part13
"مقتبسة"
في المدرسه
جنان:راجلك معطل شكله
نسيبه:نعرفش قتله ال12نكمل مفروض يجيني
جنان:عاودي عليه تعبنا من الشمس 😓
نسيبه تتصل وتعاود مافيش رد:يردش
جنان:تعالي نروحو بيك
نسيبه:لالا نقدرش تو نكلم بابا
مفتاح:ايوا
نسيبه:كيف حالك بابا
مفتاح:الحمد لله خيره صوتك
نسيبه:قعدا في المدرسه وبدت تفضا صقر مايردش عليا
مفتاح:هي اني جايك بنتي مسافه الطريق بس
نسيبه:به
جي بوها وخداها
مفتاح:وراجلك وينه
نسيبه:في العيادة مش عارفه خيره متفقين يجيني قبل
مفتاح:ان شالله المانع خير هي انزلي
نسيبه:تعالا تغدا معاي
مفتاح:لالا مره تانيه عندي خدمة
باست ايده:به رد بالك عاروحك وسلملي على ماما
مفتاح:ان شالله
خشت نسيبه دوشت وطلعت تجهز في الغدا كل شويه تعاود تتصل بصقر بس مافيش اي رد منه زعما شن صار 😕
_______________________________________
نشوفو صقر وعايشه
انفتح الباب والمفاجئة كانت
محمد 🤨:يامحاسن الصدف شن مرتي سابقتني
عايشه انصدمت براجلها معاش قدرت تتكلم
محمد خش قعمز:خيرك
عايشه:اا جيت نعاين
محمد:عاشنو
عايشه:رجلي توجع فيا وكنت ماشيه لحوشنا قلت نمر ندير كشف
محمد:اممم به وشن طلع عندك
عايشه:كيف بنمشي ندير صورة غير خدتنا الهدرزة
محمد:كويس
صقر اكتفى بالسكوت
عايشه:توا نمشي نصور ونردها طلعت بسرعه
محمد تلفت:اييي شن امورك
صقر تنهد:محمد بلاش منه جو جبد الدوة متعك
ضحك:هاتلي اللي عندك طول
صقر:خيرك جاي انت
محمد:ايدي خابطها في الحيط اليومين هادو معاش قدرت نحركها كويس
صقر:ترا
قعد يكشف عليه ويهدرزو
بعد ساعتين قام هاتفه انتبه انه الساعه 2:00 و30مكالمه من نسيبه
خبط عاراسه:اوووف عالنسوه
خدي مفاتيحه دخانه وطلع للحوش
نسيبه طالعه من الدار:😒
صقر:حبيبي
نسيبه:اغسل وتعالا تغدا
شدها من ايدها وقربها:اسف انشغلت بس
نسيبه بعدت:مش قصه
صقر:لا قصه غالط واسف
نسيبه:به
صقر:من روح بيك
نسيبه:بابا
صقر:خيرك ماكلمتيش سادين رهو فاتت عليك وهيا مروحه
نسيبه:كلمت بوي وخلاص
حضنها ودفن راسه في شعرها:سامحيني وعد معاش تتكرر اميرتي
نسيبه:اوك
صقر:جاوبتي
نسيبه:اي سهله
صقر:كويس هكي نبيك تنجحي زي قبل ماتخليش حد يقول ضعفت لما تزوجت
نسيبه:حاضر
صقر:هي نغير ونجيك
_____________________________________
خولة:تعالي تغدي
سادين:خاطريش
خوله:اي نهار كله وانتي في ايدك هالشكاليط والماكله قولي مانبيش
سادين:كل شي بالنيه ياماما
خشت مرام:خير
خوله:اهلين كيف حالك ينيتي
مرام:كيف بيكون ياعمتي وولدك ناوي يتزوج عليا
سادين:كانك مقومة مايفكرش يتزوج
مرام:تسمعي في بنتك
خوله:اسكتي انتي بهي انتم في بينكم مشاكل
مرام:مافيش حتا حاجه غير بنت سلفك اللي دايره عليه وتبي تاخده مني
سادين:بلاش كذب اريام لادارت عليه ولا ملزومه اصلا هيا انخطبت وتحب خطيبها شدي راجلك وريحينا
مرام:اي توا سيباته باش تردله اللي داره زمان لكن هيا اللي معبيتله راسه وقالتله ابني فوق عالثاني
