part هدية عاخاطر عيون مدللة أبي
part12
"مقتبسة"
اريام ضحكت:موافقه
فؤاد بعصبيه:ماشالله
اريام خافت ضغط عايد احمد بدون ماتحس
فؤاد قرب وبعدلها ايدها:خشي للحوش وانت توكل ماعندناش بنات للزواج
احمد:هدي الثانيه ليك معاي شن تبي ياراجل
فؤاد:اهيا ليا خطيبتي
احمد تلفت:شن
اريام:كذب مانبيشي ولا خطيبته
فؤاد:مش بمزاجك هوا واخدك تبي ولا لا
احمد:بري خشي بعدين لينا كلام
اريام:احمد لوسمحت م
عيط عليها:خشي قتلك
طلعت للحوش تبكي:ياحليلي
سادين:خيرك
اريام:خوك جي وقال خطيبتي
سادين:ووه منه الهم هدا توا شن صار
اريام:نعرفش خليتهم مع بعض
في المربوعه
احمد مسح عالحيته:شن تبي لخص
فؤاد:امسحها من دماغك لانها ليا
احمد ابتسم:للأسف مانحبش نفوت حاجه عاجبتني وخشت راسي
فؤاد شده من قميصه:احترم نفسك وقاعد نتكلم كلام اطلع وسلامتك ماليكش نصيب عندنا
احمد:قاعد تتكلم صار
خشو صقر ومعتصم
فؤاد:حتا انت ياخوي
صقر:سيب الراجل بلا عار راك في حوش عمك ماتحشمناش
فؤاد:والله ماهو واخدها
معتصم:تي شن تخرف انت
احمد:المهم يانسيب تفاهمنا احنا وربي يقدم اللي فيه الخير
معتصم:باذن الله
فؤاد يقيم ايده ويضرب احمد بوكس
جي احمد بيردهوله وقف صقر بيناتهم:خلاص ياراجل اهدا انت وياه عيب اللي ديرو فيه
احمد تعصب:يعني ننهان في حوشكم وتبيني نسكت
معتصم:سامحني وحقك عليا
فؤاد:حول خليني نكمل عليه
احمد:تكمل على منو يا........لولا الحوش اللي انا فيه وربي ننهيك
فؤاد:اقلب وجهك
احمد:راضيله خوك باللي يقول فيه
صقر:اسكت يافؤاد وريحنا الزفت شن جابك هنا
فؤاد:بتعطوها من وراي اريام ليا ومش حاياخدها حد 😡
معتصم:سكر فمك شن ملطشه هيا اختي وحر لمن بنعطيها ماليك شي عندنا وسادك اللي درته قبل
احمد قربع الباب وطلع متعصب:تي والله مايجي الكلام هدا 😡
صقر:امسحها في وجهي ياصاحبي
احمد:وجهك مش فوطة ورحمه بوي ماني فايتها ولا رح نسكت عليه اللي صار هدا وانت زابطني كويس ركب سيارته وخر وطلع بسرعته
صقر:عاجبك اللي درته
فؤاد:انا مشيت لعمي وكلمته علاش يعطي كلمه لحد ثاني هوا جبرني ندير هكي
معتصم:والله اريام ماك واخدها لو نقتلها بيدي برا دور وين تلعب
فؤاد:نتلاقو ياولد عمي
احمد يمسح في فمه من الدم:ولد الكلب
سندس:غير اهدا شن صار باش تعاركتو
احمد:مش صاحبتك انتي كيف ماقالتش ولد عمها يبيها
سندس:اكيد ماتبيشي كان هدا ماتوافقش عليك وتخلينا نجو لحوشهم مش حاتشريلنا اهانه
احمد:لو مش داير قدر لبوها بس نوريه مد الايد عااصوله
عمته:مدام ولد عمها يبيها فوتها سلم ولدي مش نصيبك
احمد:نصيبي انا نبيها وعناد على عناده ناخدها ولو يبدا اخر يوم في عمري 😡😡
سندس:نقص السرعه بهي بتقتلنا
وصلهم للحوش وطلع
اما عند اريام اللي تبكي وتاخد في نفسها بالسيف:لازم يخربلي حياتي مش ساده اللي داره زمان
سادين:مش عارفه شن صاير في عقله هبل
