املي في الحياة

(7)

املي في الحياة

(7)
سارة سابت سمر في الكافيتيريا..و راحت لمحاضرتها
فضلت تتدور على القاعة بس تاهت...بعد ربع ساعة من التدوير..لقت القاعة بس لسوؤ حظها كان الدكتور دخل
دخلت سارة
سارة:انا اسفة عل...حسام!!
حسام:دكتور حسام..و بعدين ايه سبب التأخير يا انسة..
و عمل نافسه مش فاكرها
سارة متنحه:هاه..لا ابدا انا توهت
حسام:ليه هو حضرتك في مول ولا عيلة ..انا اسف بس انا مابدخلش حد بعدي...اتفضلي بره و تاني مرة احترمي مواعيدك
سارة:بس انا قولت لحضرتك اني توهت
حسام:بس ده مش سبب...و يلا علشان عندي محاضرة و لازم تتشرح
خرجت سارة و هي بتلعن ايامها اللي فاتت و اللي لسة هتيجي
و هي تعرف حسام..
راحت سارة عند سمر و لقيتها بتشرب نسكافيه
..
رمت سارة كتب المحاضرة اللي كان المفروض هتحضرها على الطربيزة
سمر:يا فتاح يا عليم يا رزاق يا كريم..في ايه يا بنتي؟
انتي مش عندك محاضرة
سارة:محاضرة ايه بس...ده شكلها ايام سودة
سمر:في ايه بس..اهدي و قوليلي ايه اللي حصل
سارة:حسام
سمر:ماله فرقع لوز ده كمان
سارة:طلع دكتور
سمر:دكتور تجميل!؟
سارة:تصدقي اني عيلة زبالة اني بقولك حاجة
سمر:ههههههه طب دكتور ايه؟
سارة:دكتور في الجامعة
سمر متنحة:نعم!؟..حسام
سارة:ايوة حسام..لا و بيطردني انا..انا اطرد يا سمر..
سمر:تلاقيه مكنش عارفك
سارة:لا كان عارفني بس عمل نفسه اهبل...انا يا حسام
مرارتي يا سمر
سمر:طب اهدي..مسيرك تتدخلي محاضرته الجايه
سارة:انا هروح احول تجارة..ولا اني اقعد مع الكائن ده
سمر:لا يا سو مش هتضيعي حلمك علشان شخص
سارة:كيب كالم..قفلي السيرة ديه بدل ما اروح اردحله في المحاضرة
سمر:هههههه طب ماشي..عندك محاضرة بعد ديه
سارة:اه بعديها بساعتين..
سمر:محاضرة ايه؟
سارة:والله هي حاجة عن الكاميرات لكن اسمها..مش عارفاه
سمر:شكلها سنة زي الفل..
سارة:طب و انتي؟
سمر:زيك..يعني هنخلع احنا الأتنين..
...
و فضلوا يتكلموا...ف مواضيع مختلفة..بس كانت سارة بالها مع حسام و ازاي يتعامل معاها كده
..
بعد ساعتين ما عدوا
سمر:طب انا هخلع يا سو...نتقابل في الكافيه اللي جنب جامعتي
سارة:ماشي..سلام
و مشيت سمر..لجامعتها و سارة راحت محاضرتها
..
و حاولت تحط امل..ان النهاردة يعدي على خير
..
دخلت سارة القاعة و كان فيه طلاب في القاعة و كانت قبل الدكتور..
..
قعدت سارة في المدرج التاني...و كان جنبها شلة متكونة من بنت و ولدين
كان بيتكلمه بصوت عالي اوي..كفيل ان المدرج كله يسمعهم
..
سارة كانت متدايقة من كده و خصوصا لما بدأ ولد من اللي قاعدين في المدرج يضحك و هو بيشاور عليها
سارة طلعت موبايلها مستنية الدكتور
سرحت سارة في التليفون لحد ما لقت المدرج كله بيتعدل في القاعدة و اللي بيقعد عدل.. و اللي بتظبت شعرها
و اللي قلبتها بيوتي سنتر..بصت سارة على اللي دخل
و طلع ..حسام.
حسام:صباح الخير...طبعا انا كنت لسة عندكوا فمش لازم اعرف نفسي..و اسف على التأخير..كنت عند المعيد... النهاردة المحاضرة عن انواع الكاميرات و زي ما انتوا عارفين
انواع الكاميرات مهمَة جدا..ولازم
كان صوته عالي بس بدأ يوطى تدريجيا لما شاف سارة في المحاضرة و سرح فيها
طالب:و لازم ايه يادكتور
حسام:هاه..اه لازم تعرفوا ازاي تنقوها..بحس نوعها و الألوان
ده طبعا من الأساسيات..في كاميرات...
و بدأ حسام يشرح محاضرته...و سارة حاسه بأنتصار انها دخلت محاضرته..فضلت المحاضرة ساعتين..بالنسبة للولاد
المحاضرة سخيفة و البنات المحاضرة فوق الخيال كفاية ان حسام هو اللي بيشرح..اما بالنسبة لسارة المحاضرة عادية..
....
