املي في الحياة

(9)

املي في الحياة

(9)

فضلت سارة نايمة..مش حبا في النوم بس خوف من الواقع
خوف من ان حسام يجي و تتدبس انها تتكلم معاه
مع ان هي عايزة تعرف هو ليه بيعمل كده...الا ان كرامتها مش هتسمحلها
......
مامتها:سارة...قومي يا حبيبتي عندك جامعة
سارة:مش هروح يا ماما...سيبيني انام
مامتها:و حتى لو مش هتروحي قومي علشان بقالك 16 ساعة نايمة ليه؟
سارة:حاضر يا ماما هقوم اهو...و هروح الجامعة كمان خلاص
مشيت مامتها و سارة عملت روتينها المعتاد بس بتحاول تعمله ببطئ..علشان مش عاوزة تلحق محاضرة حسام..
طلعت سارة بعد ما جهزت
سارة:صباح الخير
مامتها:صباح النور.
و قعدت سارة تفطر..طلع رامي
رامي:من امتى و انتي بتفطري يعني
سارة:من دلوقتي و بعدين انت هتعدلي اللقمة
رامي:براحة ...ايه قطر داخل..عموما بالهنا و الشفا
بقولك يا ماما الشلة جاية النهاردة ..علشان تعملي حسابك
و حسام جي
كان رامي متعمد يقول ان حسام جي علشان يستفز سارة
سارة اول ما سمعت ان حسام جي شرقت...
مامتها:بسم الله...خودي مياه يا حبيبتي...
ماشي يا حبيبي بس استنى و انت نازل خد دول و ديهم عند عم فرج اللي تحت
رامي:اودي ايه؟
مامته:تودي ازايز بيبسي...تبدلهم يعني..استنى هجبهوملك
..
دخلت مامته تجيب الأزايز