اريام:حقير والله ماناخده لو نقتل روحي
خش معتصم طايرتله:فرخه انتي رجعتيله هدا الكلب
اريام:لارجعتله ولا نبيه
معتصم شدها من ايدها بقوة:مالا شن يقول خاطبها من عمي ادوي سامحتيه
سادين:اهدا مش هكا تتفاهم خليها ترتاح وبعدين تكلمو
معتصم:تي شن علاقتك انتي وشن ديري هنا اساسا اقلبي وجهك الحقي خوك 😡😡😡
سادين انصدمت فيه
اريام:خيرك عليها شن دخلها هيا
معتصم:هدا اللي عندي
سادين:تمام ريمو تو نكلمك بعدين سلام وطلعت تجري روحت ودموعها عاخدها
اريام:واعي لروحك انت
معتصم خبط ايده في الباب:تي الزح كله منه هداكا لخبط الدنيا
اريام:فؤاد مجنون وماحد حايهتم لكلامه بوك لو موافق ماكان استقبل الناس اليوم ولا دس الموضوع علينا بس هوا يبي يهديه وانت دير زيه واغلط غلطه كرها فيك وخليها تبعد عليك عاود نفس عمايل ولد عمك شن بيطلع منك 😑
معتصم:اكيد مش رح نقوللها الكلام هدا من قلبي بس متعصب
اريام:اطلع خليني بروحي
______________________________________
صقر ✨
روحت للحوش فاصل مره وحده من فؤاد واللي داره خشيت قعمزت في الصاله ولعت دخاني طايرتلي
بعد وقت مانعرفش قداش طلعت
نسيبه:روحت
انا:ايه ديريلي قهوة
نسيبه:خيرك
انا:غير بري وجيبيلي معاك بنادول
دارتلي قهوة وقعمزت جنبي:خيرك حبيبي صاير شي في خدمتك
هزيت راسي:لا
نسيبه:مالا
حكيتلها اللي صار
نسيبه:هييي قصدك خوك قاعد يبي اريام
انا:توا حلت في عينه بعد سنين
نسيبه:بهي وصاحبك
انا:نتصل بيه مايردش حشمني الزفت عاطيه كلمه وجاي معاه خوي كسرني قدامه
نسيبه:اكيد رح يتفهمك انت مادخلكش بيه خليه اليومين هادو يهدا وامشي احكي معاه
انا:قالي مش حانسكت خايف يدير شي لفؤاد
نسيبه:وهيا اريام بتوافق
انا:ايه
نسيبه:خلاص ان شالله لما يردو عليه مايديرش شي وخوك كلمله بوه يتفاهم معاه
انا:هوا بتصرفاته هدي بيلخبط العيله تقول مافيشي عقل
نسيبه:تنحل يارب ماتكونش مرته سمعت تزيد تكبر
ضحكت بهزوة:لو ماكان حكالها اصلا
نسيبه:هاك خود الحبوب وارتاح توا
خديت منها ووقفت:تعالي جنبي
شدت يدي وخشينا للدار
_____________________________________
معتز:تعالي نبيك
نادين:شويه بس
معتز يهز في رجله:لامتا هدا
نادين قعمزت:شن فيه
معتز:تعبت والله لامتا بنقعدو عايشين تقول غرب نقعمزو عالسفره مانسمعش صوتك شهر ياندو بعيد عليك مش سادني
نادين:وكل مانتفكرلك اللي درته نقول شويه فيه
نزل عاركابه قدامها وشد يديها:اسف غلطه مستحيل تتعاود اطلبي اللي تبيه باش نرضيك
نادين:نبيش شي
معتز:سامحيني راهو بعدك مر
نادين:تعاودها والله لما نطلق يامعتز
قرب منها:وراسك يااغلى ناسي معاد تتعاود
نادين:تو نشوفو
معتز:صافيه
نادين تلعب بلحيته:صافيه حبيبي
باسها وحضنها بقوة 😘😘😍:استحشتك ياروحي
نادين:حتا انا
معتز:نموت فيك ومافيش مرا تسوى شعره من راسك في قلبي
نادين:ياعيني
