part4
"مقتبسه"
سادين ✨
روحو اغلب الناس ماقعدش الا حوش عمي مسعود وعايشه الهم 🙄
خوله:يعطيكم الصحه يابنات ماشالله عليكم حضرني فرحكم
سادين:ياارب 😍
اريام:ماعندكش نيه شورك
علي خشه الولاد
معتصم:لين خلاص
سادين:دخلكمش
مانعرفش شن صارله تعصب وكشخ عليا قدام الكل:فرخه الهى بقرياتك خيرلك 😡😡
سادين:ماما
خوله:اسمعي كلام ولد عمك شن ماما
طارتلي منه طلعت وخليتلهم الدار 💔
اريام:عندك بهي هكي شن دارت هيا
معتصم:ماتدخليش انتي من مفسدها غيرك
اريام:ياعيني ياعيني طلعت انا مفسدتها توا مالا شن قالولك كانت دور في الشارع لما حضرتك تهيج في الاردن
معتصم:بلا دوة فارغه مش هدا قصدي
اريم:قصدك ولا ماقصدكش دوسه الليله ماترقدش زعلانه اهو قلتلك 😒وانت دبر راسك
رامي:امي امي امي
خوله:خيرك
رامي:انا وصقر ماتعشيناش
خوله:تعالو قعمزو اهو تو يجيبولكم
اريام:تحرك
معتصم:اخطيني
اريام:كلمة وقلتها وانت عارفني لو ماصالحتهاش دور وين تبات الليله
معتصم:شن المذله هدي تقول حوشك
اريام: 🙂
عايشه:شن وافق صقر يتزوج
خوله:وافق ودايرلي شروط تعجيزيه
صقر:مش عيب ياامي الغيبة!
خوله:قعمز تو بيجيبو تعشا انت وخوك
رامي:بهي شن صار في العروس
خوله:مزال الوقت
صقر:ان شالله خير
عايشه:وبالك مايبيش يتزوج
سعاد:وعلاش اللطف شن ناقصه وليدي زي الغزال وربي عاطيه حوشه واتي علاش مايتزوج
خوله:مافيش راجل مايبيش الزواج
صقر:انا عاطيكم مواصفات امشولي بيها بس وانا نتزوج اليوم قبل غدوة
خوله:ان شالله
معتصم طلع بالسيارة مشوار عشرة دقايق وروح
وانا مقعمزة في الجنان ولا من عبرني وقالي خيرك 😓💔
حسيت بحد قعمز جنبي عالدرجيحه
معتصم:نحسابكش حساسه هكي
سادين:عيط عليا قدام الكل وقول حساسه
معتصم:وانتي مش غالطه!
سادين:مش غالطه كنا نهدرزو ببصاره انا واريام
معتصم:بهي اسف خلاص ماتزعليش مني
سادين:مانحبش حد يعيط عليا حتا خوتي مايديروش فيها
معتصم:حاضر انتي امشي صح وانا مش رح نزعلك تاني اوك
سادين:اوك
معتصم:شدي هدا لاني بكيتك اسف مرة ثانيه
شفت الكيس لقيته معبي شكاليط اللي نحبهم وشيبس 😍😍:شكرا
معتصم:العفو هي نوضي نخشو نسمه خلي نلحق على العشا مع خوتك
سادين:اوك
________________________________
فات شهر بدون اي احداث ✨
صقر
طول الشهر اللي فات كنت لاهي في حوشي لما مسافر نبعت في فلوس لفؤاد وهوا اشرف عليه بنيت بس واقف عالاثاث والكوجينا وتوا نكمل فيه شطبته كله تقريبا معاش مزال غير التسييق ويفرشوه وللأن امي متستره على موال العروس وانا مش مطمن بكل عارفها بتطلع بمصيبه
خشيت للحوش نسمع في زغاريط:ان شالله خير
نورالدين:مبروك
رفعت حاجبي:انا وعلاش شن صار
خوله:اليوم الناس ردو على بوك ووافقوا يعطونا بنتهم
حسيت كهرباء ضربني وقعدت لحظات نستوعب يعني خلاص ادبست:شنو كيف هكي وماعنديش علم بشي
خوله:والله انت عطيتنا مواصفات ولقيناهم في بنت ناس متربيه وعاجبتنا خطبناها ووافقو بعد غدوة بدير مقابله معاها وفي كل الاحوال هيا ليك ربي يهنيك
صقر تعصب:تي كييف تاخدو قرار زي هدا بأسمي من عطاكم الحق تخطبو بلكي ماعجبتنيش بلكي معاش نبي بكل
نورالدين:ماترفعش صوتك قدامي وبعدين هدا كلامك مش اشرطت علي امك وحتا من القرايه قلت عليها لا خلاص
صقر:يابوي مانبيش نتزوج بكل ربي يهديكم بس
