part17
"مقتبسة"
فتح صقر الباب:شن فيه
عايشه خشت تبكي:حبيبي انا خلاص معاش متحمله بالله علي طلقني منه تعبت 😭
صقر:خيرك انتي شن تخرفي
عايشه شدت ايديه:ياسر مليت من التمثيل لامتا بنقعدو عايشين فيها اللعبه هدي نبي نطلق مانحباش نبيك انت موافقه حتا لو بتتزوجني الثانيه المهم معاك
صقر دفها:شن هوا اللي ثانيه انتي في دماغك شي
عايشه شافت وراه:احكيلها قوللها اني حبيبتك اللي ضحت وتحملت سنين عاخاطرك قوللها انك تحبني وخديتها بس عاخاطر ضغط اهلك احكي انا ماعادش عندي اي استعداد نفرط فيك ونقعد بعيده عليك لحظة وحدا
تلفت صقر شافها واقفه وراه عيونها حمر من البكا
عايشه:عارفه انه ماليكش ذنب في شي بس هدي امه مايقدرش يعارضها هيا اختاراتك فهمتي علاش ماجاش في الخطبه وتأخر في العرس
صقر:اطلعي برا يا......😡😡🤬
عايشه:حبي بالله عليك ياسر خلينا نعيشو حياتنا وطز في الكل حتا هوا عمك يحب وداير علاقه بنقعدو احنا نتحملو شي فوق طاقتنا نسيت ايامنا مع بعض نسيت حبنا من ايام كنت تقرا 🙂
دفها برا الحوش وسكر الباب
بدت تعيط وتخبط:صقر افتحلي نحبك انا مستحيل تخليني بعد السنين هادو كلهم مستحيل تفرط في حبي انت ماتبيهاش علاش ضحي بحبنا
وعلى صوتها طلعت كل العيله وسمعو اللي صار 🤷♀️
محمد واقف بعيد يتفرج
خوله:نوضي بلا كذب ولدي انا يشوف لمرت عمه
عايشه:مش اليوم ولا امس ولدك يحبني لينا سنين مع بعض ولما عزوزتك خطبتني قالي تزوجي عمي ونوعدك بعد نروح نتزوجك روح وانتي السبب خطبتيله الفرخه هدي انتي السبب فرقتينا
اريام:بلاش تبلي ياواطيه صقر لا يبيك ولا شبحلك حتا انتي اللي سيبتيه
عايشه:انتي يااريام اللي شاهده على حبنا وعندك علم بكل شي انتي اللي كنتي تساعدي فينا نتلاقو توا نكرتي 😢
سادين 😢💔
نورالدين:لاحول ولا قوة الا بالله اركبي نادي خوك
صقر مقعمز عالكرسي يذكر في ليلتهم كيف كانت وكيف خرب كل شي في لمح البصر قطعت تفكيره لما طلعت من الدوش
خدت شنطه من الدولاب وبدت ترمي في لبسها فيها ودموعها عاخدها 💔😭
صقر وقف قدامها: شن ديري حبيبي قصدك صدقتيها المريضه هدي
نسيبه:بعد خليني نلم كل شي يخصني واتصل بخوي يجي يرفعني
صقر:اسمعيني قبل ماتصدقيش شي مش موجود ماتسمحيش لحد يهدم زواجنا
نسيبه دفاته وعيطت:زواااج شنو اللي تحكي عليه ويينه زواجنا، ااه وينه على منو تضحك انت على روحك ولا عليا؟
زواج شنو اللي ضحكت عليا من اول يوم فيه ها! زواج شنو اللي حبيبتك القديمه هيا مرت عمك!! اي زواج اللي مرتك مرقدها على وذانها وحبيبتك عايشه جنبك
صقر:اسمعيني بهي خليني نحكيلك
نسيبه:طلبت منك بدل المره ميه لييين اكتفيت خلاص معاش نبي نسمع شي توا تبيها برا خودها اما انا ورقتي توصلني بس هدا اللي نبيه
