املي في الحياة

(6)

املي في الحياة

 

(6)
صحيت سارة الساعة 4 العصر لوحداها...
دخلت الحمام و غسلت وشها..بعدين طلعت
بره الأوضة
كان رامي قاعد بيتفرج على التلفزيون
رامي:لا لا والله تتحسدي
سارة:فين ماما؟
رامي:خرجت تزور طنط سلوى جارتنا
سارة:مش كانت مقاطعاها
رامي:تلاقيهم نسييوا اصلا...المهم اتبقى ساعتين
افطري بسرعة علشان نروح و اتصلي بسمر
سارة بعدم اهتمام:ماشي ماشي..
فطرت سارة ..و كلمت سمر علشان تجهز
قعدت سارة شوية على النت و بعدين قامت تجهز على الساعة 5:30 كده
سارة كانت دايما سريعة في اللبس...عكس سمر..
لبس سارة دايما كان بسيط لأبعد الحدود
سارة مقاطعة منتجات التجميل...غير في المناسبات
..
جهزت سارة و كانت الساعة 5:45
..
طلعت سارة من اوضتها و استنت رامي الربع ساعة اللي باقية
رامي:انا جهزت
سارة:ما لسة بدري...اتفضل يالا هنعدي على سمر
و خلي صحابك يسبقوا
رامي:بس بطلي لماضة شوية..حاضر اتفضلي يا اختي
و نزلوا راحوا لسمر
...
وصلوا المول و دخل رامي يحجز
و البنات بره
سمر:مقلكيش مين اللي جي؟
سارة:ماتخفيش خالد جي
سمر:على فكرة انا بسأل على حسام..
سارة:ما اعتقدتش ان حسام من النوع ده
سمر:لا اعتقدي
سارة:ازاي يعني
سمر:مش عاوزاكي تتصدمي..بس  بوصي وراكي
بصت سارة ولقت 3 شبان جايين عليهم
خالد و هيثم..و حسام
سارة:لا لا..مين ده؟
سمر:ده حسام...بس ده لابس تيشيرت
سارة:حسبي الله و نعم الوكيل
سمر:بس بس جايين اهم
وصلوا الشباب عند البنات
هيثم:مبروك يا سو...
سمر:اني واحدة بالظبط
هيثم:انتوا الأتنين...مش مشكلتي ان انتو بنفس الحرف
سارة:ماشي يا عسل..الله يبارك فيك
خالد:مبروك يا سمر..
سمر:الله يبارك فيك
سارة:و انا ايه هوا هنا...اي حاجة..لله طيب
خالد:ايه بتشحتي...و بعدين يا سو انتي لو عايزة تنجحي هتنجحي..بس لما يجيلك دماغ
سارة:و الله يا خالد انت الوحيد اللي فاهمني
و جه رامي
رامي:الشباب وصلوا..يا هلا
فضلوا يتكلموا شوية ...بس سارة كانت مستغربة من وجود حسام و خصوصا انه ملوش في الشغل ده..و بعد ما قلع البدلة قلب شاب مش دكتور عنده 50 سنة..ده اخره يفضل في المكتب بتاعه اكرم
..
جه وقت الفيلم و دخلوا كلهم...و كان فيلم رعب
كان الترتيب كالأتي
رامي ,هيثم,خالد,حسام,سارة ,سمر
..
سارة كانت جبانة..بس كانت بتخبي..هه يكفي انها قاعدة جنب حسام...
بس الفيلم كان فوق طاقتها...
و جت حتة ان البطل هيقتل واحد بالسكاكين
فطلعت من سارة صوت صريخ...ماكنش العالي
ان حد يسمعه زي باقي الناس بس كان كفيل ان حسام هو اللي سمعه...حسام كتم ضحكته..و هي لحظت بس شككت نفسها..
خلص الفيلم...و سارة بتولع ان حسام ضحك عليها..
و كانت بتعاتب نفسها انها عزمت رامي و اصحابه...او بالأخص حسام
بعد ما طلعوا...راحوا كلهم يجيبوا حلويات و اكل من كرفور اللي موجود في المول ماعدا سارة...كانت لسة بتستوعب المناظر اللي شافتها...و فضل حسام مع سارة...علشان لقى ان كتير قوي راحوا...
حسام قال لسارة بصوت واطي:على فكرة شكلك جبانة اووي
سارة:على فكرة انا مش جبانة
حسام:لا ماهو باين...بأمارة الأصوات اللي كنت بتعمليها
مخلتنيش اركز ع فكرة