خوله:انا اللي في دماغك عارفاته وفاهماتك كويس ومايساعدك عليه الا مرا ياولدي اسمع كلامي وتزوج
صقر:تمام برو كملو كل شي انتم بس انا اقسم بالله ماني شايف خلقتها ليوم العرس وطلعت مانعرفش اني بحلفتي هدي كسرت بنت وبنسببلها في هلبا مشاكل ماكنتش نعرف وقتها كبر حلفتي ومافكرت في حد الا روحي وبس
سادين:شن فيه خيركم
خوله:حلف قال مش شايفها ليوم العرس
سادين:حي وكيف بيصير في المقابله وخطوبته
خوله:لوقتها يحلها ربي بس انت استعجل يانوري شهر ساد تجهز روحها البنت
نورالدين:ان شالله خير
____________________________________
نسيبه ✨
السيد صقر حكالكم الموضوع من وجهة نظره وطلع روحه مظلوم 😢نحكيلكم اللي صار بدون اي نقصان
بعد يومين من العشا في حوشهم روحت من المدرسه لقيت خواتي عندنا على غير العاده مش متعودين يجونا في نص الاسبوع
نورهان:مرحبتين بوخيتي السمحه
نور:شن جو المدرسه
نسيبه:كالعادة زهاق كبد 😣 انتم ليش جايين اليوم
نادين سكرت الهاتف:نضمو في حوشنا ياحنه انتي دوري في المدرسه واحنا نقلبوا يابايرة
نسيبه:بالشويه عليا خزي والله نضم فيه وماهناك شي محوس 😔اسألي بابا
صالحه:خلو بنتي في حالها ماتعدليش عليهم جايينا ضيوف ونبيهم يكونو حاضرين بس
نسيبه:مني!
نادين:مادخلكش
صالحه:حوش عمك نورالدين
نسيبه:الله دوسه بتجي اكيد
صالحه:نورهان اركبي مع اختك وفهميها
خفت من كلمة فهميها:شن فيه ياماما
نورهان:تعالي
ركبنا لداري ولقيت لبسات جدد عالسرير:شن هدا
نورهان:حبيبتي عمتي خولة كلمت ماما عليك وعاجبتها تبي تاخدك لولدها صقر واليوم بيجو يتقدمو رسمي
حسيت قلبي زادو نبضاته وشعوري تخلط بين خوف وفرحه انه هدا اللي نستنا فيه من زمان نبي نتزوج زي خواتي ونبدا نلبس في لبس متزوجات 😅وتوتر لانه صقر ديما يحكو عليه جدي هلبا وعيلته كل يديروله في الف حساب 😓
نورهان:مافي شي يخوف انتي كبرتي وماشالله عليك بعدين من زمان تقولي نبي نتزوج صح
نسيبه:اي بس صقر يخوف
نورهان:رجاله كلهم يخوفو مع الناس برا لكن مع نساوينهم شي ثاني لو كتبه ربي من نصيبك حاتحبيه وترتاحي معاه وهوا رح يعاملك كويس
نسيبه:باه شن ندير توا
نورهان:ولا شي ياقلبي خشي دوشي وتعالي نجففلك شعراتك انتي غزاله مش محتاجه مكياج واختاري لبسه من هادو جابتهم كوثر
ارتحت شويه بعد كلامها ليا دوشت ،دارتلي شعري ولبست قفطان احمر من فوق ماشي مع جسمي ومن تحت منفوش وفيه لمعه درت روج ورسمت عيوني بس قعمزت نستنا
بعد ساعتين وصلو كانت جلسه حلوة وغير مكلفه لانه العيلتين يعرفو بعض وعمتي خوله طول الوقت تبوس فيا وطايرة من الفرحه خلتني حتا انا نفرح
بعد روحو
صالحه:ها شن رايك
نسيبه:اللي تقولوه انتم
صالحه:انا موافقه وبوك اكيد يعطي انتي شن
نادين:قولي بهي طحتي في عيلة فلووس ودكتور ياعيني
نور:اللي تقولي فيه عيب الناس ماتنقاسش بفلوسها الراجل بأخلاقه واحترامه ودينه
نورهان:صح ماتعبيش لاختك راسها بالكلام هدا
نسيبه:انا موافقه
صالحه:ربي يهنيك بنيتي ♥️
وهكا بعد يومين عطيناهم الموافقه باش يجي صقر ونديرو مقابله ويقولي شروطه بس صار اللي ماكنتش نتوقعه 💔💔
فاتو ايام وانا سعيدة ننسج في احلامي الورديه صورته ماغابتش من نظري،ونستنا في يوم نقعمز قدامه ونهدرز معاه
جي يوم الخميس غبت من المدرسه قعدت نجهز في كل الحجات اللي بنضيفوها درت ترافل وكيكه بسبوسه و موالح