معتز:به هي شوفيلنا الغدا ورانا شغل 😉
نادين:سخيف
معتز:نتعب انا 😘
_____________________________________
في حوش مسعود كانت الدنيا قايمه مش ناويه تقعد 😂
مسعود:شنو هدا كله صار وانا مهناش
سعاد:اي والله
وقف بعصبيه وخبط بعكازه:ياولد 😡
خش معتصم:نعم ياحاج
مسعود:تو ياكلب مخليك هنا مع اختك باش الراجل ينهان في بساطي ويطلع من عندي مضروب
معتصم:يابوي طلعت انا وصقر برا لما خشت اريام خليناهم بروحهم ماشفناه امتا خش فؤاد لين سمعنا الدوشة
مسعود:مش حاسب حساب لحد هالحيوان لكن انا نوريه نادي بنتك
سعاد ركبت تجري:تعالي يبيك بوك
نزلت اريام تمسح في دموعها:نعم بابا
مسعود:ماتواطيش راسك وبوك حي قوليلي من تبي ومايكون الا راجلك
اريام:انا مانبيشي فؤاد يابابا
مسعود:موافقه على خو صاحبتك
اريام:ايه
مسعود:تم الكلام الموضوع هدا معاش ينفتح في حوشي والبنت لأحمد
طلع لحوش خوه خبط عالباب مرتين
فتحت سادين:عمو اهلين
مسعود:مرحب ببنيتي ترا ناديلي بوك اني في المربوعه
سادين:حاضر
بعد وقت
خش فؤاد من الباب:السلام عليكم
نورالدين:تعالا شن داير انت
فؤاد:مادرت شي
مسعود وقف يقيم ايده ويضربه كف:انا تجي لحوشي وتهين ضيوفي ياكلب
فؤاد:تضربني ياعمي
مسعود:ونكسر راسك بدون مانسمعلك حس هكي رباك خوي تهد عالناس وتتهجم على ضيوفها
فؤاد:انت عطيتني وعد كيف تخلفه
نورالدين:قعمز وتحشم على وجهك
مسعود:عطيتك وعد اني نكلمها ونسألها ماقلتش نعطيهالك البنت ماتبيكش
فؤاد:لكن انا نبيها بترد ولد خوك
مسعود:وعلاش مانردكش راحت بنتي عندي بالدنيا كلها ولا تحسابني ناسيلك القديم ياولد خوي ياظهري وسندي
فؤاد انصدم بكلامه عمه
مسعود:هيييي يحسابني ياخوي راقد على وذاني ومخليه يلعب انا كل شي درته عندي بيه علم ونقول ولد خوك مايرضاش يكسر بنتك ليوم خطبت وانا نقول تو يتراجع لكن رخيت بينا وخديت البرانيه دموع بنتي مانسيتهم ولا ننساهم ليوم نموت وجيتني استقبلتك وسمعت منك وقلت لو تقولي نبيه ماتبدا الا مرته لين كلمني ولد الناس يبي يخطب مارضيتش نواطي راس بنتي قدام صاحبتها واستقبلتهم ومخلي القرار عندها توا قبل مانجي سألتها وقالتلي يابوي مانبيش ولد عمي ونبي البراني غلطت شي ياولد امي ؟
نورالدين:عداك العيب ياخوي وامسحها في وجهي بنتك بنتي واغلا من صغاري فؤاد معاش يتعرضلها ولا يقربها ان شالله ربي يكمل عالخير
مسعود:ان شالله وراسك حي هي السلام عليكم عقل ولدك وطلع
نورالدين:عندك بهي هكي تخليني قدام خوي في نص هدومي
فؤاد:نبيها
نورالدين:كانت قدامك سنين مش انت اللي بعتها وخديت غيرها ولا شنو
فؤاد:اهو بنصلح غلطي وناخدها
نورالدين:ومرتك
فؤاد:حكيتلها تبي تقعد اونه حوشها ماتبيش بنطلقها وناخد بناتي
نورالدين:ياعليك هبال وخلاص نوض نوض روح قعمز علي كراسي عقلك وفكر بالباهي اعرف الصح من الغلط وحوش عمك معاش بنشوفك قريب منه
