part2
"مقتبسه"
صقر ✨
ياراجل مانبيش نروح عاجبتني عيشتي هنا
حسام:شن عجبك فيها بالله قولي 24ساعه نخدمو زي الحمير حشاك ونروحو نرقدو نفس الروتين لامن يسأل عليك ولا من يطمن عاحالك ماتلقاش حد يستقبلك لما تروح ويضحك في وجهك،ماتلقى من يقولك اهو درتلك اليوم الاكل اللي تحبه،ماتلقاش ايد تحن عليك لما تمرض وتتعب قولي شن عجبك في امها الغربه اهيا انا فدييت بنروح ومدام عمتي خولة قالت كلمتها معناها حتا انت مروح معاي
نفخت دخاني وصدري مغموم بكل:استغفر الله واتوب ايه
حسام:خايف تتواجه معاها؟
وقفت عالشباك نتفرج عالناس في الشارع:لا حتا لو كانت قدامي توا ماتحركش فيا ساكن
حسام:ولا خايف قلبك يرجع ينبضلها
تلفتت ورجعت بيا ذاكرتي لليوم اللي سافرت فيه..
flash back
ماكانش حد موافق على سفرتي وخاصه اني ماشي باتفاق صار بيني وبين صاحبي
نورالدين:ياولد يهديك الله قعمز وفكنا
انا:بوي ماتعرضليش وخليني نتوكل نشوف حياتي لامتا بنقعد هنا متمرمد عالاقل نجيب شهادة كويسه
خولة:وافرض ماقبلوكش غادي
انا:يقبلوني باذن الله دعواتك معاي بس
ودعتهم وطلعت صح كان في قلبي شويه خوف من الغربه ومن بعدي علي عيلتي من حياتي الجديدة بس قلبي وقتها كان يبي يبعد باي شكل رن هاتفي لقيته رقمها كنت بنسكر عليها بس شي خلاني نرد
عايشه:وين ماشي
انا:مسافر نكمل قرايتي
عايشه:وبتخليني صقر
انا:علاش نخليك من باقي عيلتك انا! اهلك عندك وخطيبك ربي يهنيك
عايشه:نحبك
انا:به المطلوب مني توا
عايشه:ارجع والله نسيب كل شي ونتزوجو
انا ضحكت:لالا انا مانرضالكش تاخدي الطالب
عايشه:حبيبي
لادموعها اثرو فيا ولا صوتها انطفت في نظري ومعادش تهمني سكرت الهاتف ولوحت شفرتي حلفت معاد نفتح قلبي لبنت ولا نسمح لروحي نتعلق بأنسانه تكسرني وتهيني عاهدت روحي اني نخدم ليل نهار ونقرا عاهدت بلادي يوم طلعت منها اني نرجع وانا رافع راسي وجايب شهادة ماتنردش في اي مستشفى نخشلها
end back
حساام:رجعنا للذكريات
خديت فنجان القهوة:قلبي عافها من زمان بس مانبيش نظلم بنت الناس معاي مش عارف كيف بنتصرف مع امي
حسام:مرات تكون كويسه تخليك تحبها وتنسيك في عايشه
انا:ايح
حسام:جرب مش خاسر شي واشرط من الاول قصدي اختارها كيف ماتبي انت
انا:وهذا اللي بيصير
حسام:خلاص مالا ابدا نظم روحك وسلم حالاتك وانا تو نحجز
__________________________________
كنت ندير في تشيز كيكه ونغني:اصلي حبي وياك وباقي الناس تقليد هوا الي عنده مثلك بعد من الله شيريد 😌عشت يمك حياتي كنت بالدنيا ماحاس مثل غرقان وانت جبتلي وياك الانفاس 😍😇 ويا انفاسك خليني 😉😘
خش ياسر:ومنو هذا اللي جابلك الانفاس 🙄
انا:ماحدش يا قلبي نغني بس
ياسر:شن تمرمدي
انا:تشييز
ياسر:احسبيني
انا:ومرتك خيرها
ياسر:نبي ناكلها من ايدك فيه مانع
حطيتها في الثلاجه ومشيت نضم:لا مافيش ادلل حبيبي قداش عندي يسور
ياسر:ايوا ربي يحفظك نسنوس
انا:بهي اطلع هي وتحلم تاكل منها
ياسر ضحك:خيرك انقلبتي
انا:توكل عاحالك 😏
رن هاتفي"جنونه":ايوا
جنان:غزالتي كيف حالها