قرب منها شد ايديها:لالا ورقه شنو تحلمي نطلقك ونفرط فيك بعد لقيتك يانسيبه نحبك ماديريش فينا هكي
نسيبه:معاش فيه شي اسمه احنا
صقر:فيه مش حانسيبك وتو تعرفي الحق انا هاديكا وربي معاش شبحتلها من يوم سيبتني وسافرت
نسيبه:حياتك هدي مادخليش بيها
صقر:عمري ماتخربيش فرحتنا ارجووك فرحان بيك نسيتي شن صار بينا امس
نسيبه:مانسيتش ومستحيل ننسا نادمة وياريتني ماسلمتك روحي واحد كذاب
صقر:بهي اهدي توا وبعدين نحكو
نسيبه:حكينا الوحيد هوا الطلاق وبس
صقر:مستحيل
نسيب سكرت الشنطه:تمام انا تو نكلم بروحي
سبقها خدي هاتفها والارضي:اسف عاللي بنديره بس لازم تهدي وتسمعيني طلع وسكر الحوش بالمفتاح
نسيبه تخبط:انجنيت انت افتحلي توا والله ماقاعده فيه الحوش ياصقر لو تسكره عليا بمليون قفل افتح ماعندكش حق تحبسني بعد اللي درته فيا افتح 😢😭😭😭
صقر:سامحيني ياروحي سامحيني بنيتي 💔
طلع من الحوش التفتو الكل يشوفوله بينهم نظرات اللوم،نظرات انتقام،تشفي،ونظرات واجعها حاله
نورالدين:شن اللي تقول فيه هدي
عايشه:ماقلتش الا الحق
نورالدين بصوت عالي:كلمت ولدي تسكتي مانسمعلكش حس 😡
صقر:كذب يابوي
نورالدين:وانا عارف روحي شن ربيت،لكن فيه شي انا مانعرفاش
صقر واطى راسه
خوله:هيا هدي اللي ..
صقر:اللي تقول فيه مافيش منه اي شي صح تبو تبرير اسمعو مني هالمره لاني مستحيل بعدها نوضح لحد شي مع اني مش مجبور نحكي لكن انتم عيلتي وحقكم تعرفو لبنت هدي كانت اول حب في حياتي بس كان طموحها اكبر من حبها ليا تخلت عليا لاني طالب وقرايتي مطوله، عند اول فرصه للزواج وهيا عمي وافقت جتني وقالتلي بنتزوج عمك لوسمحت ماتخربش حياتي، سيبت كل شي وسافرت مسحتها من قلبي ومارضيتش نخربلها عيشتها قي النهاية وليه وعندي ولايا وحتا بعد رجعت ماخلتنيش في حالي سببتلي مشاكل مع مرتي وبرضو سكتت لكن لهنا وياسر وربي ياعايشه وحق من خلقني وخلقك نخليك تندمي على كل حرف قلتيه لمرتي وكل جمله حاولتي تشوهي سمعتي بيها قدام عيلتي 😡
نورالدين:كل واحد لحوشه
عايشه:وعد مني نخربلكم حياتكم كلكم
صقر فاتها ولحق امه اللي خشت وواضح مضايقه منه
محمد:كملتي
عايشه:شني
محمد:توا نصفو حسابنا انا وياك هي قدامي لحوشنا
___________________________________
خولة:الله يسامحك ياوليدي على هالعملة
رامي:مش عارف علاش تقولي هكي عاديه رهو قصدي هوا كان عارف انه حناي بتخطبها يعني ولا بيجي لعمه يقوله ماتاخدش حبيبتي
خوله:اسكت انت
رامي:اقتنعي ياامي اللي داره صقر احسن حل هوا بعد عالكل هيا واطيه
خوله:يجي يحكيلنا مش يخلينا الوقت كله مش عارفين شي ومرتك شن موقفها توا شن بتقوللها بعد كلام اللي سمعاته
