املي في الحياة

(11)

املي في الحياة

(11)
طلعت سارة من القاعة سايبة حسام بأسألته...
قعدت في الكافيتيريا ...مستنية سمر...تخلص محاضرتها و تقابلها...
طلبت سارة نسكافيه...
؟؟:ممكن نقعد معاكي؟
سارة:اه طبعا اتفضلوا
جه البنتين و الولد اللي سارة شافتهم اول يوم..
؟؟:اعرفك..انا شاهيندا..و ده هاني و العنقود ريم
سارة:انتوا اخوات؟
ريم:لا لا قصدها ان انا اصغرهم
سارة:اه فهمت
هاني:بس كانت جامدة الخناقة ..
سارة بأستغراب:خناقة ايه؟
شاهيندا:مصطفى..انتي اسمك بقى ع لسان كل الجامعة
سارة:هههههه و ده ليه؟
ريم:فاهمة يعني ايه بنت تقف قدام مصطفى..
سارة:لا
هاني:عارفة انتي الأفلام الأجنبي لما يكون فيه واد اموور و ف الأخر بيتسك ع قفاه علشان البطلة هتحب العيل الغبي...اهو الواد الأمور ده هو مصطفى
سارة بتضحك:تشبيهاتك غريبة....بس بردو مش فاهمة ليه؟
ريم:م الأخر كده مصطفى سقيط و فِتِوَة و دخل الجامعة بواسطة لأبوه...
شاهيندا:يا جماعة احنا علينا ايه بعد ساعة
هاني:من غير صويت ...علينا دكتور حسام
شاهيندا و ريم فضلوا مبتسمين
سارة:هما كده طبيعي
هاني:رباني... اصل كل الدفعة بتاعة الدكتور ده البنات واقعين فيه
سارة:اممم
هاني:بس مش شايفك من البنات ديه
ريم بعد ما فاقت:اه صحيح ..انتي اول يوم اتطردتي صح
سارة:بتفرحيني...اه
شاهيندا:مع احترامي بس هو اموور
هاني:تنك..و عامل نفسه تقيل و الواد الكوول وهو تلاقيه عيل
سارة اتدايقت من كلام هاني...و خصوصا انها عارفة انه مش كده
بانت ملامح الزعل عليها
ريم لسارة:ايه يا بنتي انتي بتحبيه ولا ايه
سارة متوترة:لا وانا احبه ليه؟
شاهيندا:بس بقى ده جي علينا
اتصلبت سارة لما عرفت ان حسام جي
بصت يمين و شمال..و عرفت ان المكان مليان و مفيش غير طربيزتها اللي فاضية...
حسام:صباح الخير
كلهم:صباح الخير يا دكتور
حسام:ممكن اقعد علشان مفيش مكان
ريم بسعادة:طبعا يا دكتور اتفضل
و قعد حسام جنب سارة....
طبعا سارة كانت متوقعة انها مش هتشوفه النهاردة و خصوصا لما اديتلو الهدية
شاهيندا:دكتور ممكن اسألك سؤال؟
حسام:اه طبعا اتفضلي
شاهيندا:ممكن تعرفنا على نفسك؟
حسام بيضحك:ليه عندك عروسة
سارة سابت الكلام و ركزت ان حسام ضحك...
ريم:هههههه والله ندور ليه لا بس تقول انت المواصفات
..
و جت سمر قبل ما حسام يتكلم
سمر بأبتسامة:احلى صباح
سارة:صباحك نكد كنتي فين يا هانم؟
سمر:انتي لو عرفتي احتمال يغمى عليكي
سارة:ليه؟..قابلتي تامر حسني
طبعا الكل بتفرج عليهم و هما كاتمين ضحكتهم
سمر:دمك سم...بس بردو مش هقولك
سارة:بقى كده...ماشي يا سمر يا بنت ام سمر
سحبت سمر كرسي و قعدت و هنا اخدت بالها ان في ناس قاعدة
سمربكسوف :اوبس...معلش يا جماعة..ملاحظتش انكم موجودين
ريم بتضحك:و ياريتك ما لاحظتي...ما تعرفينا يا سارة
سارة:سمر...مافيهاش اي ميزة غير انها زنانة..ريم شاهندا و هاني..زمايلي
سمر:ع فكرة انتي كده..بتدي فكرة وحشة عني
سارة:لا يا حبيبتي هما اخدوا الفكرة من الأول
سمر:ازيك يا حسام
حسام:ازيك يا سمر..
سمر استغربت ان حسام مبتسم و عايش حياته..مش حسام اللي شافته عند سارة ولا حسام اللي بيهزق سارة
سمر:تمام الحمدالله
قعدوا شوية و شهيندا وريم بيسألوا حسام
و هاني قاعد شايط...بس بالنسبة لسمر و سارة السبب مجهول
اما بالنسبة لشاهيندا و ريم هما مش اخدو بالهم اصلا..
حسام:طب كفاية اسئلة و يلا علشان عندكو محاضرة
قام هاني و شاهيندا و ريم..راحو القاعة..