انا:تمام وانتي حبي
جنان:الحمد لله قتلك دايرة لمه للبنات الخميس باش تجي
انا:علاش ايه الاسباب
جنان:هكا عازمة صاحباتي متع الاعدادي
انا:بهي نشوف بابا ونرد عليك
جنان:تم هي نحكو عالواتس بعدين باي
مفتاح:بنت
طلعت نجري:نعم بابا
مفتاح:بكري نادي فيك وين وذانك 😡
انا:سوري كنت نكلم في جنو
مفتاح:وعشاك وينه
انا:واتي هي تو نحط
مفتاح:استعجلي جاييني ضيوف
انا:حاضر امتا يتمو ضيوفنا اصلا
مفتاح:نسمع فيك تبيني نلز الناس يا طويلة اللسان
انا 🤭🤭
_____________________________
سادين ✨
الجرس يرن ويعاود قريب ينحرق
طلعت نجري بتوته متعي نسيت نلبس وشاح وشعري كعكة فتحت الباب:ياودي مش هكي رهو الجرس بفلوس 😡😡
اريام:ترا احلفي رزق عمي واحنا احرار بنحرقوه
سادين:تحطي حقه وبعدين احرقي
معتصم:بتقعدو تهدرزو عالباب انتم
اريام:ماقالتش تفضلو بنت عمك
سادين:محتاجه عزومة عاد خشي مصروعه
اريام خشت تضحك:وين مرت عمي
معتصم اتكى عالباب:بدخليني ولا نقعد هنا
قلبي وكالعاده فضحني ونبضاته بدت مسموعه:تفضل
معتصم مد يده لخدها:علاش كل مانتكلم معاك خدودك يبدو حمر
انا:عادي
معتصم:اه بهي اهم شي انه الطبيعي هدا
انا:ايه
معتصم:شن جو لقراية
انا:مليح
معتصم:امتياز ها
انا:نبي اللي وعدتني بيه
معتصم:تم الكلام غير انجحي وليك اسبوع في راس الهلال مش حاتنسيه طول عمرك
تنهدت وانا نشوفله يمشي قدامي ويحكي ااخ ياقلبي لأمتا بنقعدو هكي متعلقين بيه وهوا ولا حاس بينا 😪
خولة:ديري لصغار عمك قهوة
اريام:سادة لو سمحتي
انا:ماصح وجهك جاية بتهدرزي عليا ولا ماما
اريام:لمرت عمي الحق نبي نعرف الفرخ هدا امتا بيروح شن موضوعه
خوله:ااه يابنتي اشكيلي نبكيلك والله لساني شاب وانا نقوله روح
اريام:لاحول ولا قوة الا بالله كل مانحكي معاه يقولي كلمتين ويتهرب عارفني بنفتح معاه الموضوع
خولة:لا خلاص توا عدي الايام وتلقيه هنا
اريام:كييف
خولة:حلفتله مايروحش غاضبه عليه دنيا واخره
اريام:حي مرت عمي غلط هكي هدا ولدك في النهاية
خولة:وانا شن بنديرها حق هبلت مالا لكن مالقيتش حل لازم يروح نبي نزوجه ونرتاح
اريام:ايه عندك حق
"هااااي انا اريام اكيد تبو تعرفو من نكون
حضرتي نكون بنت عمهم مسعود نفس عمر السيد صقر تربينا مع بعض وعلاقتي بيه قويه كأنا خوت لانه ماعنديش خوات فااغلب وقتي عند عيلة عمي
خوي البارد معتصم عمره 26سنه كان يقرا في الاردن وروح يمرج في كبد العيلة كلها 😅"
سادين:هاك تسممي
اريام:منورة شن رايكم نمشو للمزرعه انا واخدة اجازه
سادين:ياريت والله لينا فتره ماطلعنا
خولة:خلاص نقول لبوك ونمشو نقعدو ايام غادي
سادين:وبتعزمو هاديكا الماركة
اريام ضحكت:ماتحلاش الا بيها يادوسه حرام عليك 😂😂
سادين:مش عارفه كيف متقبلينها هيا الوقت كله لبسي وماكلتي وطلعاتي وروائحي وحمادي حمادي حمادي 😣
خولة:تحشمي يا بنت
معتصم:شايفها كذا مره انا ماصدفش هدرزت معاها قبل
سادين:ربي رحمك منها مش عارفه عمي وين لقاها
خولة:حناك هيا اللي اختارتها وعمك عجباته وافق
اريام:تغيرلنا في الجو