رامي:مالك يا سو اول ما سمعتي اسم حسام شرقتي
سارة:صدفة
رامي:مش عليا يا سو...عموما هاستنى لما تيجي و تحكيلي بنفسك
طلعت مامته و اخد الحاجة و مشي
بعد ما سارة خلصت فطار
سارة:ماما انا ماشية.......سلام
مامتها:خودي بالك من نفسك...لا اله الا الله
سارة:محمد رسول الله
....
راحت سارة على جامعتها ع طول...لأن سمر كان عندها محاضرات من بدري ف مش كان ينفع تستناها...بس هما اتفقوا..انهم يتقابلوا في نفس الكافيه بتاع اول مرة
...
فضلت سارة تتمشى في ممرات الجامعة..كانت محاضرة حسام بدأت من نص ساعة...قررت سارة انها تروح المحاضرة..
دخلت القاعة و كان الطلاب موجودين بس حسام مش موجود..
قررت سارة انها تلف و ترجع تاني بس وهي طالعة خبطت في حد..و بصت كان حسام
حسام:حضرتك كنتي رايحة في حته ولا ايه
سارة بتوتر:هاه..لا اصلي كنت هجيب حاجة اشربها
حسام:وانتي فكرك اني هسمح انك تشربيها في محاضرتي
سارة بتوتر اكتر:ماعرفش...و ميهمنيش
حسام:طب اطلعي اقعدي في مكانك
و طلعت سارة من غير كلمة...طبعا اول ما دخل حسام كل الدفعة اتعدلت و ركزت معاه...و شافه التهزيقة اللي سارة اخدتها..سارة حست ان حسام اتعمد يجي اول ما دخلت
حسام:صباح الخير...النهاردة محاضرتنا هتكون عن الفوتوشوب....انسة سارة ياريت تقوليلنا احنا اخدنا ايه المحاضرة اللي فاتت
وقفت سارة:بس انا مكنتش موجودة
حسام بطريقة مستفزة:ليه؟
سارة:علشان انت طردتني..
حسام:امم طيب انا مبحبش حد يحضر محاضراتي و و مش فاهم ...و الكلام اللي بقوله مش بعيده..
سارة:خلاص...انا مش هاحضر المحاضرة
و قامت سارة اخدت شنطتها و نزلت من المدرج...و طبعا الدفع كلها بتتفرج..ازاي بنت تقاوح مع حسام
حسام:استني عندك ..هي وكالة من غير بواب
سارة:مش انت قولت مش عايز حد مش فاهم و انا مش فاهمة
حسام:بس انا مأزنتلكيش انك تخرجي
سارة بملل:ايه المطلوب دلوقتي
حسام:اتفضلي اقعدي مكانك..
طلعت سارة و قعدت تاني و على وشها ابتسامة نصر
فضل حسام يشرح...و سارة مركزة معاه
و عليه..فضلت المحاضرة ساعة و نص و بعدين خلصت
و طلع كل الطلاب...و فضلت سارة قاعدة حطه الهاند فري
و قاعدة مستنية محاضرتها التانية
حسام كان بردو قاعد بس كان بيلم في ورقه...وبعد ما خلص لاحظ سارة قاعدة
حسام بصوت عالي علشان سارة تسمع:انا مش قولت امبارح مش تقعدي هنا لواحدك
سارة شالت الهاند فري:و انا المفروض اني اسمع كلامك
حسام:سارة....بلاش تستفزيني
سارة بنبرة اعلى:مين بيستفز مين...انت عارف اني مش كنت موجودة..و قومتني...
حسام بتوتر:لا...مش كنت عارف
سارة مسكت شنطتها و نزلت من المدرج
و كانت هتطلع بس حسام واقفها
حسام بصوت مكسور:انا اسف
فضلت سارة متصلبة..لأن ديه اول مرة حسام يعتذرلها
بس كملت سارة طريقها لانها لو وقفت ماتعرفش ممكن تعمل ايه..مشيت سارة من الجامعة كلها و راحت الكافيه
و قعدت على طربيزة جنب الشباك...فضلت سارة تفكر في حسام...اللي من ساعة ما ظهر في حياتها و هو مشقلب كيانها
صوته المكسور بيتردد في دماغها..كأنها اول مرة تعرف ان ده حسام...كل يوم بيعدي بيأكدلها ان في حاجة وراه
..
سمر:قفشتك..
سارة:خضيتيني...عاملة ايه؟
سمر:ههه هو انتي قاعدة في بيتكوا...تمام الحمدالله..بس مالك متضايقة
سارة:تعالي نطلب حاجة الأول علشان شكل الموضوع مطول
..
طلبوا الأتنين
سارة:قوليلي ايه سر الأنشكاح ده؟
سمر:خالد..جه الجامعة
سارة بأستغراب:و جه ليه؟
سمر:تفتكري جه الجامعة يتمشى..
سارة:ماشي يا ظريفة جه ليه؟
سمر:هو قالي انه عنده اوراق عايز يجيبها
سارة بتضحك:و انتي صدقتي؟
سمر:و هكدبه ليه؟
سارة الموضوع مش انك تكدبيه...الموضوع ان ظابط شرطة هيحتاج ايه من جامعة حقوق...و ليه الجامعة ديه بالذات؟
سمر سكتت شوية:طب تفتكري جي يقابل حبيبته ولما شافني..قال يسلم
سارة:و انتي فكرك ان لو جاي علشان حبيبته ..هيعبرك؟
سمر:اوووف ممكن تبطلي ألغاز كرومبو
....
في نفس الكافيه...
كريم:عاملة ايه في الجامعة؟
فريدة:اقولك و متزهقش
كريم:قولي هي جت عليكي
فريدة:زفت ..مش بفهم حاجة
كريم:طب ليه...مش بتركزي في المحاضرة
فريدة:لا بس..لما بتوتر مبعرفش اركز
كريم:طب توعديني انك مش تتوتري تاني؟
فريدة:اوعدك ...اومال حسام فين؟
كريم:اه صحيح بخصوص حسام...مش بدأ يحس
حسام:مين ده اللي بدأ  يحس
كريم:جبنا في سيرة القط..ايه اللي جابك
حسام:و انت فكرك هخليك تقعد معاها لوحدك ديه ديدا بردو
فريدة:ناصرني دايما يا حسام..عامل ايه؟
حسام:والله الحمدالله
كريم:بس بقى يا ستي....اهو بقاله يومين ع نفس الحال
بيحس
فريدو:ع فكرة يا حسام بيهزقك هنا
حسام:اه ما انا واخد بالي...و بعدين يا خفيف بقولك حسيت بالذنب مش حبيتها
فريدة:لا لا ده الموضوع فيه حب ..انا لازم افهم
حسام:يا ستي لا حب ولا  نيلة..كل الموضوع اني قابلت اخت صاحبي..و اتخانقت معاها بس
كريم:لا يا بابا مش و بس..ده كفاية انها خلتك تضحك
فريدة:حسام تعرفني عليها حالا ديه مافيش منها اتنين
كان حسام مش مركز معاهم ..كان مركز مع سارة و سمر..اللي شافهم....افتكر لما قالها انه اسف..قالها من قلبه
بس هي ماقبلتش الأعتذار فحب يفاجئها
حسام:استنوا ..هروح اجيب حاجة و اجي
راح حسام..و طلب 4 شيكولاتات تويكس...
وكتب حاجة على ورقة و قال للنادل انه يودي التويكس لسارة و سمر...اللي ما اخدوش بالهم من حسام
....
النادل:اتفضلي يا فندم
سارة:ايه ده؟
النادل:واحد اداني ديه و قالي اديهالك
سارة :ايوة مين يعني؟
النادل:ماعرفش يا فندم
سمر:طب شكرا
...
سمر:افتحي الورقة و شوفي فيها ايه
سارة:طب ولو فيها حاجة عيب؟
سمر:و تفتكري لو فيها حاجة عيب هو هيبعتها بشوكولاته ليه؟
سارة:ع فكرة ده اسلوبي انا -_-
و فتحت سارة الورقة
"انا اسف...ديه مجرد هدية بسيطة عن الطريقة اللي كلمتك بيها امبارح و النهاردة ..انا عارف انك بتحبي الشيكولاته
و طبعا مش عاوز اقولك السيروتونين ..قصدي هرمون السعادة بيعمل ايه ."

