون نهايتي يوم من الايام 🤤
ضحكت:لالا اوفر
محمد:استاحشتك
البنت:نحس فيك تبالغ
محمد:تو لما توصليني تعرفي اني مانبالغش وهدا شعوري
البنت:اممم
محمد:بهي اسمك ياطفله بنقعدو نحكو بالمجهول هكي
البنت:ناديلي دنيا
محمد:مش اسمك لكن نمشو بيه بالكثير اسبوع ونعرف الحقيقي
دنيا:احكيلي ليش تخون في مرتك
محمد:علاش تنكدي علينا
دنيا:فضول
محمد:هكي هكي كنت ندرس في موضوع زواجي الثاني جيتي انتي وثبتيه في دماغي وقلبي
دنيا:السبب
محمد:نحبك يافرخه
دنيا:مش مصدقه سوري انتم الكبار بديتو تبو صغيرات
محمد:يجي يوم وتصدقيني بس خليك واثقه اني بناخدك
دنيا:به الوقت قدامنا
محمد:وين تقري
دنيا:الشعله علاش
محمد:سؤال تعرفي طيبي!
دنيا:حاجات خفيفه بس البازين والكسكسي والجو هداكا لالا
محمد:كويس ااااخ نبيك اليوم قبل غدوة يابنت قلبي بيطلع من مكانه
دنيا:للدرجه هدي
محمد:اول مره نحسه الشعور هدا
دنيا:بنمشي نقرا
محمد:شهادة مالا
دنيا:يب
محمد:به اقري كويس باش نتزوجك قبل الجامعه
دنيا:خيالك واسع
محمد:نحكيلك في المستقبل ياعيوني
دنيا:به ممكن نمشي توا
محمد:امشي وردي بالك على روحك
دنيا:باي وسكرت
محمد:دنيا بتضحك عليا تحسابني عيل لكن نجيبك وتكوني حلالي 😍
_____________________________________
فاتو يومين كملو نسيبه وسادين امتحانات ويوم الخميس كانو العيله متجمعين في حوش نورالدين
سادين:حي عالحمارة واحنا مطمنين قلنا تجيبه للطريق
نسيبه:بس ما
اريام:ماقالش نحبك
نسيبه:ايه
اريام:الحب ماتحسيشي بكلمه يانوسه افهميه من تصرفاته من قربه ومن تعامله معاك خوفه عليك انتي ماشفتيشي يوم تعبتي كيف كان خايف عليك كأنه ليكم عشرة سنين مرتبطين صدقيني صقر يحبك بس مش عارف يوصلك احساسه
نسيبه:يارب 🤲 😓
خشت عايشه:مزال عشاكم حمادي جعان
اريام:شويه ثانيه خلي يجو بابا وعمي من الجامع
عايشه:نسيبه خيرك ضاعفه اللطف تقولش عليك عروسه مش متريحه!
نسيبه:انا هكي في الامتحانات ناكلش بعدين صقري معيشني احسن عيشه ربي يخليهولي
عايشه:غير مش باين عليك
سادين:وانتي شن علاقتك يبان ولا لا اسمني انتي ساد لين تفيضي من حوشك هه و يجيب عليك عمي ضره مايحبش السمن ره 😂
عايشه تنرفزت:اطمني حبيبتي يحبني زي ماانا
سادين:تو نشوف 🙂
طلعت طايرتلها
راويه:يادراه فكينا منها تو تقول لعمك
سادين:عارفتها هدي مش حاترد عليها وانا مانسكتش بعدين قلت الحق
اريام:تتعبي مع الحق انتي 🙄
سادين:طبعا 😇
راوية:امتا فضانيتك ريمو
اريام:الاسبوع الجاي
راويه:وحوشه كامل هوا امك قالت يبي العرس توا
اريام:ايه كامل
راوية:حصلتيه ولد متسمي 😂
سادين:اهو بدت هدي في البرادة
راوية:وعاجباته 😒
اريام:حتا راجلي 😂
خش صقر من باب الجنان:خير هي حطي العشا جوعتونا
اريام:جو
صقر:ايه بعد هدرزو مع الشارع كله
نسيبه دايرة ايدها عاخدها وتتفرج عليهم
وقف وراها حط راسه عاكتفها:مرتي السمحه وين سرحانه
نسيبه:شي
صقر:مشتاحشك مووت انا
نسيبه:مش كنت معاك
صقر:ومستاحش ثاني
نسيبه:امم
عايشه:كيف حالك 😍
صقر:كويس وطلع
حطو العشا بعده شاهي وحلويات ومع نص الليل تجمعو في الجنان
خولة:شن بيصير منها مشيه
صقر:باذن الله
اريام:وين
صقر:للمزرعه بنقعدو يومين غادي
سادين حضنت نسيبه:اخيرا راحه بعد امتحانات
صقر دفها:حولي غادي الصقي في اختك
سادين:خزي بياع 😒اللي لقا مرات نسا خواته
نسيبه:من وين طلعتي بيه المثل هدا 😂
سادين:دخلكش
رامي:ياعيله بالك تخطبولي
خولة:خيرني مالا بنهبل عقاب عمري انت منظر زواج
رامي:وخيرني يما حوشي شن مزال ونكمله
خولة:وكليتك
رامي:مهو نخدم
صقر:اسكت مش وقته النقاش هدا
رامي:اووف
نسيبه بهمس:خيرك معاه
صقر قربها منه:تكلمي تاني بالصوت هدا وحانبوسك قدامهم كلهم واللي يصير يصير 🤤
نسيبه 🤭🤭
سعاد:ترا وحدا منكم تسخن الشاهي
اريام:هاتي
خشت للمطبخ حطت الشاهي رن هاتفها:اهلا
احمد:مرحبتين بقلبي كيف حالك
اريام:كويسه وانت وين شن دير
احمد:بالشويه 😂
اريام:نبي نعرف
احمد:روحت بالعمال كانو يركبو في دار النوم وتوا شطبت باقي الحوسه وطالع للشباب سهرانين
اريام:شن درت لون دولاب المطبخ
احمد:احمر وبيج زي ماتبي
اريام:والدار
احمد:سر لين تجي تشوفيها بروحك
اريام:لا عاد
احمد:هدا هوا
اريام:بهي حبيبي انا مع العيله توا بعد نروح نهدرزو
احمد:تم مالا خلي نطلع انا
اريام:رد بالك على روحك
احمد:اوك سلام
فؤاد واقف وراها:حبيتيه!
