املي في الحياة

(17)

املي في الحياة

(17)
صحيت سارة الساعة 8:30 الصبح...لبست و جهزت .
و قررت انها تنزل قبل الجروب...علشان عايزة تبدأ قبلهم
..
نزلت سارة ..المطعم و طلبت فطار...
سارة:لو سمحت..في فطار ايه؟
الجارسون:حضرتك..في مينيو..هاجبهالك
راح الجارسون و جاب..المينيو
فضلت سارة تقرأ فيها و مش فاهمة حاجة..مش علشان هي غبية بس المينيو معقد..
سارة حطت المينيو ع الطربيزة:في نسكافيه.؟
الجارسون:في نسكافيه الابتشينوا
سارة تنحت:هاه...بص يا كابتن..انا عايزة نسكافيه
و بس..
الجارسون:تحت امرك يا فندم
..
مشي الجارسون و جاب النسكافيه لسارة..
..
صحي حسام..و لبس...نزل علشان يبدأ يشوف الأمكان اللي هيحصل فيها المشروع..
بس كان لازم يفطر فنزل المطعم..و شاف سارة
قرر انه يقعد معاها..علشان دايما هي اللي بترسم الأبتسامة على وشه
حسام:ممكن اقعد؟
سارة:صباح الخير...اه طبعا اتفضل
حسام قعد:مالك..كأنك مضروبة على قفاكي ليه؟
سارة:ايه الفندق ده..
حسام:ليه حد ضايقك
سارة:و هو حد يقدر..مش عارفة افطر ايه؟
حسام:طب ما في مينيو
سارة:ما تتذكاش عليا...اكيد شوفتها بس مش فاهمة حاجة
حسام:علشان غبية...قومي يالا في مطعم يمكن تفهمي منه
سارة:هتعزمني ولا ايه
حسام:لا انتي اللي هتعزميني..
سارة:ايه الأستغلال ده...يالا امري ع الله
..
راحوا الأتنين بره الفندق و راحوا مطعم صغير قدام البحر
حسام:تطلبي ايه؟
سارة:اي حاجة..بس توصية هاه
حسام:ماشي..
راح حسام و طلب و بعد 10 دقايق جه الاكل
سارة:عندك زوق في الأكل
حسام:عارف عارف
سارة:ايه الثقة ديه...
حسام:طب يالا بسرعة علشان اتبقى ساعة و نبدأ التجمع
خلصوا اكل..و سارة من عادتها انها بتفضل قاعد نص ساعة عقبال ما تهضم
حسام:قومي يالا
سارة:اقوم ايه..انت مش قلت اتبقى ساعة
حسام:ايوة..قومي اتمشي
سارة:اتمشى ايه يا عم...انا بكسل اروح أوضتي اجيب الموبايل
حسام:ما هو باين انك كسولة..قومي بدل ما اسيبك و امشي..
قامت سارة و فضلوا يتمشوا على الشط
حسام:انتي جريئة كده ازاي
سارة:ازاي يعني ايه
حسام:يعني..لما رديتي على العميد و كده
سارة:عادي...طول ما انا على حق ..اعمل اللي انا عايزاه
حسام:في البلد ديه
سارة:اوعى تقول ان انت من الأغلبية الهبلة...اللي عايزة تهج برة مصر
حسام:لا خالص...انا الأغلبية نفسها
سارة بتضحك:طب اديني 25 سبب يخليك تكره البلد

حسام:هو سبب واحد..و جواه هتلاقي اسباب الدنيا و الأخرة
الفساد..
سارة:فساد.كل البلاد فيها فساد
حسام:لما يوصل الفساد ...للحكومة...يبقى مصر بس هي اللي فاسدة..و بعدين يالا علشان نلحق نوصل
...
