املي في الحياة

(13)

املي في الحياة

(13)
وصلت سارة لحد البيت اللي جاتله امبارح..و خبطت على الباب
و اتفتح الباب علشان يظهر اغرب حاجة سارة شافتها
سارة:ايه ده!!؟
حسام:اتفضلي.
دخلت سارة و هي بتبص ع حسام
سارة:مش قاصدة اهانة بس هو انت ايه اللي لابسه ده
حسام بتلقائية:هخرج معاكوا..لو مش هتضايقوا
سارة:و هو انت علشان تخرج لازم تلبس الوان متلقش
حسام:بوصي مش تتريقي علشان انا فاشل في التنقية
و خصوصا لو الموضوع ليه علاقة بالهدوم
سارة بتضحك:لا فعلا واضح ان مش ليك اي علاقة بالموضة
..انا ممكن اتفضل عليك و اساعدك..عندك الوان ايه
حسام:اسود..و ابيض...و احمر...و اورانج..
سارة قاطعته:بس بس...روح البس تيشيرت ابيض..على بنطلون اسود و هتدعيلي بدل العك اللي انت لابسه ده...هي ياسمين فين؟
حسام:في اوضتها بتجهز...روحلها لو عايزة
استغربت سارة من لطافة حسام و خصوصا انه لسة مهزقها امبارح..
دخلت سارة اوضة ياسمين و لاقيتها قاعدة زعلانة

سارة:القمر زعلان ليه؟
ياسمين:علشان بابا مش عاوز يخليني البس خفيف و الدنيا حر
سارة:ما هو خايف عليكي
ياسمين:بس الدنيا حر
سارة:طب و اللي تقنعه
ياسمين:احضنها
و هضنت ياسمين سارة..
غيرت ياسمين هدومها لحاجة خفيفة
فضلوا يتكلموا شوية لحد ما دخل حسام عليهم
حسام:حلو ده؟
سارة:احسن من مفيش
حسام:هو انا مش قلت مش تلبسي خفيف؟
سارة:انا اللي لبستها خفيف
حسام:بس..
سارة قاطعته:تعالى عايزاك

