غيث

الفصل العاشر

#روايه_غيث
#الفصل_العاشر
#دنيا_صابر

دايما ما يقال ان ما يسبق العاصفه هدوء يخيم المكان ومن ثم تاتي عاصفه تأكل الاخضر واليابس تاتي محمله بما لا تشتهيه الانفس من دمار وحزن، الجميع يحذر من الهدوء خوفا من قدوم تلك العاصفه فتاخذ فرحتهم وابتسامتهم معها تذهب.

دخل المطبخ بفضول عندما رائها تخرج من غرفتها بملابس الخروج وسال بصوت يغلبه الفضول ورفعت حاجب  : علي فين كدا

داده فطيمه بطيبه قلب : جيت في وقتك يا غيث يا ابني وصل جوهره للمستشفي عشان اتصلوا عليها بيقولوا ان يحي اخو صاحبتها عمل حادثه

غيث بعقدة حاجب : ويتصلوا عليها هي ليه ؟؛

جوهره بضيق : وانت مالك وبعدين انت لسه هتسال يا هتوصلني يا سيبني امشي بقااا

غيث وهو يستشيط غضب : رغم ان حوار يتصلوا بيكي انتي عشان تروحيلوا دا مش عاجبني بس ماشي اتفضلي هوصلك

جوهر بغيظ : وانت مالك اصلا يعجبك ولا ميعجبكش اي الرخامه دي

غيث بغضب : جوهره متتعديش حدودك في ادب الحوار ما بينا عشان هتزعلي من غضبي وقلبتي وحشه بلاش تجرييها

جوهره بتوتر : انا عايزه امشي ممكن

غيث بنظره ناريه : اتفضلي

_______________

مراد وهو يضع يده علي قلبه بتمثيل : ااخ اي دا انتي تبعيني يا امي بالسرعه دي

سحر وهي تنظر لمنه بهدوء وحنان : سيبك منه، ركزي هقولك هو كان بيقول اي

منه : اي

سحر ببتسامه : كان بيقول انه بيحبك جدا

منه بنظره ذهول وقلب نابض بقوه فقد تركت الكلمه اثرا بداخلها : احم واي كمان

سحر بابتسامه مشاكسه : وانه بيعشق جنانه وهبلك وان ضحكتك حلوه بتسحر القلوب وانك سحرتيه من اول مره شافك فيها وان هو بيتبرجل اول ما بيشوفك والكلام بيطير منه

منه وهي تنظر لمراد بذهول : بجد

مراد بحمحمه : احم ماما مش كفايه كدا انا بقول ان منه محتاجه تروح بقا عشان يحي اخوها ميتعصبش

سحر بتذمر : ليه كدا سيباه مونساني شويه

مراد وهو ينظر لمنه بضيق : معلش يا امي

منه بحمحمه : اعذريني يا سحور بقا المره دي عشان يحي اخويا ممكن ينفخني لو اتاخرت وكمان عندي بحث لازم يتسلم بكرا في الكليه

سحر بتنهيده : طيب يا حبيبتي ربنا معاكي

مراد وهو يعطيها حقيبتها : يلا قدامي