املي في الحياة

(19)

املي في الحياة

(19)
مامتها:سارة الحقيني...هاتي حسام و تعالي بسرعة
سارة بخضة:في ايه يا ماما...ياسمين حصلها حاجة
مامتها بتعيط:علشان خطري يا سارة تعالي بسرعة انتي و حسام
سارة مش استنت تفكر...:حسام..احنا لازم نرجع حالا
حسام بخضة:ياسمين..حصالها حاجة
سارة :انا مش عارفة بس يالا بسرعة
..
حسام و سارة مشيوا من غير ما يلموا حاجتهم...ولا حتى يقولوا لحد...حسام كان بيسوق بسرعة اوووي
سارة مش قدرة تتكلم علشان هي عارفة ياسمين بالنسبة ليه...
اتأكدت سارة ان القدر بدأ اللعبة من غير انزار..او حتى عد تنازلي...حست سارة بأهمية رسالة ياسين..رغم انها مش فهمتها بس كانت متأكدة في يوم انها هتفهم و اليوم ده قريب جدا...
حسام كان بيحارب الزمن...كل ثانية بالنسبة ليه هتفرق جامد...فكر حسام ليه الدنيا بتعمل معاه كده..امه.خطيبته..اخته
حياته بتنتهي..لحظة بلحظة...مفيش حد مسؤول عن تغيير اللي هيحصل غير ربنا...و ساعتها حسام اتمنى ان ربنا يساعده...على اللي داخل فيه
..
بعد 3 ساعات...بسرعة حسام وصلوا القاهرة..
حسام بصوت هادي:في مستشفى ايه؟
سارة:المستشفى اللي جنب البيت
...
راح حسام المستشفى و هو كله امل...انه القدر يقف معاه و لو جولة واحدة في اللعبة
..
دخل سارة و حسام المستشفى...وراحوا عند مكتب الأستقبال
سارة:لو سمحتي المريضة ياسمين رأفت
الموظفة بأستهتار:مفيش حد بالأسم ده
سارة بأستغراب:طب اتأكدي ده انتي مش بصيتي حتى في الكومبيوتر
الموظفة بلهجة استفزازية:شغلي و انا عارفاه..مش واحدة زيك اللي هتعلمني ...و قولتلك مرة مش موجودة
بدأ حسام يفقد شوية الصبر اللي محافظ عليهم
حسام بزعيق:ما قلتلك بوصي...ايه اللي مش مفهموم..
و بعدين يعني ايه شغلك...مش شايف اي شغل في اللي بتعمليه
الموظفة خافت من نبرة حسام...حتى سارة عرفت ان حسام مش في واعية
الموظفة بصت في الكومبيوتر:هي في العناية المركزة ...الدور التالت غرفة 444
مشيوا و حسام طلع على السلالم جري و سارة وراه....
وصلوا للدور المطلوب...و فعلا مامتها و باباها و رامي هناك
حسام جري عليهم:ابوس ايديكم قولوا ان مش حصلها حاجة
مامتها بحزن:الله اعلم يا ابني...ادعيلها
بدأت عين حسام تدمع..راح رامي و حضنه..
باباها:مش تخاف يا ابني اكيد ربنا شايل الأحسن
فضلوا واقفين و التوتر مسيطر على المكان...حست مامة سارة..ان هي خايفة على بنتها بالظبط...رغم ان حسام ليس له علاقة بالعيلة نهائي..و لا من اي صلة تحسسها انها من لحمها..و دمها
ساب حسام رامي...و راح يقف قدام العناية...سارة كانت شايفة الندم في عين حسام...انه سافر..
طلع الدكتور و جري حسام عليه...زي المجنون
حسام:هي كويسة يا دكتور
الدكتور:انا اسف..حالتها مش مستقرة...لازم تعمل عملية استئصال ورم
حسام:بس هي مش عندها
الدكتور بتوتر:رجعلها...العملية ديه لازم تتعمل بره
حسام من خوفه على ياسمين...مش اخد باله من توتر الدكتور...مفيش حد اخد باله غير سارة اللي حست ان الموضوع فيه انَة..
حسام:طب ممكن اشوفها...
الدكتور:مش ينف..
حسام قاطعة:علشان خاطري...
استسلم الدكتور لرغبة حسام...لمحت سارة نظرت الندم في عين الدكتور...تجاه حسام كأنه عارف حاجة و مخبي
..
