:اذا مشيتي الشغل ماحيحصل ليك طيب ابدا :انت بتهددني :انا زوجك وكلمتي تمشي عليك وراسك في رقبتك :انت ليه بتتكلم معاي بالاسلوب دا:انا لحدي اللحظه بتكلم اذا كترتي كلامك ماحيكون في كلام حيكون في تصرف تاني:كيف يعني حتضربني :واكتر من الضرب كمان :انت ماكنت كدا خالص :انا كدا والله يقدرك وماتسمعي الكلام والله اقفلك جوه الغرفه دي البرنده البره ماتصليها :انت زوجي واحترمي ليك واجب لكن انا مافي زول بذلني ابدا وكرامتي فوق كل شي :انا بعرف حاجه واحده بس تسمعي اي كلمه اقوله ليك حتي لو قلت ليك بيتكم ماتصلي ماتصلي وماتخليني اتصرف معاك تصرف يخليك تكرهيني عمرك كلو :انت الحاجه الماعرفه عني اني مابتتهدد ابدا ومابخاف من اي حاجه البينا احترام وتقدير وبسمع كلامك في حاله احترمتني اما اذا قللت من مكانتي كزوجه ليك حامشي بيت ابوي معززه مكرمه :بهددك وبعمل فيك اي حاجه ومافي زول بحميك مني ابدا ومافي زول بتدخل بينا لا اهلك ولا غيرو :لا في دي غلطان والله اهلي اذا دست لي علي طرف موش يحموني والله يموتو فيني موت والاسلوب الانت بتتكلم بيهو معاي مااسلوب زوج معا زوجتو لانو الزواج موده ورحمه ماذله واهانه وتهديد :دا اسلوبي كدا ويعجبك مايعجبك تمشي بيهو وغصبا عنك :انا بكرر ليك كلامي تاني انا علي احترمك واقدرك ومااعصي ليك كلمه في حاله احترمتني غير كدا بيت ابوي اولي بي:حتسمعي الكلام وراسك فوق رقبتك وطلع خلاها محتاره في كلامو ومستغربه في رده فعلو الغريبهعدي الليله ديك وهم بعيدين من بعض ولاحظت لي معاملتو ليها اتغيرت وبقي حتي السلام بردو ليها بدون نفس وطوالي بكورك وبجوط فيها وهي بتتحمل وصابره ومطوله باله عشان ماتمرق الحاجه البينم بره بيتم حتي اهلو ماخلتم يلاحظو حاجه وحتي لما تمشي بيت ابوها هناك بتبين انها مبسوطه وسعيده جدا معا زوجها اصلها مااشتكت من حاجه ابدا كلامو معاها بقي يازفت ويامرض وانا الخلاني اعرس شنو مرتاح وكرهتينا البيت وكلام شين كتير حتي اهلو بقو يسمعو صوتو وهو بكورك فيها ومابكون جمبها الا ياخد حقو الشرعي وتاني بكون بعيد منها جدا جدا لما مشت الايام وهي ماظهر عليها حمل امو واخواتو بدو يتكلمو في الموضوع دا وبسألو فيهو ليه لسه مافي بيبي وبقو يلمحو ليها هي زاته لما يوم امو بتتكلم معاها قالت ليها :يابتي ماتمشو لي دكتور شوفو الحاصل شنو :جدا ياامي انا ماعندي مشكله نمشي طوالي المسا لما جا قامت ورتو كلام امو جاط فيها شديد:انا كيف امشي لي دكتور اكيد السبب منك انتي انا حاثبت ليك انو السبب منك حاتزوج واجيب الولد وانتي تكوني قاعده كدا:الدكتور عشان يشوف اذا في مشكله بتمنع الحمل مااكتر ماقلت انو الحاجه دي منك او مني :المشكله منك انتي انا مافيني اي مشكله وحتشوفي :انا ماقلت انك عاجز افهمني ياخي طاخ اداها كف :لا احسن تقوليها انتي نسيتي نفسك والا شنو انا حأدبك مسحت محل الكف وقعدت تبكي شديد ومانامت للصباح تاني يوم ام زوجها سألته:اها يابتي زوجك قال ليك شنوو:قال بشوف زمن مناسب نمشي فيهو للدكتور :عديله يابتي معليش ولدي شويه عصبي استحملي :مافي مشكله ياامي