املي في الحياة

Untitled Part 16

املي في الحياة

(16)
باباها:سارة..انا فكرت
اتصلبت سارة ..خايفة من القرار اللي هينزل عليها..
باباها:موافق...بس حسام يبقى مراقبك
سارة تنحت:ازاي يعني ؟
باباها:يبقى مراقبك..مش يسيبك غير و انتي في الأوضة و نايمة
سارة:بس..
باباها قاطعها:هو ده شرطي و مش اظن انه صعب...و انا هكلم حسام
استسلمت سارة للأمر الواقع...فرحت ان باباها وافق..
راحت حضنت باباها:شكرا اوي يا بابا ..حضرتك مش تعرف الموضوع ده مهم عندي قد ايه
باباها:علشان عارف وافقت...يالا تصبحي على خير
مشي باباها..و سارة حست بفرحة غير عادية..قررت تصلي و تقرأ قرأن و تشكر ربها اللي فرحها النهاردة...
بعد ما خلصت ...قررت تنام لأن وراها تحضيرات كتيرة
..
دخل ممدوح الأوضة و كانت وفاء مستنية تعرف عمل ايه
وفاء:قولتلها؟
ممدوح بحزن:اه فرحت
وفاء:ممدوح احنا لازم نقولها..انا خايفة تقابله
ممدوح:عارفة يا وفاء..لو كانت قابلته..مش كان ابوه سابنا في حالنا
وفاء:يا عالم..لو عرف هيعمل ايه؟
ممدوح:ربنا يستر...الا صحيح ايه حكاية حسام ده بقى؟
وفاء:حسام ده صاحب رامي و بالصدفة طلع دكتور سارة
ممدوح:بس انا حاسس ان فيه شبه منه
وفاء:تصدق انا بردو حسيت...بس استحاله يكون حسام ابنه
ممدوح:و ليه انشاءالله
وفاء:حسام ادب و اخلاق...متفهم و شايل مسؤولية..عكسه تماما
ممدوح:ربنا يهديه يا حبيبتي...يالا ننام
...
بدأت سارة تجهز في حاجات سفرها..و بدأت تودع الأصدقاء..سمر كانت معاها بتساعيدها كل يوم..
لحد قبل السفر بليل
سارة:ممكن تبطلي عياط ..طب والله هتصل بيكي
سمر:لا كلهم بيقولوا كده
سارة:يا شيخة امي مش عيطت كده...و بعدين هو انا مهاجرة ديه غردقة
سمر:هتوحشيني اووي يا سارة
سارة:لا اله الا الله...يا بنتي قلبي بيتقطع ..و بعدين انا سايباكي في ايد امينة
سمر:امينة مين؟
سارة:طب بزمتك خالد مش كويس
سمر:بس بردو هبقى مفتقداكي...خودي بالك من نفسك يا سارة علشان خطري
سارة حضنتها:خودي بالك انتي من خالد و من نفسك...عايزة ارجع على الفرح على طول..
سمر:عقبالك انتي و حسام
سارة اتصلبت:ها...حسام مين
سمر:انتي فاكراني مضروبة على قفايا يا سو...حسام بيحبك و انتي بتحبي حسام..بس نقول ايه بقى..
سارة:ماشي يا اختي...انا و حسام اصحاب مش اكتر و لا اقلل
سمر:هتبقى اكتر صدقيني و هتقولي سمر قالت
..
طلعوا الأتنين من الاوضة...و قعدوا مع الشلة بره
هيثم:مش مصدق..عروستي هتبعد شهر بحاله
سارة:عروسة ايه يا اهبل..و انت فكرك انت هتبقى عريسي
هيثم:اه مشبهش ولا مشبهش
سارة:لا تشبه..
رامي:هتوحشيني..خودي بالك من نفسك
سارة:و انتوا كلكوا...انشاءالله..خالد مش هوصيك ع سمر
خالد:في عنيا بس انتي ارجعي بالسلامة و هتلاقيها زي ما هي
مامتها:صلي و افتكري ربنا دايما يا سارة...و خودي بالك من الناس هناك
سارة:حاضر يا ماما..متقلقيش وراكي راجل
..
عده اخر يوم...و الكل زعلان ان سارة هتمشي..
لحد تاني يوم الصبح سارة كانت صاحية..سارة مش بتحب لحظات الفراق...هي معتبرة ان مفيش حاجة اسمها فراق..الفراق اللي بجد فراق الأنسان بخالقه....يوم ما يجي...اليوم ان الناس تموت من فراق الناس...يبقى العالم بينتهي بس واحدة واحدة...مفيش حد عمره حبس نفسه بالشهور او عيط  او جاتله صدمة عصبية...علشان بعد عن ربه!!
مامتها:ايه ده يا سو انتي لسة صاحية
سارة:اه يا ماما..
