البنات

الجزء 03

:والا حتشوفي زول تاني غير الصادق اخوك البتعرفي ارجوووووك ارجووووك اختي شيلي موضوعي من راسك والحاجه القسمها لينا ربنا نحمدو ونشكرو عليها ونعيش حياتنا بكل سعاده وحب

:والله بتهددني يااخوي عشان خايفه عليك لما تكبر وخايفه علي نباتك ديل اذا حصلت ليهم حاجه البسندم منو

:انتو مشيتو وين ماقاعدين

:بس

الصادق خلاص وصل الحد وبي غضب شديد قال لي نوال اختو

:علي بالطلاق يانوال اختي كان انتي كان مني كان الفاتح فتحتو معاي الموضوع دا لااخوكم لا بعرفكم

ومرق منها وهو خلاص كمل ليها كل فهما

هي لسانه اتربط بعد حليفه اخوها الصادق واول مره تشوف اخوها غضبان كدا بعد مسافه مسكت تلفونها واتصلت علي الفاتح اخوها وكلمتو بي كلام الصادق وحليفتو واتصلت علي مني برضو وكلمته عشان مافيهم زول تاني يتكلم معا الصادق في الموضوع دا

الصادق وهو ماشي لعن ابليس واستغفر ربنا علي لحظه الغضب الجاتو دي بس كان مجبر عليها عشان يحسم الموضوع نهائ ومشي اشتري العروسات لي رانيا ونهي التمت سنتين وجا البيت لقي نهي صاحيه لكن رانيا نايمه

نهي من شافت العروس ضحكت ونزلت من امها وجات وهي تمشي وتقع لحدما وصلت ابوها ومسكت عروستها

ابوها شالا وسلم عليها ونزلها خلاها تلعب بي عروسته وقعد جمب زوجتو وعاين ليها في عيونا وقال ليها

:عارفه بسمتك وبسمه بناتي عندي بالدنيا كلها والله ربنا يقدرني واسعدكم علي طول

:انت سبب البسمه دي بناتي وانا محظوظين بي اب زيك بحبنا وبوفر لينا كل سبل السعاده انا الحمدلله من اتزوجنا لا سمعت منك كلمه لا زعلتني بالعكس كل مره انت بتقدم لي الفرح بي شكل جديد ربنا يحفظك لي ولي بناتنا

:امييييين ياغاليه امييين

اميمه البت الكبيره لي الصادق اخدت من حنان ابوها وامها بس كونها الكبيره كانت بتحاول دائما تكون شخصيتها قويه وصارمه ورسميه جدا جدا عشان كدا لما خشت الثانوي اصرت انها تمشي ادبي عشان تقري القانون وتكون محاميه

خالده عكس اميمه مابتحب تشتغل كتير مدلعه نفسها شديد بتحب دائما تكون معا ابوها وبتهتم بي نفسها شديد شاطره جدا جدا وذكيه للحد البعيد

هند بت امها زي مابقولو من هي صغيره بتساعد امها اتعلمت كل شغل البيت من هي صغيره وبتحب النضافه جدا جدا ومابتخلي حتي قشه كبريت في الارض

رانيا رغم انها مااصغر زول في البيت الا انها اخدت مكانه كبيره جوه قلب انها وابوها وبتاعه مقالب معا اخواتها

نهي لسه صغيره بس بتحقر بي رانيا اختها وجنها تدقها

كل البنات كانو جميلات جدا جدا اخدو الجمال من ابوهم حاج الصادق ومن امهم

عدت الايام واخوان الصادق قفلو الموضوع نهائ ونسو خالص وخلو الصادق واسماء وبناتم في حالم

كبرو البنات ودخلت اميمه كليه القانون وخالده جابت %93.2 وحتدخل طب

هند في اولي ثانوي ورانيا في خامس ونهي يادوب في اولي اساس ومن هنا حتبدا حياه البنات نتابع ونشوف البحصل شنو سلام عليكم