صقر:يمي انتم ليش ماتبوش تصدقوني وربي مافيه بيني وبينها حاجه من يوم سيبتها معاد فكرت نتلفتلها تي شن فرخ حرام نشوف لعرض عمي اني 😡
سادين:ومرتك
صقر:غلطي اني ماحكيتلهاش من تكون دسيت عليها بس عندها القصه
خوله:شن قالتلك
صقر:مسكر عليها الشقه تبي تمشي لاهلها
خوله خبطت عارجليها:يانهاري حابس المرا
صقر:اي نحبسها ونمشي بيها لأخر الدنيا لو تفكر تبعد عليا
خوله:بهي غير بري كلميها انتي واريام بالك تقتنع
سادين:حاضر افتحلنا
مشو مع بعض للحوش
خشو شافوها عالصالون ضامه رجليها وتبكي
سادين:نوسه
نسيبه:قولي لخوك يعطيني نكلم اهلي
سادين:حبيبتي غير اسمعي منه والله هيا تكذب عليه
نسيبه:لو فيه حد كذاب وخاين فاهوا خوك
صقر:ماقتلكش من هيا بس حكيتلك كل اللي صار
نسيبه:كنت نقولك مرت عمك ضايق فيا ،تستحقر فيا تتعمد تحرجني قدامكم داير روحك مستغرب
صقر:تي شن تبيني نقولك الزفت
نسيبه:تكون صادق بس انا مش عيله ماكنتش نفضح بيك ولا نحكي طلبت صدق مش اكثر
صقر:افهميني الموضوع مش بالبساطه هدي
نسيبه:طلقني بس معاش نبي شي توا تتصلو بخوي يجيني
اريام:غير اهدي وخلينا نحكو
تسيبه:انتي بالذات مانبيش نسمع صوتك ولا نحكي معاك اطلعي برا 😡
صقر:نسيبه 😡😡😡
تلفتتله:شنو ها طلعني غالطه توا كلكم عندكم علم ومخلييني نحلم وعايشه وهم مش انتي تقوليلي رح يحبك وتحملي واصبري تجربته كانت فاشله بس ينسا
اريام:ماكذبتش في شي 😢
نسيبه:ليش دسيتي عليا بس 😭😭💔 وانتي ياصاحبتي
سادين تبكي:والله مانعلم بحاجه كنت حكيتلك والله وغلاوتك عندي 💔
اريام:بهي اسمعيه مش تحبيه اعطيه فرصه غلط ويصلح غلطه
نسيبه:يوم بعتت الرساله كنتي تعرفي انها هيا
اريام سكتت
نسيبه 😭😭:الله يسامحكم
سادين:شن تبي انتي
نسيبه حضنتها:نبي نمشي لأمي بس 💔
اريام:برا خليها ترتاح شويه
صقر:اقنعوها انتم ادوو معاها مستحيل نسمحلها تسيبني تسمعو فيا مستحيل نتخلا عليها بعد لقيتها. وطلع 💔💔
___________________________________
محمد سكر الباب وقعمز عالصالون يدخن:حلوة خطوتك
عايشه:مش انا اللي يلتعب من وراي 😏
محمد:ومن كاذب عليك وقالك نلعب من وراك ياحماره قداش واحد قالك بنتزوج عليك
عايشه:حقير انت وكل عيلتك
محمد:حقارتي مزال ماشفتي منها شي
عايشه:بدل ماتمشي تحاسب ولد خوك
محمد:عاشنو بالزبط بنحاسبه على وحدا وسخه حبها وسيباته ولا على وحدا خدت عمه لانه عنده فلوس
عايشه:ومصدقها الخرافه هدي
محمد:تبيني نصدقك انتي 🙂
عايسه:ماتهمنيش
محمد حط يده عاخده:من كل عقلك سيبتيه عاخاطر طالب
عايشه:نحبه
محمد:تحبي ولد خوي
عايشه:ايه نحبه وميته فيه صح سيبته زمان لكن توا ندفع عمري مقابل يرجعلي ورح نخرب على كل حد كان ليه ايد في بعد صقر عليا
