part21
#شكرا_لخذلانكِ
"مقتبسة"
_________________
سادين:نعم 😨
نورالدين:شن طرشتي يافرخه قتلك بيانك على ولد الحاج فتحي
خوله:امتا عطيتها البنت خيره ماعنديش علم
نورالدين:شن بناخد راي النسون عقاب عمري بنتي وحر لمن بنعطيها
سادين في حالة صدمة معاش زادت حتا حرف
اريام:دوسه ردي عليا حبيبتي خيرك
خوله:شن جاها البنيه ياحليلي 😭من هم لهم مانرتاح بكل
نسيبه:السلام عليكم
صقر:خيركم
نورالدين:مبارك النجاح بنتي هدي نحيلتك من عمك
نسيبه:بارك الله فيك ربي يطول في عمرك
صقر:شن فيه
اريام:الخميس بيان دوسه
صقر:ااه قلتلها وخيرها مصدومة
نسيبه حضنتها:حبيبتي 😔
سادين:بجديات بتزوجني لحد مانبيشي ومانعرفاش
نورالدين:ماعنديش بنوت يشرط في الزواج بعدين بنديرو خطوبه بس والعرس مزال
سادين:بابا مانبيش 😭
نورالدين:هيا بلا دلع انا طالع وديرو في حسابكم الليله عشا وفضانية البنت اعزمو العيله كل
سادين:قولو حاجه خيركم
صقر:تبي حد انتي!
رامي:شن هوا تبي حد هيا تي نقتلك 😒
سادين:نبيش حد ومانبيش نتزوج
صقر:خلاص طالما القلب فاضي فيه امل يخشله وياخده 🙂
سادين:هدا كلامكم ياخوتي
صقر&رامي:ايه
سادين:معاش تكلموني بهي
ركبت درجتين ورجعت وهديه نجاحي توصلني اليوم 😡 معفنين خوت القهرة 😢
اريام:ربي يسلم معتصم مش حايسكت
نسيبه:ااي ورامي مش تمام معاه
خوله:مبروك نجاحك صدمنا عمك بالخبر نسانا في فرحة النجاح
نسيبه:الله يبارك فيك
سعاد:هي تعالو نيدو نوتو وانتي خوله اتصلي اعزمي العيله
خوله:ان شالله
اما سادين اللي تحاول تتصل بمعتصم لكن لارد! !!🤷♀️
_____________________________________
محمد ✨
من يوم اتصلت بيا معادش كلمتها ولا عاد نبي ندوي معاها لين نوصلها عندي لكن كله عالفاضي طول الوقت عقلي يفكر فيها قلبي مش عندي نهائي هيا فتره بسيطه عرفتها فيها تعودت على قربها وصوتها
وانا نحاول نغصب روحي عالخدمة رن الهاتف رقم:ايوا
سليمان:السلام عليكم الاستاذ محمد
انا:في الخدمة تفضل
سليمان:انا نسيبك الجديد كان سخر ربي
حسيت بقلبي ضحك قبل فمي يعني بتبدا مرتي حلالي:مرحبتين بيك كيف الحال
سليمان:بخير الحمد لله سامحنا عالتأخير البنت قالت نفكر وهدا وين ردت عليا نتشرف بيك نسيبي
انا:الشرف ليا والله اليومين الجايات نمرو عليكم نحددو موعد الفضانيه والعرس مانبيش نطول بيه
سليمان:تفضلو في اي وقت تأنسونا هي مع السلامه
سكرت منه وردتلي الحياة واخيرا بناخدك يافرخه
وصلني مسج "وافقت بعد فكرت واكتشفت انه مش غلط لو تزوجتك اسفه على كلامي اخر مرة"
ضحكت على كلامها المفترش بس مش بالساهل نفوتلها عملتها خلي تتعب شويه
فتح الباب وخش قعمز:خير
انا:شن خاش لدارك ياكلب احترم نفسك
رامي:عادي ياعمي فيش داعي للرسميات
انا:عما الدببه معاش تقولي عمي و شن سبب الزيارة البايخه هدي