خوله:ياودي ماضنيت اريام متع الكلام هدا
مرام:شن انا نكذب يعني
خوله:حاشاك يابنتي لكن انتي فاهمه غلط
مرام وقفت وعلت صوتها:اي اكيده بتوقفي مع بنت سلفك وطلعوني برا حتا انا فاضيه جايه نشكيلك ماتطلعو الا موافقين وبتاخدوها
خوله:عيب عليك
مرام:العيب منك انتم ماشبحتي حتا لاحفادك يقعدو متشردين بيناتنا والله مانحسابك هكي
سادين:هييي ياسرك عاد بكري ساكته احترمي نفسك وتوكلي لحوشك لما يجي راجلك حسابك معاه
خش فؤاد:خيركم اصواتكم للشارع
سادين:تعالا لم عليا مرتك ناقص غير تضرب امك
فؤاد:صح اللي قالاته
مرام:اي اكذبو عليا زيدو
يجيها كف من فؤاد:تعلي صوتك على امي مره ثانيه لسانه نقطعه فاهمه
مرام تبكي
فؤاد:تأسفي منها وبوسي راسها فيسع
مرام:اسفه ياعميمه حقك عليا
خوله:السماح يابنيتي
فؤاد:انتلفي للحوش
سادين:دير المشاكل وتعالا كشخ وعيط
فؤاد:اسكتي خيرلك مانعجنك حتا انتي
سادين 🙄:ماما انا في داري
فؤاد قعمز عالصالون:ياامي ديريلي حل
خوله:ماعندي ليك حلول وليدي هدا درته بروحك
خبط عاراسه:نبيها نحبها حد يفهمني
خوله:علاش خليتها قبل
فؤاد:مانعرفش
خوله:وتوا البنت تسمت على راجل ثاني انساها والهى بمرتك وبناتك
طلع بدون مايرد عليها
_____________________________________
في للمصرف اكيد عارفين عند منو 😎
باس ايدها:خلاااص ماتعبتيش
اريام تمسح في دموعها:اسفه والله مابقصدي
سندس:واحنا مش زعلانين منك علاش هالمناحه الللي دايرتها من بكري
اريام:اللي صار بسببي
احمد:انسيه توا نبيك ديما تضحكي ومبسوطة بنجهزو لعرسنا
سندس:هي انا ننسحب خير ما يصير لزان
احمد:سلمها الفاهمة
اريام:خليتها
احمد:مافيش داعي قوليلي
اريام:شنو
احمد:نديرو بيان ولا تلبيسه بسيطه بينا
اريام:طالما تبيش تعطل بالعرس خليها تلبيسه في عيلتنا
احمد:تم بس الفضانيه بنديرها
اريام:تمام
احمد:فيه شي بنقولك عليه
اريام:شن
احمد:شن رايك نقرو فاتحه مره وحده
اريام:علاش
احمد:هكي نتريح نطلع ونخش معاك بدون تقييد
اريام سحبت ايديها منه:قول انك تبي تربطني باسرع وقت وطمن بالك اني مرتك
احمد:هدا اللي جابه عقلك
اريام:مالا شن نفهم من كلامك
وقف ورتب بدلته:انا مانقدمش خطوة الا ونكون واثق منها التردد ماعنديش واني ناخد شي بالغصب برضو لا وافقتي عليا جيتك لعندك وسألتك
اريام:مش قصدي انه
قص عليها لما قرب منها:لو شفت نظرة حب وحدا ليه في عيونك ماكنتش مقعمز معاك توا لو تبي علاقتنا تمشي صح اوثقي فيا
اريام:اوك،قعمز نطلبلك قهوة
احمد:زي شربتها هي سلام
اريام:زعلت مني
احمد:ماتركزيش معاي
طلع وسكر الباب
اريام:عليك غبيه
___________________________________
خش للحوش ايده مجبسة حدف المفاتيح:عاايشه
طلعت من الدار متوترة:ها حبيبي حي خيرها ايدك
محمد:ااخ طلعت مكسورة 😣
عايشه:سلامتك ياروحي
محمد:مافيش غدا!