اريام:شن تبي
فؤاد:نبيك انتي
اريام:وانا مانبيكش تسميت على راجل خلاص
فؤاد:من يومك متسميه عليا
اريام:ومسحته اسمي وخديت وحدا تانيه
قريب منها:هدا اللي مزعلك وخلاك تنخطبي لغيري تبي ترديلي الوجع
اريام دفاته:فيق لروحك انا لا نبي نوجعك ولا نفكر فيك بكل بالعكس اللي حسيته منك مانتمناش انه يحسه حد في الدنيا مش بالتفاهة هدي لدرجه نضحك على راجل باش نوجعك افهم يافؤاد مانبيكش وانخطبت لانه يناسبني ارتحتله قلبي انفتحله بعد سنين لوسمحت ابعد عليا وبلاش مشاكل تكبر وتفرق العيلتين مزالي فتره ومسيبتهالك واسعه وعريضه ابعد لاني مانبيكش
فؤاد:بس انا قلبي يوجع فيا
اريام:دواك مش عندي شوف كويس ورح تلقا راحتك عند اللي بعدت عليه
خدت الشاهي وطلعت
مرام اللي سمعت كل حديثهم مسحت دمعتها ومشت لحوشها
معتصم يبعت في رسايل"نوضي انسحبي ديري اي لقطه مستاحشك النم"
سادين"لا يحسو بينا "
معتصم"اريام تغطي علينا خيرك 😡"
سادين"نلا اختك قتلي بعدي عليه صايع 😁"
معتصم"صايع مع حبيبتي ومرتي مستقبلا وام صغاري نوضي هيا وراس حبي"
سادين"لالالا 🙂"
معتصم سكر هاتفه وخبط رجله في الطاوله بقوة
اريام:هيي خيرك
معتصم:سكري عليا انتي وريحيني
صقر:صوتك شن فيه 😒
معتصم:مافيش شي غير تعفسلي في اللي نبيه
اريام:شن درتلك اللطف
معتصم:عارفه روحك 😡😡
صقر:خلاص عاد احترمنا
معتصم:اقعدو فيها وطلع
اريام:ملبوس ولدك
سعاد:شن دايرتيله انتي
اريام شافت لسادين لقتها متنكدة:ولا حاجه
صقر:خلاص مالا قولو للشيابين ونتلاقو غدوة الساعه 8
اريام:بكري 😔
صقر:ماتسهريش الليله 😉
اريام:حيوان 😁
صقر:هيا حبيبي
نسيبه شدت ايده:هي ومشو
خوله:قولولي خيرها نسيبه اليوم مطفيه حتا الهدرزة دووب ماتهدرز
اريام:عادي
خوله:مش عادي بتعرفوني فيها توا
اريام: ضغوط زواج بس اطمني ياعميمه صقر حاطها في عيونه
خوله:الحمد لله خايفه نكون ظلمتها وماترتاحش معاه
سعاد:شوفيهم متفاهمين وولدك واضح عليه حبها ارتاحي
خوله:ان شالله نشوف صغارهم
______________________________________
نسيبه ✨
اول ماروحنا خشيت للدار غيرت وقعمزت عالصالون
صقر بعد دوش:تبيش ترقدي
انا:خاطريش شن رايك نحضرو فيلم
صقر:عادي بس خلينا نجهزو لبس قبل
انا:شن بنرفعو معانا به
صقر باسني عارقبتي:تو ناخد بضاعه فطور من الطريق
انا:ندير حلو
صقر:مافيش داعي غدوة ديرو غادي
وقفت عالدولاب نطلع في لبس لينا
لف يديه عليا:نوستي
انا:هممم
صقر:ني منك وعد
انا:شنو
صقر:ماتبعديش عليا مهما صار ومهما تعددو الخيارات عمرك ماتختاري البعد لاني نموت بعيد عليك
انا:بعيد الشر عليك
صقر:اوعديني
انا:وعد شن مناسبته الكلام هدا
صقر:اكتشفت اني نحبك كل القصه ماكنتش عارف نطلعها ونعبرلك بس والله قلبي حبك وتعلق بيك رغم الفتره البسيطه هدي
قعدت نشوفله في الاول قلت مرات يساير فيا بس مع كلامه شفت لمعه عيونه شفت الصدق في كلامه...
