part3
"مقتبسه"
صقر ✨
خشيت نلعب في الكلب متعي ليا فتره طويله ماشفتاش لكن مزال حافظني اول ماقربت منه زبطني 😅
خشيت لقيتهم واقفين وكأنهم انخلعو من الصوت:خير ياعيله
سادين عيطت:صقري 😍😍
واول وحدا نقزت في رقبتي استاحشتك استاحشتك موووت ياعمري محلااك
انا:بهي ياهبلة خليني نسلم عالباقي
سادين:لا فوتهم انا اكثر وحدا استاحشتك
انا:به نسلم ونرجعلك بنتي خلاص
سلمت عالكل وخوتي بس امي تجاهلتني كأنه ماروحتش
نورالدين:الحمد لله عالسلامه
انا:الله يسلمك ياغالي كيف صحتك
نورالدين:الحمد لله هدا وين ارتحت
انا:دوم يارب شنو ست الكل ماتبيش تسلم عليا اهو روحت وبلاش منها الحلفه
خولة:حلوف تعالا
حضنتها وحسيت كل الثقل اللي في قلبي انزاح الله قداش حضنها يريح ❤️ ربي مايحرمني منك
خولة:ولا منك ياصقري
عايشه:عاسلامتك
سلمت عليها فوق من النفس:الله يسلمك
محمد:كلبنا
انا ضحكت:اوو حمادي ليك وحشه 😅
سعاد:ربي يحفظكم اكتملت اللمه ان شالله ديما مجموعين
اريام:والله خطتك نجحت يامرت عمي
محمد:مالا كيف ومن يقدرها خوخه
سادين جت قعمزت جنبي:كيف هنا عليك تخلينا الوقت هدا كله
رامي:صح
لفيت يديا عليهم:الله غالب خدمة معاش فضيت
خولة:وتوا
انا:خلاص سيبنا انا وحسام وجينا
فؤاد:ايااه حتا هوا روح
انا:ايه فد من غادي وتقريبا مروح بيتزوج
خولة:اهي الناس اللي تفكر
انا ضحكت:مدام عندي عقلك مش محتاج التفكير انا
خولة:زيد تسهوك
انا:وين مرتك وفرخاتك
فؤاد:عند عيالها
انا:هي حولو انتم خلوني ناكل ميت جووع
اريام:لا واضح انك ميت ماشفتش روحك كيف مولي ضخم ولا شنو
انا:عينك من عليا
واستمرينا هدرزة وضحك ماحسيناش بالوقت لما كنت برا مانحسابش روحي مستاحشهم هكي وتوا لما كلهم قدامي قداش مرتاح انهم جنبي فعلا صدق حسام ❤️
___________________________________
حطيت السفرة وانا طايرتلي:والله مامعقوله فوق دوشة مفرخكم مقعمزين ماوحدا فيكم حركت صونيه من مكانها
نورهان:انا جايه بنرتاح
نور:حبيبتي والله سادنا حياشنا نجو هنا ثاني نخدمو
انا:تسمعي في بناويتك
صالحه:مادوريهمش قولي انتي خيرك
نورهان:ياماما تعبت من عزوزتي كل يوم تنق على حسان تبيه يتزوج عاخاطر الولد
صالحه:ردي بالك طولي لسانك ولا تقوليلها كلام يوجعها رهو وقتها حتا راجلك يسيبك
نور:وهوا شن وضعه
نورهان:قالي مادوري كلام حد نبيك انتي وبنتي
نور:خلاص مالا طز في الباقي
صالحه:وانتم شن حالكم
نادين شادة هاتفها وتضحك:عسل ياماما 😍
نور:عاد انتي شن مدلعك لين مفسدك
نادين:ختيسلمهولي حبيب قلبي
انا مقعمزة بيناتهم زي العنزة نسمع من هدي تشكي ومن هدي تشكر ومن اللي طول الوقت تكلم في راجلها وتتسهوك 🤦♀️ امتا بتجي يا راجلي وتاخدني