رامي:كنت مكسد عند صاحبي قريب من هنا قلت نمر عليك وبالمرة نعزمك
انا:على شنو
رامي:الفرخات نجحو وبوي داير عشا اليوم
انا:ايااه خلي نتصل بالغزاله
سادين:عمو 😢
انا:خيرها حبيبة عمها
سادين:بابا بيزوجني لواحد نعرفاش
انا:شنو خيره نوري هبل مالا
سادين:وحتا صقر ورامي موافقين عمو بالله عليك كلمهم مانبيش نتزوج
انا:تمام سكري شويه وجاي غادي
سادين:اوك
رامي:طول حطت الشكارة
انا:شن انجنيتو ولا قلقتو منها اختكم تو ناخدها عندي كان ماتبوهاش 😡
رامي:الكلام هدا قوله لخوك مش موضوعي
انا:لعنة الله عليكم كلاب نوض اقلب وجهك من قدامي
رامي:مافيش قهوة شاهي اي حركة ضيافه هكي 😁
انا:نوض قتلك
رامي:ماشي بلا لز
_____________________________________
معتز:ياندو 😡😡
طلعتله من المطبخ:نعم
معتز:بجدياتك انتي تي اهيا مش كاويتهالي امس بنلبسها في الخدمة
نادين:ريحتها تهبل حبيبي جي خاطري نلبسها خليهالي بالله عليك
معتز:🙄معاش نبيها اصلا ريحتك علقت فيها اكيدة
نادين:وخيرها ريحتي 😒
معتز:تجنن
نادين:شكلها مش عاجباتك
معتز قامها:الاسود طالع عليك طلقه 🤤🤤
نادين:حاق
معتز:تعالي نحلفلك داخل
نادين:نلا
معتز:غير هيا ياودي
نادين:حبي ني حامل ره
معتز:ايااه علينا 😣امتا موعدك مع الدكتورة
نادين:😘😘 مزال بيبي
معتز:قصه
نادين:حبي مش ني حبيبتك وقلبك
معتز:اكيد وعندك طلب بتقوليه
نادين:ايه وتوافقلي عليه!
معتز:حسب
نادين حضناته:حبي
معتز:هي قولي
نادين:نبي نمشي نبات عند نوسه ايام
معتز 🤨
نادين:ارجوك والله مليت من الحوش وفاده منه
معتز:لا
نادين:بالله عليك 🥺
معتز:فوتيه الموضوع وهي حولي من عليا بنمشي للخدمة
نادين:ميزو قعدين نتناقشو تخلينيش وتمشي
معتز:قلت لا ومعاش تحكي فيه 😡
نادين 😢😢
معتز:وماتبكيش ياويلك نروح نلقاهم عيونك باكيات🙄
نادين:معاش نحبك 😔
معتز:براحتك باسها وطلع
نادين:اووف والله لما نمشي 😁 ضمت شقتها ونزلت لعزوزتها عميمه
سالمه:مرحبتين
نادين:كيف حالك
سالمه:الحمد لله في نعمه شن حالك انتي والبيبي
نادين:اهو تعب ووحم 😣
سالمه:ردي بالك عاروحك انتي بكرية
نادين:حاضر
سالمه:فطرتي
نادين:ايه
سالمه:مالا هي تعالي هدرزي عليا خلي نطيب الغدا
نادين:اوك مشت خطوتين وطاحت من طولها
معتز يشتغل رن هاتفه:ايوا امي
سالمه:ياوليدي تعالا رهو مرتك طاحت اغمى عليها
معتز:كييف خيرها شن صار
سالمه:شورها تعبانه تعالا ارفعها للعياده
معتز:هي مسافه الطريق
طلع يجري خلال دقايق كان عندهم
نادين تبكي:مافيا شي ياعميمه
سالمه:كيف مافيك شي مالا خيرك تبكي شن يوجع فيك غير قوليلي
نادين:شي
معتز:خيرك حبيبي شن تحسي
نادين:شي
معتز: خديتي دواك
نادين:امم
معتز:بهي خيرنا الصبح مخليك مافيك شي
نادين سكتت ودموعها ينزلو
سالمه:بالك مزعلها في حاجه
