:انا
فجاءه الزغاريد ملت البيت بي جيه ناس العريس
خالده واحمد الاتنين مشو عشان يستقبلو اهل العريس
انشغلو معا الضيوف والترتيبات
بعد التعارف والموافقه الفاتح قال ليهم
:يااخوانا مادام الناس كتيره كدا مانعقد احسن ونخليهم يتمو العرس وكت ماربنا يسهل
راي الفاتح لقي قبول من الكل وتمت مشاوره العروس وتم العقد والفرحه زادت زياده بعد الضيوف فاتو قعدت الاسره كلها معا بعض والغريبه عبدالسلام كان قاعد الصادق علق علي الحته دي
:عبدالسلام ولدي ماشاءالله اول مره تكون قاعد في لمه حقت الاهل
:والله ياعمي كنت مشغول بي حاجات كتيره بس بالجد انا لقيت السعاده وسط اهلي ولمتنا الحلوه دي وتاني ماحافوت لمه ابدا وحاكون حضور في اي حاجه بتخص العائله
الفاتح عاين لي ولدو لقي عيونو معلقه بي يت عمو ابتسم وقال
:اها يااخوانا كدا اميمه الحمدلله برنامجه تم والحمدلله انا بتمني انو الفرح يتواصل في العائله الاولاد كبرو خلاص والعرس هو البحفظم وبرتب حياتم اكتر .انا علي اي واحد من العائله عندو الرغبه يتزوج انا اكون معاهو للنهايه ابدا مايشيل هم في ترتيبات الزواج
الصادق اكد علي كلام اخوه
:وانا معاك يااخوي والله اقيف معاهو تب
الشفيع اكد علي كلامم برضو وقال ليهم
:انا اصغركم بقيف معا العريس واكون وزيرو كمان
قعدو يضحكو وهم مبسوطين وفرحانين
احمد قال ليهم
:والله ياخيلان الله يديكم العافيه ويخليكم لينا نحنا قمنا بي مودتكم وحبكم وانتو الخليتونا نعرف يعني شنو اسره وبيت واهل وعائله .كتير من الاسر بعيده من بعض شغلتم الدنيا عن التواصل معا بعض واصبحو اغراب من بعض لكن نحنا الحمدلله مترابطين معا بعض القال العز اهل ماقال الحاجه دي من فراغ لا حقيقه انا وعبدالسلام واخواني واخواتي واهل العريس الجو اسي شافو العز منكم شافو كيف اميمه اهله عزوها وفرحو بيها وفرحو بيهم. اكيد اي واحد فينا محظوظ بيكم وانو واحد من الاسره الجميله دي اي حاجه نحنا قمنا لقيناكم بتعملو فيها حنواصل عليها ماحتقيف ابدا ماحنخلي الدنيا تمنعنا من انو نكون معا بعض مافي حاجه حتفرقنا ابدا حنكون بنفس الحب لي بعض بنفس المحنه حاكون انا وغيري ولد الفاتح وولد الصادق والشفيع ومني ونوال
احمد كان بتكلم والكل كان بسمع كان كلامو مؤثر جدا ومن جووووه حتي وهو بتكلم نزلت دمعه منو كانت دمعه فرح وعزه وفخر بي اهلو القاعد وسطم