سارة بنرفزة:والله ماحدش قالك تقعد جنبي...ايه البلاوي اللي بتتحدف علينا ديه
حسام حب انه يسكت لأنه لو اتكلم...سارة هتلم عليه المول
و مش بعيد تدبسه في قاضية..انه خاطفها
..
لما رجعوا لقوا ان سارة بتشيط..بس كانت بتحاول تهدي نفسها و حسام على وشه شبح ابتسامة
سمر:في ايه مالك؟
سارة:ولا حاجة فصلت بس..هاه خلصتوا
خالد:اه...اشترينا الحلويات...تحبوا تروحوا فين؟
هيثم:تعالوا نقعد ع الكورنيش
رامي:فكرة برضه
و اتفقوا انهم يروحوا الكورنيش
..
اتقسموا على عربيات بعض...و كانت البنات مع رامي
..
وصلوا الكورنيش..و قعدوا طلعوا الحلويات..و فضلوا ياكلوا
و هما بيضحكوا...ما عادا حسام كان بيشرب شويبس جولد اناناس
و قاعد بعيد عنهم..كلوا كان مشغول في الكلام..و النكت السخيفة اللي هيثم بيقولها بس برضو بتضحكهم...علشان هما عايزين يضحكوا ..علشان اللمة الحلوة مش بتتعوض
كانت سارة بتبص على حسام...من وقت للتاني...
و كل مرة تبصله تحس انها لازم تروحله..
سارة:انا هروح اتمشى شوية
سمر:تحبي اجي معاكي
سارة:لا خليكي ..اسمعي هيثم.لا يجيله كبت و لا حاجة
هيثم:ماشي ياختي..الله يرحم من 3 دقايق كنت بتقعي من كتر الضحك
سارة:يا هيثم يا حبيبي...انا بضَحَك معاك
هيثم:الله انا حبيبك ^_^
سارة:هههههه ده في احلامك...و بعدين قدرك هيجيلك لحد عندك
هيثم:انا حاسس انه في المواصلات
سارة:هو ايه؟
هيثم:القدر ياختي...غوري غوري..
سارة:ههههههه ماشي مردودالك
..
و مشيت سارة تتمشي..او بالأحرى تروح لحسام
...
سارة:ممكن اقعد
حسام:اقعدي هو انا ماسكك
سارة:حاول تبقى لطيف
حسام:مش عاوز
سارة:ايه الرخامة ديه
حسام:انت جاية تqايقيني...و تضيعي شوية المزاج اللي عملهم
سارة:مزاج ايه يا عم..ديه شويبس مش حشيش يعني
و ضحك حسام
سارة:الله .انت عندك اوبشن الضحك...و اسنان
حسام:اومال انتي فاكرة ايه
سارة:سوري...بس افتكرت انك ماعندكش اسنان علشان كده مش بتتضحك بنفس
حسام:لا يا ستي اديكي عرفتي
كان مع سارة شيكولاتة تويكس
اخدت واحدة و ادت التانية لحسام
حسام:ايه ده؟
سارة:ايه شايفها خمرة...ديه شوكولاته
حسام:بس انا مش..
سارة قاطعته:كلام...انا سمعت قبل كده انها بتزود هرمون السعادة
حسام:سيروتونين
سارة:يعني ايه؟
حسام:هههه يعني هرمون السعادة
سارة:ع فكرة هرمون السعادة اسهل من سيرينجة ده
حسام:ههههههههه اسمه سيروتونين..مس سيرينجة
سارة:ماتدققش ..انا هقوم..تعالى اقعد معانا
هيثم بيقول نكت سخيفة ممكن تتضحكك
و فعلا حسام قام معاها...مش علشان يسمع نكت هيثم لا علشان يعرف يبص لسارة براحته..
..
هيثم:مرة واحد..اتنين تلاتة
سمر:هيثم..قوم نام
حسام بكل برود:هه تلاقيه بيقعد مع سارة كتير
سارة حست ان اللي بتعمله بيروح في الهوا فقالت
تبدأ معاه
سارة:و ليه ماتقولش انه قعد معاك انت
حسام:قصدك ايه.؟
سارة:انت فاهم كويس
..
و بدأت الخناقة مابين سارة و حسام
خالد:بس بس...قوموا شكلكوا صاحين من بدري
يالا نروح
..
و فعلا روحوا البيت..
كانت الساعة 11
دخلوا البيت لقوا مامتهم صاحية و بتتكلم في التليفون
رامي:بتكلمي مين يا لوزة الساعة 11
مامته:بكلم ابوك يالا
سارة:ايه ده بجد طب هاتي اسلم عليه و اقوله
و اخدت سارة التليفون
