البنات

الجزء 16

:ليه مستحيل يااميمه

:والله مستحيل يااحمد ماينفع نهائ نكون لي بعض

:البخليهو ماينفع شنو

:حاجات كتيره

:زي شنو مثلا

:مابقدر اقولها

:لا يااميمه افضل اكون عارف انتي رافضه الارتباط بي ليه

:معليش يااحمد انت اي زوله في الدنيا تتمني تكون شريكه حياتك الا انا

:وانا ماعايز غيرك ابدا ياانتي يااعيش حياتي كدا

:لا يااحمد ماتشيلني ذنبك حتلقي الانسانه الحتسعدك وتهنيك

:مافي انسانه حتسعدني غيرك ابدا هي السعاده شنو يااميمه وهل اي زول بقدر يسعد التاني

:السعاده هي توافق وهي بزل وعطاء دايما

:حتي الحاجات دي عايزه توافق يااميمه ماحتبقي ساي

:احمد ارجوووك انسي الموضوع دا لانو ماحيبقي ابدا انا رضيت بي حياتي كدا ماعايزه ارتباط تاني معا زول ابدا

:دا السبب يعني انتي لسه عايشه علي الفات ماكل الناس واحد يااميمه انسي الفات وخلينا نبدا حياتنا من اول وجديد ارجوك اديني فرصه اسعدك وتسعديني

:للاسف السعاده البتتكلم عنها دي مابتنفع ابدا ابدا ابدا :نفسي اعرف سبب الرفض الشديد دا شنو

:في حاجات ياودعمتي افضل تكون جوه الزول ومايطلعه عشان ماتأذي ناس تانيه

:ناس تانيه!! ناس تانيه زي منو

:خليها ياغالي زي مالقيت اميمه حتلقي احسن من اميمه نحنا مالينا قسمه معا بعض

:لا يااميمه ماتقفليها كدا

:احمد ارجوك ارجوووووك خلي الموضوع دا

احمد سكت وماعرف يقول شنو لي اميمه قفلت كل الابواب في وشو مااتوقع ابدا ردها دا وبعدين كان نفسو يعرف اسباب الرفض شنو اقلاها حيحاول يعالجه ويغير رايها بس هي رافضه توضح ليهو اي حاجه هل عشان هي مطلقه

:اميمه انت سبب رفضك لي انك مطلقه وشايفه انو دا ماصاح واني شاب مفروض مااتزوج مطلقه

:دا واحد من الاسباب بس ماسبب رئيسي

:اميمه انا مقتنع بيك تمام وعايزك وبقولا ليك واسمعيها مني يااتزوجك انتي يااقعد كدا عمري كلو

:لا يااحمد ماتتنعت كدا نحنا مالينا قسمه معا بعض قسمتك معا زول تاني انت

:لا قسمتي يامعاك ياما عندي قسمه ابدا

:احمد ماتقول كدا

:لا بقول يابت خالي وانتي عارفني مابغير راي من حاجه ابدا مهما يحصل