مشيوا الأتنين و سارة بتفكر في كلام حسام...لما يكون ده فكر شاب لسة مش ابتدا حياته...يبقى الباقي فكرهم ايه..مشوش كده بردوا!؟
وصلوا الفندق...و كان الجروب كله نزل
حسام:صباح الخير...اهلا بيكوا في الغردقة..احب اقدملكوا الأستاذ ياسين..مدير الفندق..و ساعدنا كتير في المشروع
ياسين:اهلا بيكم جميعا...طبعا يشرفني..اني استضيف شباب زيكوا...عايزكم تنبسطوا..
فضل ياسين يتكلم...و محدش سامعه الكل مشغول بموبيله
بس سارة لحظت ان حسام جاله تليفون و مشي...
ياسين:و طبعا اي استفسار انا موجود..انجوي
مشي ياسين..و سارة لسة مستنية حسام يرجع
..
بعد شوية من تساؤولات الطلاب
"فين الدكتور"
"هنعمل ايه"
جه حسام..بس ملامح وشه..اتغيرت 180 درجة
حسام:اتفضلوا النهاردة و بكرة فري.. ممكن تعملوا اللي انتوا عاوزينه
و مشي من غير ما يسمع كلمة حد..سارة حبت تسيبه يهدى مهما كان السبب..لأن حسام و هو متعصب بيبقى اسوؤ بكتير من حسام الرخم
..
طلعت سارة أوضتها..جابت الكاميرا ..و نزلت تاني
راحت سارة على الشط اللي في الفندق و فضلت تصور
من معتقدات..سارة ان من غير البحر..مش هيكون في استرخاء..مش هيكون في طرق للأعتراف بالحب..مش هيكون في طرق للأنتحار!!
فضلت سارة تاخد صور كتيرة للبحر...و بتصور الناس...و السحاب...
خلصت سارة تصوير..و قررت انها تروح تشوف حسام..اللي مش ظهر من الصبح
..
طلعت سارة الفندق...و كانت بتتمشى..بتقلب في الصور اللي اخدتها..بس و هي ماشية خبطت في حد..و كان ياسين
ياسين:ايه الغباء ده مش تبصي
سارة:معلش...و بعدين احترم نفسك شوية
ياسين:لو مش شايفة كنتي هتوقعي النسكافيه عليا
سارة:و مش وقع..
ياسين:عارفة لو كان وقع مش هيحصلك كويس
سارة:ما بلاش تقول كلام انت مش قده يا كابتن..و بعدين قولت اسفة
مشي ياسين و سابها..و سارة شايطة بسبب قلة ادبه
..
دخلت سارة اوضتها و غيرت هدومها..كانت الساعة 10 بليل
لقت موبايلها بيرن و كان من اهلها
سارة:الو
ياسمين بحزن:الو
سارة:ياسو حبيبتي عاملة ايه؟
ياسمين:وحشة
سارة:ليه بس؟
ياسمين:بابا مش بيرد عليا
سارة بأستغراب :ازاي يعني
ياسمين:مش اعرف كل ما اتصل يفضل يرن و مفيش حد بيرد
سارة:طب اهدي..ساعة كده وهتلاقيه اتصل.تلاقيه مشغول
طمنت سارة ياسمين و بعدين قفلت...سارة قلقت على حسام..لأن استحاله مش يرد على ياسمين غير في الأوقات الحرجة..
فضلت سارة تتصل بيه.. و مش حد يرد
طلعت سارة تشم شوية هوا من البلاكونة...
و لقت حسام قاعد على البحر و باين عليه الحزن
..
لبست سارة ونزلت..راحت وره حسام بالظبط
و قعدت جنبه
سارة:مش بترد على مكالماتي ليه؟
حسام:تلاقيه سيلنت
مسكت سارة موبايلها و رنت عليه..و موبايل حسام رن ..
سارة:لا واضح انه سيلينت
حسام:عايزة ايه يا سارة
سارة:انت ليه متقلب..