معتز تفكر:ااه قصدك عاخاطر
سالمه:خيرها
نادين:اني بنركب للحوش
معتز:نكلم فيك
سالمه:خيرك عالمرا خليها بري بنيت اركبي بالشويه عليك
معتز:تبي تمشي لحوش اختها تقعد عندها ايام قالت فاده من الحوش
سالمه:وارفعها عندها حق طول النهار في الشقه ولا عندي لاخدمة لا قدمة بعدين هدي بين روحين اللي تقولك عليها ديرها خير ماتتعب زي توا
معتز:يمي كيف تبيني نقعد ايام بدونها
سالمه:بلا هبال شن بتهرب منك مهو ديما قدامك حتا تمشي لاهلها تكلم فيك ماتخليهاش تفد منك ارفعها تغير جوها وترتاح
معتز:😣😣
سالمه:سلم وليدي اسمع كلام
معتز:ان شالله
ركب للشقه لقاها مقعمزة تتفرج فيش غدا شكله
نادين:درتش
معتز:اميرتي
نادين:همم 😢
معتز:اشش خلاص ماتبكيش مانتحملش دموعك
نادين:انت بكيتني
معتز:حمار مهو
نادين 😞
معتز:غدوة نرفعك بهي
نادين:بجديات 😶
معتز:نتحملش زعلك عندك يومين بس ونروح بيك
نادين3حبيبي
معتز:تمام نوضي غيري نطلعو نتغدو برا
نادين:نرفعو عميمه معانا
معتز:ياحليلي منه قلبك الطيب 😍امشي خير مانلغوها تو ننزل نقوللها امي و نستناك في السيارة
نادين:ربي يخليك ليا ياروحي 😘
____________________________________
نسيبه:خلاص عمتي كملنا ترتيب الحلو والشاهي طاب
خوله:يعطيكم الصحه بري البسي تو قريب يجو الناس وتعالو باش تشوفولي هالبنت تنزل
اريام:تو نركبلها انا بري نوسه
نسيبه:اوك
ركبت اريام للدار:دوسه
سادين:شن تبي
اريام:العصر اذن الضيوف بيبدو يجو هي نختارو لبسه وتنزلي
سادين:لا مش متحركة من هنا لين يجي معتصم ويفركش الخطوبه هدي
اريام:بكري نتصل بيه مايردش
سادين:حتا اني 😓خايفه يكون سمع وخلاني
اريام:لالا شن هالكلام مستحيل يديرها غير انتي توا ماتسكريش راسك مع عيلتك العشا حتا عاخاطر نجاحك انتي ونوسه
سادين:والفضانيه
اريام:تو يجي ويحكي معاهم عمي اكيد مش حايرده
سادين:ياربي ☹️
اريام:هيا عاخاطري حبيبي
سادين:بهي
اريام:شن تبي تلبسي
سادين:عندي قفطان اللي خديناه اخر مره
اريام:حلو هداكا تو نطلعهولك خشي دوشي باش نجففلك شعرك قبل مانمشي
سادين:به
نسيبه:حبيبي
صقر:عيونه
نسيبه:نديرلك حاجه تاكلها
صقر:لالا ماعنديش نيه
نسيبه:بهي اهي لبستك معلقه
صقر:سلمهالي شن بتلبسي انتي
نسيبه:هدا شن رايك فيه
صقر:حلو بس مش كأنه قصير
نسيبه:فوقه دانتيل طويل حبي
صقر:عريان
نسيبه:نساوين بس ره
صقر:نبيش حد يشوفك انا
نسيبه:راجلي الغيوور ماحدش بيشوفني ارتاح
صقر:عندنا حساب مزال ماتسكرش ره
قعمزت قدام الزيانه تمكيج:اي حساب
صقر:حساب الصبح
نسيبه:امم بعدين ساهل نتفاهمو
باسهت عاكتفها:متفاهمين من بكري 😉
نسيبه: قلبي
صقر:نعم
نسيبه:غدوة بتجيني اختي
صقر:مرحبتين بيها
نسيبه:وبتقعد عندي ايام
صقر:الحوش حوشها تتفضل في اي وقت. منو فيهم!
