part22
رواية #شكرا_لخذلانكِ
"مقتبسة"
____________________
مرو 4شهور في حياة ابطالنا تعالو نشوفو شن صار فيهم وشن تغير✨
نبدو من حوش بطلتنا الجميلة ✨
صقر:نوسه حبيبي فيقي هيا سادك نوم
نسيبه:لا حول نعسانه خليني
صقر:كيف نخليك الساعه 10
نسيبه:عادي
صقر:تي هيا ياكسوله بديتي مفوته يومك نوم استاحشتك
نسيبه نفضت الغطا ووقفت حطت يدها على بطنها اللي برزت شويه:مهو كله من ولدك شن نرقد بروحي
صقر:ياودي حتا انتي تحبي لنوم 😅
نسيبه:صبح ماتبداش من ربي اعصابي تالفه
ضحك:سلمها المتعصبه هي خشي خودي دوش دافي وتعالي افطري
نسيبه:درتلي بان كيك
صقر:درت ياروحي ماتعطليش باش ماتبردش
نسيبه:اوك
"نسيبه وصقر بعد الموقف اللي صار علاقتهم قوة اكثر ومعادش فيه بينهم اي اسرار حبهم كبر اكثر وبفضل نصائح نادين نسيبه عرفت كيف تسيطر علي قلب وعقل صقر وتخليه يتعلق بيها اكثر ويستنو في مولودهم الاول "
حوش محمد ✨
واقفه دير في القهوة وتغني:تغاار حتا من الهوى ياويل حالي ياهوى خفف من الغيرة علي لي قلب غيرك ماهوا
واقف في باب المطبخ يتفرج عليها
جنان:شفني احبك واتبعك كييف الهوا في مرتعك انا معك او مش معك قلبي وروحي لك سوا 💜
تلفتت صباحنا
محمد:صباحك ورد ياقلبي وين بوست راجلك
قربت منه باساته عارقبته:صباح الخير ياروحي
محمد:نحبك
جنان:كذاب 😒
محمد:فيه وحدا محترمة تقول لراجلها كذاب
مدتله قهوة:بعد اللي درته امس اي
محمد:ردة فعلي طبيعيه جدا ورضيتك رغم غلطك
جنان:قريب قتلت الولد ورديت باقي غيضك فيا وطبيعيه
محمد:اي حد بيقرب منك هكي بنديرله
جنان:الغيرة هلبا مش كويسه
شد يديها قعمزها في حضنه:انا نغار ونكره حد يقرب جيهتك خليني هادي وابعدي عاللي يعصبني تمام حبيبي
جنان:تمام
محمد:عسل هي كولي
جنان:نمشي لمكاني
محمد:لا خليك في حضني
"قبل 3شهور تزوج محمد وجنان دارتلهم عايشه شويه مشاكل بس تخطوها بثقتهم في بعض محمد عرف يحتوي جنان بعقليته المتفتحه وحنيته وحبه الكبير ليها وهيا ديما تعد للعسرة قبل اي تصرف وهدا اللي حبب محمد فيها اكثر واكثر. 💜"
في حوش اريام ✨
احمد مقعمز في الجنان شاد راسه بيديه ويتوجع
حس بيها قعمزت قدامه:حبيبي
احمد:روحه
مدتله فنجان:خود اشرب القهوة
احمد:يسلمو
اريام:قاعد الصداع
احمد:يشد عليا الصبح ديما
اريام:نجتازوها باذن الله بس ماتضعفش
احمد:وعدتك اني نتغير ونكمل وقاعد عند وعدي
اريام:قطعنا شوط كويس نهاية الاسبوع موعدنا مع الدكتور
احمد:ان شالله خير تعالي نفطرو باش نرفعك للخدمة
اريام:لا اليوم عطله نبي نمشي مشوار
احمد:حاضر احلا مشوار لغزالتي
اريام:نحبك حمودي
حضنها:وانا نعشقك ياراحتي وقفتك معاي مستحيل ننساها في يوم ربي يخليك ليا
"اريام تزوجت مع محمد وطبعا كانت قد وعدها لاحمد وقفت معاه وبدي يتعالج من الادمان مع متابعه دكتور تحملت معاه فتراته العصيبه ومرضه واقتربو من نهاية المشوار الصعب"
نمشو لحوش نورالدين