فؤاد هز راسه وطلع لحوشه
_____________________________________
سادين ✨
روحت من حوش عمي نبكي مافهمتش علاش هزبني انا شن علاقتي بخوي ديما واقفه مع اريام بس 💔
معاش قدرت نقرا شي قعدت نتفرج عالكتابات ودموعي ماوقفوش نحبه بس هوا مايفوتش فرصه الا مايكشخ عليا ولا يهزبني 😔ياسرك وهم من قال يشوف فيك هوا حاسبك زي اخته اصلا حطي حد لقلبك ياهبله 💔
قطع تفكيري هاتفي اللي يرن "عصومي" مارديش عاود خمسه مرات بعدين فقد الامل قعدت مكتئبه وقت لين ركزت عالساعه لقيتها 2 خشيت غيرت لميت حوست الكتابات بنحاول نرقد
حسيت حركة في بلكونه قريب متت قمت هاتفي بنكلم رامي وصلني مسج "بلا عياط انا في البلكونة افتحيلي مانبيش نديرلك العار"
فتحت الباب وخش
معتصم:لو ماكتبتش مسج كنتي بعيطي طبعا
انا:بنتصل برامي
معتصم:فضيحه متنقله
قعمزت عالسرير ونشوف للارض
قعمز قدامي:دوستي زعلانه مني
طول دموعي نزلو:بعد عليا مش دوسه حد
معتصم:دوستي وليا اني قلبك عيونك شعرك كلك ليا
قعدت نشوفله مستغربه كلامه
قرب مني باس عيوني:نحبك يافرخه
صدمة كبيرة معاش قدرت نتكلم 😦
معتصم:نحبك من زمان لما مفرخ نلعبو هنا في الجنان سافرت وخديت حبك معاي في قلبي مافيش يوم شفت لغيرك او فكرت حتا نخونك رجعت ومقرر نخطبك اول شي بس عرفت انه عمي مايبيش يعطيك لين تطلعي من الثانوي بعدت مانبيش نعلقك بيا لكن والله تعبت ياقلبي
انا:وانا يعني مانحبكش ولا ماتعذبتش انت في كل فرصه تجي تهزبني وتجرحني
معتصم:نخاف عليك تتصرفي غلط او تبعي بنوت توا جيل معفن انا من خوفي عليك نقعد مقعمز قدام مدرستك لين تروحي نمشي كل شهر نسأل عليك
انا:بجد
معتصم:وراس عيونك ياعيوني راك النبض اللي فيا بلاك نموت
ضحكت:بجديات مانحلمش
معتصم:بجديات اسف عاللي درته بكري والله مانندري علي روحي حتا شن قلت طارتلي من خوك
انا:نلا زعلانه
معتصم:نرضيها غزالتي
انا:نبيش
معتصم:خلاص عاد دلوعتي سامحيني
انا:لا ونوض اطلع انت كيف تجيني في الوقت هدا
معتصم:ماقدرتش نخليك ترقدي زعلانه
انا:به برا
معتصم:لين تسامحيني ولا مش ماشي
قرب وباسني عاكتفي
انا وعيت لروحي وتفكرت شن لابسه: حي عالسخيف الصايع نوض اطلع ياقليل الادب مستغلني
معتصم يضحك:شن مستغلك ياهبله انا كان نبي شي رهو واخده منك زمااان
انا:اطلع ولا نتصل برامي
معتصم:ايااه علينا وعلى رامي سامحيني نمشي
عرفته مايبصرش فااطريت نتنازل:به سامحتك
معتصم:من قلبك
انا:ايه
حضني:نحبك دوستي
انا:به
معتصم:قعدا زعلانه عارفك لمن تو نرضيك خلاص ارقدي توا وغدوة نتلاقو
انا:اوك
معتصم:مافيش بوسه لحبيبك ولا حاجه هكي
انا:فيش
معتصم:ماشي مصيرك ليا وناخد اللي نبيه
دفيته في البلكونه وسكرتها:صايع خزي
وصل مسج"الصايع يموووت عليك" 💜