محمد:اممم
عايشه:ماتفاجئت يعني
محمد:لاعادي معاش ننصدم شايف ماسادني في المحاكم الله غالب ربي ياخد فيك الحق 😣
عايشه:تي انت كنت بتتزوج عليا ياواطي
محمد:حقي
عايشه:طلقني وماتنقصش ولا دينار في مؤخري فاهم 😡
محمد وقف مشي خطوات للتلفزيون نحا من وراه هاتف سكر التسجيل:توا دوري انا نتكلم عاد 🙂
حط الهاتف في جيبه وشدها من شعرها بقوة:انا يازباله يا..........تضحكي عليا وبتخشي بيني وبين ولد خوي
بدت تعيط:كذاب والله هوا يحبني ويبيني
محمد:تي انتي من يشوفلك ياوسخه 😡😡😡 لا ودايره فضيحه قدام العيله كلها تو نربيك
وكلت عويشه طريحه نباش القبور 😂مسكينه لين خلاها كلها دم 🔪
قعمز دهشان:مزال ماشفيت غليلي فيك
عايشه تتكلم بالسيف:حسبي الله فيك
محمد:تي سكري فمك ياخمر سكري يجو خوتك يلموك تطلعي باللي عليك بس بعد تعتذري من الكل وبنطلقك،تتنازلي على كل حقوقك زيك زي الكلبه
عايشه:تحلم
محمد:هدا لو ماتبيش قضيه اداب 🙂عاد محامي ولعبتي
عايشه:نكرهك
محمد:ميت عليك انا هيا هيا عندنا شغل مش فاضيلك وراي خطبه وزواج
قامها من شعرها: اغسلي خلقتك والحقيني مانبيش نكثره عارفتني لما نتغول 😡
_____________________________________
نور مقعمزة تتفرج عافيلم
بلقيس:مامي
نور:نعم
بلقيس:نمشو جدو
نور:بهي بعدين نقول لبابا
بلقيس:توا توا
نور:هاتي هاتف اتصلي بيه
بلقيس:هي هي
نور اتصلت:الوو
عبدو:مرحب بروحي
نور:مزال معطل حبيبي
عبدو:مني
نور:حبيبي 🤭
فتح الباب وخش:اهو هنا حبيبك
نور:احم بري قوليله
بلقيس:بابي
عبدومركز على نور:عيونه بوك
بلقيس:نبي جدو
عبدو:اممم
باقيس:يابابي
عبدو:نعم نعم
بلقيس:جدو
عبدو:حاضر بعدين نرفعك تباتي عندهم
بلقيس:هييي نبات عند جدو 😍😍
نور:شني من قال
عبدو باسها عاخدها:انا قلت ومانبيش اي اعتراض حبيبي 😉
نور:حول بهي بنحط الغدا
عبدو:ها بعدت 😁
نور:ماروحوش اهلك
عبدو:كلمتهم بكري قال غدوة جاي وبتجي معاهم سماح
نور تلفتت:ايااه
عبدو:ايه
نور:قداش مستاحشتها
عبدو:اهي بتجي مانوصيكش عاد الصقي فيها لصوق 🙄
نور:حاضر 🤭🤭
__________________________________
خوله رابطه راسها:تسمعو في الباب ولا نوضو افتحو 😣
رامي:بهي وفتح
محمد:خيرات
رامي مصدوم في منظر عايشه:هدي شن درت انت 😳
محمد:خشي 😡
خوله شهقت:حي عليا
عايشه:انا اسفه سامحيني عاللي قلته
محمد:وين نوري برا نادي بوك
اعتذرت من العيله تحت صدمت الكل كيف كان منظرها من الضرب
محمد وقف وتنهد:لو يدمر حوش صقر حياتك ننهيها
عايشه:انت
محمد:بلا دوة فاضيه تخشي تتأسفي من مرته وتقلبي وجهك حتا في شارع قدام حوشنا مانبيش نشوفك
فتحت سادين:عمو 😔
محمد:تنحل باذن الله حبيبت عمو ماتزعليش
شافت لعايشه:حسبي الله ونعم الوكيل فيك