عايشه:لا درت اهو بنحط غير نساعدك تغير
محمد:مادوريش نقدر بروحي
خش للدار غير قعمز عالسرير يشوف لايده بشرود وفي راسه الف فكرة من بينهم فيه وحدة بس تلمع وكأنها تأشر انها ثابته
وين نقدر نلقاها انا حانبدا بأول مكان وربي يساعدني
عايشه:حبي هي تعالا
قعمز ياكل ماقالش كلمة
عايشه:حمادي خيرك
محمد:ايدي تسطر شويه وتعبان من الخدمة
عايشه:اه عطلت عند ولد خوك
محمد:لالا جو ساعه جبسلي ايدي وطلعت طول انتي خيرك معاش رجعتي
عايشه:لقيت زحمه في الصورة طلعت صورت في مستشفى
محمد:غدوة ارجعي ثاني ماتهمليش روحك لو نقصوك فلوس عندك رقم الخزنه
عايشه:يخليك ليا ياروحي
محمد:😘😘ولا وصار منك في الماكله
عايشه:عاخاطرك بس
___________________________________
صقر:نوسة حبيبي هي فيقي عاد
نسيبه:خليني
صقر:امتا بتقري
نسيبه:اووف مادة غدوة حافظتها
صقر:وكان راجعي وبنسمع عليك
نسيبه:لا عاد انا من ربي نكرها تزيد تضغط عليا.
صقر:نبيك تنجحي هي نوضي خودي دوش دافي وتعاليلي بنمشي نديرلك نسكافيه تصحصحي
نسيبه:حاضر 😓
جبدها من ايدها باسها:سلملي الزعلان
نسيبه:نحبك 🤤
صقر:كل مانقربك بذوبي 😅
نسيبه دفاته:خزي مستغل ضعفي ملح 😡
طلع من الدار خش يجهز في نسكافيه لين رن هاتفه:يامرحب
خوله:كيف حالك وليدي
صقر:الحمد لله ياغاليه وانتي
خوله:باهيه اليوم ماشفتكش
صقر:سامحيني والله طلعنا الصبح متأخرين وانشغلت هلبا في العياده حتا نوسه روح بيها عمي
خوله:اها ربي يعاونك بتقعدو حابسين روحكم !
صقر:مانبيش نرخي معاها وهيا من كارهه القرايه وعدت عمي تنجح وتاخد الثانوية خليني هالايام شاد عليها ولين تكمل نمشو مع بعض للمزرعه شن رايك
خوله:ان شالله
صقر:حقا محمد مكسور
خوله:خيره اللطف
صقر:عارفتيه اعصاب شوره ضارب ايده في الحيط انكسرت ومادورهاش لليوم لما زاد عليه الوجع جاني
خوله:ربي يهديه مش غير هوا اعصاب
صقر 😅:منورة امي
خوله:هي سلامتك نمشي نوقف عليهم مشوار
صقر:سلام
نسيبه:مني
صقر:امي
نسيبه:ليا ايام شفتهاش استاحشتهم 😢
صقر:خلاص بنتي كملي امتحانات وامشيلهم
نسيبه:باه
صقر:هي تعالي لحضني راجعي شوية
نقزت عالصالون:تعالا انت
صقر:واخد قردة 😂😂
نسيبه عضاته بقوة:ريح روحك خير مانقلب وحش 😒
صقر:سكتت 🤭
_____________________________________
اما في دار اريام
سادين مقعمزة تراجع
فتح الباب وخش شافها عاطية بالظهر
سادين:هي تعالي راجعيلي وفيه هدي مش فاهمتها
حضنها وباس رقبتها:من عويناتي نقري حبيبي
سادين:بارد نحسابك اريام
معتصم:وخيرني انا مش عاجبك
سادين ضحكت:عاجبني
قعمز جنبها:وخيرك ياشينه ماكلمتينيش اليوم قلتيلي جاوبتي او لا
سادين:انا اللي نمتحن انت تتصل بيا
معتصم:انشغلت اليوم ياروحي حقك عليا
سادين:به
معتصم:خيرك
سادين:نعسانه ليا ايام محرومة من النوم زي الناس
باس ايديها:معليشي ياروحي هانت
سادين:اممم
معتصم:بتقريك اريام
هزت راسها
جبدها لحضنه:بهي ارقدي شويه ارتاحي لين تجي هاديكا خليتها تطبخ مع خطيبها
لحظات ومشت في نوم عميق وهوا قعد يلعب بشعرها يتفرج عليها
بعد نص ساعه
فتحت الباب وخشت قايمة سفرة القهوة:هييي نهارك احرف انت وياها
معتصم:اشش وطي حسك تشوفي فيها راقدة
اريام:ومعاش لقت وين ترقد وانت شن ياحنين 😒
معتصم:الزح نحبها بلا حركات دايرة روحك ماتعرفيش
اريام:تحبها امشي لمربوعه عمك
معتصم:علي اساس ماعندكش علم بكلامه
اريام:😒😒نوضها هي
معتصم:حبيبي فيقي
سادين شدت في تيشرته:لا خليك بنرقد شويه بس
اريام ضربتها عاراسها:نوضي بنوت اخر زمن
معتصم:ياعن 😡😡اخرلك مره تضربيها هكي
اريام:اسملله علينا اطلع تحرك بنقرو
معتصم:تو نطلع
سادين:راسي
اريام:هاك اشربي قهوتك تو تتعدلي
معتصم:بنطلع اني تبي نجيبلك حاجه
سادين:لالا
معتصم:شكلاطه!
