part20
#شكرا_لخذلانكِ ✨
"مقتبسة"
______________________
سادين:سلملي غزالي
معتصم يبخ في بارفانه:اي زي الحق
سادين:خلاص حبيبي عاد
معتصم:تباتي عندنا اليوم نسامحك
سادين:تمام
معتصم:تبي حاجه!
سادين:نحبك
معتصم:نتعب اني نتلاقو حبي ونزل
اريام:دوووسه 😡
سادين:ها جيتك
اريام:حمارة لاصقتلي فيه الدراه هدا جايه بتساعديني ولا شن
سادين:ياحبي خيرك معصبه كنت نرضي فيه بس
اريام:خشي ديري مع مرام الحلويات بعدين نتفاهمو
سادين:بديتو صحبه
اريام:ريحينا من لسانك 🙄
في المطبخ
سعاد:قداش تبو سفرة
محمد:حوالي 8
خوله:مش جايب زحمه
محمد:لالا ولدك وين
صقر:اهوا شن تبوني
محمد:مختفي من الصبح
صقر:عندي عمليات هدا وين فضيت
اريام:ربي مايحرمني منكم
صقر:امين هاتي العصير هيا
استمرو في تقديم الضيافه والرجاله يتفاهمو اريام طول الوقت متوترة وخايفه
بدو يطلعو في العشا
خش فؤاد من الباب:خير ياعيله
ردو الكل ركزو معاه متوقعين عمله 😂بس صدمهم لما قرب من مرته
فؤاد:شن الجو
مرام:تمام خيرك عطلت
فؤاد:اللي معاي امه مرضت قعدت مكانه لين جي
مرام:اه بهي
فؤاد:وين البنات
مرام:بعتتهم لامي خير مش حانلهى بيهم
فؤاد:تمام
خشت أريام:ماما
فؤاد:مبروك
اريام:الله يبارك فيك
فؤاد:يلا بعدين كلميني لما بتروحي
مرام:تمام
فؤاد:عافكرة قصه شعرك الجديدة حلوة عليك 😉
مرام 😍😍
الساعه 10
سادين:اااخ يارجليا هدي فضانيه بس مالا عرسك كيف
اريام:حبيبتي اكيد بنجيبو شغالات
سادين:مالا تبوني انا ندير حاجه تحلمو 🙄
اريام:كلبه
سهى بنت خالتها:وين عصوم طلع بكري ماشفتاش بالزبون
سادين:علاش تبي تشوفيه 🤨
سهى:بنصور معاه
سادين:مافيش داعي معتصم مايحبش تصوير ولا تلصيق
سهى:انا مش برانيه
اريام قرصتها:اسكتي
سادين:اوووف
رن هاتفها
سادين:احم حبيب القلب
اريام ركبت تجري لدارها:ايوا
احمد:خطيبتي
اريام:عيونها
احمد:نحبك يابنت
اريام:حتا اني
احمد:قلت لبوك شهر وبنجي نرفعك رهو ماتعانديش
اريام:شويه شهر امتا بنلحق ناخد حاجاتي
احمد:تلحقي ياقلبي خودي المهم بس انا غدوة نجيبلك الفلوس وابدي اطلعي الصدرة بناخدها انا مش حاتعطل وسندس بدير البدله الصغيرة هادو اصعب حاجات ولا ارتحنا منهم
اريام:حتا اللبس صعب
احمد:ياعمري خودي الضروري والباقي ناخدهولك بعد توصليني
اريام:به
احمد:ايوه من تبي يلبسك غدوة
اريام:ليش ماتبيش تجي انت قصدك 😨
احمد:مرات عمتي تلبسك
اريام:لالا نبيش كان مش انت بلاش منها التلبيسه بكل
احمد:ليش
اريام:نبيك انت تلبسني حبيبي لو سمحت
احمد:حاضر انتي تأمري بس
اريام:نحبك
احمد:ربي مايحرمني هالصوت 😍قوليلي شن لونه قفطانك
واستمرو يهدرزو لين رقدت
_______________________________________
في حوش عيلة مفتاح كانو محتفليين
نادين:ترا اعطيني ياسر من هادي
ياسر:تي مش عندك صحنك ريحي روحك
نادين:سبحان الله زهت في عيني ماما 🥺
صالحه:اعطيها وخيتك بين روحين
ياسر:ثاني مره تاكل منه نوضي من جنبي
نادين:مسموم 😒 نوسه كولي حبي
نسيبه:كليت الحمد لله هاك تبي باقيها
نادين:مانقولش لا
نورهان 😂😂:ماعندهاش مانع
بلقيس:ماما هي نروحو
نور:خيرك
بلقيس:ابي بابا
نور:بهي تو نروحو
نادين:انا شكلي بايته
مفتاح:كل وحدا لحوشها مافيش حد يباتلي
نور:مروحين
نادين:مااتصلش بيك!
