သရဲအိမ်ထဲမှ ဖူးစာရှင်

Chapter (5) :မှန်ထဲကလူ ဘယ်သူလဲ

Chapter (5) :မှန်ထဲကလူ ဘယ်သူလဲ

"ကျွမ်းကျင်မှုနဲ့ ပါရမီ၊ ကြည့်ရတာ ခက်ခဲတဲ့ (Nightmare) Mission ကိုအောင်မြင်ရင်ပေးတဲ့ ဆုတွေက ထူးခြားမှုရှိပြီး ငါ့အပေါ်မှာ တိုက်ရိုက် အကျိုးသက်ရောက်တာ ဖြစ်မယ်။!"

အရေးကြီးတဲ့အချက်ကို စိတ်ထဲတွေးလိုက်ရင်း Chen Ge ရဲ့ရင်ထဲ မျှော်လင့်ချက်လေးတွေ ပြန်လည်တောက်ပလာခဲ့သည်။   မကြာသေးခင်က သူက  အန္တရာယ်၊ အမှောင်၊ အကြောက်တရား၊ ခြောက်ခြားဖွယ်ရာများဖြင့်ပြည့်နေသော အခြားလောကတစ်ခု  ရှိနေတာကို မြင်တွေ့ခဲ့ရသည်။ အဲ့ဒီလောကထဲမှာ သူ့မိဘနှစ်ပါး ပျောက်ကွယ်သွားတာလည်း ဖြစ်နိုင်သည်။ လက်ရှိ သူ့ အခြေအနေအရ  သူ့ကိုယ်သူ အန္တရာယ်ကနေ လုံခြုံမှုရှိအောင် နေနိုင်တာက တော်လှပြီ။  ဒါဆို နောင်မှာ သူ့မိဘတွေကို သွားရှာလို့ရပြီ။ အခု  သူ့လက်ထဲမှာရှိတဲ့ အနက်ရောင်ဖုန်းကြောင့် ရှေ့ဆက်သွားဖို့ အခွင့်ရေးရှိနေတာကို    ကျေးဇူးတင်ရမည်။

"ဘာပဲဖြစ်ဖြစ် ရှေ့ဆက်ရမဲ့ ခရီးက အရှည်ကြီးကျန်သေးတယ်။ အခု ချိန်မှာ ငါ သရဲအိမ်လုပ်ငန်း အခြေနေပြန်ကောင်းလာပြီး ငွေကြေး အကြပ်တည်းကနေ ရုန်းထွက်နိုင်ဖို့ပဲ အာရုံစိုက်ထားဖို့လိုတယ်။"

သူက အိတ်ထဲမှ ဖုန်းကို ဆွဲထုတ်လိုက်သည်။

 "ဒါက ပိတ်သွားပြန်ပြီ။ မကောင်းတာ တစ်ခုခုဖြစ်တော့မယ်လို့ ငါ ခံစားနေရတယ်။ ခက်ခဲတဲ့ မစ်ရှင်တွေက အောင်မြင်ဖို့ တကယ်မလွယ်ဘူး။ နောက်တခါ ဒါတွေကို ငါတစ်ယောက်တည်း မလုပ် တစ်ခြားနေရာ ကနေ အကူအညီယူရင် ပိုကောင်းလိမ့်မယ်။"

သူက သူ့ဖုန်းကို ဖွင့်ကာ နာမည်ကြီး supernatural  ဖိုရမ်ထဲ ဝင်လိုက်ပြီး သူရိုက်ကူးထားတဲ့ ဗီဒိယိုကို တင်လိုက်သည်။

စက္ကန့် အနည်းငယ်ကြာသောအခါ သူ့ဗီဒီယိုကို  "မှန်ထဲက လူက ဘယ်သူလဲ။ " ဆိုပြီး နာမည်ပေးပြီး တင်လိုက်တယ်။

ထိုဗီဒီယိုက လျင်မြန်စွာပြန့်နှံ့သွားပြီး အချိန်တိုအတွင်း ကြည့်ရှုသူ နှင့် တဆင့်ပြန်ရှယ်တဲ့လူ  အများကြီးရှိလာသည်။ ကြည့်ရတာ လူတွေက  သတင်းလိုင်းများနှင့် အတင်းအဖြင်းတွေကို ငြီးငွေ့လာလို့  လိုင်းပြောင်းပြီး စိတ်ဝင်စားလာကြပုံပေါ်သည်။ သူ့ဗီဒီယိုက   မြားတစ်စင်းလို တစ်ရှိန်ထိုး ပျံ့နှံ့သွားပြီး Chen Ge ပေ့ခ်ျကို တစ်ခါ Refresh လုပ်တိုင်း အနည်းဆုံး comment ဆယ်ခုလောက် တိုးတိုးလာသည်။