دخل حسام الغرفة و عنيه بدأت تدمع..قعد حسام جنبها على الكرسي بيتأمل وشها اللي شبه مامته بطريقة عجيبة...و فضل يحرك ايده على شعرها
حسام:انا اسف...اسف اني سبتك...اسف اني مش حافظت عليكي ...اسف انك هتموتي و مش تعرفي مين ابوكي ..اسف انك تعبانة..انا بجد اسف...ياسمين مش تسيبيني ترضي..اقعد لواحدي واكل لواحدي..و اموت لواحدي...اصحابك و انا و عمو كريم ...فريدة هتسيبينا بسهولة ...طب بلاش انا سارة اختك...هتسيبيها..مش انا بحب سارة و قولتلها..مستنيكي تخفي و نتجوز...و تبقى لابسة فستان اجمل من العروسة...و تيجي ترقصي معايا سلو زي ما كنتي بتحلمي...ياسمين مش تسيبيني انا من غيرك ولا حاجة...انتي حياتي يا ياسمين...كلهم سابوني مش باقي غيرك...علشان خطري يا ياسمين..مش انا مهم عندك بردوا..ولا خلاص ...هونت عليكي
سكت حسام ..بعد ما حس ان دموعه..غرقته...حس ان الدنيا بتقفل ابوابها في وشه و بقسوة...حط حسام راسه على السرير
و كمل عياط...حسام عمره ما عيط في حياته...قد ما عيط
و هو بيأمل ان ياسمين تكلمه..فضل حسام يعيط نص ساعة بدون توقف...اللي طلعه من نوبة العياط..صوت مألوف...حبه
و كان مستعد يستغنى عن عمره علشانه...ايون ياسمين فاقت!
ياسمين:و الفرح هيبقى امتى
حسام بعدم تصديق:ياسمين حبيبتي انتي كويسة
ياسمينن:اه بس حاسة ان صدري واجعني..
جري حسام ينده الدكتور.. و طبعا قالهم...و الكل فرح
بس الدكتور منع حد يدخل...لأن حالتها مش تسمح..بس حسام كان استثناء
كشف الدكتور على ياسمين...و اداها مسكن علشان وجع الصدر..و كرر كلامه لحسام
الدكتور:العملية لازم تتعمل في اقرب وقت في لندن يا ريت تتصرفوا و حمدالله على السلامة
حسام:هو حضرتك اسمك ايه
الدكتور:معنز النشأتي
مشي الدكتور و راح حسام جنب ياسمين..و هو لسة مش مستوعب
حسام:كده تقلقي بابا عليكي
ياسمين:انا اسفة..بس انا سمعت فرح..سارة
حسام:ده كل اللي سمعتيه و الباقي
ياسيمن:الباقي معروف بس ده اللي كان جديد
حسام:بوصي يا ستي ...انا قررت اني اتجوز سارة...بس انتي تخفي و هنعمل الفرح على طول..اتفقنا
ياسمين:اتفقنا
حسام:يالا نامي شوية ..بس انا بكرة و بعده مش هبقى موجود
ياسمين:ليه؟
حسام:هسافر اعمل كام شغلانة كده...و هنرجع نسافر..مش تخافي سارة هتبقى معاكي..تصبحي على خير
...
طلع حسام.. و حكالهم كل حاجة
ابو سارة:ربنا يعينك ياابني..انشاءالله خير
حسام:انشاءالله يا عمي..بس ممكن طلب اخير
ابو سارة :طبعا يا ابني
حسام:انا هسافر كام يوم...هحجز في لندن لياسمين ممكن تبقوا جنبها
مامة سارة:طبعا يا حسام ياسمين..بنتنا
حسام:متشكر اووي....
سارة:طب و هتطول
حسام:ادعي لا
سارة من باب الفضول:هو الدكتور ده اسمه ايه؟
حسام:اسمه معتز النشأتي..ليه؟
سارة:علشان لو ياسمين عازت حاجة
فهمت سارة ان حسام رايح لباباه..لأن مصاريف العملية اكبر من مقدورية حسام...رغم كره حسام لأبوه اللي سارة افتكرته كره عادي بس يحمل جزء من الحب الخفي..الا ان حسام هيسافرله علشان ياسمين
...