خوله:ياودي مش هكي يافرخه
سادين:اه مالا كيف
خوله:اااه ياحشمتي بين الناس كيف بتفتحي حوش انتي
سادين:اصلا راضي بيا وعاجبه
معتصم من وراها:حصل 😁
خولة تلفتت:امتا جيت انت
سادين:حبيبي
ضربتها امها:قليلة ادب تحشمي
معتصم:عادي عادي ياعمتي ماتركزيش
خوله:بنوت اخر زمن 🙄طلعت وخلتهم
معتصم:ها مرتي الحلوة شن تمرمد
سادين:والله ماما تحاول تعلمني الكسكسي بس ماقدرتش 😣
معتصم:فداه حبيبي لاحقين عليه المطبخ توا خليني في المهم
سادين:المهم 😊
معتصم:نبي نجيبك لحوشي
سادين:حبيبي 🥺
معتصم:ياروووحه حبيبك وربي معاد متحمل بعدك بهي مرتي وبعيده عليا يرضي مني الخبر هدا
سادين:انا وانت 🙂
معتصم:لا شهادة لله ماهو راضيني وبنكلم عمي انتي بس لما يجي يسألك قولي موافقه
سادين:نفكر قبل
معتصم:فكيني من ام تفكيرك قولي بهي وريحي قلبي الزح كلهم مرتاحين الا انا نجيك بالخنبه
على اخر كلمه خش رامي:كويس انك عارف روحك خانب 😒
معتصم:تفضلي هي الكلام المسموم
رامي:الواحد معاد عارف يرتاح في حوشه يخش فجأه يلقا في وجهه اشكال تسد النفس شد حوشك يا راجل
متتصم:اعطوني مرتي ووجهي معاد تشوفه
رامي:مزال نبو شغالتنا 🤭
معتصم:خرف انا نمشي لعمي
سادين:خزي عليك
معتصم يدور في الصاله:عمي، يانوري 😡
طلع نورالدين:شن تبي
معتصم بكل وقاحه:نبي مرتي
نورالدين:اهيا وراك
معتصم:بنطلع العرس
نورالدين:ماكانش هدا اتفاقنا
معتصم:انا قتلك من الاول والله نخليها تكمل قرايتها ونشرف عليها غير اعطيهالي ولدك ذلني كل مانجي بنشوفها يسمعني
نورالدين:المطلوب توا
معتصم:العرس وبناخدها منكم
نورالدين:توكل على الله العرس بعد اسبوعين
معتصم:الله اكبر 😍اخيرا بناخدك يافرخه وبتبدي
قصت عليه خوله:بالك تتحشم ياولد 🙄
معتصم:اه هههه نسيت 😅به بنرفعها عندنا مشوار
نورالدين:المرا مرتك شن لينا معاك احنا 😒
سادين وجها احمر:حشمتنا
معتصم:تي عادي مادوريش بكل هي غيري والحقيني
سادين:وين بنمشو
معتصم:سر ياروحي ماتعطليش
"اخر شي تذكروه هوا خطبه سادين ومعتصم صح! بعدها صارت مشكله بينهم اصر معتصم يقرا فاتحة والا رح يسافر من جديد وافقت سادين ضغطو عالعيله وقروها اغلب اليوم مع بعض،رامي مش عاجبه عالطالعه والنازله يهزب فيهم واوقات توصل للعراك ورغم هكي علاقتهم قوية" 💜
نمشو نشوفو حوش فؤاد شن صار فيه
مرام:قعمزي يابنت
ليان:نلا نبي فطوري جعانه
مرام:بهي ياماما اهو ندير فيه
لينا:نساعدك ماما
مرام:سلمهالي بنتي الشاطرة قعمزي مكانك باش تاكلي
ليان:نوض بابا
مرام:تعالي افطري تو نوضه انا فكيني من دوشتك
خشت لدار طفت التكييف وفتحت الشباك فؤااد
تلفت للجيهة الثانية:اخطيني مرام مش نايض ره
قعمزت جنبه:هيا عاد مش امس واعدنا نطلعو نتغدو برا
حط راسه في حضنها:نعساان من قالك سهريني
مرام:يعني انا اللي سهرتك مش انت اللي دير في الشطانه
فؤاد:نتعب معاها الشطانه 😍🤤
باساته:نوض بهي
فؤاد:بنرقد خليك شويه
مرام:حبيبي
فؤاد:عيونه
مرام:تحبني!