______________________________________
فاتحه شباك دارها وتتفرج عالسما دموعها ماوقفوش بكل الموقف اللي انحطت فيه اليوم خانقها قعدت بين نارين صاحبتها وخوها وولد عمها وعيلتها
رن هاتفها اول ماشافت رقم غريب عرفت منو فتحت الخط بدون ماتحكي شي بس صوت بكاها
احمد:علاش ماحكيتيش
اريام:كنت نبي نحكيلك والله بس مش من يوم المقابله
احمد:شكله هلبا الاسرار
اريام:لا
احمد:حبك الاول؟
اريام:واكثر شخص كسرني ومستحيل نرجعله
احمد:ناويه تنسيه بيا
اريام:ابدا
احمد:لو مش على خاطرك انتي وبوك رهو قلتهولكم اليوم لكن جاياته
اريام:ولد عمي في النهاية مانبيش مشاكل معاهم لو سمحت انا بنتزوجك مافيش داعي تقعد حساسيات بينكم
احمد:شني ترا عاوديهالي
اريام:شن هيا
احمد:اللي قلتيها من بتتزوجي
اريام: انت
احمد:يعني موافقه
اريام:ايه
احمد:عافكره كنت متصل بنفصل عليك مش عارف شن صار اول ماسمعتك تبكي
اريام:اسفه كله بسببي
احمد:مش مشكله لكن بنردهاله ولد عمك
اريام:احمد
تنهد:ها ياعيون احمد
اريام:عاخاطري
احمد:انتي ترضي نجيكم المره الجايه ونقابله واكل منه بوكس ومش راد عليه
اريام سكتت
احمد:جوابك وصلني خليني نديرله قرصه وذن تعرفه من نكون بس
اريام:به
احمد:شن ديري
اريام:شي كنت سرحانه نبكي
احمد:علاش
اريام:موقف اخي قدام سندس واقاربك وانت ومن جيهة حوش عمي نعتبر فيهم اهلي واكثر
احمد:يصير خير حبيبي ماتزعليش روحك انتي
اريام:سندس زعلانه!
احمد:لا
اريام:عمتك شن قالت عليا
احمد:مادوريش حد غدوة جايك للمصرف
اريام:به
احمد:تبي حاجه
اريام:لالا سلامتك
احمد:بوك
اريام:قلتله ☺️
احمد:مليح بكل وتي روحك مالا بالكثير شهر وتكوني عندي
اريام:احم
احمد:خودي ميه 😅
اريام:بهي بهي
_____________________________________
فاتت باقي الليله هادية ويمكن هدوء اللي يسبق العاصفه 🤭
صباحا نبدو من حوش صقر
نسيبه:هياااا
صقر طلع يسكر في قميصه:مهو انتي متأخره
نسيبه:نسيته خيرك مادرتليش منبه
صقر 😒:قرايتي ولا قرايتك
نسيبه تراجع:بهي
صقر:تعالي كولي
نسيبه:خاطريش
صقر:بهي هيا نمشو
طلعو حطها في المدرسه واتجه للعيادة بدي ياخد في حالات كل شويه يشوف الساعه عاموعد مرواحها
خشت ممرضه:دكتور تمو الحالات بس عندك ضيفه
صقر:دخليها
يشوف لصور حاله لين سمعها
عايشه:حبيبي
صقر:انتي شن ديري هنا
عايشه:جايه بنشوفك
صقر:يعني فوق اللي دايراته جايتني بكل وقاحه
عايشه:علاش بنتحشم ماانا درته وقاصداته
صقر:اللي شادني عليك محمد اخر مرة نبهك وربي نخربها عليك وانتي خاسره
عايشه:يعني عادي مرتك الحلوة تسمع وتسيبك شفت رساله مني شن دارت فيها
صقر:لشن تبي توصلي
عايشه:طلقها ريح روحك وريحني عارفه قلبك معاي
صقر:انتي تسمعي في روحك شن تقولي مركزه للسنين اللي فاتو لو نبيك كنت رديتك
عايشه:بس ح
انفتح الباب و................يتبع
تفاعلو عاد 😁
____________________________________
#شكرا_لخذلانكِ ✨