stoop
lole:بنطلع شويه من الرواية نبي نحكيلكم حاجه 😇
"كلنا نتفقو اكيد انه فترة التلميح بالحب أحلا مرحله وفترة في العلاقه 💜 بس تعالو نمشو بذاكرتنا لهداكا اليوم اللي صار فيه الاعتراف بالحب 😍 "الحب الحقيقي طبعا" الله على كمية المشاعر الحلوة اللي حسها القلب ✨الله على الفرحه اللي اجتاحت حياتنا ولونتها بالوردي لدرجه حتا النوم ماقدرناش نرقدو 😍 فيه ناس تقول كيف نعرفوه حب حقيقي؟
بعد الاعتراف ولما نعرفو انه اللي قلبنا حبه حتا هوا يبادلنا يعني حب مش من طرف واحد 💜 ركزو في لمعه العيون ياناس نظرة مستحيل تشوفوها في عيون اي حد، انتبهوا لرجفة الصوت وهما يحكولنا على حبهم، احفظو اللهفه اللي يجونا بيها 💜😍 ذكريات مستحيل تنمسح من العقل مهما فاتت سنين ومهما بهتت العلاقه رح يقعد #يوم_الاعتراف بروحه في القلب رح تقعد كلمة نحبك الاولى احلا و اروع كلمة نسمعوها 😘
"التمسوا الاعذار،انسو المشاكل،ماتتخلوش،ماتبعدوش الحب مره وحده في العمر،والحياة مش مرتين."
lole:نرجعو للرواية 😁
____________________________________
صقر:احكي شي خيرك
نقزت في رقبته:حاق تحبني
صقر:ونموت في عويناتك وكلامك،صوتك شعراتك و.....
ضربته:خزي سخيف
صقر:حلالي 😍
انا:احم نزلني بنكمل اللبس
رجع حضني:كملي وانا هكي بنقعد نشم ريحتك 🤤🤤
____________________________________
سادين تبكي:انا مش قصدي نزعله بس خفت نكونو بروحنا 😢
اريام:بهي خلاص سادك بكي تو يجي وكلميه
سادين:شفتيه كيف طلع طايرتله ومقفل هاتفه خايفه عليه
اريام:تحبيه للدرجه هدي يافرخه
سادين:روووحي فيه 🥺
اريام:بهي نوضي اركبي لدارك تو يجي نكلمه
سادين:لالا بنقعد هنا
اريام:تسكير الراس
سادين 😔😔
اريام رن هاتفها
سادين:بري انتي
اريام:نكلمه ونجي
بعد ساعه ونص خش درس سيارته جنب الباب ونزل
سادين مشت تجري:حبيبي
معتصم بدون مايشوفلها:اركبي ارقدي
سادين:نبيش نبي نحكي معاك
معتصم:قتلك بري للحوش 😡😡 ماتزيديش تعصبي امي مش بكري خايفه وماتبيش توقفي معاي بروحنا شن توا بالك نعتدي عليك بالك نخطفك ولا ناكل منك ايد او رجل
سادين بدت تبكي وترعش
تنهد ومسح وجهه:استغفر الله العظيم تعالي
خداها ورا حوشهم
سادين:انا والله ما خفت بس نن نحبك
معتصم:وانا نموت فيك وفي دميعاتك صح ضايع لكن مستحيل نأذيك والله يادوسه نخاف عليك من الهوا الطاير ياروحي
حضناته بقوة:اسفه
معتصم:مش مشكله غير اسكتي معاش تبكي والفرخه اريام حسابها معاي نعرف كيف نردها
سادين:نحبك 😔
معتصم:نتعب معاك يادلوعه
___________________________________
نمشو للعشاق اللي لينا فترة عليهم
معتز روح من مشواره:غزالتي
نازين:اهيا
باسها:استحشتك ياعسل
نادين:حتا ني
معتز:خيرك محلوة
نادين:شن قبل مش حلوة
معتز:من يوم شفتك غزاله 😍
نادين:هي غير وتعالا نهدرزو
خش للدار يغير لحظات وسمع عيطه طلع يجري وشاف 😨😨..............يتبع
برايكم من البنت اللي يحبها محمد معروفه ولا شخصيه جديدة 🤔
شن صار في حوش نادين ومعتز!!
بهي فؤاد بيبعد على اريام ويتنازل ولا بيخربلها زواجها!!
_____________________________________
#شكرا_لخذلانكِ ✨