هو زوجي واكيد حاتحمل اي حاجه منو المسا قاعدين معا ابوه قام قال لي ابوه:انا حاتزوج تاني ياابوي :نعم!! :المره دي مابتلد حاتزوج غيرهابوه عاين في اميمه الساكته :انت عرفت كيف السبب منها احتمال منك بعدين انت لما تجي تفتح موضوع زي دا راعي لي مشاعره وماتتكلم كدا :ابوي النسوان يسمعو الكلام وبس ماعندها حق تعترض ابدا واسي هي قاعده اذا رافضه الموضوع موش كانت قالت لا:هي بت ناس ومحترمه ومحترماك انت زوجها ومحترمه وجودي هنا كوالد ليها ماعايزه تتكلم قدامي وترد ليك لانها عارفه انو المواضيع دي بتتناقش بين الزوج والزوجه ماقدام الناس حتي لو كانو الناس ديل اقرب الاقربين وحتي لما تجي تفتح معاي الموضوع ماقدامه انت استاذ جامعي واخدت اعلي الشهادات بس لسه ناقصك كتيير عشان تعرف كيف تتصرف في حياتك انا ماحامنعك انك تعمل الحاجه العايز تعمله بس اعرف حاجه واحده اذا اتزوجت زوجه تانيه مابتدخل عتبه بيتي دا الا انا ميت. غير اميمه دي مافي زوجه ليك بتدخل بيتي وياريت تراجع نفسك وتمشي تقابل دكتور قبل ماتتسرع وتكسر خاطر البت الغلبانه دي وتاني حاجه انا مابمشي معاك لي عقد لانو الرجال الختيت يدي في يدهم وشافتهم عيني دي علي بي الطلاق مابكسر ليهم خاطر بتهم ابدا دا كلامي ليك وانت بعد كدا حر العايز تعملو اعملو قام من الاكل وخلاهم قاعدين بعد شويه اميمه دخلت غرفته جوه وهي ساكته جا هو ونام طوالي عدا اسبوع وجا كلمه انو عقد علي بت طالبه معاهو ردت ليهو :دا حقك اصلا مابمنعك منو وراضيه بي قسمتي والحمدلله :غصبا عنك ترضي عدت الايام واميمه الحزن والالم ظهرو في وشها وفي حالته وامها لاحظت لي كدا بس قالت احتمال هي حامل بس اذا هي حامل ليه ماكلمته ماحبت تتكلم معاها لانو اذا في حاجه اميمه كانت حكت ليها عبدالسلام اتصل علي احمد :وين انت ياودالعمه ياخي :والله مدروش معا الشغل ياغالي:طيب انا عازمك اليوم :جدا ياغالي عشانك اخلي اي حاجه :تسلم والله ياعز خلاص نتلاقي بعدين عبد السلام واحمد اتلاقو في واحد من المطاعم الفاخره وقاعدين يتونسو ويحكو لي بعض فجاءه عبدالسلام عينو تقع في زوج اميمه ومعاهو زوجتو الجديده(طبعا هم ماعارفين انو اتزوج):احمد احمد عاين هناك في الطربيزه ديك دا مازوج اميمه احمد عاين مسافه ورد ليهو:اي والله ياهو زاتو بس المعاهو دي مااميمه :اي مااميمه وكمان دي عروس جديده :اي والله عبدالسلام عايز يقوم من محلو احمد ثبتو :ماشي وين:كيف ماشي وين ماشي اشوف المعاهو دي منو واعرف علاقتو بيها شنو :لا ياعبدالسلام ماكدا :كيف ماكدا ياودعمتي والله الا اعرف دي منو :حنعرف بس براحه ماكداعبدالسلام الدم غلي في عروقو شديد وكان احمد مامعاهو كان تصرفو حيكون تاني بس احمد رزين وهادي وبفكر بي عقلو احمد قال ليهو :كدي نحنا نمشي نسلم عليهم عادي وحنعرف هي منو بس عايز منك وعد ياعبدالسلام اي كان ردو ماتتصرف اي تصرف وتخلي اي حاجه علي :حاضر ياغالي قامو مشو عليهم وسلمو عليهم قام سلم عليهم وعرفم بي البت المعاهو:دي تسنيم زوجتي الجديده الله يستر من البحصل غايتو نتابع ونشوف البحصل شنو سلام عليكم
