:اميمه يااميمه
:ايوه ياامي
:ارح نطلع علي جارتنا مني دي نبارك ليها امس جابو شيله بتها
:امشي انتي ياامي انا مصدعه شويه
:يابتي قعده البيت دي ماكويسه عشانك لازم تطلعي علي الناس وتشاركيهم افراحم
:خليني بي راحتي ياامي
:هي لكن يابتي لي بتين حتكوني كدا ليك اربعه شهور بالحاله دي ماقاعده تطلعي خالص من البيت حتي لما تكون في لمه مابتشاركي فيها
:ربنا كريم علي ياامي بطلع ان شاءالله
:عديله يابتي انا بمشي عليهم وبجي
:تمام ياامي اتفضلي
اسماء طلعت وخلت اميمه قاعده في البيت معاها هند وهم قاعدين الباب دقه هند فتحت الباب لقتو عبدالسلام
:عبدالسلام اتفضل
:كيفك ياهند وكيف اخبارك وكيف معا الجامعه يابرلومه
:هههههه تمام والله يادوب سجلت وحننزل بكره اول يوم اتفضل
عبدالسلام دخل جوه وهند جابت ليهو عصير قام سأله من اميمه قالت ليهو
:اميمه في غرفته جوه
:ناديها اسلم عليها
قامت نادته جات بعد مسافه اميمه
:عليكم السلام عبدالسلام كيفك واخبارك
:تمام والله انتي كيفك واخبارك
:تمام والله الحمدلله اهو عايشه
:ليه يااميمه انتي قفلتي حياتك بالصوره دي الحياه مابتقيف لمجرد انو حصلت لينا حاجه مؤلمه لازم نتخطي الالم الجوانا ونتغلب عليهو ونرجع نواصل حياتنا زي اول
:في حاجات بتكون اكبر من انك تتخطاها او تقدر تمشي منها
:لا مافي للزول القوي الا يكون الشخص ضعيف واقل حاجه بتكسرو
هند قالت ليهو
:والله كلامك عين العقل ياعبدالسلام وصاح ميه الميه ياريت اميمه ترجع لينا زي مابنعرفه اختنا وامنا
:تسلمي يابت عمي الحياه بتاخد مننا حاجات كتيره مانقول دي نهايه كل شي لا نفتش لي حاجات تانيه ونعوض بيها الفات اميمه بتمني انك ترجعي زي اول يابت العم وتعيشي حياتك بالصوره العايزاها انتي موش بالصوره الفرضته عليك الظروف الحصلت نحنا كلنا جمبك اخوانك واخواتك حنكون سند ليك عشان تتخطي الحته دي وتبدي حياه جديده جميله وتستفيدي من الفات
هند بتسمع في عبدالسلام بي انبهار عجيب اصلا عبدالسلام عاجبه جدا واسي عجبه اكتر وقلبها دا بدق ساي