سادين:بايخه
خولة:معليشي نتحملوها على خاطر عمكم
اريام:تمشي المهم نظمو اموركم وانا تو نكلم بابا
سادين:تموم
معتصم:كان تركزي في قرايتك زي مامركزة مع الهبلة هدي
اريام:الهى في حياتك
_____________________________________
محمد ✨
انا عمهم الصغير والمتعذب في حياته نشتغل محامي امي الله يسامحها قالتلي شفتلك وحدا في عرس جيرانا غزاله وترقص زي المصريات غرتني تبو الحق 😁ومشيت شفتها لقيتها فعلا قمر تزوجتها وبعد سنتين بدت الحقيقه تبان حياتنا انقلبت والمشاكل كثرت واستغفر الله 😓
روحت للحوش تالف من الخدمة وفاد لانه بتصير عركة تزيد الصداع عندي
مرتي المحترمة عيوش:قلت بايت برا
محمد:السلام عليكم
عايشه:وعليكم
محمد:شن الجو
عايشه:زي ماتشوف فيه مكسدة بروحي قريب نهبل
محمد:شدي حيلك جيبي عيل يعبي وقتك
عايشه:ماعنديش نيه توا
محمد: براحتك نوضي حطيلي العشا
عايشه:مادرتش
محمد:وعلاش
عايشه:تعبانه خاطريش ندير اطلب من برا وخلاص حمودي
حدفت الشنطه متعي:انتي شن هوا اللي ديري فيه لاحوش وقايماته زي الناس لا ماكله وديري فيها لسانك زي الخرا طول اليوم عراك
عايشه خافت منه ناضت حضناته:اسفه حبيبي بس والله تعبانه
محمد:شن اللي متعبك
عايشه:دهري
بعدتها عليا وتلفتت للدار:سلامت دهرك 😏
عايشه:بهي بتطلب عشا ولا شنو
محمد:كولي خبزه يابسه انا ماشي لحوش خوي نتعشا غادي
___________________________________
بعد كملت تمشيط شعري طلعت لبابا:حبيبي
مفتاح:نعم
نسيبه:مش انا بنيتك الصغيرة وحبيبت قلبك
مفتاح:شن تبي
نسيبه:بنمشي لجنو عازمتنا انا والبنات
مفتاح:امتا
نسيبه:الخميس
مفتاح:قولي لخوك يرفعك
نسبه:احلا باباتي 😘
صالحه:ديري عقل زي البنوت 😒
نسيبه:شن درت انا ياماما
صالحه:بري ارقدي
نسيبه:مزال بكري
خشيت لدار قعدت تقلب في التلفزيون مالقيتش شي نتفرج عليه اووف
فتحت هاتفي لقيت فيه طلب مراسلة فتحت عليه نتفرج عالصور لقيته طالب معاي في المدرسه درتله حظر وخشيت رقدت
فاتو باقي الايام عاديات مافيش اي جديذ الصبح مدرسه نروح نتغدا نرقد نقرا نتعلم في طبخات جديده وبس
جي الخميس واخيرا الواحد يرفه على نفسه
لبست جمبسوت اسود فيه حزام ذهبي خليت شعري مفتوح لبست اكسسوارات خفيفه وسبيدرو ابيض وفيه خطوط بالاسود خديت عبايتي وطلعت:ماما شن رايك
صالحه:ماشالله الله واحد علي بنيتي عروسه
انا:الله 😍امتا ياماما نلبس الابيض ونخش عااغنية طلي بالابيض
صالحه:تو يجيك نصيبك
انا:ادعيلي بس
ياسر من برا:تي اطلعي يافرخه
طلعت نجري تلاقيت مع نور جايبها راجلها:مرحب مرحب بهي تفكرتي عندك عيال
نورهان:وانتي وين متوكلة
انا:لجنو بايته ولا مروحه
نورهان:مش عارفه
لوجي بنتها:حالتي ارفعيني معاك
انا:نقدرش حبيبي بنمشي ناخد يبرا
لوجي خشت تجري:حنينه 😢
نورهان:مابردك
انا:خيرك مش عابعضك
نورهان:بري لمشوارك وبعدين نهدرزو تو نكلم خواتك بالك يجو نكسدو مع بعضنا
انا:وووه عالدوشة 😣 متع صغاركم هي باي
وصلت لقيت زحمه
جنان:ديما اخر وحدا
انا:شكلهم هلبا
جنان:9بس
انا:ايااه