"25:14.- ငါ့ကို နောက်မှ ကျေးဇူးတင်ကြရလိမ့်မယ်"

"ပို့စ်တင်တဲ့သူက ရူးနေတာလား။ ဘယ်လိုလူက ဒီ အလုပ်ကို ညသန်းခေါင်ကြီး  ထလုပ်ရတာလဲ။ "

"မှန်ပေါ်မှာ အက်ကြောင်းတွေ ဘာကြောင့်သူ့အလိုလိုပေါ်လာတာလဲ။ ပြီးတော့ ဗီဒီယို အဆုံးနားမှာ မှန်အထဲကနေ ထုရိုက်နေတာက ဘာကြီးလဲ။"

"အများအားဖြင့် အခန်းတွင်းအပူချိန်အတက်အကျကြောင့် မှန်တွေမှာ အက်ကြောင်းတွေ ဖြစ်လာတတ်တယ်။"

"မဟုတ်သေးဘူး။ မင်းတို့ အားလုံးမှားနေကြပြီ။ တာအိုသဘောတရားအရ မှန်တွေမှာ သန့်စင်တဲ့ ယင်စွမ်းအင်ကို ပိုင်ဆိုင်ထားကြတယ်။ ငါထင်တာတော့ ဒီဗီဒီယိုက်ို 'မှန်ထဲက ဘယ်သူလဲ'လို့ ခေါင်းစဉ်တပ်ရမဲ့အစား 'မှန်ထဲက သရဲတစ်ကောင်'လို့ ခေါင်းစဉ်တပ်သင့်တယ်။"

"ဘုရားသခင်... ဘယ်လိုလူက ဒီလိုရူးကြောင်ကြောင်အလုပ်ကို ညသန်းခေါင်ကြီး  လုပ်ရတာတုန်း။ ပို့စ်ပိုင်ရှင်ရဲ့ သတ္တိကိုတော့ ငါ တကယ်လေးစားသွားပြီ။"

"ဒီဗီဒီယိုက သေချာပေါက်ပြုပြင်လုပ်ကြံထားတဲ့ အတုပဲဖြစ်ရမယ်။ မဟုတ်ရင် ငါ့ အကောင့်ကို ဖျက်လိုက်ပြီး  ကင်းမြီးကောက်ထောင်ပြီး ချီးစားပြလိုက်မယ်။"

"ဒါကိုတွေ့တာ ငါတစ်ယောက်တည်းလား။  ပို့စ်ပိုင်ရှင်က Jiu Jang မြို့ အနောက်ဘက်မှာရှိတဲ့ သရဲအိမ်ပိုင်ရှင်ပဲ။ နင်တို့သိပ်ပြီး ထွေထွေထူးထူး စဉ်းစားမနေကြနဲ့တော့။ ဒါက တမင်သက်သက် လူစိတ်ဝင်စားအောင် ဆင်ထားတဲ့ ကြော်ညာတစ်ခုပဲ။"

Chen Ge ရဲ့ မက်ဆေ့ခ်ျBoxထဲ ချက်ချင်း  သီးသန့် မက်ဆေ့ခ်ျများဖြင့် ပြည့်သွားသည်။ အချို့က မေးခွန်းမေးကြပြီး အချို့က  သံသယများရဲ့ အဖြေကိုသိချင်ကြခြင်းသည်။ ဒါပေမယ့်  သူ အားလုံးကို လျစ်လျူရှုထားလိုက်သည်။ ဒီဗီဒီယိုက အစစ်ဖြစ်တာကို သူကိုယ်တိုင်သိနေပြီး အခြားလူတွေကို  ရှင်းပြနေစရာမလိုဘူးလို့ သူတွေးထားသည်။ ဒီဟာက တကယ်အစစ်အမှန်ဆိုတာကို သိထားတဲ့ လူတချို့ကလည်း သူ့ကို တမင်သတ်သတ်ချိုးဖဲ့ချင်လို့ ပြောဆိုနေတာဖြစ်လို့ သူတို့လိုလူတွေအတွက် ဘာကြောင့် သူ့အချိန်ကို ဖဲ့ပေးနေရဦးမှာလဲ။