"هااي انا نادين البنت الترتيب الثالث وضعي نفس نوسة بالزبط بالدفان طلعت من الثانوي تعرفت على استاذ في اخر سنه وحبيته هلبا اول ماطلعت نتيجتي جي تقدملي وانا وافقت توا هوا راجلي ميت فيا وغير شن نبي سفر ودلع لبس وطلعات مامخلي شي في خاطري اهم شي عنده ندو وبس 😘😍سلمهولي حبيبي معتز"
" 🙄🙄ماتركزوش معاها هاديكا مخرومه براجلها انا نورهان البنت الترتيب الاول يعني انا بعد ياسر متخرجه من تخذير ونشتغل في عيادة متزوجه من سبعه سنين وربي رزقني ببنوته وبعدها معاش حملت راجلي راضي وعايشين حياة حلوة لكن عزوزتي دايرتلي مشاكل وتبيه يتزوج عليا 💔😢الله يسامحها راجلي اسمه حسان. وبنتي نسيم"
"ربي معاك حبيبتي 😔انا نور الترتيب الثاني تزوجت من ولد صاحب بابا زواجه صالونات يعني 😁بس الحمد لله بعد الزواج لقينا روحنا متفقين هلبا وحبينا بعضنا قعدا نقرا في الجامعه وهوا يدعم فيا ديما عندنا ولد وبنت باسم و بلقيس وحبيبي اسمه عبد الحكيم"
صالحه:هي تحركو الثلاثه ضمو المطبخ واكنسو الصالات وانتي خشي فرشي للصغار وارتاحي
انا:يحيى العدل 😍هيا هيا خشو قدامي للدار
نادين:مايصيرش هكا رهو
صالحه:تحركي انتي من لما جيتي الهاتف ماحولتيه من يدك
نادين:نكلم في زوزي
نور:والنبي نوضي زوزك امتا تملي منه
نادين:حسد 😒
دخلت المفرخ لدار فرشتلهم ورقدو طول فتحت الفيس نهدرز مع البنات لين بعتتلي الباردة صورة
سادين:شوفيني محلاني
انا:بشعه جدا
سادين:تفو ماعندكش ذوق شوفي هدي مع خوتي
انا:ربي يحفظكم
سادين:حي ماقتلكش صقر روح
انا:كان مسافر مالا
سادين:ايه ليه 5سنين في بريطانيا
انا:اممم بهي كويس
___________________________________
بدو المجموعه ينسحبو كل شويه يرقد حد لين قعدنا انا والفرخه اللي تفهم عليا
اريام تشوفله:شن مخليك تقعد الوقت هدا كله برا وبروحك مضحي بكل شي في سبيل انك تبعد
ضحكت وولعت دخاني:مصرة تهدرزي فيه الموضوع انتي
اريام:ماحدش فاهمك غيري صقر ادوي شن فيه
صقر:تذكري اللي ديما نقولك بناخدها وتو توريك ماتحبش حد يقرب مني
اريام:وين مشت!
قمت راسي للسما:تزوجت عمك
اريام شهقت:قصدك عايشه هيا ال!! 😓
انا:ايه هيا اللي كنت نحبها وروحي معلقه بين يديها
اريام:وعمي عنده علم بالكلام هدا
انا:تي لا شن تخرفي انتي عمك ماكانش يعرفها اصلا حناي هيا اللي عاجبتها وخطبتهاله وكانت من نصيبه
اريام:كيف هكي
انا:وقتها قلت لأمي تخطبلي ورفضت لاني قاعد نقرا وهيا ماتبيش تستنى ولا تبي تكافح معاي ببساطه جاها الجاهز اللي ماينرفضش قررت تتخلى عالطالب وتاخد المحامي المعبي نهت علاقتها بيا ووافقت علي عمي
اريام:حقيرة حسبي الله ونعم الوكيل فيها 😢 قاعد تحبها!