سارة:الو ازيك يا بابا عامل ايه
باباها:انا الحمدالله يا حبيبتي...مبروك ال90%
سارة:الله يبارك فيك يا بابا...
باباها:لسة مصممة على موضوع معهد سينما ده
سارة:بابا ..انا جاية مبسوطة..و غلاوتي عندك بلاش السيرة ديه
باباها بنرفزة:ازاي يعني...عايزاني اشوفك بتضيعي مستقبلك
و اسكت
سارة:بصوت عالي شوية:يا بابا قولت لحضرتك مش هدخل حاجة غير اللي انا عايزاها..
باباها بيهدي نفسه:ماشي يا سارة براحتك..اديني ماما
..
دخلت سارة اوضتها و غيرت...و قعدت على السرير بتفكر في حاجات كتيرة..اولها حسام
و ازاي انها خلته يضحك...بس افتكرت لما ضايقها
..
فضلت تفكر..ان باباها زي اللي بيتحداها... لحد ما نامت
...
عدت الأجازة..و سارة زي ما هي مافيش حاجة اتغيرت فيها
..
هي و حسام لسة ناقر و نقير...دايما سارة بتحاول تصلح العلاقة اللي باظت من قبل ما تبدأ..
مامتها:يا سارة ...قومي يا حبيبتي
سارة:يا ماما عايزة انام
مامتها:يا حبيبتي النهاردة اول يوم جامعة
سارة:طب خلاص قومت...صباح الخير
مامتها:صباح النور..قومي اجهزي عقبال ما اجهز الفطار
..
دخلت سارة الحمام...و بعدين طلعت تلبس
و كالعادة لبسها كان بسيط...ماكانش اوفر...
بنسبالها اول يوم جامعة زي اخر يوم جامعة
خرجت علشان تفطر مع رامي
رامي:ايوة بقى..هيبقى فيه نظام
سارة:يا ابني ده اول يومين بس..و بعدين هتلاقيني متلقحة جنبك
رامي:لا يا ماما انا اتبقالي..شوية ورق و استلم الشغل فشكلك هتتلقحي لواحدك
سارة:ايه ده بجد..مبرووك...
و قعدوا يفطروا مع بعض و طبعا النصايح الأسرية كانت بتفطر معاهم
رامي:مش تتكلمي مع حد مش تعرفيه
مامتها:مش تتخانقي مع حد
رامي:مش اي حد تصاحبيه
مامتها:خودي بالك من اللي الناس هناك
سارة:مش اخد حاجة من اي حد...مش اروح مع اي حد يقولي تعالي اجبلك شيكولاته او تعالي اوديكي عند ماما
مامتها:خودي بالك من نفسك يا حبيبتي
و حضنتها
سارة:ماما..انا مش هتجوز..انا رايحة الجامعة و بعدين هي اول مرة اطلع من البيت
رامي:بطلي لماضة ابوس ايدك..و طمنيني لما توصلي
سارة:قشطة...سلام
و لسة هتمشي
رامي:سارة
سارة:هاه.
رامي:لو فيه مزز اتصلي عليا
سارة: عيل تافه
و لسة هتمشي
رامي:سارة
سارة:ايه تاني
رامي:لسة مصممة اني ماوصلكيش
سارة:لا تسلم..هعتمد على نفسي...عندك حاجة تاني
رامي:لا اله الا الله
سارة بأبتسامة:سيدنا محمد رسول الله
...
نزلت سارة...و عدت على سمر..علشان جامعتهم قريبة من بعض
سمر:يا صباح النشاط
سارة:يا صباح النكد
سمر:ليه بس كده
سارة:يا بنتي النهاردة اول يوم...يعني هيبقى اسخف يوم

سمر:طب يالا يا اخرة صبري
..
وصلوا جامعة سارة
سارة:يا بنتي مش عايزة اشيل ذنب حد روحي جامعتك
سمر:يا ستي و المصحف معنديش محاضرات الصبح
سارة:براحتك..
سارة:طب انا ورايا محاضرة
سمر: محاضرة ايه؟
سارة:محاضرة ..بتاعة فوتوشوب..
سمر:طب بيس....انا قاعدة في الكافيتيريا
و مشيت سارة لمحاضرتها..
طبعا اخدت وقت عقبال ما توصل للقاعة و لسوؤ حظها الدكتور كان دخل
سارة:اسفة بجد عل..حسام!!
_____________
هاي؟
ايه رأيكوا في القفلة ديه
تفتكروا ايه رد فعل الأتنين لما يشوفوا بعض؟
VOTE&COMMENT PLZ
enjoy <3 <3