املي في الحياة

(2)

املي في الحياة (2)

كانت سارة قاعدة في الأوضة بتذاكر...و قالت تاخد راحة..
طلعت بره و كانت مامتها قاعدة بتتفرج على التلفزيون
سارة:مساء الخير
مامتها:مساء النور ياختي
سارة:يا ماما حاولي تحبيني..حاولي
مامتها:ما انا بحاول اهوه..اتغديتي؟
سارة:شوفتي بقى..رغم انك مش طايقاني بس خايفة
عليا
مامتها:طبعا...هو انتي بتصدقي..ده انتي اغلى حاجة عندي
و فضلوا قاعدين بيتفرجوا...
مامتها:بقولك انا داخلة اعمل عصير لأخوكي و لصحابه
سارة:ماشي..تحبي اساعدك.؟
مامتها:لا
بعد شوية رن التليفون
سارة:الو
؟؟:ازيك يا بت يا سو عاملة ايه
سارة:خالتو اخبارك.؟
خالتو:تمام يا حبيبتي ماما موجودة؟
سارة:اه هروح اناديها
..
راحت المطبخ
سارة:ماما...خالتو على التليفون و عايزاك
مامتها:طب ..خودي ودي العصير لأخوكي
و مشيت ..اخدت العصير و راحت عند اوضة اخوها
فتحت الباب
هيثم:لا والله كده كتير..مرتين وره بعض امبارح و النهاردة
خالد:تعبينك و الله يا انسة سارة
سارة:علشان تعرفوا ..اني بعزكوا بس
رامي:انتي يا بت ماخبطتيش ليه؟
سارة:والله كلك نظر شايلة العصير
رامي:هعديهالك...بقولك ما تجيبي اللاب كده
سارة:على فكرة انت لسة معترض على وجودي..و بعدين ..
ثانية واحدة في وجه جديد في القعدة؟
هيثم:اه يا ستي نعرفك حسام..زميلنا من زمان.
سارة:اه اه..نورت ^^
رامي:هاه هتجيبي اللاب ولا؟
سارة:ولا..يلا انا ماشية
و طلعت بره الأوضة
..

قاعدت قدام التلفزيون شوية و بعد كده دخلت ذاكرت
..

حسام:هي مين البت الغلسة ديه؟
هيثم و خالد ضحكوا
رامي:هو في ايه يا عم...ديه اختي ياريت نتلم شوية
حسام:ماتتديقش يا رامي..بس هي ازاي بتتعامل معاكوا كده
..قصدي انتوا اكبر منها ب8 سنين ولا حاجة
هيثم:لا ..سارة ديه اعقل منا كلنا...و بعدين احنا متربين مع
بعض..فمتعودين على بعض
خالد:يا ابني انت بالظبط 3 ايام..و هتتعود عليها
رامي:بس بقى قفلوا على السيرة ديه علشان ماتنرفزش
و قلبوا الموضوع ...

فضلت سارة تذاكر لحد ما رن جرس الباب...
فراحت فتحت ...و كانت سمر
...
سمر..كانت اختها...بس اللي مش جابتها مامتها
اتعرفوا على بعض في المدرسة..و بقوا اعز اصحاب
سمر:باين عليكي الأجتهاد
سارة:يا بنتي ده انا ذكية جدا ...بس مش ببين علشان الحسد
سمر:اه اه ما هو واضح فعلا...يوم ما حولتي من علمي لأدبي
سارة:ياه انتي لسة فاكرة...الموضوع ده عدى عليه..سنتين تقريبا
سمر:المهم هفضل واقفة كده كتير
سارة:ادخولي يا امو لسانين
دخلوا اوضتها و فضلوا يزاكروا مع بعض
سمر كانت ادبي اصلا...و سارة كانت علمي بس لما
جابت مجموع مش ولا بد..حولت ادبي
ماهو هي عمرها ما تتغصب على حاجة
باباها كان عايزعا تطلع دكتورة..بس هي عكس كده
تماما..و علشان كده سقطت في اول سنة ليها
رغم انها سقطت بس ..باباها اقتنع انها هتدخل ادبي لا
مجال
بعد ساعة من المذاكرة
سمر:انتي ساقطة..
سارة:طب ما انا عارفة ايه الجديد
سمر:يا بنتي..هتضيعي مستقبلك بقالك 4 سنين ثانوي
عايزة تخليها 5 ليه
سارة:زيادة الخير خيرين
سمر:لا ياختي اعلان uno..ده مش عايزاه
سارة:طب بزمتك انا فاهمة حاجات كتيرة
سمر:اه اه ..فاهمة حاجات ملغية يا حصرة
سارة:ما خلاص بقى ايه لازمة التقطيم ده..بقولك ايه انا عايزة
اخرج
سمر:سو حبيبتي روحي اتخمدي..انا مروحة و بكرا هاجي
ابوس ايدك يا شيخة احفظي اسم المادة اللي علينا
سارة:انتي بتهزري ..اكيد عارفة الاسم علوم
سمر:انا بتشل..انتي ادبي اصلا ..انا ماشية سلام
و مشيت سمر
..
سارة مش بالغباء ده...بس بتحب تتغابى عليها...و هي عارفة كده كويس...
الصراحة فصلت..فقررت انها تنام
_________________
هاه ايه رأيكوا في الجزء!؟
ٍVOte&comment plz
<3<3