خشو للحوش
نسيبه قامت راسها:شن ديري هنا
محمد:جايه بتتأسف منك
نسيبه:مانبيش منها شي طالعه من هنا ومخليتلك كل شي
محمد:قعمزي واسمعي اللي قالاته مافيش منه شي
نسيبه:فيه ولا مافيش انا مانبيش نشوف وجها ولا نسمع منها
محمد:يعني مصدقتها
نسيبه:معاش يفرق احنا انتهينا 💔
محمد:بتنهي زواجك عاخاطر وحدا زي هدي بتعطيها اللي تبيه
نسيبه:اي بنعطيها اللي هيا من الاول تبي توصلنا ليه بنعطيها ولد خوك اللي عيشني في كذبه
محمد:اي شي بتقوليه توا نتيجة غضبك وتبي بس تردي اهدي وارتاحي بعدين تفهمي انه الموضوع تافه هلبا يعني لو هوا كبير وصح بتلقيني قاعد قدامك توا ونهدرز بالبرود هدا،اكيد كنت قتلتهم،صقر صاحبي قبل مايكون ولد خوي نفهمه من نظره عيونه عارف ومتأكد انه ماعنده شي تجاها زي ماواثق انه يحبك ومش متخلي عليك فكري براحتك وبعقل تكتشفي انه كله كذب
نسيبه:طلعها من هنا
محمد:ماتبيش تسمعي
نسيبه:عمي لوسمحت
محمد:تمام ياريت تعدي للعشرة قبل ماديري اي تصرف
طلعو من الحوش
عايشه:ماتحكيش لخوتي
محمد:نجوم السما اقربلك
اتصل بخوتها جو رفعوها وطبعا حكالهم انها تبلت على ولد خوه وسمعهم التسجيل كاتهديد بسيط مقابل تتنازل على مؤخرها ويصير طلاق بالتراضي
اريام:ياماما صقر اقرب حد ليا كيف تبيني نعاود لمرته على سر امني عليه 😢
سعاد:انصحيه يحكيلها اجبريه مش هكي نخلوها البنت
اريام:قلتله والله بس هوا ماسمعش مني ماقدرتش نخرب بينهم وانا شفته كيف تعلق بيها وحبها قلت خلاص بيعيش حياته وتمت القصه القديمه
سعاد:كيف تمت وهيا مرت عمك،ماوجعاتك البنت رقدت في مستشفى بسببها ربي يهديكم وخلاص
اريام رقدت عالسرير تبكي وحاسه بالذنب وانها كان لازم تتصرف 💔
____________________________________
الساعه12
مقعمزين البنات مع نسيبه وهيا مزال عاحالها
سادين:حبيبتي ماكليتي شي اليوم
نسيبه:مانبيش 😢
اريام:مايصيرش هكي
نسيبه:تعرفو انه امس بس قربنا من بعض 💔امس بس كيف بدي زواجنا حقيقي كنت طايره من الفرحه لانه قالي مانقدرش نقرب منك الا لما نحبك قلت يعني حبني بجديات اخيرا بنعيش قصة الحب اللي تمنيتها 😭😭
اريام:ليش ماتنضريش للموضوع من الناحيه هدي بهي صقر حبك بجديات وانا عارفه والله متعلق بيك من يوم عرسكم وهوا يقولي مانقدرش نبعد عليها صح غلط في شي بس تقدرو تبدو من جديد انسو اللي فات وافتحو صفحه جديده
نسيبه:مانقدرش 😔اللي انكسر بينا صعب يتصلح
محمد فتح الحوش:خش ارتاح
صقر:وين نلقاها الراحه 😪
محمد:تو تفرج
صقر:تعبت اللي مافهتاش شن صار خليها تقلب ودير هدا
محمد:تبي تخرب عالكل لانها عرفت اني بنتزوج
صقر:وانت ناويها بجديات
محمد:ايه والبنت صاحبت مرتك
صقر:صاحبتها!