خلص اليوم ..و قررت سارة و رامي انهم يقعدوا مع ياسمين..لان مامتهم و باباهم..اكبر من انهم يسهروا
لاحظ رامي سكوت سارة...فقرر انه يفتح حوار
رامي:اخبار غردقة
سارة:ناقصاك..هو ايه اللي حصل
رامي:كنا هنتغدى فماما راحت تناديها لقتها بتحاول تاخد نفسها و انتهى بينا الحال..في المستشفى
سارة:انا خايفة..
رامي:مش تخافي انشاءالله خير..حسام اقوى من كده.
.....
مشي حسام من المستشفى...و هو بيتصل بمكتب الطيران
الموظفة:طيران مصر مع حضرتك اي خدمة
حسام:لو سمحتي اول طيارة راحة للندن امتى؟
الموظفة:بعد ساعة حضرتك..تحب احجزلك...اتبقى كرسيين
حسام من غير تفكير:احجزيلي كرسي لو سمحتى...و هكمل باقي الورق..في المطار
الموظفة:تم الحجز...و احنا في انتظار حضرتك
...
فضل حسام يسوق بسرعة...فقد تركيزة في عد الأشارات اللي قطعها....او كمية الناس اللي شتمته..و هما مش يعرفوا ان كل ثانية...هتفرق في حياته
..
وصل حسام المطار...و تمم ورقه...و طلع الطائرة
حتطير الطائرة...و هيبدا كل الوسائل الممكنه علشان يتجنب حسام اي خناقة ممكن تخلي ابوه يرفض....فضلت الطائرة في الجو 6 ساعات...و حسام حاسس ان القدر بدأ الجولة التانية بسرعة اووي.من غير ما يديله فرصة انه يحاول يكسب..فكرة حسام عن الحياة عبارة عن فرص...اللي عمرها ما جت ليه...
وصل حسام لندن...و اخد تاكس...و طلع على بيت ابوه
اكبر رجل اعمال..رأفت محمد...كره حسام مش كان شخصي..على قد ما هو عائلي...مامته عانت مع باباه ..و هو هيعاني مع باباه
..
وصل حسام القصر و دفع للتاكس...فضل واقف 5 دقايق
يتأمل البيت اللي كان عايش في من عشر سنين..البيت اللي شال اسوؤ ذكريات حياته...اللي اتلخصت بموت كل اللي عاشوا معاه مع احتمال موت اخر واحدة
اتشجع حسام و خبط باب القصر فتحتله...واحدة من خادمات القصر اللي عددهم يتجاوز...عدد قرية
الخادمة بفرح:استاذ حسام..اتفضل
كانوا كل اللي شغالين في القصر يعرفوا حسام و بيحبوا اووي..حتى اللي يجي بعده..كان يسمع عنه يحبه لمجرد انه خالف ابوه
دخل حسام مكتب باباه...و قعد و مستني اللحظ الحاسمة اللي هتجمعة بشخص من لحمه و دمه بقالوا عشر سنين مش فكر انه يتصل بيه
دخل باباه و قعد قدامه
باباه بثقة:مش اتغيرت لسة شبه امك
حسام ببرود:مش مهم...انا جايلك في موضوع
باباه:ياسمين
حسام مش استغرب ان ابوه عارف...مش بعيدة لواحد ليه مركز في الدولة
حسام:انا عايز فلوس...علشان تعمل العملية
باباه:الا صحيح الرحلة بتاعت الطائرة حلوة
حسام بغضب:متحورش...انا عايز فلوس
صوت حسام كفيل انه يلم الخادمين كلهم..و فعلا ده اللي حصل
كلهم شايفين اللي بيحصل..من الشباك الشفاف ..و الصوت عالي
باباه ببرود:طالاما كده انا عندي شرطين
حسام:هنستهبل انت هتخليها تموت علشان شروط تافها
باباه:بالنسبة ليك..و بعدين كلنا هنمووت
حسام بنفاذ صبر:اتفضل قول شروطك خلصني
باباه بأبتسامة نصر:تيجو تعيشوا معايا
حسام:ايه..اعيش معاك..ده كده هي هتموت اكتر
باباه:حالة ياسمين خطرة و انا هوفرلها اكل و شرب ورعايا
حسام:و افرض اني وافقت ايه الشرط التاني
باباه:تسيب ...سارة ممدوح !!
________________
تنتتتتا
مش ورانا غير المفاجأت :)
ايه رأيكوا في الجزء ؟
تفتكروا ايه رد فعل حسام؟
VOTE&COMMENT PLZ
ENJOY<3