جت الساعه 6 ورن الجرس
كنت في داري مغيرة ونستنا في بابا يكلمني
صالحه خشت للدار:انزلي خوله تبي تهدرز معاك
نسيبه:صقر
صالحه:ماجاش قال مايبيش مقابله
عارفين شعور انكم تكونو طايرين في حلم حلو هلبا وفجأه حد يفيقكم بطريقه بشعه هدا اللي صارلي فهمت الرساله اللي يبي يوصلهالي 💔 اضايقت هلبا
صالحه:ماتبكيش وراس بنيتي هوا موافق لكن مايبيش مقابله عادي ياماما رجاله يلغو فيها لاحقه عليه تشوفيه لين تفدي هي انزلي
طلعتلهم وكان واضح عليهم متحشمين وجوهم متكهرب قالو انه الفضانيه والبيان بعد اسبوع والعرس بعد شهر ان شالله خير
______________________________
محمد ✨
كنت واخد هلبا قضايا وطالع من المحكمه منتهي ونحس بروحي ننعس لحظات سهيت ولما انتبهت لقيت روحي بنضرب بنت لفيت في اخر لحظه
البنت:شن اعمى ماشفتنيش عاكبري
نزلت بسرعه:انتي كويسه
البنت:الحمد لله ربي نجاني
محمد:اسف بجديات تبي اي تعويض ماعندكش مشكله
البنت:تعويض! هه فرحان بفلوسك تبي نوزعهم في اي شي وخلاص برا سلم عمو حطهم في جامع خلي يسبحو عليك انا مش محتاجتهم ومره ثانيه ركز بس في الطريق يلا تشاو
قعدت نتبع فيها بعيوني لين اختفت:عليك فرخه
روحت للحوش كالعادة البرنسيسه مقعمزه عالتلفزيون وبس
عايشه:بيبي توحشتك
محمد:غدا
عايشه:اووف حمادي ديما بطنك بطنك اهتم بيا شويه
شبحتلها عاجنب:اهتمي بيا انتي تو تشوفيه اهتمامي كيف بري حطيلي الغدا بنخش نتمرقد قبل العصر عندي مانصنع
عايشه:وشن بدير
محمد:بنمشي نجيب الصالون لصقر قتلك خديتهوله
عايشه:اممم بس حسب ماسمعت هوا مايبيش يتزوج رهو علاش الصرف هدا كله
محمد:😂😂مازلتي ماتعرفيش خوخه عندك حق المهم جهزي لبس لعرس ولد سلفك بس
___________________________________
نورهان ✨
يومي كان زي اي يوم عادي طلعنا للخدمة انا وحسان حطينا نسيم في الحضانه وعالساعه 1نرجعو كلنا
اليوم روحنا لقينا الحوش زحمه
حسان:شكله ملتمين
نورهان:ايه خواتك
نسيم:نخش نلعب معاهم مامي
نورهان:نركبو نغيرو وبعد الغدا ننزلو
حسان:هيا
غديتهم وعالساعه 4 نزلنا
صبيحه"ام حسان":به شفنا وجهك انتي وبنتك
نسيم:حنينه
صبيحه حضنتها:مرحب ببنيتي السمحه 😘😘
حسان:كيف حالك ياامي
صبيحه:كويسه وليدي
نورهان سلمت عليهم وقعمزت
صبيحه:شنو مشيتي لدكتورة
نورهان:مشيت ياعمتي وقالتلي مافيك شي
صبيحه:نبي ولد لوليدي
نورهان:ان شالله
حسان:وخيرها نسومه
صبيحه:نسيم عويناتي لكن نبيلك ظهر وسند في هالدنيا ماتنساش انك الولد الوحيد
حسان:ربي كريم يمى
صبيحه:عادي تزوج ثاني
لازم كل ماننزل تسمعني كلمتين في عظمي وتحاول تقنعه بموضوع الزواج استغفر الله
حسان:عندي مرتي وربي عاطيني بنت عسل مانبيش نتزوج
سميحه اخته:صح كلامه ربي هوا اللي بيعطي والحمد لله عاكل شي ومرات حتا لو تزوج تاني تجيبله بنات انتي ادعيله وخلاص ياامي
صبيحه سكتت ومش عاجبها
سميحه:تعالي نديرو قهوة ناني
نورهان:هيا
__________________________________
الساعه 1خشيت للحوش وعمدا مروح متاخر مانبيش نهدرز مع حد
خشيت داري بدون مانفتح الضي
خوله:عاسلامتك
صقر:استغفر الله العظيم
خوله فتحت الضي وقعمزت علي السرير:تعالا
خشيت جنبها ورقدت في حضنها:فوتيه الموضوع
خوله:لا لاني متأكدة راحتك وسعادتك معاها
صقر:ياامي
