عبدالسلام اول مره يشوف احمد بالصوره دي كانت عيونو شرار من الزعل والغضب وساكت ساي مابتكلم الا نفسو البطلع وبنزل بي سرعه وصلو بيت ناس صديق ولقو ابوه قاعد سلمو علي ابوه وطلبو يلاقو الصديق
جاهم ومد يدو يسلم عليهم عادي زي الماعامل اي حاجه احمد رفض يمد ليه يدو واول ماقعد احمد قال ليهو
:الزواج موده ورحمه زوجتك انت بتكون ليها ابوها واخوها وصديقه وكل حاجه ليها بتحميها وبتحافظ عليها من اي حاجه ممكن تجيها. انت لما جيت واتقدمت لي اميمه احترمناك وقدرناك وادينك بتنا عشان انت زول فاهم ومتعلم وماحتقصر معاها لكن الحصل عكس كدا طلعت لا فاهم ولا عندك علاقه بالفهم اصلا
صديق قال ليهو
:هووي ..
قاطعو احمد وهو مادي ليهو يدو في وشو
:اوعي تقول لي هوي وماتقاطعني وانا بتكلم معاك بعد اخلص كلامي حتي تتكلم. الحصل انك زليت اميمه واهنتها وضربتها كمان واتزوجت عليها ورميته زيها وزي اي كرسي في البيت هل ربنا سبحانه وتعالي قال كدا هل الرسول صل الله عليه وسلم قال كدا هل التعليم الاتعلمتو قال كدا انا كان ممكن اضربك لما اي حته في جسمك تجيب دم بس احترام لي اهلك ولي ابوك الراجل القدر بتنا اكتر منك انت زوجها واسي انا بقولا ليك انت ماراجل لانو الراجل البتقوي علي مره وبضربه بفقد رجولتو انت قلت ليها مافي زول من اهلك بحميك مني والله والله والله اقل واحد في اهل اميمه يمسح بيك الارض مسح اسي عايز منك حاجه واحده بس تطلق بتنا وطلاق تلاته
صديق وابوه وعبدالسلام بقو يعاينو في احمد ومستغربين في الطلب الطلبو صديق قال ليهو
:وين هي اميمه
:ماعندك بيها شغله ابدا واوعي تجيب سيرته علي لسانك
:دي زوجتي وتجي البيت دا :والله العظيم كما عمي دا قاعد واحترام ليهو ماكان بحصل ليك طيب اسمع ياودالناس عشان الناس ماتخسر بعض اكتر وماتبقي في مستشفي ومشرحه اعمل القلتو ليك احسن لي وليك ولي العائلتين
:هي رايه شنو
:هي عايزه الطلاق وابوها عايز الطلاق وكلنا عايزين الطلاق
ابو صديق قال لي احمد
:لكن ياولدي الطلاق دا ابغض الحلال عند ربنا وفيهو خراب وبأثر في المره
:ايوه ياابوي هو ابغض الحلال بس افضل من الظلم والاهانه والزله انت كأب هل بترضي بتك تتزله وتتهان وتنضرب موش افضل ليها تكون قاعده معاك معززه ومكرمه والله ياعمي الحصل لي اميمه ماساهل وانتهي منها نهائ عشان كدا افضل ليها الطلاق
احمد طلع تلفونو واتصل علي خالو وكلمو
الصادق قال ليهو