مامتها:طب ممكن يا حبيبتي ..توضبي الأوضة بتاعت الضيوف علشان ياسمين
سارة:ياسمين اخت حسام؟
مامتها:اه...اصل حسام طالع معاكوا و مش هيعرف ياخدها معاه..وكريم و فريدة ف شهر العسل فأقترحت عليه يجيبها
..
وضبت سارة الأوضة و حطت فيها لعب و مصاصات كتير علشان ياسمين..وطلعت تفطر مع اهلها
سكوت غير طبيعي على السفرة....كل واحد باصص في طبقه مش بيتكلم
سارة:هو انا راحه امووت..
مامتها:بعد الشر يا حبيبتي..احنا بس زعلانين علشان هتسيبينا
باباها:سارة..مش تنسي ربنا ..وكلمينا دايما
سارة:مش تخاف يا بابا اكيد مش هنسى..رب الكون
و انشاء الله ..اسيبكوا انا علشان البس
..
دخلت سارة و جهزت..و اخدت الكاميرا بتاعتها..طلعت شانطتها و لقتهم واقفين..مامتها بتعيط و باباها بيهديها..و رامي واقف و الحزن باين في عينيه
راحت سارة عند مامتها و حضنتها:يا ماما والله هبقى كويسة  بس خودي بالك من بابا و نفسك..و ادعيلي يا ماما
مامتها:مش ببطل ادعيلك يا حبيبتي
راحت سارة لباباها و حضنته:شكرا يا بابا..وخلي بالك من نفسك
باباها:سارة...حافظي على نفسك..
راحت سارة لرامي
رامي:ما تاخديني معاكي ينوبك سواب
سارة:ايه اسلوب الشحاته ده..
رامي:والله هيوحشني عنادك
و حضنوا بعض..
قعدت سارة معاهم شوية  و جت الساعة 9..قررت انها
تمشي..سلمت عليهم اخر مرة و راحت تفتح الباب
لقت قدامها حسام و ياسمين
حسام بكسوف:صباح الخير
سارة:صباح النور...ياسو..هتوحشيني
ياسمين:و انتي اكتر يا سارة..خودي بالك من بابا
سارة:هو اللي ياخد باله مني..هو الأكبر..اتفضلوا
دخلوا و حسام محروج انه هيسيب ياسمين عند مامة سارة شهر بحاله...بس غصبن عنه..
مامتها:صباح الخير يا حسام
حسام:صباح الخير يا طنط...صباح الخير يا عمو ماعلش هتقل عليكو
باباها:عيب عليك يا حسام...احنا حبايب
رامي:ايه يا حس الكلام ده..قعد اشرب حاجة..
حسام:لا معلش خلوها مرة تانية..علشان متأخر..طنط الدواء في شنطة ياسمين و هي عارفة تاخده بس فكريها بيه
مامتها:ياسمين في عنيا يا حسام مش تخاف
باباها:حسام خلي بالك من سارة...
حسام:مش تخاف يا عمي..انشاءالله هتبقى كويسة
..
سارة سابتهم بره واخدت ياسمين تفرجها على اوضتها..
ياسمين:الله..شكرا يا سارة
سارة:العفو يا حبيبتي...بس لو عايزة تشكريني تاخدي الدوا في معاده وعد؟
ياسمين:وعد
دخل عليهم حسام ..من غير ما يخبط
حسام:اسف افتكرت ياسمين بس هنا
سارة:لا ولا يهمك..انا هطلع..
طلعت سارة و سابت حسام و ياسمين
حسام:بابا مش هياخد حضن ولا ايه
جريت ياسمين عليه و هي بتحاول تمنع الدموع..بس حسام لاحظ الدموع
حسام:لا لا...قولنا ايه..مش نعيط ابدا غير لربنا صح؟
ياسمين:بس انت هتسيبني
حسام:مش ينفع اسيبك..في حد يسيب روحوا
ياسمين:ما هو بابا عمل كده
حسام اتضايق ان ياسمين..حاسه ان الناس كلها بتبعد عنها
حسام:و هو انا زي بابا...مش عايزك تعيطي ابدا يا ياسمين...غير لربنا و انتي بتصلي..
ياسمين:طب افرض ربنا مش اهتم لعياطي
حسام:عايزك تعرفي ان مش فيه ايد طلعت لربنا بتطلب منه حاجة الا و نزلت و هي معاها الحاجة ديه
ياسمين:بس انا طلبت منه..انه يخففني..و محصلش
حسام بيحاول يمنع دموعه:صدقيني ربنا اكيد شايلك الأحسن
عارفة يا ياسمين من رحمة ربنا علينا ..انه بيدي فرص كتيرة
اووي...و مش بيزهأ
ياسمين:تفتكر ربنا بيكرهني
حسام:لو كان ربنا بيكرهك..مش كان جابك للحياة..