فؤاد:حبيبتي عارف اللي مرينا بيه مش شويه وعارف اني كنت حقير معاك لابعد حد وتصرفت غلط بس يشهد عليا ربي يوم قتلك نبدو من جديد معاد فكرت فيها ولا خنتك حتا بخيالي حبيتك بجديات ونبي نكمل باقي حياتي معاك وجنبك ماتخليش الشك يخش بينا ويدمرنا وانا نوعدك مانخليكش في يوم تشكي فيا او تندمي على قرارك تمام
مرام:تمام
فؤاد:ارتحتي توا طيرتي النوم انتي وفرخاتك
مرام:ليونه بروحها دايرة دوشه
فؤاد:ندوش وتو نطلعلها نوريها
مرام:تعطلش
فؤاد:به طلعيلي لبس
"اكيد ركزتو انه فؤاد اختفى من احداث روايتي فجأه بعد اخر حديث مع اريام اقتنع انه خلاص هما مش نصيب بعض بدي يحاول يصلح علاقته بمرته اللي تقبلاته واحتواته اكتشف انه ليها بصيص حب في قلبه،بعد عالعيلة كلها و اكتفى بعيلته الصغيرة " 💜
نسيبه:يسلمو ايديك تهبل 😍
صقر:صحتين ياعمري
نسيبه:بتمشي للعيادة توا ولا
صقر:ايه عندي حالات وعمليه مانعطلش مع ال12نكون هنا
نسيبه:به عادي ترفعني لماما استاحشتها ولما تروح مر عليا
صقر:وبلكي ديريلي زي كل مره خليني نبات وخليني نقعد للمغرب
نسيبه:لالا والله نروح معاك غير ارفعني
صقر:بهي بري البسي
نسيبه:خلي نضم
صقر:خليهم سوميتا "الشغالة"شويه وتجي تو ضم
نسيبه:اكيد تقول عليا بايرة حتا سفرة الفطور لين تجي هيا ضمها 😖
صقر:معليشي حبيبي وحمك صعب ومش مستعد نخاطر بصحتك تو تجيبي ولاحقه عالضمان والحوسه
نسيبه:نحبك
صقر:نموت فيك هيا ماتعطلينيش
غيرت وطلعو
نسيبه:صباح الخير عميمه
خوله:صباح النور كيف صحتك
نسيبه:الحمد لله
صقر:تي هيا
نسيبه:سلامات وركبت خيرك اللطف
صقر:نعرفها هدرزتك مع امي معاش تم
نسيبه 🙄:اصلا انت معاش تحبني بديت تكشخ عليا ديما
صقر:بدينا 😣به خلاص بنتي اسف اهدي
نسيبه تبكي:خليني في حالي معاش نبيك وبنقعد عند اهلي بهي
صقر 🤦♂️:توا شن يبكي فيك
نسيبه:شوف روحك كيف تعامل فيا مش كأني حبيبتك مرتك وام ولدك
صقر:بهي خلاص شن رايك تمشي معاي للعياده اليوم
نسيبه:حاق عمرك مارفعتني معاك
صقر:اهو اليوم نرفعك تغيري جو
مسحت دموعها وضحكت:به
صقر:طفلة مش عارف كيف بديري مع البيبي
نسيبه:تهتم بيه اكثر مني نقتلك
صقر:حاضر
وصلو للعيادة خش شاد ايدها والكل يشوفلهم باعجاب
ممرضه:صباح الخير دكتور
صقر:صباح النور سوزان مدامتي نسيبه
سوزان:اهلين تشرفت بيك
نسيبه:تسلمي
صقر:ربع ساعه وابدي دخليلي الحالات
سوزان:تمام
نسيبه تتفرج عالمكتب:حبيبي
صقر:روحه
نسيبه:البنت هدي
صقر:متزوجه ياعمري تفكريش فيها بكل تعالي قعزي وارتاحي
نسيبه:اممم به نبي عصير برتقال
صقر:حاضر حاجه ثانية!