انا:لو تموت بين ايديا قلبي مايرجعش يحبها،كل القصه انه خاب ظني هلبا وماكنتش نبي نرجع لاني عارف امي بتزوجني مانبيش نظلم بنت معاي وانا عارف روحي معاش حانحب ثاني
اريام:لالا ماتخليش روحك عايش في الماضي مدام نسيتها تقدر تبدا من جديد تقدر تفتح قلبك ثاني وتحب
انا:ليش انتي قدرتي تحبي ثاني?
اريام شافت لجيهة ثانيه:وضعك مش زيني
انا:لا زي بعض نفس الكسرة انتي بعد سنين خوي خطب غيرك وتزوجها وانا نفسك لاانتي قدرتي تفتحي قلبك ولا انا قادر نفتح قلبي
اريام:مالقيتش اللي يستاهل بس اكيد ربي بيعوضنا عاكل شي ممكن هالمرة تكون البنت المناسبه تحبك وتصونك
انا:يستر الله وخلاص شن جو الخدمة
اريام:مليحه مغرقتني فلوس 😍
انا:وشن احلا من الفلووس
اريام:ولا شي يابروو
ضحكنا بصوت عالي
فؤاد:بالك تخشي ترقدي وياسر منه الضحك اللي سمعوه الكل
اريام:شي مايخصكش بوي وخوي موجودين
فؤاد:بلا طولت لسان وتفضلي خشي 😡
كنت نشوف في عيونه نار والغيرة بتقتله مدام يحبها للدرجه هدي ليش يسيبها ويقهرها هه عليك عقليات:نوضي خشي وغمزتلها
اريام:حاضر على خاطرك بس غدوة نكملو حكينا
انا:تم
فؤاد:شن هوا اللي قعدتوا ساهرين عاخاطره لتوا
انا:عادي هدرزه عامه قداش لينا ماتلاقيناش زابط انت علاقتي بيها قويه
فؤاد:اممم قلتلي
انا:ايه وانت خيرك معاها
فؤاد دف الطاوله قدامه طاحت:نحبها وربي مقهور كل يوم نتعذب نادم عاكل شي درته فيها،لو يرجع الوقت بس اقسم بالله مانخلي دمعه تنزل من عينها ومش حاناخد غيرها
انا:ضيعتها وفات توا الهى بمرتك وصغارك ونقولك معلومة خليك متأكد منها اريام مستحيل ترجعلك مهما دير،تخطاها وعيش هي ليلتك سعيدة
خشيت ندور وين نرقد كيف بنركب الدروج قابلتني هيا وعمي يضحكو
محمد:قاعد فايق
انا:اها ماقدرتش نرقد ملخبط عليا الوقت
محمد:اغصب روحك عالنوم جاياتك ايام مش حاتلحق تسكر عيونك
تنهدت فهمت انه يقصد علي موال امي:ربي يستر وخلاص
محمد:ماتخافش تو ندورولك وحدا مقومة ولا مرت عمك تشوفلك وحدا من قريباتها
ضحمت:لالا سادتنا هيا في العيلة انا بنختار
محمد:تو نشوفوها هي تصبح عاخير
قضينا يومين حلوات في المزرعه وبعدها استعد ياصقر للحرب رجعنا للحوش وثاني يوم الصبح
خشت راوية:نورت ليبيا
سلمت عليا وهدرزنا شويه وطلعت نبع الحنان ومعاها محراك الشر سادين😣
خولة:تبدا في تأثيث شقتك وبعد 3شهور بالزبط عرسك
انا:كيف هكي ووينها العروس
خولة:بنبدا ندورلك ماتفكرش فيها واحنا الحمد لله حالنا ميسور مش محتاجين تجيب شي معاها نبو بنت ناس تصونك وتحترمنا
انا:ياامي
سادين:يس عندنا عرس قريب 😍
راويه:شن رايك في بنات حماتي
خوله:ماشالله عليهم
انا:هي هي وين قعدين تخططو شن رجل كرسي العريس
خوله:تبي تقول شي تفضل اني نسمع