نسيبه:نعرفش هاتفي مقفل
نادين:حمارة نوضي افتحيه
نسيبه:شن بنقوله لو اتصل
نادين:نورهان ونور وكوثر عليكم ضمان الحوسه تعالي نوسه نبيك دخلتها للدار افتحي الهم
نسيبه:ياحليلي
نادين:منه تبيه ومنه مقفله هاتفه ديريلي زي اختك الهبله
وهما مزال يتعاركو رن الهاتف"زوجي العزيز"
نادين:ها انا كلامي ديريه حلقه في وذنك ومش حاتخسري هي ردي
نسيبه:لا
نادين:ردي يادراه الكبد معتز قريب يجي
نسيبه:فصلت المكالمه احسن
نادين:بيعاود وبتردي
عاودلها
نادين فتحت الخط دارت سبيكر
صقر وواضح التعب في صوته:بنيتي
نسيبه 😢
نادين تأشرلها تتكلم
صقر:ردي عليا سمعيني صوتك
نسيبه:ليش متصل
صقر:انا بدونك ولا شي
نسيبه:انت خليتنا هكي داير اسرار عليا من اول زواجنا
صقر:ماكنتش نبي المشاكل ياروحي وربي اللي حكيتهولك هوا اللي صار
نسيبه تبكي
صقر:معاش تبكي دموعك يقتلو فيا
نسيبه:انت بكيتني
صقر:نجي ناخدك!
نسيبه:نلا
صقر:لامتا ياروحي بتحرميني منك مستاحشك ومستاحش حضنك
نسيبه 💔😢
صقر:نحبك
نادين خدت الهاتف وسكرت:سمعتي صوتي واضح تعبان
نسيبه:شن بندير بهي
نادين:مش بكري كلماتك اريام تبيك تحضري خطوبتها
نسيبه:ايه
نادين:خلاص بتمشي والباقي عليه
نسيبه:مش حايخلوني
نادين:معتز جي توا بنروح لكن نكلمهم قبل مانمشي وبيناتنا الو
نسيبه:تمام
طلعت نادين:بابا حبيبي
مفتاح:هاشنو تبي
نادين:مش انا بنتك حبيبتك والاقرب لقلبك
مفتاح:بهي بعدين
نادين:نطلب منك طلب صغيرون بابا عاخاطر حفيدك الجديد
مفتاح:قولي
نادين:غدوة خطوبه اريام صاحبه نوسه هيا وبكري تتصل تبيها تجي خليها تمشي
مفتاح:مش دايرة روحها حرجانه يومين وتمشيلهم
نادين:يابابا هيا البنيه اصرت عليها
مفتاح:تمشي اونه مش شادها انا العوج اللي ديرو فيه
نادين باساته:احلا بابا والله
خش ياسر:تو مش يتصل بيك راجلك نوضي اقلبي وجهك
نادين:ووك عاللز بهي مش حوشك 😏
ياسر:مش عارف امتا تكبري وتعقلي
نادين:دخلكش عاجباته وراضي بيا
مفتاح:اطلعي يافرخه قليلة حيا
طلعت تجري
معتز:خيرنا الزح ياندو مش قتلك معاش تجري
نادين:نسييت
كشخ عليها:اركبي بهي سبحان الله قلة العقل 😡😡
ركبت وهيا زعلانه
معتز:وزعلانه تاني
نادين:تعرفني نحبش تكشخ عليا 😭😭
معتز:علاش البكي به
نادين:خليني في حالي جاية مبسوطه زعلتني ني وبنتي 😔
معتز:تو نروح نرضيكم غزالاتي 😍
نادين:نبي شكلاطه
معتز:ماكليتيش بكري
نادين:شنو 😨بتبدا تعد عليا في الماكله
ضحك:لالا ابدا فلوسنا كلهم تحت تصرفك ادللي ياروحي 💜
_____________________________________
سادين:حبي خلاص عاد بنمشي
معتصم:خليك شويه مستاحشك
سادين:والله توريني اريام
معتصم:فوتيها
سادين:بهي خليني نمشي
معتصم:نرقد وبري
زادت حضناته وتلعب بشعره:قلبي
معتصم:اممم
سادين:بنتزوجو لو نجحت
معتصم:بنخطبك بس وعالله يوافق عمي
ساديت:تنساش وعدك ليا ها
