البنات

الجزء 18

اميمه غلبها ترد علي ام احمد بي شنو وخالده تعاين ليها ساي والضيق ظاهر في وشها اميمه قالت لي عمته

:احمد يستاهل احسن مني بي كتير انا مااستاهل احمد ابدا احمد حيلقي بت شابه لسه تسعدو ويسعده مالو بعرس ليهو واحده مطلقه

اسماء عاينت في اميمه شديد ودمعه نزلت غصبا عنها كلام بتها وجعه شديييييد

عمتم نوال ردت لي اميمه

:هووي يااميمه انتي لسه شابه لا شايله شفعك لا راسك شاب مالك مابتستاهلي احمد عيبك شنو يابتي والله والله كان عندي ولد كبير مااخلي افوتك نهائ والله واحمد كان بسمع كلامي والله مابلقي احسن منك ابدا

:لا بلقي احسن مني وكتيير انا شنو مابت عاديه واقل من البنات كمان بعدين ماتشيلو همي اذا ربنا كاتب لي قسمه بلقاها بس مامعا احمد لانو مابستاهل يتزوج زوله مطلقه ابدا وياريت ماتفتحو الموضوع دا تاني ابدا لانو بحس انها شفقه منكم علي وانا مابحب زول يتعامل معاي بي شفقه

سكتت ودموعه ماليه وشها وكلهم سكتو مافيهم واحده اتكلمت خالده قامت منهم مشت الغرفه التانيه احمد وعبدالسلام قاعدين اتكلمو احمد قال لي عبدالسلام

:بالمناسبه ياغالي انا اتقدمت لي اميمه لكن هي رفضت تماما الموضوع

:انت جادي وليه رفضت

:والله ماعارف السبب شنو

:عشان مطلقه

:لا دا ماالسبب في سبب تاني قوي شديد مخلي اميمه ترفض وشديد كمان حتي هي قالت لي ماتكلم زول من العائله زي الخايفه انو زول يعرف بالحاجه دي انا حاسي انها رفضت عشان زول معين

:كيف الكلام دا يااحمد

:دي الحاجه الوصلت ليها طريقه كلامه ورفضها وانو في حاجات الزول لازم يتخلي منها عشان مانخسر ناس غالين علينا دا كلو بأكد النقطه دي انها رافضه عشان زول معين ماحابه تجرحو او تكسر خاطرو

خالده سمعت الكلام وحست بي الم شدييييد حست بي انها ظلمت اختها شديييد كرهت نفسها شديد كل الكلام الختتو في باله وقالتو لي اميمه اختها كلو كان غلط اختها ماعندها ذنب في كل الحصل وكمان هي رفضت احمد عشان ماتجرحه غلبه تتحرك من مكانه دموعه نازله شديد ماقدرت تبكي بي صوت عشان احمد وعبدالسلام مايسمعوها مشت براحه براحه عايزه تمشي علي اميمه وتعتزر ليها بس وقفت فكرت لو مشت واتكلمت معا اميمه امها وعماته حيعرفو كل الحاصل بعدين اميمه ماحتقبل احمد ابدا وكدا ماحتكون عملت حاجه فكرت في طريقه تقدر تخلي اميمه تقبل احمد واتزكرت حاجه مهمه شديد ونوت انها تبقي عليها وتخلي اميمه توافق علي احمد مسحت دموعه ورجعت قعدت عادي اتونست معاهم زي المافي حاجه ابدا خلصت اللمه واي اسره رجعت علي بيته

ام احمد بعد رجعو البيت جات لي احمد في غرفتو وقالت ليهو

:احمد خلاص موضوع اميمه دا تنسي خالص وتشوف غيرها

:لا ياامي ماحاخلي ابدا

:لا لازم تخلي اميمه رفضت قدام خالتك وامها وخالده

:انتي ياامي فتحتي معاها الموضوع والا شنو

:ايوه ياولدي اتكلمت معاها

:ليه ياامي ليه عملتي كدا كان تخليني انا براي بعالج الموضوع دا

:لا تعالج لا غيرو خلاص الموضوع مافي منو فايده بعد كدا حتقعد لي بتين منتظره توافق

:حانتظر ياامي كان عمري كلو قعدت منتظره مامشكله غير اميمه ماحتدخل حياتي زوله غيرها

:لا ياولدي انا مابرضيني تقعد عمرك منتظر ليك واحده احتمال توافق واحتمال لا

:امي ارجوووك خليني انا ماشايف غير اميمه ولا حاشوف غيره ابدا

:غايتو قوه راس عجيبه ليه انت بتعمل كدا من قله البنات مليون بت بتتمناك ليه تربط حياتك بي بت واحده

:عشان البت الواحده دي عندي بالدنيا عشان البت الواحده دي ماليه عقلي وقلبي

:انت حر اعمل العايزو انا فترت منك والله

:معليش ياامي الحاجات الحلوه دايما عايزه صبر انتي بتقولي انك عايزني اكون سعيد في حياتي صاح يالا انا عارف سعادتي وين حانتظره ياامي وحاكون سعيد وانتي حتفرحي لي شديد

:ان شاءالله ياولدي والله غير سعادتك ماعايزه حاجه

:تسلمي لي ياست الكل

الفاتح كلم الصادق اخوه بي موضوع عبدالسلام وهند والصادق فرح شديد بس الفاتح قال ليهو

:عبدالسلام قال مانجيكم في البيت الا بعد اميمه يتقدم ليها زول

:الله يديهو العافيه عبدالسلام قلبو كبير هند بتك ياالفاتح واعتبر الموضوع منتهي

:ربنا يجيب لي اميمه عريس ونفرح بيها ونفرح بي عبدالسلام وهند

:اميين اخوي انا شايل ليها هم والله

:ماتشيل هم يازول قسمته بتجيها

الصادق بعد جا البيا خاالده جاتو وقالت ليهو

:ابوي انا عايزاك في موضوع مهم

:اتفضلي يابتي

ياربي خالده عايزه ابوها في شنو نتابع ونشوف البحصل شنو سلام عليكم