محمد:ايه تقرا معاها
"ضاعت منكم الخريطه ولا نشرحلكم وحده وحده 😊"
flash back
يوم اللمه في حوش نسيبه لما كانو محمد وجنان يحكو
محمد شاف عايشه واقفه تسمع بس وقتها ماكانش مهتم لاي شي الا حبيبته اللي قدامه هدرز معاها وطلع
عايشه:انا تحب عليا ياوقح لا وبتتزوجها 😡
لما مشت لحوش صقر وخدت السكر ماكانتش بتسحر زي ماتوقعو بعض المتابعات😂لا كانت بس بتتأكد انها صاحبت نسيبه فاشكت في ملعوب صاير من غبائها 🤷♀️ودخلت الكل في اللعبه
قررت دير المسرحيه هدي باش تضربهم في بعضهم
نسيبه وصقر
محمد وصقر
اريام ونسيبه
نسيبه وسادين
وعلاقة العيله كلها
لكن محاولاتها بائت بالفشل وتو تعرفو السبب
end back
صقر:وللسبب هدا قررت تخبطنا في بعضنا
محمد فتح التلفزيون:بالزبط
صقر:شن درتلها
محمد:رديت غيضي فيها و حدفتها لخوتها
صقر:وكان ترفع عليك دعوة
محمد:ماتقدرش مش محامي من بلاش انا نهز راسي ونخلي وحدا زي هدي تلعبلي في حياتي شهر بالكثير ونطلقها
صقر:اكيد شاد عليها حاجه
محمد:جعان بكل هي نطلبو عشا
صقر:ماعنديش نيه اطلب انت
محمد:بنبدو في سريب النكد
صقر:لو المره هدي خسرتها ننتهي
محمد:مش حاتخسرها وعد من عمك نوض خود دوش وريح روحك شويه
صقر:ان شالله
رن هاتفه اول ماشافه ضحك:مرحب بقلبي
جنان:توا تفهمني شن اللي سمعته بجد مرتك حبيبة صقر راجل نوسه
محمد:ومنين سمعتي انتي 🙄
جنان:منها طبعا
محمد:فيش منه الموضوع كانو علاقه لما في الكليه وسيباته قبل مانتزوجها توا بترجع ديرله مشاكل وحركات رخيصه بس وقفتها عند حده وانتهى الموضوع مشكله صقر ومرته يحلوها بروحهم زعل نسون
جنان:هدا علاش بطلقها
محمد:ايه
جنان:يعني كان عندك علم انت
محمد:ايه
جنان:ونوسه بس الهبله اللي مش عارفه شي
محمد:مش موضوعي هدا
جنان:محمد لو سمحت الموضوع كبير
سرح في صوتها:ترا عاودي اسمي تاني 🤤
جنان:اوووف من وين طلعتلي بس
محمد:نصيبنا عاد
جنان:امي داعيه عليا
محمد:صار هكي جنتي
جنان:طبيعي انت تي في شن نهدرزلك انا
محمد:غدوة جاي بنخطبك
جنان:نعم 😳
محمد:نبيك تلبسي احلا ماعندك
جنان:انجنيت انت
محمد:بيك غزالتي
جنان:مرتك شن صار فيها
محمد:طليقتي بعد فتره
جنان:نقدرش
محمد:انا غدوة جاي وارفضيني تمام
جنان:محمد
تنهد:قلت اللي عندي انا جاي وطالبك بالحلال ماتبينيش ارفضي ومش حانجبرك فكري من هنا لغدوة ليلتك سعيدة
جنان:سلام
اريام خشت للمربوعه:السلام عليكم
احمد وقف:وعليكم خيرك ماترديش شغلتيني عليك حبيبي
اريام:تعبانه شويه
احمد:شن تحسي قوليلي نرفعك للمستشفى
اريام:لالا تمام توا مشكله عائليه
احمد:قعمزي بهي
اريام:كيفك
احمد:الحمد لله
اريام:اسفه مارديتش عليك
احمد:مش مشكله
اريام:اي تفكرت يومها سوسن قتلي انك بتهدرزلي في موضوع قبل الخطبه
احمد:ايه مش وقته لكن
اريام:احكي نبي نعرف
احمد:هيا حاجه مانعرفش لو بعدها بتستمري فيها او تسيبي بس بنكون معاك صريح مانبيش تبدا علاقتنا على كذب واسرار
اريام:ان شالله خير
احمد شد ايديها:انا .......
اريام:😨😨يتبع
توقعاتكم للجاي 😁
____________________________________
#شكرا_لخذلانكِ ✨