خلصت المحاضرة..و الطلاب كلها بتخرج ..و كان حسام و سارة بس اللي اتبقوا...سارة كانت بتكتب حاجة ..حسام كاتبها
و حطه الهاند فري..خلص حسام لم الورق اللي على مكتبه
و لقى سارة لسة قاعدة
حسام:سارة
لما ملقاش رد..قال يروح يقولها تمشي علشان ماينفعش تفضل لواحداها
..
مشي حسام براحة من جنبها.. و فضل واقف بيبص عليها
لا سارة ولا حسام حسوا..بالوقت سارة كانت عايشة مع ام كلثوم..و حسام عايش مع سارة
حسام ركز هو كان عايز ايه وراح شال الهاند فري منها
سارة:ايه الغباء ده
حسام:انا بردو اللي غبي..عموما ده اول يوم و مش عايز ازعلك..يالا روحي علشان ماينفعش تفضلي هنا
سارة:ثانية واحدة انت لسة طاردني من محاضرتك
حسام:هو انا طردتك تخليص حق..مش انتي اللي اتأخرتي
سارة:قولتلك توهت
حسام:مش مسؤوليتي..و يالا
و مشي حسام سايب سارة شايطة
..
سارة لمت حاجتها و طلعت..راحت عند الكافيه اللي جنب جامعة سمر..دخلت و لقتها هناك
سمر:ما لسة بدري..انا ما صدقت لقيت طربيزة فاضية
سارة:سيبيني و النبي يا سمر..انا هتشل
سمر:ليه في ايه تاني؟
سارة:انا حاسة ان حسام هو الدكتور الوحيد ف ام الجامعة ديه
سمر:هههههه والله ده قدر.و صدقيني حسام هيبقى قدرك
سارة:بطلي هبل ..
و طلبوا و فضلوا ساكتين شوية
سمر:سارة
سارة بعدم اهتمام .و هي بتقرأ المنيو لخامس مره :ممم
سمر:خالد
سارة:ماله الأخ خالد
سمر:كلمني
سارة سابت المنيو و ادت تركيزها كله لسمر:كلي اذن صاغية
قالك ايه
سمر:قالي انه كان بيطمئن عليا..و عليكي
سارة:سيبك من اخر حته لأنه قالها علشان ميحرجكيش و بعدين
سمر:و بس
سارة:عايزة تفهميني ان هو اتصل عليكي علشان يقولك عاملة ايه ..ده ايه الحب ده
سمر:بس انا مستغربة هو جاب نمرتي منين؟
سارة:اهو ده اكبر دليل انك غبية...تفتكري ظابط شرطة هيجيب نمرتك منين
سمر:طب متزوقيش..
فضلوا يتكلموا عن حاجات تافهة كتير..و ف الأخر قرروا انهم يروحوا..
وصلت سارة البيت..
سارة:سلام عليكم
رامي:و عليكم السلام
مامتها:و عليكم السلام يا حبيبتي ..عاملتي ايه
سارة:تمام يا ماما زي الفل..انا هدخل اريح شوية
..
دخلت سارة أوضتها..غيرت و قعدت على السرير
فضلت تفكر في اللي حصل ..و ازاي هتتعامل مع حسام و هو دكتور...بس سارة حست ان في المحاضرة هي كانت مركزة مع حسام اكتر من المحاضرة نفسها....لسة شعور انها عايزة تعرف ايه اللي وراه..موجود و بيزيد كل مرة بيتخنقوا فيها
فضلت سارة منفصلة عن العالم الخارجي..لدرجة انها ما ركزتش ان حد بيخبط
رامي:انتي يا زفتة
سارة بفزع:ايه في ايه...الناس بتخبط الأول
رامي:ده لما الناس تسمع..بقالي 10 دقايق بخبط
سارة:اه سوري يا رامي ..كنت سرحانة
رامي:ايه اللي حصل خالاكي في المود ده؟
سارة:هو حسام بيشتغل ايه؟
رامي:فضول بردو و لا بتشوفي حالته المادية
سارة:و انا هشوف حالته المادية ليه؟
رامي:يعني لا تكوني بتفكري تخطبيه
سارة:انت عيل رخم ع فكرة..هاه
رامي:يا ستي اللي اعرفه انه دكتور في جامعة بس ماعرفش جامعة ايه
سارة:ابشر يا معلم طلع دكتور في جامعتي...لا و بيديني مادتين... و الله اعلم الباقي نظامه ايه
رامي:ههههههههه احسن والله يا سو..علشان تنتظمي
سارة:زي ما قولتلك قبل كده يومين و هخلع..مش هروح غير الأمتحانات
رامي:ما اعتقدش..حسام..مش هيعديها
سارة:سيبها ع الله
مامتهم من بره:يالا يا ولاد الغدا هيبرد
..
طلعوا يتغدوا..و سارة زي ما هي مش عارفة شعور الأنجذاب ناحية حسام ده ايه..و معرفتش تطلعوا من
دماغها...غير لما نامت
_______________________
سربريز :)
ايه رأيكوا في الجزء
و ايه توقعاتكم؟
VOTE&COMMENTPLZ
ENJOY <3