البنات

الجزء 15

:الزوله الاخترتها هي هند

:هند والا خالده انا بتزكر في عرس اميمه كنت بتتكلم معا خالده

:لا هند ياابوي خالده زي اختي وواحد هند هي اختياري بس قدامنا حاجه مهمه شديد وصعب اننا نمشي ليهم ونتقدم

:ليه ياولدي وحاجه شنو

:اميمه ياابوي كونو اختها الصغيره يتقدمو ليها وهي لسه الحاجه دي حتأثر فيها نفسيا

:لا ياولدي دي قسمه ربنا واكيد هي ماحيكون عندها اعتراض عليها

:انا قصدي نفسيا الحاجه دي صعبه عليها

:ياولدي هي مصيره تجيها قسمته انت اتوكل وخليني اكلم عمك

:خلاص اصبر شويه ياابوي انو وعدتك اني اول ماافكر في الزواج اول زول اكلمو انت عشان كدا كلمتك اما المشي ليهم نخلي شويه

:عديله ياولدي مافي مشكله ربنا يقدم الفيهو الخير

احمد جا قاعد معا ابوه وامه وقال ليهم

:ابوي وامي انا عايزكم في موضوع ومهم جدا وياريت تتفهموني كويس

امه قالت ليهو

:خير ياولدي قول

:انا نويت اتزوج

ابوه وامه الاتنين فرحو شديد

ابوه قال ليهو

:الف مبروك ياولدي والله دا يوم المني يوم زواجك

:الله يبارك فيك ياابوي البت العايز اتزوجه هي اميمه بت خالي

امه وابوه اتغيرت ملامح وشهم وبدا الانزعاج عليهم امه قالت ليهو

:قلت منو

:اميمه ياامي

:مالك بتعرس ليك مطلقه وانت لسه ود شاب

:سبحان الله ياامي وماله المطلقه ناقصه شنو حتي لو ماكانت اميمه ليه تفكير الناس كلها واحد عشان ربنا قطع قسمه الواحده معا زوجها وانفصلو تبقي مجرمه في نظر المجتمع ويتكتب عليها انها تعيش حياته براها وممنوع اي زول يقرب منها ليه بنعاين ليها علي انو الغلط منها ليه دايما ظالمنها وماخدين حقها ليه مانقول السبب الزوج ليه ياامي .انتي حالتك بتعرفي كل تفاصيل الحصل المفروض انك تفرحي لانك عارفه اميمه شنو بس نظرتك نفس نظره الناس وواحد

:ياولدي انا بعرف اميمه بس الناس مابتعرف اميمه وبكره تتكلم وتبقي ونسه بين الناس

:مالي ومال الناس هل انا حاعيش معا الناس والا معا اميمه يتكلمو ويخلو الباقي انا مقتنع بيها وعايزه

ابوه قال ليهو

:ياولدي نظره المجتمع مابتغيره انت او غيرك مهما عملت لانو المجتمع كدا. انت ليه اخترت اميمه من دون بنات عمك هل تعاطف معاها ام شفقه عليها