البنات

الجزء 19

:في اخو زميلتي جاي يتقدم لي وعايز يقابلك

:انتي عرفتي كويس

:اي والله هم من اسره ممتازه جدا جدا

:تمام يابتي خلي يجي ونعرفو وبعد كدا الفيهو خير ربنا يسويهو

:تمام ياابوي انا حاكلمو يجي يقابلك

:عديله يابتي ربنا يسعدك ويهنيك ويديك ود الحلال البقدرك وبحترمك

:اميين ياابوي

خالده مشت لي اميمه اختها وقالت ليها

:اميمه بكره عايزاك تمشي معاي مشوار ضروري

:مشوار وين ياخالده

:حتعرفي بكره لما نمشي

:وريني ماشه وين اول مابحب امشي حته وانا ماعارفه هي وين ولي شنو ماشه وبعدين امي وابوي حاقول ليهم ماشه وين

:امي وابوي خليهم علي المشوار بكره حتعرفي بعد نمشي ماتستعجلي خير ان شاءالله هو ماتخافي

:ان شاءالله عديله ياخالده اختي

تاني يوم اميمه وخالده مشو لي نفس الحته الاتلاقو فيها اميمه واحمد اميمه لما قربت قالت لي خالده

:نحنا ماشين وين ياخالده

:داخلين هنا

:هنا لي شنو في شنو ياخالده وريني في شنو

:اميمه حتعرفي اصبري بس تعالي ندخل حتعرفي كل شي

:لا وريني اول

:عليك الله بطلي استعجالك وخوفك دا تعالي جوه وحتعرفي كل حاجه

اميمه دخلت معا خالده وكانت متخوفه جدا جدا وبتفكر خالده جابته هنا لي شنو

دخلو ومشو علي طاوله كان قاعد فيها شاب من شافم جاين قام وسلم عليهم خالده قالت ليها

:ايهاب اخو ريهام دفعتي والحيتقدم لي قريب

:مرحب والله انتي اميمه اكيد صاح

:ايوه انا اميمه

:دا اميمه الحكيت ليك عنها ياايهاب دي اختي وصديقتي وامي واعز واغلي زول علي

هنا اميمه غلبه البتقولو حست بي احاسيس كتيره فرح وسعاده بي انو اختها رجعت ليها

:اهلييين اتشرفنا كتيير يااميمه اختي انا سعيد اني قابلتك بعد الكلام الجميل السمعتو من خالده عنك

:تسلم والله ياايهاب ومشكوور كتير وانا سعيد بي مقابلتك كمان

خالده جاها اتصال طلعت تلفونه وردت

:ايوه انت وين اي وصلنا نحنا تعال

اميمه عاينت ليها وقالت ليها