هاتي حضن بقى علشان مش أتأخر
راحت ياسمين تحضن حسام...اللي كان محتاج الحضن ده اكتر منها...دايما اللي كان بيصبره على الدنيا ياسمين...
..
ودع حسام..ياسمين و خرجوا ليهم..
حسام:يالا بعد ازنكوا...يالا يا سارة
استغربت سارة...لأنها كانت مخططة انها تروح لواحدها
سارة:ها ..سلام..
مشيوا الأتنين..و راحوا على الجامعة..
الأتنين ساكتين...مش كرها في بعض..
كل واحد بيودع اهله بس في مخه..مش متخيلين انهم هيقعدوا بعيد عنهم..
حسام:وصلنا...
ابتسمت سارة..و كانت لسة هتنزل
حسام:سارة
سارة:همم
حسام:مابلاش حوار الباص ده..انا بروح بالعربية تعالي معايا
سارة بأستغراب:لا مش عاوزة اتعبك
حسام:مش هتتعبيني
سارة:لا يا ع...
حسام قاطعها..و قفل الباب بالقفل..و بدأ يسوق
سارة:نزلني...عايزة انزل انا
حسام:ع فكرة انا مش كنت بعزم انا كنت ببلغك
سارة:و انا مش وافقت...نزلني...
فضل حسام يضحك...و سارة بتزن عليه..حسام مش كان عارف هو بيعمل كده ليه..
بس حب اللي هو بيعمله..فضل حسام بيسوق و سارة بتزن عليه علشان ينزلها..لحد ماوصل لصحرة
حسام:مش انتي عايزة تنزلي ..انزلي
سارة:هنا..صحرة
حسام:اللي عرفت اقف فيها
سارة:انت بتهزر ..هتنزلني..هنا..و تمشي
حسام:انتي اللي طلبتي
و فعلا سارة قررت تثبت لحسم انها قد ..كلمتها..و فتحت الباب و نزلت فضلت و اقفة و مشي حسام
حسام مش اتوقع سارة بالجارأة ديه..الدنيا كانت ليل..فمش باين العربيات اللي بعيد..حسام مشي بعيد من حس انه يشوف سارة بس هي مش تشوفه..
بالنسبة لسارة الجو كان بارد شوية...فضلت مستنية ربع ساعة لحد ما لقت عربية جاية..هي في الأول خافت شوية بس بعد كده هدت نفسها علشان تعرف تتكلم
لما قربت العربية و اتفتح الشباك لقت حسام
حسام:اركبي..هنتأخر
سارة:مش هركب مستنية اي عربية
حسام:بلاش جنان الساعة 10 بليل مش هتلاقي حد هنا
سارة:مش فكرت ليه قبل ما تنزلني
حسام:طب اركبي الأول و بعدين عاتبي
و ركبت سارة معاه
حسام:فكي التكشيرة ديه
سارة:و هي تفرق معاك
حسام:هتفرق معاكي انتي
سارة:ع فكرة ديه جملتي
حسام:الحياة..هات و خد
سارة:سخيف..
حسام:خلاص بقى..مش كان مقلب
سارة:مقلب سخيف زي صاحبه
حسام:بدأتي تغلطي ع فكرة..عموما انا اسف...مش متعود اشوفك مكشرة..التكشيرة ديه من اختصاصي
سارة بتضحك:واخد دوكتوراه..ماشي..سماح المرادي
فضلوا يتكلموا في مواضيع مختلفة..لحد ما وصلوا الفندق
حسام:رحلة لطيفة
سارة:غير جزء النزول...كانت لذيذة
حسام:يالا اطلعي اوضتك و نامي بدري...علشان بكرة و بعده فري تعرفوا تستكشفوا المكان
سارة:تمام يا ريس..وانت بردو تنام..مش هلاقي حد يكشر في وشي بكرة
..
طلعت سارة أوضتها و هي فرحانة ان حسام بيتغير ..و بدأت تحس ان قلبها بيدق اكتر..كل ما تجيب سيرته او يبقى قدامها..
رتبت سارة..هدومها..و اخدت شَوَر في السريع
و نامت لأن بكرة يوم طويل..
....
طلع حسام..و اخد الأوضة اللي قدام سارة..مش علشان باباها و بس ...في حاجة شداه ليها...بقى بيرتحلها بعد ياسمين..
حسام غير هدومه..و نام..
لأن بكرة يومه هيبقى طويل اووي..
..........
ياسين:ايوة يا باشا...سارة ممدوح نشأت
رأفت:والله عال..بيلعب معايا هو و بنته...اعملي تقرير مبسط عنها ..عايز اعرف بتفطر ايه..و بتتغدى
ايه..اضق التفاصيل عايز اعرفها..
______________________
هاي :)

ايه رأيكوا في الجزء؟
VOTE&COMMENTPLZ 
ENJOY<3