معتصم:مش ناسي توا ممكن تبوسي حبيبك وخليه يرقد بلا نقان
سادين:لا 🤭
معتصم:فرخه
سادين:لالالا بنمشي انا
معتصم:بهي بري هدا كله نحسبلك فيه وبعد ناخدك حانطلع حار ونار على جثتك يابنت نورالدين 🙄
سادين:شن قصدك
معتصم:توكلي واطفي الضي
سادين:حبيبي 😢
معتصم:ديري عملتك وتعالي ذوبيلي هنا نوضي هياا
سادين:بااليز
حط مخده على راسه ورقد
سادين:اوووف ديما مفسدتها على روحي
طلعت طايرتلها
اريام:خيرك لاويه 😂
سادين:هوا انا مانستاهلش نفرح
اريام:انتي فرحانه بيه ومش عارفه تتصرفي معاه بس
سادين:بهي تعبت كل شويه نزعله ويضايق مني خايفه يمشي يحب وحدا تانيه 😔💔
اريام:خوي يحبك بجنون انتي غير الصقي فيه ديما وبس الباقي ينحل
سادين:قولتك
اريام:ايه نعرفه اني هي تعالي ديري معاي ماسكات
فاتت ساعات الليل وجت شمس يوم جديد 💜
بدو يجهزو للتلبيسه اللي بتكون بسيطه للعيله
نسيبه:صباحو
مفتاح:صباح النور كيف صحتك
نسيبه:تمام
مفتاح:امتا بتمشي
نسيبه:العشيه
مفتاح:خلاص قولي لخوك يرفعك
نسيبه:به
سادين تبكي:بالله عليكم خلوني به علاش هكي
رامي:سكري فمك بلا دراه كبد قلت مافيش قعمزي استنيها هنا
سادين:ماما 😭
خولة:مادخليش فيك تفاهمي مع خوتك
سادين:شن فيها كان مشيت
خش صقر:صوتكم واصل للشارع شن فيه
سادين شدت فيه:صقري قوله 😢
صقر:خيرك مع اختك
سادين:نبي نمشي مع ريمو للمزين خوك قالي لا
صقر:علاش
سادين:نعرفش بالله عليك قوله
صقر:شني 😒
رامي:ماتمشيش معاه معتصم الهم هدا
صقر:تي شن مشكلتك معاه ولد عمك خير بلاك يافرخ
رامي:معاش تقولي فرخ واهيا مافيش مشي
صقر:بتتكلم بعد كلامي انت ولا كيف 😡
رامي:مش هكي
صقر:تمت الدوة بري وتي روحي وانت الحقني لحوشي
سادين: سلملي وخي اجعلني مانفقدك
صقر:ان شالله ماكلماتك
سادين:لا 😔
صقر 💔
سادين:مرات تجي الليلة
صقر:ان شالله خير وطلع
ركبت تجري للدار واتصلت:بنمشي
معتصم:خيره خوك الخرا
سادين:مش عارفه
معتصم:ماحسش بينا
سادين:لا فيه شي تاني مخليه كارهك
معتصم:ساهل تو نكلم صقر انا هي تعالي نبي نشوفك يافرخه عطلت نتيجتك
سادين:ايه هلبا
معتصم:نستنا فيك بهي
سادين:نبي شكلاطه حبيبي
معتصم:حفظتها الدسكة تعالي تو ناخدلك من الطريق
سادين:اوك
هي تو نرجعولهم بعدين
_____________________________________
في حوش صقر
رامي يهز في رجله متعصب
صقر حطله قهوة:ادوي هي
رامي:مافيش شي
صقر:مانقعدش نحلف فيك ونجبد في الكلام احكيلي اللي عندك
رامي:كنت نبي وحدا تقرا معاي في الجامعه معجب بيها ليا سنتين ونبي نتقدملها
صقر:به
رامي:قالتلي نحب ولد عمك وسيبني💔
صقر:وانت كرهته
رامي:ايه كرهته ونكرهه باقي عمري فسدلي حياتي
صقر:وسيبها
رامي:مايهمنيش هوا مع هيا
صقر:مايصيرش هيا اللي خلقها خلق غيرها تو تعرف وحدا تانيه وتعجبك وتحبها لكن تخسر ولد عمك غلط
رامي:نحبها 😔
صقر:يعوضك ربي وخي
رامي:كيف ننساها