نسيبه:بوستي 😊
صقر باسها عافمها:خلاص عاد احنا في العياده نبيش نتهور
نسيبه:به 🤭
قضت يومها جنب صقر تهدرز مع المرضى وتحاول تفهم في شغله وقت العمليه قعدت مع سوزان لين كمل وطلعو
جنان:حمودي
محمد:نعم
جنان:تبيش تمشي للمكتب
محمد:لا بنخدم هنا اليوم
جنان:بهي نبي تطبيق الانستا عندك?
محمد:اي هاتف في الشحن
مشت بتاخده لقت مكالمه "عايشه" قعدت لحظات تستوعب بعدين قررت ترد
عايشه:ايوا اخيرا رديت عليا محمد بالله عليك فكر في الكلام اللي قلتهولك ردني والله نعيش باقي حياتي خدامة ليك بس ارحمني من جحيم خوتي تعبت
جنان سكرت بدون ماتحكي
محمد:جيبيه معاك بناخد منه ايميلات
حدفت عليه الهاتف:تحكي معاها من امتا!
محمد:من هيا
جنان:مافيش داعي للف والدوران طليقتك تتواصل معاها ومن وراي
محمد:حبيبي هياجت للمكتب وماقدرتش ندير شوشره قدام الموظفين خاصه انهم يعرفوها استقبلتها وطلبت مني نردها لانها في مشاكل مع خوتها بس هدا اللي صار
جنان:وانا ليش ماعنديش علم
محمد:مش موضوع مهم
جنان:اه يعني مش شايفني مهمه لدرجه تحكيلي على لقائاتك مع طليقتك
محمد:ماتكبريش القصه هيا مره
جنان:صدق اللي قالي حايحن لمرته ويجي يوم يردها
محمد:بلاش تخريف نحن لمنو انتي عارفه اللي صار مستحيل نرجعلها
جنان:اللي كان بينكم يرجعكم 😏مافيش راجل ينسا مرا رقد معاها
محمد:هيي علينا توا بتسكريه الموال هدا ولا شنو
جنان نزلو دموعها:اسمع تبي تردها براحتك الشرع محللك 4 بس ماتخونيش وتلعب من وراي تعالا وقولها في وجهي
تلفتت بتمشي شدها بقوة:شن هوا اللي قلتيه
جنان:اللي سمعته
محمد:وانتي راضيه نجيب عليك ضره
جنان:عادي
محمد:تمام
خدي هاتفه وطلع
جنان:يارب 😭☹️
اتصلت:نوسه
نسيبه:ها حبيبي خيرك
جنان:انتي في الحوش بنجيك
نسيبه:لا والله طلعت ياقلبي لكن شويه ونروح
جنان:تمام لما توصلي كلميني
نسيبه:به
صقر:خيرها
نسيبه:مش عارفه تبكي اكيد متعاركة مع عمو
صقر:كملي غداك باش نروحو
نسيبه:باه
سادين:بيب
معتصم:عيوني
سادين:وين نمشو
معتصم:عارفتني مانحبش كثرة الدوشه ومانبي حد يدخل في حياتنا
سادين:ايه
معتصم:بنمشو ناخدو الفيللو واشياء خاصه بينا نبي ناخدلك كم حاجه في بالي
سادين فهماته:لالا انت قولي شن هما وتو ناخدهم بروحي
معتصم:احلمي صاحبي عندك محل واليوم مخليه عاحسابنا يعني 😉
سادين:ياصايع 😓😖
خشو للمحل كان كبير ومعبي فيلواات من هلبا ماركات
سادين:يجنن
معتصم:اختاري اللي يعجبك
وبعد ساعه من القياس اختارت
سادين:رايك!