သူ့ဗီဒီယို တစ်ရှိန်ထိုး လူကြိုက်များသွားတာကိုကြည့်ပြီး   ဒီဟာရဲ့ အစ ကနဦးက  သိပ်မဆိုးလို့ Chen Ge တွေးလိုက်ပြီး မူရင်းဗီဒီယိုက နောက်ဆုံး ၁၄စက္ကန့်စာကို ဖြတ်ယူလိုက်ပြီး နိုင်ငံတွင်းမှ နာမည်အကြီးဆုံး ဗီဒီယိုတွေကို ရှယ်ပေးတဲ့ video-sharing app Website မှာ သွားတင်လိုက်သည်။

အစားအစာ၊ အက၊ သီချင်းဗွီဒီယိုတွေကိုပဲ ရှယ်တဲ့နေရာမှာ သရဲခြောက်တဲ့ ဗွီဒီယိုလေးက ထူးခြားနေမှာသေချာသည်။
ဆယ်စက္ကန့်မကြာသေးတဲ့အချိန်အတွင်းမှာ လူအများကြီး သူ့ထောင်ချောက်ထဲ ဝင်လာကြသည်။

 ဤနေရာမှာရှိ အသုံးပြုသူများ users တွေက supernatural forums  ထဲက  users နှင့် မတူကြပေ။ သူတို့က ဗီဒီယိုအောက်တွင် အကြောင်းမရှိဘဲ ကြောက်လန့်နေသည့် comments များ စတင်ရေးသားလာကြသည်။

ဝမ်းနည်းစရာကောင်းသည်က အင်တာနက်ပေါ်မှာ ချီးကျူးတဲ့ ဗွီဒီယိုတွေထက် ဝေဖန်တိုက်ခိုက်တဲ့၊ အငြင်းပွားတဲ့ဗွီဒီယိုတွေက ကြည့်ရှုသူပိုများနေတာပဲဖြစ်သည်။ သူက မှတ်ချက်တွေကို လိုက်ဖတ်ကြည့်တော့သူ့ကို ဦးတည်ပြီး  တိုက်ခိုက်ထားတဲ့ ဝေဖန်ချက်တွေကိုတွေ့လိုက်တော့ ပုခုံးတွန့်ပြီး ရယ်သာ ရယ်မောလိုက်သည်။

မျှမျှတတပြောရမယ်ဆိုရင် ဒီလူတွေ ဘာကြောင့် သူ့ကို ဒီလို တုန့်ပြန်ရတယ်ဆိုတာ သူနားလည်ပေးနိုင်ပါသည်။ ကြည့်ရှုသူ အများစုမှာဒီအချိန်မှာ အိပ်ရာထဲ စောင်ခြုံကွေးနေပြီး အိပ်ဖို့ ပြင်ဆင်နေကြပြီး အိပ်ပျော်စေဖို့ ပေါ့ပေါ့ပါးပါးဗွီဒီယိုကို ကြည့်နေကြမှာဖြစ်သည်။ ဒီအချိန် ဖယောင်းတိုင်တစ်တိုင် ထွန်းထားတဲ့ လူတစ်ယောက်ရဲ့ ခြောက်ခြားဖွယ် ဗီဒီယိုက သူတို့ မျှော်လင့်ထားတာနဲ့ ပြောင်းပြန်ဖြစ်သွားစေလိမ့်မည်။

ဗီဒီယို၏ အရေးအကြီးဆုံးအပိုင်းမှာ နောက်ဆုံး ၁၄စက္ကန့် စာအပိုင်းလေးပဲဖြစ်သည်။ ဘာဖြစ်သွားသလဲဆိုတာ သူတို့မသိနိုင်ခင်မှာ ကြောက်စရာဖြစ်ရပ်က   ဖြစ်သွားပြီးပြီ။ မှန်က တစ်စစီကွဲသွားပြီး မှန်ထဲက တစ်စုံတစ်ရာက တိုးထွက်လာပြီး ဖုန်းမျက်နှာပြင်ကတဆင့် သူတို့ဆီကို ဦးတည်ထွက်လာတော့မလို ထင်ရသည်။ 