سادين:ايه
اريام:حتا انا نبي
معتصم:خطيبك يجيبلك
اريام:بالك لا 🙂
معتصم:بهي ياهم شويه ونجي اميرتي اشربي القهوة بهي
سادين:حاضر
اريام:اشي قصص حب وحركات
سادين:مه عارفتني نحبه من زمان
اريام:لكن نعرفش انكم ارتبطو
سادين:هيا اشرحيلي بنروح نرقد
اريام:ردي بالك عاروحك دوسه
سادين:شن قصدك
اريام:انتي صغيرة قعدا وخوي سخيف ردي بالك بس لحد ماتكملي ويخطبك
سادين:به حاضر
___________________________________
في حوش مفتاح
صالحه:لاه عليك يابنيتي هلكتي روحك بالبكا شوفي لصغارك
نور:ماما خليني
صالحه:بهي شن تبي انتي راحتك وين تبي راجلك نكلم بوك وارجعيله
نور:لا
صالحه:علاش هوا صح غلط لكن مادارش حرام خداها بشرع ربي غيره طلقها بس عاخاطرك تأسف بدل المره ميه كل اسبوع يجي لعندك ويترجا فيك غير ترضي بالك ياسره
نور 😢😢
صالحه:عارفاتك تحبيه وتبيه ارخيله شويه وان شالله ترجعو زي قبل واحسن حتا عاخاطر صغويرتك
نور:به
صالحه:هي نوضي اغسلي وجهك واطلعيله بكري يستنا في المربوعه
نور:حاق
صالحه:اي غير جيت لقيتك تبكي نسيت
خشت نور غسلت لبست قفطان حلو ومخصر دارت لمسات حطت برفان وطلعت
"ماعندهاش نيه هيا 😂😂"
خشت من الباب
عبدو يلعب مع بنته شافلها:مرحبتين 😍بنور عيوني
نور:قالتلي ماما تبيني
عبدو:قعمزي خيرك واقفه
نور:بنمشي
عبدو:كلمي امك
بلقيس:دعمزي ماما
عبدو:هيا عاد
نور قعمزت بعيد عليه
تحول من مكانه ولصق فيها يشوفلها
نور:قول شن عندك بنمشي انا
عبدو:به خيرك تحلوي كل يوم انتي
نور:دخلكش
عبدو:نحبك
نور:نحبكش اني
عبدو:بنتي بري جيبي باسم
بلقيس:حاضر
نور:راقد
عبدو:نفيقه عادي معاش شابع منهم استاحشتهم هلبا ارحميني على خاطرهم نوعدك نطيب خاطرك ونرضيك روحي معاي
نور:مش قادرة ننسا
عبدو:نسيك وربي نسيك غير روحي بس حوشنا مظلم معاش خشيته من يوم مشيتو
نور 😶
عبدو:لوسمحتي
نور:بشرط
عبدو:شن
نور:انا وصغار في داري وانت بروحك
عبدو:حاضر اللي تبيه نديره بتروحي!