نسيبه ضحكت:نادين
صقر:اممم المشرانيه
نسيبه:ههه اي بس والله طيوبه
صقر:قداش عمرها
نسيبه:اكبر مني بسنتين
صقر:ربي يحفظها لو ناقصك شي قوليلي نجيبه
نسيبه:اوك شعري نخليه مفتوح ولا نقيمه
صقر:قيميه مانبي حد يشوفه ياخدوك بعين
نسيبه:من بياخدني
صقر:قالولي هلبا يخطبو فيك لما تجينا زمان
نسيبه:اي وجيت نصيبك
صقر:ربي مايحرمني هالضحكه السمحه 😘😘
نسيبه:حبيبي مكيجت
صقر:شويه بس الروج قوي خلي نخففه 😍
رن الهاتف
نسيبه:ربي يهديك نقعد نعاود توا
صقر:عادي فداي بنمشي الولاد اكيد يبو حاجه لما بتطلعي رني عليا نجي نوصلك
نسيبه:نمشي بروحي عادي
صقر:لا قلت 😡
نسيبه:به علاش العياط
صقر:رني عليا
سادين ماشيه جايه:المغرب اذن الناس كلها وصلت خوك وين
اريام:مش عارفه
سادين:بننجن خلاص راسي كيف هكي وين اختفى
اريام:غير هدي روحك ووطي صوتك يسمعك حد
سادين:انا لو ناخد حد غير معتصم نقتل روحي
نسيبه خشت:امك قالت انزلو
سادين:مش وقتها توا
اريام:افرديها ماتخليش الناس تركز
سادين:تطلبي في المستحيل ره
نسيبه:تي هيا
نزلو سلمو عالضيوف وقعمزو
اريام:كل شي واتي
نسيبه:اي وصقر جايب شغالات هما بيوزعو انا تو نشوفوهم
سادين:اتصلي بيه
نسيبه:خلاص اسكتي لو يبيك رهو جاك
سادين 😢:مش حايخليني
نسيبه:امك تشوفلك فضحتي روحك 🙄
سادين:خيركم مش حاسين بيا
راوية:قالك خوك اطلعي لمربوعة حوش محمد الراجل يبي يشوفك
سادين:تحلمو
اريام:والله خوتك يقتلوك نوضي اسمعي الكلام
سادين:لا مستحيل
رن هاتف نسيبه:هاك خوك قوليله مش طالعه
سادين:ردي انتي
نسيبه:ايوا
صقر:اعطيهالي
نسيبه:هاك
سادين:الو
صقر:اقسم بالله لو ماتطلعي توا للراجل لما نخشلك نكسرك
سادين:صقري
تنهد:وحياتك عندي ماتكوني الا راضيه اطلعي ماتحشميناش قدام الناس ولو ماعجبك بعدها نتفاهمو
سادين اقتنعت:به
لبست عبايتها وطلعت لحوش عمها
صقر:هي خشي اني واقف هنا
سادين:خش معاي
صقر:مش واكلك الراجل
سادين فتحت الباب وهيا مقررة بتقعد دقايق وتطلع ترفضه قامت عيونها تشوف للمربوعه مزينه وقدامها كيكه مكتوب عليها"مبروك النجاح وخطبتنا" قعدت دور مافيش حد
فجأه حست يدين التفو عليها ريحته عبت المكان ونفسه القوي عارقبتها
معتصم:غزالتي السمحه نجحت اخيرا وبناخدها
سادين:حبيبي 😨
معتصم:انا نخلي حد ياخدك مني! لو ياخدو هالروح مش حاتنكتبي الا عااسمي
سادين:بجديات مانحلمش
معتصم:حلمنا بدي حقيقه اليوم خطيبتي غدوة ام صغاري ياحلمي الحلو انتي
حضناته:الله قداش وجعني قلبي
معتصم:اسف بس كنت نبيها مفاجئة
سادين:نحبك نحبك نموت فيك
معتصم:نتعب معاك يافرخه عادي ان
قبل يكمل كلامه كانت مداهماته ببوسه اللي تمناها من سنين 💜
معتصم:شن رايك نقرو فاتحتنا خير من الفضانيه
سادين:عادي
شد يدها:تعالي قصي الكيكه وخودي هديتك
سادين:انت هديتي
معتصم:يعني معاش تبي الرحله
سادين:عينك
معتصم:ان شالله نمشولها وانتي مرتي
سادين:كلهم كانو عارفين ولا شنو
معتصم:صقر ورامي ومرت صقر وامي بس والباقي خليناهم يعيشو الدور باش مايفسدش الفيلم 😂
سادين:نسيبه الكلبه تو نوريها
معتصم:ترا نحيلي العبايه نشوفك
سادين:عيب صقر برا
معتصم:مشا بكري
محمد مقعمز جنب خوته ويفكر
نورالدين:عقبالك
محمد:ان شالله
نورالدين:وطلقت
محمد:ايه نسيت ماقتلكش طلقتها رسمي
نورالدين:ربي يقدم اللي فيه الخير
مسعود:شن رايك نديرولك عرس مع اريام
محمد:عادي ايه
مسعود:خلاص مالا والفرحه تبدا فرحتين
رن هاتفه رقم غريب رد:الو
شخص:محمد الحقنا ...........يتبع