ဒါ တကယ့်ကို ကျွမ်းကျင်တဲ့ လုပ်ရပ်တစ်ခုဖြစ်သည်။

Comment အခြေအနေကိုကြည့်ပြီး ဒီဗီဒီယိုပေါ်ပြူလာဖြစ်တာ   တ်ာတော်နှင့်လည်း ပြန်ကျသွားမည့်ပုံမပေါ်ပေ။ ဒီအချက်အရ လူတိုင်း သူ့ ဗီဒီယိုက်ို ကြိုက်တယ်ဆိုတဲ့ အဓိပ္ပာယ်မဟုတ်ဘူးလား။ သူက အရှက်မဲ့စွာ  ကိုယ့်ကိုယ်ကို မေးခွန်းထုတ်လိုက်သည်။

"အခုဆို ငါ့ Follower အရေအတွက်က  တစ်ရာကျော်လောက်တိုးလာပြီ။ တကယ်လို့ ငါ  ဒီအခွင့်အရေးကိုသုံးပြီး သရဲအိမ်ကို မကြော်ငြာလိုက်ရင် ငါ့ရဲ့ followerတွေနဲ့ ဖန်အသစ်လေးတွေ စိတ်ပျက်ကုန်တော့မှာပဲ။"

Chen Ge ဗီဒီယို ခေါင်းစဉ်ကို ပြန်ပြင်လိုက်ပြီး  user info section မှာ သရဲအိမ် လိပ်စာနဲ့ သူ့နာမည် ကို တွဲပြီးတင် လိုက်သည်။ ပြီးတော့ ဘေးမှာ <လုံးဝကြောက်စရာမကောင်းသည့် သရဲအိမ်> ဆိုပြီး ထည့်လိုက်သေးသည်။

Chen Ge သူရေးထားသော စာ ကိုကြည့်ပြီး ကျေနပ်သွားသည်။ ဆက်တိုက်တက်လာသော comments တွေကိုကြည့်ရင်း သူ တဖြည်းဖြည်းအိပ်ပျော်သွားသည်။

Chen Ge သူ့မျက်နှာပေါ်ကျလာသည့် နေရောင်ကြောင့် နိုးလာခဲ့ပြီး  အညောင်းဆန့်လိုက်ရင်း အိမ်သာထောင့်ကနေ ထရပ်လိုက်သည်။

"ရှစ်နာရီတောင်ခွဲသွားပြီပဲ"

သူက အဝတ်များကို ဖုန်ခါလိုက်ရင်း အရုပ်နှင့် ဖုန်းတို့ကို အိတ် ထဲထည့်ပြီး အိမ်သာခန်းထဲမှထွက်လာခဲ့သည်၊။

အဲ့ဒီအချိန်မှာ သန့်စင်ခန်း သစ်သားတံခါးပေါ်က လက်သည်းရာ ကြီးများကို သူ သတိထားမိ လိုက်ရသည်။ ကြည့်ရတာ တကောင်ကောင်က တံခါးကို အမှန်တကယ် ကြိတ်ဝါးခဲ့ပုံပေါ်သည်။

"မနေ့ညက တံခါးအပြင်မှာရှိနေခဲ့တာ ဘာကြီးလဲ။?" ထိုအရာများကိုကြည့်ပြီး မနေ့ညက သူမှန်ရှေ့က ခွာပြီး အပြင်ထွက် မကြည့်မိသည်ကိုပဲ ကိုယ့်ဖာသာ ကျေးဇူးတင် လိုက်မိသည်။

"ခက်ခဲတဲ့ မစ်ရှင်တွေက တကယ်ကို မမျှော်လင့်ထားတာတွေ ဖြစ်စေတာပဲ။ နောက်ကို ပိုသတိထားမှဖြစ်မယ်။"

သရဲအိမ်ထဲတွင် ဘာမှ မထူးခြားသည်ကို တွေ့တော့  Chen Ge ခေါင်းထဲက အတွေးတွေကို ထုတ်လိုက်ပြီး တနေ့တာကို  စတင်ရန် ပြင်ဆင်လိုက်သည်။

New Century ပန်းခြံက မနက် ၉နာရီ တွင်ဖွင့်သည်။ မနက် 8:45 တွင်ကျောပိုးအိတ်လွယ်ထားသော ပိန်ပိန်သွယ်သွယ် ၊သူမ ကိုယ်လုံးနှင့် မလိုက်ဖက်သော ရင်သားကြီးကြီးကောင်မလေးတစ်ယောက်  Chen Ge ဆီ တည့်တည့် လျှောက်လာခဲ့သည်။

"ဘော့စ်!"