حسام:براحتي
سارة:ع فكرة انا مش متطفلة..بس مش بحب اشوف حد متضايق
حسام:لا انتي متطفلة...و اووي كمان
سارة بضيق:معاك حق...كنت جاية اقولك كلم ياسمين علشان قلقانة عليك..سلام
مشيت سارة و هي متضايقة..ان حسام.قال عليها كده
طلعت سارة الأوضة و نامت ..
..
من بعد المكالمة..و حسام موده متغير..اتصل بياسمين علشان يطمنها
ياسمين بحماس:الو ازيك يا بابا
حسام:الحمدالله..عاملة ايه يا حبيبتي
ياسمين:الحمدالله بس واحشني اووي
حسام:وانتي اكتر..بتاخدي الدوا
ياسمين:اه ..بابا خلي بالك من سارة ..ديه طيبة اووي
حسام:مش تخافي...في عنيا ديه توصيا منك بردو
..
خلص حسام المكالمة..و طلع ينام في الأوضة بتاعته و هو مخطط بكرة انه يعتزر لسارة
..
صحيت سارة الساعة 12..على ميعاد التجمع..بس قررت انها مش هتنزل..علشان هي متضايقة..
طلبت سارة الفطار..في الاوضة..
..
صحي حسام..و نزل يفطر على امل ان سارة تكون موجودة..بس خاب ظنه..لما جه موعد التجمع و مش لقاها...و عرف انها متضايقة اكتر..
الجروب مش كان ينفع يمشي و حد ناقص..و كان الحد ده سارة
حسام:اتفضلوا انتوا و انا هستناها
..
بعت حسام حد من اللي شغالين في الفندق..علشان ينده سارة
.
خبط باب اوضة سارة..و فتحت
العامل:دكتور حسام بيقول لحضرتك انزلي
سارة:و هو ابويا..
العامل:مش اعرف والله يا فندم
مشي العامل و لبست سارة...اخدت الكاميرا بتاعتها
و نزلت..لقت حسام
حسام بنرفزة مصتنعة:عارفة التأخير ده كله ممكن يعمل ايه
سارة ببرود:مش مهم..كنت عاوزني في ايه
حسام:والله...انتي اتأخرتي ساعة بحالها و ده مش مقبول
سارة:و بعدين..عايزني اعمل ايه
حسام:تتفضلي تروحي مع الجروب..عند الشط
سارة:بس انا صورت الشط امبارح
حسام:خلاص..شوفي هتروحي فين و انا هاجي معاكي
سارة:ليه شايفني عيلة
حسام:انا متأكد انك عيلة...و بعدين هو كده يا الجروب ياانا
سارة:و لو مش عايزة الأتنين
حسام:تتفضلي تطلعي أوضتك..و مش تنزلي غير لو الفندق بيتهد
سارة:كركركركر ..دمك سم..ماشي يا حسام هاجي معاك..
مشيت سارة و حسام وراها و هو فرحان انه بيغظها.....و سارة متضايقة اكتر ان حسام بيتعامل كأن مش فيه حاجة حصلت
...
سارة كانت عايزة انها تخلع من حسام بأي طريقة...حتى لو كانت انها تدخل بار!!
فضلوا ماشين..و حسام مش عارف هي راحة فين
حسام:هو انتي موادياني على فين؟
سارة:ايه خايف؟
حسام:لا انتي اللي خايفة
سارة:مش ليك دعوة.
و هما بيتمشوا سارة اخدت بالها من بار..قررت انها تدخلوا
تصور لأن البارات بيبقى مهتمين بيها اكتر من المساجيد...و بالمرة تخلع من حسام
..
سارة:دكتور حسام..ممكن تجيبلي ازازة مياه
حسام:ما تروحي تجيبي
سارة:رجلي واجعاني
حسام:كنتي زي القردة من شوية
سارة:هتجيبها و لا
حسام:خليكي هنا مش تتحركي
هزت سارة راسها..و مشي حسام يجيبلها المياه من الكوشك
استغلت سارة غياب حسام و دخلت البار..