انا:حقي نحط شروط فيها اللي بناخدها
خوله:اشرط هي
انا:مانبيهاش تخدم ولا نبيها قاريه في الجامعات نبي وحدا مسيبه قرايتها من الاعدادي ولا الثانوي ونبيها صغيره مش كبيرة شارفه عيونها مش ملونات وشعرها اسود
سادين وراوية 😨😨😳
خوله:شن يافرخ تعجز فيا
انا شاد روحي مانبيش نضحك:هدي شروطي غيرها مانبيش نتزوج ودبرو راسكم
سادين:حرام عليك من وين بنجيبوها احنا
انا:دبرو
خوله:تمام الهى بشقتك بس
انا:اوك ان شالله شدي في ايدك شهر وتكون واتيه
راوية:ربي يهديك ياصقر
خش رامي:شن داير من عمله
سادين:مش حاتصدق شروطه
رامي:شن قال يبيها مريام فارس
انا:احرف 😂😂
خوله:هي نوضو توكلو
طلعنا انا ورامي خليناهم يغلو
راويه:كيف بنديرو توا
سادين:كلمي بابا يحكي معاه رهو عقدنا هكي
خوله:هدا ولدي انا في عقله انه عجزني لكن ناسي تسكير الراس اللي عنده واخده مني الي شرطه يكون ونخليه يوافق غصب
سادين:ماما حطت في راسها موضوع وربي يستر 🤭
خش نورالدين:السلام عليكم
ردو الكل
نورالدين:بندير عشا الليله للعيله عارجعت صقر
خوله:ان شالله
نورالدين:كلمي عيال مفتاح اعزميهم
سادين:يس بنتلاقى مع توأمتي 😍😍
خوله:ان شالله هي نوضو خلي نشوفو اللي ناقص
____________________________________
اريام ✨
دايريني بطله غير بالاسم مش مخلييني نتكلم بكل الدراه صقر هدا 😁
المهم تعالو نحكيلكم قصتي الحزينه 😔💔،لما كان عمري 17ولد عمي المحترم فؤاد بدي يتقرب مني ويقولي في اجمل عبارات الغزل وبحكم صغر سني وفتره مراهقه صدقته وحبيته قلبي تعلق بيه قعدنا سنين علاقه وشبه العيلة كلها عارفه ويستنوا السيد يقلهم بنتزوجو عشت في احلامي الورديه سنين وسنين وفجأه فيقني بأسوء طريقه في يوم كنا طالعين للمنتزه قعدنا نتمشو وننصدم بي حبيبي مقعمز مع بنت شاد يدها ويضحكو لما شافني تصرف عادي كأنه مش حبيبته لا والاحقر عرفني عليها بإني بنت عمه وبعد روحنا جي وقالي "مانبيش زواج الاقارب بيكثر غير المشاكل خلينا احباب واصحاب وبنتزوج هاديكا" وبس انتهت قصه حبنا بشكل حقييير هلباا تعذبت بكيت مرضت بعدها نسيته وتعافيت من حبه كملت حياتي عادي بس قلبي سكرته عالحب ومعاد فتحته نهائي حاليا عايشه بس لروحي. وهوا بعد سنين زواج وزوز بنات جي وطلب نسامحه ونرجعله 🙂شايفين وقاحه وقله ادب زي هكي اكيد لا 😁
ايه نسيت نقلكم نشتغل في مصرف
طلعت من الحوش ركبت سيارتي ومشيت لخدمتي
موظفه:عندك ضيف في مكتبك ليه ساعه يستنا فيك
خشت للمكتب:السلام عليكم
فؤاد:وعليكم عطلتي
اريام:خير ان شالله مانذكرش انه عندك موعد معاي
فؤاد:لا لكن بنحكي معاك وماحصلتش فرصه في الحوش قلت نجي هنا
لفيت وقعمزت ورا مكتبي:الاصح انا مش عاطياتك فرصه فاقلت نجي ونحطها في الامر الواقع في مكتبها وقدام الموظفين