نور:الخميس نروح
عبدو حضنها:اخيرا 😍😍
نور:حول عليا يخش حد
بلقيس:ماما جبته بادي سموني ره
نور:عيب
عبدو:هاتيه ولدي البطل طالع غزال لامه 😉
بلقيس:وانا
نور:لسانك طويل زي بوك 😒
عبدو:بوها يحبك موووت 😘😘
نور 🙄
____________________________________
صقر:تعالي خير
نسيبه:نلا ديره انت
صقر:وينها الفلاحه والنشاطه اللي يحكو عليها ماشفت منها شي
دارت يديها في نصها:والله 😒
خش لدار قامها :اي
نسيبه لفت يديها عارقبته:صقري
صقر:ياروحه وعيونه
نسيبه:امتا بتحبني
صقر سكت وتلفت للجيهة الثانيه
نسيبه شدتله وجهه بين يديها:ليش بس تعامل فيا بمعامله تخلي فيا اكثر مانحبك ونزيد نتعلق بيك بس وين نجي نفرح نذكر انك ولا مره قلتلي تحبني او تبيني معاك
صقر نزلها:بنتي اسمعيني انا اللي صارلي قبل مش شويه وصعب عليا نرجع نفتح قلبي بس يعلم الله قداش مرتاحلك وعارف انه حايجي يوم نحبك فيه لكن مش بسهولة تحمليني
نسيبه:به واحساسي وشعوري انا عايشه مع راجل عاامل يحبني
صقر:احنا اتفقنا نوسه
نزلو دموعها:بس قعدا نتعلق فيك كل يوم اكثر خايفه يجي يوم وماتحبنيش ينتهي زواجنا وقلبي ينكسر
صقر:مانكسراش
نسيبه بعدت عليه:اي واضح من عيشتنا مع بعض زي الخوت
صقر فهم قصدها:شن تقصدي انا عطيتك اللي عندي من اول يوم مانمسكش وانا مانحسلك في شي مش حيوان ولا هو رغبه وخلاص
نسيبه:لانك ماحبيتنيش ولا تقبلتني اصلا تعامل فيا كاني طفله تمشي فيا تحسابني مانحسش ولا مانفهمش
صقر:شن تخرفي انتي مافكرتش فيك هكي بكل انتي مرتي
نسيبه بصوت عالي:مش باين ماشفت شي انت ماحاولتش حتا تفتح قلبك لو ماوصلت رساله منها يومها ماكنتش بتحكيلي
صقر:مانبيش نضايقك 😡😡
نسيبه:قول ماتبيش تحكيلي علي غرامياتك
صقر:ماتغلطيش
نسيبه:خيرني انا شن ناقصني 😭😭
صقر:وراس حبيبي ماتبكي اسف
نسيبه:حول عليا معاش تقولي لاحبيبي ولا بنتي تضحكش عليا
صقر:يابنت الناس مانقدرش نعطيك شي كذب نعيشك في وهم
نسيبه:اطلع
صقر:نوسه
عيطت عليه:معاش تقولي نوسه اسمي نسيبه وبس ومن اليوم نعيشو زي الخوت بالزبط معاش نبي نرقد معاك
صقر:بعقلك انتي
نسيبه:زي ماسمعت وتوا تفضل نبي بروحي
تنهد وطلع عارف انه عندها الحق في كل شي بس مش بإيده قاعد ماحبهاش ولا تأكد من احساسه تجاها
اما نسيبه فاتت عليها باقي الليله دموع لين خداها النوم
صباحا 🌞
فتح عيونه واول ماتحرك رقبته وجعاته من رقدت الصالون:اااخ الله يسامحك يانوسه كنا مرتاحين في حضن بعض
شاف الساعه لقاها 6ونص خش للدار بينوضها لقاها تقرا في قرآن:صباحو
نسيبه:صباح النور
صقر:راجعتي
نسيبه:ايه
صقر:بالتوفيق
طلعت جهزت الفطور فطرو ورفعها
قدام المدرسة
صقر:هاك افطري بعدين
نسيبه:قعدات عندي متع امس
صقر:خودي حاجه ماتخشيش الامتحان هكي تكملي عال12ولا
نسيبه:تعبش روحك وتجيني
صقر:نعم وكان ماجيتش انا من بيجيك خيرك نوسه
نسيبه:انا ب.............
صقر 😨😨يتبع
______________________________________
#شكرا_لخذلانكِ ✨