لما سارة دخلت البار...لقت ناس غير الناس لقت واقع غير الواقع لقت حياة غير الحياة!؟
الجارسون:تحبي تشربي حاجة يا مزة
سارة:لا لا شكرا
اكتشفت سارة الورطة اللي حاطط نفسها فيها...و اتمنت ان حسام ينقذها..
فضلت سارة تتمشى جوه اكتر على امل انها تلاقي مخرج..
بس مش لقت..قررت انها تقعد تستريح شوية و تكمل تدوير
قعدت سارة على الكرسي و  طلعت موبايلها علشان تبعت لحسام....اي حاجة يمكن يعرف يجيلها..فضلت شوية  ..و جه جارسون تاني
جارسون:تحبي تشربي فودكا..و لا بيرة مستوردة
سارة تنحت:هاه..لا مش عايزة اشرب
جارسون::يبقى شكلك ليكي في الحشيش
سارة:حشيش ايه...انا عايزة اخرج من هنا
جارسون:و ليه..ماتخليكي قاعدة..هتنبسطي و تفكي..و هتشربي من عندنا كمان
سارة:يا سيدي انا مش عايزة انت اهبل
بدأ الجارسون يتغابى:يا ستي جربي مش هتخسري حاجة
و جه حسام في اللحظة اللي سارة كانت بتودع:ما قلتلك مش عاوزة....مش مفهومة
جارسون:و انت مين يا كابتن
حسام:مش يخصك...
و شد حسام ايد سارة جامد... و كان زي اللي بيجرجرها وراه
و بعد ما خرجوا من البار...حسام وقف سارة و بدأ في الزعيق في نص الشارع
حسام بصوت عالي:انتي غبية...ايه اللي خلاكي تدخلي هناك
سارة:انا مش غبية..و بعدين المناظر كانت حلوة
حسام:انتي شايفة ان المناظر الزبالة اللي كانت هناك ديه حلوة
سارة:انا مش قصدي على الناس..المكان و الأثاث كان حلو
حسام:مش كل حاجة حلوة نجربها...انا لو مش كنت جيت دلوقتي...كنتي زمانك ف داهية
سارة و الدموع بدأت تتجمع في عينيها:لو علشان جيت..حقك عليا خليتك تيجي مكان مش من قمتك..
و مشيت سارة و دموعها بتنزل على وشها..سايبة حسام..بين الناس اللي شايفة ان حسام جه عليها..
مشي حسام و هو زهقان فضل يتمشى علشان يهدى...و يروح يكلمها في الفندق..بعد ساعة من التمشية و حسام شايف انه بدل ما يصالحها زعلها..رجع حسام الفندق و راح عند موظفة الأستقبال
حسام:لو سمحتي ممكن تتصلي بالأنسة سارة في أوضتها
الموظفة:بس حضرتك..الأنسة سارة..مش جت من ساعة ما طلعت
حسام:ازاي يعني..اتأكدي
الموظفة:يا فندم الجهاز بيسجل الخروج و الدخول.. و مش موجود اسمها
حسام:شكرا
طبعا حسام قلق اكتر على سارة..و حاول يتصل بيها مرة مش بترد و مرة مقفول..قلق اكتر ليكون حصلها حاجة
حسام عارف ان سارة بتحب البحر...و خصوصا بليل..
راح حسام عند الشط..و زي ما كان متوقع...سارة كانت قاعدة لواحدها..و بتبص على البحر
قعد حسام جنبها...و من الواضح ان هي مش اخدت بالها
حسام بصوت واطي:انا اسف
مالقاش اي ردة فعل منها..