..
طلعو بره..و قعدوا و حسام شايط ان كلامه مش بيتنفز
سارة:اهدى كده و بلاش غباء...الدنيا فعلا حر.و انا اتفقت معاها ان احنا هناخد جاكيت معانا..ف مش له داعي الغضب ده
حسام:بس انا خايف عليها
سارة:حسام...انت كده بتأذيها..انت بتحسسها انها مريضة..
مع العلم انك لازم تحسسها العكس
سكت حسام
و كملت سارة:يالا بقى هتضيع خروجة علشان جاكيت...
انزل شغل العربية و اناهجيبها..
و دخلت سارة علشان تجيب ياسمين...حسام عمره ما سمع كلام حد حتى كريم اللي يعرفه من زمان ..استغرب هو ليه مش قال لا ..هو ليه مش راح الجامعة..هو ليه اخد رأيها في هدومه..هو ليه بيتعامل معاها كده!!؟
نزل حسام و شغل العربية و استناهم...
دخلت سارة ورا و دخلت ياسمين قدام...بالرغم من سعادة سارة انها خارجة مع حسام الا انها مازالت زعلانة من امبارح
..
وصلوا الملاهي..
ياسمين:بجد شكرا يا بابا..و شكرا يا سارة
سارة:ولا يهمك
لاحظت سارة ان ياسمين مستنية كلمة من حسام..اللي مش نطق و فضل باصص على الملاهي..كأنه اول مرة يجي ملاهي
سارة ضربته في كتفه..من غير ما ياسمين تحس..
حسام بصلها و بعدين بص لياسمين:العفو يا حبيبتي
..
دخلوا الملاهي
سارة:عايزة تلعبي ايه؟
ياسمين:بيت الرعب..
ابتسم حسام نص ابتسامة...علشان عارف ان سارة مش بتحب الرعب
سارة:طب ما تخليها بعدين
ياسمين:لا انا عايزاها دلوقتي...
طبعا سارة مش كانت ينفع ترفض طلب لياسمين..فقررت انها تيجي على نفسها و تروح
سارة:خلاص يالا بينا
و جريت ياسمين قدامهم بتلعب و بتضحك...كأنها بتشوف الدنيا لأول مرة ف حياتها..
كانت سارة بتمشي اسرع علشان تلحقها..بس حسام مسكها
حسام:انتي متأكدة..انك عايزة تلعبيه
سارة:اي حاجة ياسمين عايزاها هعملها
حسام:انتي بتعملي كل ده شفقة صح؟
سارة:لو كانت شفقة مش كنت جيت على نفسي علشان بنت لسة عارفاها ..انا حبيت ياسمين بجد..و يالا سيبك من الدراما ديه و تعالى نلحقها
راحت سارة جريت علشان تلحقها..و جري وراهم حسام
..
دخلوا بيت الرعب...و كانت سارة مرعوبة...بس حاولت انها مش تبين علشان حسام و ياسمين..
بس حسام حس بيها..و هي خايفة
حسام بصوت واطي:ممكن تطلعي و انا هفهمها..بس تستني بره
هزت سارة و شها..و طلعت بره...و هي بتشكر حسام اللي انقذها من الكابوس اللي كانت فيه
..
بعد شوية طلع حسام و ياسمين.
ياسمين:انتي روحتي فين مش لاقيتك جنبي..و لما سألت بابا قالي ان الدراكولا اخدك
سارة بصت لحسام و بعدين لياسمين:اه ..بس طلع دراكولا طيب
حسام فهم انه قصدها عليه..فابتسم تلقائيا
ياسمين:ابقى عرفيني عليه
سارة:ماشي هبعتله على الفيس و نتفق نتقابل...يالا بقى نكمل لعب
..
قرروا انهم يلعبوا القطر السريع..و ده مش كان عندهم مشكلة فيه غير ياسمين
سارة:عمو بيقول مش ينفع علشان انتي صغننة..تعالي نلعب لعبة تانية
ياسمين:لا..العبوا انتو و انا هصوركوا
حسام تنح:احنا مين؟
ياسمين:انت يا بابا و سارة
سارة:بس يا حبيبتي ده يومك تعالي نلعب حاجة تانية
الأتنين كانوا بيتهربوا من بعض...
ياسمين:هزعل منكم لو مش لعبتوا
حسام فقد الأمل انه يرفض كلامها...و خصوصا ان هو عايز كده
...
ركبوا الأتنين القطر و كانوا جنب بعض...و ياسمين تحت مبسوطة انها شايفة اعز اتنين مع بعض
قبل ما تبدأ اللعبة
حسام:انا اسف..بخليكي تعملي حاجات كتيرة غصبن عنك
سارة ببرود:لا عادي..كده كده بعمله لياسمين
حس حسام ان سارة لسة زعلانة من امبارح..
و قرر انه يصالحها
حسام:سارة انا ا..
و على حظه اللعبة اشتغلت .... و بدأ القطر يمشي بسرعة كبيرة...
الأتنين كانوا بيصوتوا.....و بأقصى ما عندهم كمان
و بيضحكوا على منظر بعض...و ان الاتنين طلعوا اضعف من بعض
كل ده و ياسمين بتصور..و حست ان سارة هيبقى ليها مستقبل مع حسام كبير..و اطول منها
خلصت اللعبة و فضلوا الأتنين متصلبين في مكانهم
حسام:شكلك زبالة و انتي بتصوتي
سارة:على اساس انك كنت تامر حسني و انت بتصوت
حسام:تنكري اني احلى منه!!
سارة:مغرور اووي ع فكرة
حسام:ليه مش تقولي ثقة في نفسي
سارة:ماشي يا عم الواثق يالا علشان ياسمين واقفة لواحدها
...
نزلواا عند ياسمين
ياسمين:كنتوا جامدين اووي ع فكرة
سارة:الحمدالله مفيش حد شافنا
ياسمين:و ديه تعدي عليا بردو..و طلعت ياسمين الكاميرا
حسام:ياسو حبيبة بابا اوعي يكون اللي ف بالي
و طلعت ياسمين تجري و هي بتضحك ..و معاها الكاميرا
طبعا حسام و سارة طلعوا يجروا وراها..و بدأوا يلعبوا
..
فضلت ياسمين تيجري لحد ما وقفت في جنينة صغيرة موجودة في الملاهي
سارة بتنهج:امسحيها انتي عايزة تقطعي عيشي يا بنتي
حسام بينهج:هو مقطوع لواحده..انتي عايز تفهميني ان حد هيتجوزك
سارة:قصدك ايه يا بشمهندس..ده كل شباب مصر بيجروا ورايا
حسام:بس مش تقولي كل لأني مش معاهم
سارة:تلاقيك اولهم
ياسمين:خلاص مسحته تعالوا نقعد نستريح شوية
قعدوا و فضلوا يتكلموا...
ياسمين:ايه رأيكوا نلعب لعبة صراحة او جرأة
سارة:بس مش معانا ازازة
ياسمين:بابتي حبيبي ما تجبلنا ازازة
حسام:و انا مالي
سارة:يالا بقى يا حسام
و فضلوا يزنوا عليه
حسام:خلاص هقوم اهو عيال زنانة
راح حسام جاب ازازة مياه
سارة:انت جايبها مليانة
حسام:تفتكري هجيبها فاضية
سارة:طب و هتعمل ايه في المياه يا فالح
حسام:بس يابت اتخري كده لما اقعد..العبوا بيها و هي مليانة