သရဲအိမ္ထဲမွ ဖူးစာရွင္

Chapter (139+140)

Chapter (139)_ ကျွန်မက စတုတ္ထ အိမ်သာခန်းအထဲမှာပါ....

သူမရဲ့ဆံပင်တွေဟာ ရှုပ်ထွေးနေပြီး သူမ၏မျက်နှာပေါ်မှာ ရှုပ်ပွစွာ ကျဆင်းနေသည်။ သရဲအိမ်ထဲ မဝင်ခင်က ကျော့မော့ကာ ဆက်ဆီကျသည် ပုံရိပ်က လုံးဝပျက်စီးနေပြီး သူမရဲ့ ဒေါက်မြင့်ဖိနပ်တရံပင် မပါတော့ပေ။

"တုန့်မုန့်လုလား?"

ချန်ကောသည် မာရသွန် အပြေးပြိုင်ပွဲတွင် ပါဝင်သလို ပြေးနေသည့် အမျိုးသမီးကိုတွေ့ခဲ့သည်။ သို့သော် ချန်ကောရဲ့ တည်တည်ငြိမ်ငြိမ်ရှိသောသဘောထားနှင့် မတူဘဲ သူမသည် သူ့ကိုတွေ့တော့ တစ္ဆေကို တွေ့မြင်ပြီးထွက်ပြေးတိမ်းရှောင်နေသည့် အလား သူမ ဆူညံစွာအော်ဟစ်စပြုလာသည်။

ချန်ကောက သူ့မျက်နှာကိုထိလိုက်တယ်။ မျက်နှာဖုံးကြောင့်လား....

ဒီဆက်တိုက်ကြောက်စိတ်နှစ်ခုသည် တုန့်မုန့်လုရဲ့ ကိုယ်အတွင်းရှိ လျှို့ဝှက်အားအင်ကို ပေါက်ကွဲစေခဲ့သလို သူမ၏ခြေထောက်များက လေကဲ့သို့ တရကြမ်း အလျင်ဖြင့် ချန်ကောရဲ့ မျက်လုံးရှေ့ကနေ ထွက်ပြေးသွားတော့သည်။

ကိုယ်ဖော့ပညာကိုများ သူမ သင်ထားသလား ထင်ရသည်။

ချန်ကောသည် မျက်နှာဖုံးကိုချွတ်က မုယန်အထက်တန်းကျောင်း ဆက်တင်ရဲ့ ဟိုးအတွင်းဘက်ကို ဝင်လာခဲ့သည်။

သူမ အဘယ်ကြောင့်တစ် ဦး တည်း ထွက်ပြေးလာရတာလဲ။ လူကွဲသွားလို့လား...

ချန်ကောသည် ပထမဆုံးလမ်းဆုံသို့ရောက်သောအခါ တုန့်မုန့်လုကို ရှာမတွေ့သေးပါ။ ဒါကြောင့် Pen Spirit ဘောပင်ဝိဉာဉ် ရဲ့အခန်းကိုအရင်သွားကြည့်ဖို့ စိတ်ကူးလိုက်သည်။

အဲ့ဒီအချိန်မှာ သူ့အိတ်ကပ်ထဲမှ ဖုန်းမြည်လာသောအခါ သူ စင်္ကြံတလျှောက် ထွက်လာခဲ့သည်။

...

အိမ်သာခန်း၏စတုတ္ထမြောက် အခန်းလေးထဲမှာ တုန့်မုန့်လုက သူမရဲ့ ပုံရိပ်ကို ထိန်းသိမ်းဖို့လုံးဝ လက်လျှော့လိုက်ပြီး သူမသည်ကြမ်းပြင်ပေါ်မှာ လဲလျောင်းနေပြီး သူမရဲ့မျက်လုံးတွေက တံခါးပေါက်ရဲ့အောက်ခြေကို လှမ်းကြည့်လိုက်သည်။