معتصم:عسل هي تعالي
سادين:اصبر بنختار اكسسوارات
معتصم:بعدين ساهل تعالي
رفعها لقسم خاص بتجهيز العرايس وكان كله لبس يحشم 😂
معتصم:شن الحاجات المليحه هدي 😍
سادين:ياربي خيره مايتحشمش 🙈
معتصم:شوفي هدا دوسه يطلع عليك طلقه 🤤
سادين:مانيش شايفه هيا نروحو
معتصم:لا بنختارو روب الدخول
سادين ضرباته:دخول شن ياسخيف ياللي ماتعرفش الادب
معتصم:عادي ره اعتبري نفسك مع اريام ولا مرت صقر واختاري اسمعيني انا جو المفاجئات مايمشي معاي كله بنشوفه وكله نبيه عاذوقي لانه بعد توصليني نلقا حاجه مش عاجبتني بتلوحيها طول
سادبن:بجدياتك
معتصم:وراسك ياغزاله
سادين:اووف
معتصم:تفرجي عندك علم نتخيل فيك حاليا لابستيلي هادو كلهم
سادين 🤦♀️🙈
ماسيبهاش لين خدالها نص المحل ودفع عربون الفيلو
سادين:ااخ مش حانطلع معاك ثاني
معتصم:غير اعبي
سادين:كيف بنروح بيهم هادو توا
معتصم:من قال! هادو بناخدهم انا معاي ونرتبهملك في الدولاب ياروحي تجي تلقيهم قدامك البسي وكثريلي البرفان متعك 🤤🤤اااخ وربي يستر عاقلبك ياعصوم 😂
سادين:والله هبلت انت رسمي
معتصم:مهبول بيك من زمان تي ماصدقت كبرتي وبناخدك حسي بيا
سادين:نحبك به
معتصم:نموت في دين امك 😍
درس صقر السياره:ردي بالك على روحك انا بنمشي نشوف امي
نسيبه:حاضر
مشت للحوش دقايق وجت جنان:نوسه
وحضنتها
نسيبه:خيرك شن صاير
جنان:تعاركت مع محمد طلع وسيبني
نسيبه:غير قعمزي احكيلي من الاول
جنان:تصدقي انه متلاقي مع الكلبه عايشه لا وطلبت منه يردها لانه خوتها يضربو فيها دس عليا لو مش بالصدفه شفت رساله منها عاهاتفه ره ماحكاش
نسيبه:بهي ولما سألتيه شن قال
جنان:قالي جتني للمكتب وماقدرتش نردها قدام الناس ومستحيل نرجعلها
نسيبه:وانتي عاد لسانك احرف من نادين اختي
جنان:شن تبيني ندير وهوا يقولي تلاقيت معاها وبكل وقاحه قالي مش قصه مهمه
نسيبه:كلامه حق مش مهمه لانه فعلا عمو محمد مستحيل يرجعلها وانتي عارفه شن صار
جنان:بس تلاقى معاها وماحكاليش
نسيبه:مايبيش يضايقك
جنان:خايفه يحنلها ويفكر فيها تاني عايشه مش ساهله وعلى عينك شن دارت فينا من اول زواجنا
نسيبه:وهوا يحبك هلبا
جنان 😢
رن الجرس
نسيبه:خلي نشوف الباب ونجيك ديري قهوة
جنان:به
فتحت الباب:مرحبتين
محمد:عندك!
نسيبه:ايه تفضل
محمد:ناديهالي بنروح
نسيبه:تمام جنو
جنان:ها
نسيبه:عمو برا قالك هيا
جنان:ادعيلي
نسيبه:ديري دمعتين تو ينسا اللي صار كله وماتشديش هلبا
جنان:ان شالله
طلعت لقاته يدخن قارن حواجبه
محمد:رجلك خدت عالطلوع من غير اذني
جنان:مش بعيد هوا لعند نوسه
محمد:بهي بهي
خش للحوش قربع الباب بقوة
جنان:خيرك 😨
محمد:معاش تعتبي برا الباب اهوا بدون ماتشاوري فاهمة
نزلو دموعها:حاضر
محمد:وموال الخرا هاديكا معاش نبي نسمعه انا كان نبيها رهو ماقعدتش نجري وراك زي الكلب غير ترضي عليا
جنان 😭😭
قرب منها دفن راسه في رقبتها:علاش تخلي فيا نعصب ونكشخ عليك
جنان تشهق:نغار عليك نبيش تفكر فيها حقي
محمد:وربي مانفكر في غيرك ياهبله انتي بس متربعه في القلب
جنان:نحبك
محمد:ترا وريهولي الحب
جنان:بطل يابارد
محمد:والله توريني تعالي يافرخه ماتعبيش روحك وتهربي اخرتك في حضني 😍
نسيبه غيرت لبسها وقررت تلحق صقر لحوش العيله
وصلت لقت الباب مفتوح كيف بتخش سمعت شي خلاها توقف مصدومة والدموع تحجرت في عيونها..........يتبع
"حب هلبا للمتابعين اللي تعليقاتهم حلوة ورسايلهم ترد الروح شكرا علي دعمكم "