خشيت نسلم عليهم ولما مديت يدي للأخيرة:حيي
سادين:نوسه ياحماره حتا انتي هنا
حضنتها بقوة:استاحشتك يافرخه
سادين:انا اكثر وين لادوري لا شي
انا:من مغير رقمه 😏 بارك الله في عمتي خولة دور فينا وتجينا
سادين:حارم عليك ياقلبي والله مشغوله في القرايا معاش نطلع بكل اليوم افرجو عليا جيت لجنان وبعدها بنمشو للحوازه
انا:بهي كويس ربي يعاونك انا بنكمل ثانوي ونرتاح خلاص نهاية مسيرتي الدراسيه
سادين:حمارة ماعمري ريت وحدا تسيب قرايتها
انا:عادي تو يجيني فارس احلامي نتزوج ونفتك
سادين:هبلة
"مستغربين اني طلعت نعرفهم 😁 اي اي سادين صديقتي ونعتبر فيها توأمتي عاخاطر ماما وعمتي خوله تلاقو في المستشفى لما كانو حاملات بينا تعرفو وبدو صاحبات اي وانولدنا في نفس اليوم ونفس السنه يعني توأم كل وحدا من ام 😅بس لينا فتره ماتلاقيناش لانها سخيفه مادورش فيا بكل 😢"
سادين"تخرف بروحها رهو هما اصلا كانو يسكنو قراب منا بعدين حولو بعيد وكل وحدا لهت في قرايتها معاش تواصلنا لكن معزتها في قلبي كبيرة حتا هيا توأمتي"
________________________________
محمد:خوتي بيمشو للمزرعه بيقعدو ايام غادي تبي تمشي ولا نحطك عند اهلك
عايشه:شن قصدك انت بتمشي
محمد:مش محتاجه سؤال هدي
عايشه:امم ماخاطريش فيهم بنات خوتك يقعدو يلقحو عليا
محمد:انتي شن جابك ليهم اريام وسادين خليك مع خولة وسعاد وريحي روحك
عايشه:هادوكا كبار عليا
محمد:الملخص! بتمشي ولا لا
عايشه:بهي نمشي مدام معاي انت حبيبي
محمد 😒:باه بري ديريلي قهوة
عايشه:حاضر وناضت بتمشي للمطبخ
محمد:سامنه راك
عايشه تلفتت:شن قصدك 😳
محمد:واضح قصدي سمنتي اضعفي تعرفيني مانحبش السمن الله يرحم اول ماخديتك كنتي ولا نانسي عجرم 🙂
عايشه:بس انا مانحسش في روحي سامنه
محمد:سامنه وديري راي لروحك حولي من قدام التلفزيون
عايشه 😢
________________________________
بعد المغرب تجمعو العيلات في المزرعه وانقسمو جزء يجهز في الشوا وجزء يجهز السفرة والبنات في المطبخ والرجاله كالعادة الشاهي والهدرزة
رامي:هاتي العصا يا دوسة خيرلك
سادين:هيا متعي انا ولا
رامي:به ويعني
سادين:لما تطلبها باحترام تو نعطيهالك 😌
معتصم:فوتها تو نجيب العصا متعي وصور
اريام:تعالي ديري العسل للبسبوسه
سادين:اختي العزيزة حركي ايديك معانا
راوية:نقدرش سلومي قالي ماتعبيش روحك
سادين:ااخ بس ياقلت جريدة خضرا
اريام:الجريد كاثر غير هيا وضعها خاص مانقدروش نضربوها
راويه:حسد طبقي يامعنسات 😂😂
خش فؤاد:ترا مديلي موس
اريام تلفتت عطاته بالظهر:مدي لخوك موس يادوسه
فؤاد قعد يشوفلها وطلع
راوية:قعدين ماتتكلموش
اريام:مش قادرة نصفاله يابنات مهما فات وقت ماقدرتش نرجع نتعامل عادي 😢
سادين:مادوريشي حبي تجاهليه ديما هكي هما صنف يتعبو مع الخيانه
اريام مسحت دمعتها وكملت هدرزة مع بنات عمها
بعد ساعه متجمعين كلهم يتعشو ويهدرزو لين يسمعو في الكلب متع البوابه ينبح بصوت عالي والباب انفتح وقفوا الولاد و......يتبع
_____________________________________
#شكرا_لخذلانكِ ✨