صقر:تو نديرو راي لكن مانبيش غلط مش ولدي انا اللي يغلط
رامي:ان شالله
صقر:ارقد هنا ارتاح
رامي:لالا بنمشي نرقد في داري
صقر:براحتك المهم زي ماوصيتك
رامي:تم
فاتو الساعات لاذان المغرب 🌌
وصلو الناس
اريام:متوترة
سادين:فيش شي يوتر بيان ره مش عرسك
اريام:كلبه
راويه:ماتعدليش عليها
انفتح الباب
نسيبه:ني جيت 🙂
سادين:نوسه 😍😍
اريام:توقعتك ماتجيش
نسيبه:معقوله
سادين:كيف حالك
نسيبه:الحمد لله هيي نسييت قتلك عميمه انزلي
طلعت اريام سلمت وقعمزت
عمة احمد مش عاجبها من بعد مشكله فؤاد
سندس:ماشالله على كنتنا
اريام:حلوة
سندس:غزاله
خولة:استاحشتك يابنيتي
نسيبه:حتا اني عميمه هلبا
خولة:روحي لحويشك وراجلك انسو اللي صار وافتحو صفحه جديدة
نسيبه:يصير خير خلي نشوف البنات
خشت للمطبخ:دوسه هدي لهنا
سادين:لالا للرجاله اهو بيجي رامي طلعيهاله
خدت السفرة وطلعت للباب الصدمة انه
صقر قاعد واقف يشوفلها:بنتي 😍
نسيبه:احم تفضل
صقر:قلبي شوفيلي بس خليني نغرق في عيونك اللي يقتلو فيا
نسيبه:خود القهوة بتبرد
صقر:خليها تبرد مش مهم
نسيبه:خلااص ارفعها احسن مانردها للمطبخ
صقر:بهي خداها مشا وهوا يفكر في موضوع
سعاد:خطيبك بيخش
اريام:مساويه بهي
سندس:ياودي عسل
خشت سادين:قالك اطلعي للمربوعه مايبيش يجي هنا
اريام:خيره
سادين:نعرفش توا كلمني صقر
مشتله للمربوعه
احمد:بهي انتي شنو وضعك
سندس:عازول 🙂
احمد:فارقي بلا معيله
سندس:ماشي مش اكتر من ربع ساعه
احمد:اميرتي
اريام:احم كيفك
احمد:توا بديت كويس شن الجمال هدا 🤤
اريام:انا من يومي جميله 😌
احمد:هلبا والله يوم جيتك للمصرف نقول يارب عيوني مايفضحوني وتحس قداش اثرت فيا
اريام:مستفز
احمد:وحضرتك مغرورة
اريام:يلبئلي
احمد:حقك ياروحي
لبسو الخواتم صورو وفاات الوقت حلو وهادي
دقت عقارب الساعه معلنة وصول منتصف الليل12:00
نسيبه:ها ياسر وصلت
ياسر:مزال
خوله:هي تمشي معاي للحوش نهدرزو لحد مايوصل خوك
نسيبه:به
طلعو يهدرز لين حست حد وراها تلفتت
صقر:نبي نحكي معاك شويه
نسيبه:مانبيش
صقر:تمام ماخليتيش خيار تاني غير نجبرك
قامها ومتجه لحوشه:تصبحي عاخير امي
خوله:ربي يهدي سركم ويهنيكم
نسيبه:افتح الباب بنروح خوي جاي
صقر:خوك مش جاي كلمته وروح
نسيبه:انجنيت انت
صقر:طلبت منك مرااات انه تسمعيني يانوسه كلموك العيله كلها اهدي عليا شويه حتا انا انسان ونغلط
نسيبه:نبي نرتاح اظن حقي
صقر:اكيد حقك وخليتك يومين
نسيبه:وانت تتقرر في المدة
صقر:ايه
نسيبه:اوووف خشت للدار حولت العبايه شن بنلبس توا هي
صقر:لبسك كله في مكانه
نسيبه:متفق معاهم
صقر:حاجه زي هكي هي غيري وتعالي ديريلي ماناكل
نسيبه:وخيرك ماتعشيت في حوش عمك
صقر:نبي من ايدياتك العسل
نسيبه:بهي اطلع
صقر:متحشمه مني
خدت لبسها وخشت للحمام قربعت الباب
صقر:يانهبلك ياتهبليني 😅