فؤاد:حاجه زي هكي
اريام:بهي تفضل احكي اللي عندك
فؤاد:بنطلقها
اريام:به
فؤاد:ونبي نتزوجو نبيك ترجعيلي لوسمحتي ريمو خلينا ننسو الماضي ونرجعو عارف اني غلطت في حقك هلبا وجرحتك مش عارف شن صايرلي وقتها اسف هلبا
قعدت نشوفه نحاول نلقئ لقطه توضحلي انه يبصر لكن شوره يحكي جديات:انا مانبيش نكثر في الدوة ولا نتناقش معاك نختصرهالك "مستحيل في يوم نتزوجك" تمام ومعاش تفتحه الموضوع هدا لانه لو بعد ميه سنه حانقعد بنفس الراي
فؤاد:عارف انك زعلانه وواخده علي خا
ضحكت:واخده علي خاطري هه لا معليشي انت منو باش ناخد علي خاطري منك سلم ولد عمي نوض توكل مانبيش يصير بينا كلام اخي يطيح قدرك تفضل لو سمحت
فؤاد:اخر قرار
قمت هاتف المكتب وطلبت:بالله عمي محمد نبي قهوتي
لملم باقي كرامته وطلع ماصح وجهه ياناس 🤦♀️
_________________________________
روحت من المدرسه تعبانه بكل اخ قداش نكرها 😓
صالحه:خيرها غزيلتي زعلانه
نسيبه:تعبت ياماما خليني نسيب
صالحه:لا سلم بنتي هي نوضي غيري وتعالي تغدي
نسيبه:نبيش بنمشي نرقد
صالحه:وتي لبسه قبل الليله عازمتنا عمتك خوله
نسيبه:وليش
صالحه:ولدها كان مسافر يقرا وروح دايرين عشا
نسيبه:اممم نحبش الزحمه لكن نمشي قداش ليا ماتلاقيتش مع البنات
صالحه:خلاص وتي حاجاتك بعدين ارقدي
خشت كوثر مرت ياسر:السلام عليكم
ايلان:عمتو 😘😘
قمتها:شن الجو كوكه
كوثر:الحمد لله هدي المرواحه
نسيله:ااخ ماتفكرينيش والله فادة
كوثر:مش عارفه غريبه علي جيلك ماتبيش تقري بينما الباقي يموتو عالقرايه
صالحه:تكلمي يابنتي قوليلها تعبتنا من نقه بنبطل
نسيبه:تحاولوش رهو اخر حاجه السنه هدي
كوثر:ربي يهديك
نسيبه:تنني معاي
ايلان:تعتيني سكلاطه
نسيبه:انا اللي نعطيك
ايلان:باي ماما نمسي نني
كوثر:باي
__________________________________
نادين ✨
نضت الساعه 7زي كل يوم درت لحبي فطوره ومشي للخدمة ضميت الحوش ونزلت لعزوزتي درتلها فطرت وضميت المطبخ
سالمه"ام معتز":صحيتي يابنيتي ربي يفتحها قدامك
نادين:سلمك عميمه اونه فطور الولاد عالطاولة بعدين تو نزللكم انا الغدا ماديري شي
سالمه:بالك تعب عليك
نادين:تعبكم راحه هي سلامتك توا
"عزوزتي مش كبيرة هلبا بالعكس قعدا بصحتها غير كانت تسيق في الجنان طاحت وانكسرت رجلها معتز بوه ميت عنده 5خوت الكبار الزوز متزوجين وساكنين بعيد عالعيلة مايجوش الا يوم الجمعه واحنا شقتنا فوق حوش العيله والصغار الزوز قعدين عزابه علاقتي بيهم كويسه واحترام نتعامل معاهم زي ياسر وامهم في الاول بدير عليا جو الواعره ومش عاجبتها بعدين مع الوقت تأقلمت معاي وبديت الكنه المفضله عندها 😍وحتا لساني ليه دور كبير 😅"
ركبت بديت ندير في الغدا ماحسيتش بالوقت لين روح