و سارة بتقرأ الرسالة ..بدأت تبتسم واحدة واحدة
سمر:يا زيدي يا زيدي..معجب سري ولا ايه؟
سارة:هههه لا مش معجب..
سمر:طب الورقة فيها ايه؟
سارة:انتي مالك...وبعدين دي للكبار فقط
سمر:بقى كده..ماشي يا سارة مش هقولك حاجة تاني
سارة: خلاص خلاص واخدة بنت اختي...هقولك و احنا مروحين علشان انا شاكة ان في حد بيراقبنا
سمر:مخابرات
سارة:سمر حبيبتي شكل حقوق اثرت فيكي
...
حسام من عند الكاشير كان بيراقب سارة...و فرح اووي لما لقاها بتبتسم..و هي بتقرأ الرسالة...لحد دلوقتي حسام مش عارف هو عمل كده ليه...بس قلبه قاله يعمل كده..و ديه كانت اول مرة حسام يستعمل قلبه بعدها
رجع حسام ع الطربيزة
كريم:ايه يا عم غبت و قولت عدولي
فريدة:ما تبطل ترخم عليه
كريم:انا مش فاهم انتي مخطوبة لمين فينا
فريدة:حسام شوف صاحبك
كريم:انتي بتشتكيني
حسام:بس ايه...عيال..
فريدة:بقى كده يا كريم ماشي..
و قامت فريدة علشان تمشي
حسام:انت يا بقف هتسيبها تمشي لواحداها.؟
و جري كريم وراها
فريدة خطيبة كريم...في حقوق بس اخر سنة...اتخطبت لكريم من سنتين...بيحبوا بعض
بس عيلة فريدة من العائلات الأغنياء او بمعنى اخر من العائلات المعقدة..معقدة بالفلوس و النفوذ..بس فريدة كان عندها ارادة هي و كريم انهم يقفوا قدامهم و يتجوزوا
فريدة صاحبة حسام الروح بالروح....هي ماتعرفش هو ايه اللي حصله بس تعرف انه مر بظروف صعبة...
فضل حسام يراقب سارة ...و مزاجها المتقلب
احيانا تكون بتتكلم و على و شها ابتسامة بالنسبة لحسام كانت احلى حاجة..و اوقات كانت تتكلم و هي زعلانة
..
فضلوا كده ربع ساعة...و موبايل حسام رن
حسام:الو
كريم:انت لسة عندك
حسام:اه
كريم:انا هوصل فريدة و اجيلك
حسام:اتصلحتوا.؟
كريم:عيب عليك
حسام:ماشي يا اخويا
و قفل حسام مع كريم....و هو لسة بيراقب سارة
....
بعد ساعة...رجع كريم..ولقى حسام سرحان
كريم:ايه يا عم انت زي باقي الشباب
حسام:ازاي يعني؟
كريم:يعني بتعاكس و كده
حسام:لا يا حبيبي انا مش تافه زيك
كريم:مردودالك...بتفكر في مين
حسام بتلقائية:سارة
كريم:سارة اللي هزأتك امبارح
حسام:عليك نور
كريم:لا ده شكلك واقع بجد
حسام:لا لا ده بس احساس بالذنب اني ظلمتها
كريم:حسام..ماتكدبش ع نفسك...انت مش حاسس بالذنب انت حاسس بالخوف لا يطلع ده حب
حسام:ايه الكلام الفاضي ده....قولتلك لا
كريم:بكرة تقول كريم قال...ع العموم اخبار ياسمين ايه؟
حسام:و الله مش عارف يا كريم...كل يوم حالتها بتسوؤ اكتر
كريم:يا ابني انت المفروض تبقى قاعد معاها..انت مش ضامن ممكن تجيلها ازمة تاني
حسام:طب انت شايف في حل قدامي
كريم:قولتلك تيجيبها تقعد مع فريدة...و فريدة مش هتمانع
حسام:بس ديه مسؤولية ..و بعدين اكيد فريدة فيها اللي مكفيها
كريم:ايه اللي مش مفهوم في مش هتمانع
حسام:خلاص يا كريم..خليها معايا علشان اتطمئن اكتر
كريم:براحتك..
حسام:طب يالا علشان الحاقها..و هي عايزة تشوفك
كريم:يالا هي كمان وحشيتني.
و مشي حسام و كريم...
...........
سمر:مش يالا بقى بدل ما نتأخر
سارة بأبتسامة:يالا
سمر:بقلق من ابتسامتك اللي بتيجي ع سهو
سارة:هههههه ماتخفيش قولتلك هقولك بعدين يالا دلوقتي
..
روحت سارة ...و كان رامي نايم و مامتها بره بتجيب حاجات قررت انها تنام...و لما تقوم تبقى تكلم سمر
دخلت و غيرت هدومها...و ترمت ع السرير و فضلت  مبسوطة من اللي حسام عمله
_______________________
ايه رأيكوا جزئين في يوم
معرفش اعمل ايه اكتر من كده :)
ايه رأيكوا في الجزء؟
و تفتكروا مين ياسمين ديه؟
و ان شاء الله هحاول انزل جزئين في اليوم
VOTE&COMMENTPLZ
ENJOY <3 <3