قعدت تفكر في كلام نادين ونصائحها قررت تمشي بيه لبست قفطان حوش قصير دارت لمسات برفان وطلعت
صقر:قداش مستاحش حسك في الحوش
نسيبه:درتها بيدك 🙄
صقر:معاش تتعاود وحياتك عندي
نسيبه:شن تبي نديرلك
صقر واقف سرحان فيها:السم من ايديك توا ناكله 🤤
نسيبه:بارد نديرلك شكشوكة
صقر:عادي اي شي خفيف
نسيبه:اوك
بدت توتي ودور في المطبخ وقفت عالغاز حست بانفاسه قريبه منها:صقر
لف يديه عاخصرها:ياروح صقر وقلبه وحياته كلها
نسيبه:بعد خليني ندير العشا
صقر:لا خليني هكي شويه مستاحشك
نسيبه:اهو حابسني. وقاعده
صقر:مش حابسك هدا مكانك حوشك
نسيبه:به
صقر:نحبك نوستي 😘😘
بعدت عليه:نديرلك شاهي ولا عصير
صقر:عصير 😂
حطتله عالطاولة:هي تعالا
صقر:ويين
نسيبه:بنرقد
صقر:ناكل بروحي شن كلب انا 😡
نسيبه خافت:به خيرك تعيط
صقر:قعمزي
نسيبه:ها
صقر ياكل ويتفرج عليها:نحبك
نسيبه 😢😔
صقر:ياسبحان الله تتعارك معاها تبكي تضحك معاها تبكي تقلها نحبك تبكي حتا ليلتها بكيتي هلبا 😉
نسيبه:خزي يابارد شن فكرك بيها توا
صقر:مانسيتهاش اصلا احلا يوم في حياتي
نسيبه:كملت خلي نضمهم
صقر:الحمد لله يسلمو ايديها غزالتي
نسيبه 🙄
صقر:خلاص عاد
بعد مروور اسبوع بدون احداث مهمه
فتح الباب وخش
نسيبه:شنو
صقر حدف المفتاح:مش كنتي تقولي نجاوب 😡وننجح الاولى عالمدرسه
نسيبه:حي عليا سقطت ياحليلي شن بنقول لماما 😭😭😭
ضحك وحضنها:ياقلبي انتي جبتي الثانيه عالمنطقه كلها بنيتي الشطورة
نسيبه:احلف
صقر:والله نجحتي
نسيبه:الله 😍😍مش مصدقه
صقر:صدقي ياعمري
نسيبه:نحبك
صقر:ترا ثاني
نسيبه:نحب..
وقبل ماتكمل كان واخدها وراحو في عالمهم للخاص 💜
بعد نص ساعه الباب يخبط
صقر:اياااه مايخلو واحد في همه الزفت 😣
نسيبه تضحك
صقر:زيدي اضحكي حانرده فيك هدا
نسيبه:به اطلع افتح الباب
صقر لبس تيشرته:ماشي ماتطلعيش بيها التوته اللي كنتي لابستيها ها
نسيبه:به
صقر:نعم
رامي:قالك بوك تعالا للحوش بيباركو لفرختك
صقر:احترم نفسك
رامي:قلت شي كذب مه واخد عيله زي اختك
صقر:ريحلي روحك انت توكل تو نجي
رامي:ماتعطلش بس تحشم بوك يستنا 😂
صقر:اقلب وجهك خير 😡😡
نسيبه:منو
صقر:حظ احرف هيا بنمشو لحوش العيله
تسيبه:به نغير
صقر:مافيش داعي لبستك باهيه اطلعي قدامي
في حوش نورالدين
سادين:الله اخيرا نجحت ياريمو
اريام:دوم فرحانه حبيبتي 😍
سادين:هي شن بتهدوني
نورالدين:هدا من بوك
سادين:كم
نورالدين:الف
سادين:احلا بابا 😍ونبع الحنان
خوله:بناخدلك الهاتف اللي تبيه
سادين:محلاكم وحضرتك 😒
رامي:اقلبي وجهك واخده الف وهاتف مزال تبي مني
سادين:بابا ره معتصم واعدني بيرفعنا رحله
نورالدين:غير قعمزي قبل بنقولك شي مدام العيله ملتمه
سادين:شن فيه
نورالدين:الخميس الجاي
سادين:به
نورالدين:بيانك
خوله:اللطف وانت امتا عطيتها البنت
نورالدين:عاطيها من زمان لولد ال.......
سادين 😨😨يتبع
العد التنازلي للرواية 😁😁😁