معتز:حبيبي
نادين طالعه من الدار:عويناتها
معتز حضنها:استاحشتك فرختي العسل
نادين:انا اكثر شن جو الخدمة
معتز:ماشي حالها مش زي المدرسه لكن باهيه
نادين:تتعود ياقلبي عادي
معتز:المهم انتي راضيه يانور عيوني
نادين:اكيد 😘هي غير وتعالا ننزلو نتغدو مع امك
معتز:حاضر
_______________________________
المغرب كنا جاهزين انا وماما وكوكه
لبست قونة عالاسود كلها تكسيرات بالطول وتيشرت ابيض عليه قميص جينز ازرق فاتح ووشاح احمر سبيرو ابيض "كيوت ره 😍" جي بابا ومشينا
وصلنا لقينا زحمه هلبا قدام حوشهم شورهم قبيله 😁
ايلان:شوفي نوسه هداكا وليد
انا:ايه شفت
استقبلتنا عمتي خوله قذاش طيبه المرا هدي ونحبها 😍
سادين:نوستي ❤️
سلمت عالناس كل لين طاح جهدي وخشيت للبنات في المطبخ
سادين:شوفو من جبتلكم
راويه:مرحبتين عاش من شافك
انا:تعيشي كيفك
راويه:الحمد لله
اريام:حبي
حضنتها:ريمو استاحشتك 😍😍
اريام:وانا والله محلوة يافرخه اشيه
انا:تسلمي
عايشه:منو هدي
سادين:صاحبتنا وامها صاحبة ماما هلبا نسيبه وهدي مرت عمي محمد
سلمت عليها وحسيتها شايفه روحها هلبا 😂مسكينه
قعدنا نهدرزو ونجهزو في العشا قضيت وقت حلو بما اني نعرف اغلب العيله لين جو الشباب باش يرفعو العشا طبعا مانعرفش من ولادهم الا رامي
اريام:هي طلعيلهم السفر والسلاطه يادوسه وانتي نوسه طلعي المشروب
طلعت ولقيتهم زحمه هلبا خشيت:اسمعي انا نقربلكم وانتم طلعو ولادكم هلبا
اريام:سلمها اللي تتحشم 😅
رامي:مني هدي الحمرا
سادين:نوسه بنت عمي مفتاح
رامي:اياااه وخيرها ماتسلمش
سادين:متحشمه من خوتك وولد عمك
رامي:ايااه ترا حولي
قام رشادة وحدفها عليا
اريام:حي عليك
عرفته من حركاته البايخه:رامي يابارد والله ماني فايتتها
صقر:مني هدي اللي ضربتها
رامي:بنت عمك مفتاح الصغيره ماتذكرش فيها
صقر:لا انا بالسيف جبته الراجل تبيني نذكر حتا بنته
رامي:ياودي هدي توأم دوسه مش عارف كيف نسيتها كانو يجونا ديما قبل مايحولو
صقر:مش عارف هي برا ارفع الصواني
_______________________________
صالحه:ماشالله ربي يحفظهولك
حوله:ويحفظلك صغارك وين باقي البنات ماجوش
صالحه:والله كل وحدا لاهيه في حوشها
خوله:ربي يهنيهم
نسيبه:ماما ترا اعطيني هاتفك بنكلم جنو
صالحه:هاك
خوله ابتسمت:شن جو القرايه يانوسه
نسيبه:لا ياعمتي اسأليني اي سؤال الا المدرسه
خوله:علاش
نسيبه:مانحبهاش نستنا في السنه هدي تم بنبطل خلاص
خوله:قعدا مسكرة راسك
نسيبه:ديما
صالحه:شفتيها علي مادرنا فيها
خوله:وشن تبي تخدم
صالحه:تبي تتزوج زي خواتها هيا ونادين من يومهم مايحبوش يقرو
خوله ابتسمت وهنا وصلت لمرادها. 🙂.....يتبع
_______________________________
#شكرا_لخذلانكِ ✨