خوله حطت يدها في شعري:يوم قلتلي عندك شروط وقتها كأنك توصف فيها مش تشرط كل كلمه كانت عليها حتا القرايه كل يوم تتعارك مع عيالها تبي تسيبها لانها بتتزوج انت ونسيبه لبعضكم ياوليدي اقتنع صح صغيرة بس عقلها كبير وبتنسيك اللي كسرت قلبك وبعداتك علينا زمان
سكرت عيوني بتعب:انا عارف روحي بنظلمها بنت الناس مش حانقدر نحبها ولا نفتحلها قلبي
خوله:توكل علي ربي ومتأكدة ترتاح معاها
صقر:ليش مسكرة راسك عليه الموال اهو رامي زوجيه
خوله شهقت:تبيني نزوج خوك عمره 20عام خزي عليك تتزوج انت اللي بتضفر الشيب
صقر:ايااه 😣
خوله:حول غادي عليا وارقد بعد ايام فضانيتك وتلبيسه وبتمشي معاي
صقر:يفتح ربي
_______________________________
يوم الفضانية 💕
الكل على قدم وساق من صبح ربي
خوله:كيف ماجاب شي يانهاري ياحشمتي مع الناس يانوري كلم فرخك
نورالدين:هدا مش صغير نقعد نتبع وراه
رامي:مش شرط ترفعي شي رهو هما مش برانيه
خوله:ونحشمها قدام ناسها واقاربها
راويه:مايديرهاش صقر
خوله:بهي قوليلي وين مشي من صبح واللي حجزتو فيه طلع ماهناش
سادين طلعت من دارها شادة الهاتف:ماما هاك ولدك يبيك
خوله:الو
صقر:صباح الخير
خوله:ماتقوليش وين مشيت يافرخ
صقر:انا في الجبل ومش مروح اليومين هادو
خوله:وبيانك
صقر:الحجات بعتتهم لصاحبي بيغلفهم في محله وبعدين فؤاد يرفعهم معاكم والدبله تو توصلك لبسيها انتي
خوله:هكي دير فيا لاه عليك البنيه تقعد فرحتها ناقصه من دون الناس مش ساد عمله المقابله
صقر تنهد:الله غالب حظها
خوله:بهي دير اللي في راسك
وسكرت عليه قبل مايتكلم
في الوقت هدا كانت نسيبه في المزين مع نادين وفرحانه هيا تتخيل فيه يلبس فيها ويضحك معاها
نادين:مبسوطين شورنا
نسيبه:هلبا صح ماشفتاش الا في الصور بس ارتحتله هلبا واعجبت بشخصيته
نادين:ربي يكملك عاخير حبيبتي
نسيبه:شن التسريحه حلوة
نادين:ايه بس ليش مكياجك خفيف هلبا
نسيبه:دوسه قالت صقر مايحبش مكياج هلبا
نادين:ايوا بدينا من توا صقر يحب ومايحبش 😂😂غير رهو ياكلك بعدين
الساعه 8
نسيبه متوترة وتهز في رجلها:خيرهم عطلو
نور:على جيه توا اهدي انتي
نسيبه:كان يطلع بطل وماصارلاش
نادين تساوي في شعرها:شن سيارة هيا يبطل منها هدا زواج مش لعب اكيد صار شي اخرهم
نسيبه:ان شالله خير
شويه وبدو الالعاب الناريه والمنبهات
نادين ضحكت:اهو وصلو عربك ياحنه تريحي
نور:هيا ننزلو نستقبلوهم انتي اقعدي هنا تو نزلوك بعدين
_________________________________
نسيبه ✨
وقفت عالشباك نتفرج عليهم ينزلو في البضاعه ومبسوطين كلهم يضحكو قعدت ندور عليه بينهم بس ماشفتاش قلت ممكن خش للرجاله في المربوعه
لحظات وخشولي
سادين:مرت خوي السمحه
اريام:ياودي مش سمحه هلبا ولدنا احلا
انا:خزي
ايام:ولله عسل كنتنا واللون الاحمر تحفه عليك هي ننزلو مرت عمي فرحانه بيك اكثر من العريس نفسه 😅
نزلت وفي كل خطوة قلبي يزيد نبضه سلمت على عيلتهم ماكانوش هلبا ام اريام ومرت عمهم عايشه خوات عمتي خوله وبناتهم ومرت فؤاد قعمزت مكاني وقدمو البنات الضيافه والعشا
بعدها ركبت لبست قفطانهم ونزلت بيخش صقر يلبسني
سادين قعمزت جنبي وشدت يدي:حبيبي
انا:عيوني
سادين:بنقولك حاجه بس اوعديني ماتزعليش
انا:شن فيه
وقفت قدامي عمتي و........يتبع
_______________________________
#شكرا_لخذلانكي ✨