ထိုမိန်းကလေးက နုနယ်ပျိုမြစ်ခြင်း၏ အငွေ့အသက်တို့ ထုတ်လွှတ်နေပြီး တောင့်တင်းသော သူမကိုယ်လုံးလေးက တင်းရင်းစိုပြေကာ ကိုက်စားချင်စရာ ပန်းသီးလေးတလုံးကဲ့သို့  နေရောင်အောက်တွင် တောက်ပနေသည်။

"Xiao Wan မင်းကတော့ တကယ်ကို အချိန်တိကျတယ်။ ငါအခုလေးတင်  ငါတို့ရဲ့ ဒေတာဘေ့စ်ထဲမှာ နောက်ခံသီချင်း အသစ်တစ်ပုဒ် ထည့်ထားတယ်။ အဲ့ဒါကို နားထောင်ကြည့်ပြီး  ဘယ်လိုထင်လဲ ငါ့ကို ပြောပြဦး။"

 Chen Ge စကားမဆုံးသေးခင် Xu Wan က သူ့လကို  ကျစ်ကျစ်ပါအောင်ဆုပ်လိုက်သောကြောင့် သူ မေးလိုက်သည်။

"မင်းဘာလုပ်နေတာလဲ။ ‽"

"ကျွန်မ အခုလေးတင် ပန်းခြံအဝမှာ လူအုပ်ကြီးတစ်အုပ်ရောက်နေပြီး သူတို့က သရဲအိမ်အကြောင်းဆွေးနွေးနေကြတာ တွေ့ခဲ့တယ်။ သူတို့က သရဲအိမ်ကို လာခဲ့ကြတာတဲ့!"

 Xu Wanက စိတ်လှုပ်ရှားစွာ ရှင်းပြသည်။

 "ဘော့စ် ကြည့်ရတာ ကျွန်မတို့ သရဲအိမ်ကို လာဖို့ စောင့်နေတဲ့ ဧည့်သည်တွေအများကြီးရှိနေပုံပေါ်တယ်"

"ဒီလိုမျိုးဖြစ်လာမယ်လို့ မထင်ထားဖူးဘူးမလား။   မင်းက ဒီပန်းခြံမှာ  ပထမဆုံးအလုပ်လုပ်ဖူးတာလား"

Chen Geက ဘာမှမထူးဆန်း သလို ပြောလိုက်သည်။

သူက ဖုန်းကို ထုတ်ကာ sharing app မှာ တင်ထားသော ဗီဒီယိုကို  ဝင်ကြည့်လိုက်တော့  သူ့ followe အရေအတွက်က ငါးရာကျော်သွားပြီး websiteရဲ့  ထပ်ဆုံးဆယ်ယောက်ထဲတွင် ပါဝင်နေပြီဖြစ်သည်။ Comments များကို  ကြည့်လိုက်တော့  XOXO သို့မဟုတ် '<3' လို commentsများ တွေကို တွေ့လိုက်ရပြီး  တချို့ကတော့ ပြင်းပြင်းထန်ထန် ဝေဖန်ဆဲဆို ခြိမ်းခြောက်ထားတဲ့ commentတွေဖြစ်နေသည်။ ထိုသူများထဲမှ အချို့ဆိုလျှင် ဓားဆွဲပြီး သူ့ကို သတ်ဖို့ ဒီလိပ်စာအတိုင်း လာနေပြီလို့တောင် ရေးထားသည်။

"အာ ဒီဟာက တကယ်ကို ထိန်းရခက်မယ့်ပုံပဲ"

 Chen Ge ရှုံ့မဲ့စွာ ချောင်းတစ်ချက်ဟန့််ပြီး Xu Wanကို ဆွဲလို့ သရဲအိမ်ထဲဝင် လိုက်သည်။

"ပန်းခြံမဖွင့်ခင် ငါတို့  ပြင်ဆင်ချန်  ဆယ့်ငါးမိနစ်ပဲရတယ်။ ဒီသရဲအိမ်ကို ကာကွယ်ဖို့  မင်းနဲ့ငါပဲရှိတော့မယ်။ ငါတို့ မကြာခင် ရောက်လာမယ့်  စစ်ပွဲကို ရင်ဆိုင်ဖို့ ပြင်ဆင်ကြတာပေါ့"
===================