حسام:سارة بجد انا اسف...انا كنت خايف يحصلك حاجة..و خصوصا ان هناك شباب كتير..لو سمحتي يا سارة..اعملي اي حاجة...حتى لو هتقولي انك مش عايزة تشوفيني...انا موافق بس تضحكي
سارة و عينيها مليان دموع:و هي هتفرق معاك لو ضحكت او عيطت
حسام:تصدقيني لو قولتلك ان ضحكتك غالية عندي
سارة:لا
حسام:طب خوديني على اد عاقلي و اضحكي...طب بوصيلي
سارة:انت عايز ايه؟
حسام:عايزك تضحكي و تصالحيني
سارة:يبقى امشي احسن
حسام:يالا بقى يا سارة..طب لو جبتلك شيكولاته..بونبوني..مصاصة
سارة:امشي يا حسام..لو سمحت
حسام:بقى كده..ماشي..انا قاعد في ارض الحكومة
و فضل حسام قاعد ..و هو بيبصلها...و سارة مش معبراه
حسام بدون وعي:انتي شبها اووي
ركزت سارة في الكلام..و بصتله:هي مين؟
حسام:مين فين؟
سارة:حسام..مش تستهبل هي مين؟
طلع حسام موبايله...و وراها صورة لبنتين..و على حسب ذاكرة سارة ولا واحدة فيهم ياسمين
سارة:مين دول؟
حسام:دول يا ستي..اكتر اتنين حبيتهم في حياتي ..بعد ياسمين طبعا....مامتي و اميرة
سارة:و هما فين؟
حسام:عند ربنا
سارة:انا اسفة.
حسام:ولا يهمك..اميرة كانت خطيبتي بس ماتت ..كانت صحفية...
سارة:و مامتك..؟
حسام:ماما....ماتت من بابا
سارة:ازاي؟
حسام:تعرفي رأفت محمد..؟
سارة:ده من اشهر رجال الأعمال
حسام:احب اعرفك اني حسام رأفت محمد..ابن رأفت محمد اكبر رجل اعمال
سارة:بس مش شايفاك حبه
حسام:في حاجات بنطر نتعايش معاها ..رغم كرهنا ليها
سارة:طب ليه كرهته؟
حسام:بابا مش كان بيحب ماما او عمره ما حب...كل همه كان الفلوس..و بس..انا و ياسمين مش مهم..جت فترة و ماما تعبت ..و كانت محتاجة عملية ..بس طمعه و كره ليها...عماه
و ماتت..سافرت انا و ياسمين..و لحد دلوقتي مفهمها ان ماما ماتت من عند ربنا
سارة:انا بجد اسفة.مش كان قصدي

حسام:تصدقيني لو قلتلك اني اتغيرت بسببك..
سارة اتوترت:انا لازم امشي الوقت اتأخر...و مسمحاك
طلعت سارة و قلبها بيدق اكتر...دخلت أوضتها و هي فرحانة و زعلانة
فرحانة ان هي كانت امل اساسي في ان حسام يتغير...و زعلانة عليه ..مامته و اميرة..شكلهم كانوا اعزاء عليه اووي
قعدت سارة على السرير و مشاعرها متلخبطة..بس في الليلة ديه عرفت انها بتحب و مش بتحب اي حد...بتحب حسام رأفت محمد!!
..
حسام فرح...انه قال لسار حاجة..و خصوصا انه بيحب سارة
بس كان بيجادل..نفسه..رغم مخاوفة انه يخسرها زي اميرة...بس قرر حسام انه هيقولها..
دخل حسام الفندق و راح عند...موظف الأستقبال
حسام:لو سمحت انا عايز نمرت الأنسة سارة أوضة رقم 590
الموظف:حضرتك تقربلها حاجة
حسام:اه ..خطيبها
ادا الموظف الرقم لحسام
...
سارة كانت اعدة على السرير و بتفكر..و لقت موبايلها بيرن معلنا وصول رسالة فتحت سار الرسالة و لقتها من رقم غريب
"نامي و مش تفكري كتير ورانا بكرة شغل ....البشمهندس"
عرفت سارة ان اللي بعت الرسالة حسام...و فرحت اووي
..قررت فعلا انها تنام..و هي فرحانة
_______________________
هاي :)
ايه رأيكوا..في الجزء؟
VOTE&COMMENT PLZ
ENJOY <3