املي في الحياة

(18)

املي في الحياة

(18)
صحيت سارة و على وشها ابتسامة...لمجرد انها افتكرت اللي حصل امبارح...لقت سارة ان الساعة 11:45
قامت بسرعة...علشان تلحق تلبس..لأن اتبقى ربع ساعة على التجمع و هي ما صدقت ان حسام اتعدل امبارح...لبست سارة و نزلت...سارة كانت بتجري لأن الساعة عدت 12 بخمس دقايق..وصلت سارة للمكان اللي بيتجمعه فيه..و كانت بتقف
بس اتكعبلت بالسجادة..و حسام مسكها
حسام:في ايه..حد بيجري وراكي
سارة كانت مغمضة عينيها مستقبلة صدمة الوقوع...بس لما سمعت صوت حسام..فتحت عينيها..و شافت الوضع اللي هما واقفين فيه...كان الوضع محرج..اكتر ماهو منقذ
سارة بعدت سارة و اخدت نفسها: فين الباقي
حسام بيضحك:هو انتي مش فتحتي موبايلك
سارة:لا ليه؟
حسام:اصل الميعاد اتأجل لبكرة علشان طلاب كتيرة كانوا عايزين يتفسحوا اكتر
سارة:انت رخم...مش قولتلي امبارح ليه
حسام:هو انتي اديتيلي فرصة...انتي مشيتي على طول من غير ما اعرف السبب..الا صحيح انتي مشيتي ليه؟
حسام كان عارف انها مشيت احراج من اللي قالوا بس طبيعته المناكفة...حب يضايقها
سارة بتوتر:علشان..علشان...وانت مالك
حسام:ما احنا كنا كويسين جره ايه؟..على العموم تعالي افطرك ع حسابي
سارة:و انت فكرك ان بعد اللي حصل ده..انا هرفض يالا بينا
..
مشيوا الأتنين و راحوا نفس المطعم
سارة:هو انت مصاحب المدير هنا
حسام بأستغراب: لا ليه؟
سارة:اصل شايفاك واكل شارب...هنا..لايكون مش بيدفعك
حسام:هو انتي مش بتاكلي..يبقى مش ليكي دعوة بقى
سارة:لا...انت عازمني يعني لازم تدفع فلوس..
حسام:اطفحي و انتي ساكتة
..
فضلوا يتكلموا في مواضيع مختلفة...زي اللون المفضل الأكلة المشروب..الفريق!!
و كانوا مستمتعين بأتفه الأسئلة...رغم ان اي حد يقدر يسأل الأسئلة ديه بس ممكن تحس انه متطفل او مش تبلعه من زور..اي حجة تبين ان الشخص ده سئيل
بس الأسئلة ديه بالنسبة لسارة و حسام...كانت زي كلمة بحبك بس بطريقة غير مباشرة..لأن شخصية الأتنين مش هتسمح لحد يسألها السؤال ده غير اللي بيحبوه بجد
...
حسام:بقولك...قومي
سارة:ليه..هتخطفني
حسام:صدقيني اللي هيخطفك..هيندم
سارة:ليه انشاءالله...شايفني وحشة
حسام:لا بعدالشر...الكل شايفك كده
سارة:يا سخيف..طب مش قايمة
حسام:هجيبلك شوكولاتة
قامت سارة بسرعة:معاك يا باشا
حسام:مفجوعة..يالا يا ختي
..
اخد حسام سارة...و فضلوا يتمشوا ..و دخلوا شارع..مش كان مشع بالناس..بالعكس..مش كان فيه اي مصدر للنور
سارة:لا انا كده بدأت اشك انك هتخطفني بجد
حسام:شششش امشي و انتي ساكتة
فضلت سارة ماشية معاه..لحد ما دخلو..ارض زي غابة...
حسام:غمضي عينيكي
سارة:ايه هتقتلني
حسام:هو انتي مش ينفع تعملي حاجة غير لما تقاوحي
سارة:خلاص خلاص..غمضت اهو
فضلوا ماشين...و حسام بيحاول انه ياخد باله من سارة علشان مش تقع
سارة:اي
حسام:في ايه؟
سارة:صباعي..اتخبط
حسام:على فكرة انا ممكن اغير رأي و اقتلك
..
فضلوا ماشيين لحد ماوقفوا...
حسام:فتحي عينيكي
فضول سارة منعها من انها تجادله..فتحت سارة عينيها
سارة:الله...انت عرفته ا...
سارة مش كملت جملتها...لأن لقت حسام ..قعد على صخرة
جنب الشلال..
راحت سارة قعدت جنبه..:انت عرفت المكان ده ازاي؟
حسام:كنت بتمشى فلقيته..بس شكلي انا الوحيد اللي لقيته
سارة:بس شكله حلو اوووي
حسام:مش احلى منك
سارة بتوتر:هاه..بقول تعالى نتمشى..
وقامت سارة و كانت هتمشي
حسام:سارة انا بحبك
من كتر توتر سارة..كانت هتقع في المياه..بس حسام لحقها و مسكها
حسام:انتي سمعتيني؟
سارة:هاه...لا..ك..كنت سرحانة
حسام:من حس كده..اقولها تاني..سارة انا بحبك
سارة ارتبكت اكتر..و اتحركت..مما ادى لوقوعهم هما الأتنين
حسام و هو مطلع راسه من المياه:يخربيت اللي يحبك..ايه اللي انتي عملتيه ده
سارة بعد ما طلعت راسها:انا اسفة..
حسام:ولا يهمك ..كله يهون
سارة:طب اتفضل..روح هات اي حاجة علشان هدومي اتبلت
حسام:و انا اللي هدومي ضد البل...ما انا مبلول زي زيك
سارة:مليش دعوة ...اتصرف
..
و فعلا طلع حسام من المياه...وراح عند العربية...و طبعا الناس..بتشاور عليه..علشان مفيش حد عاقل يمشي في الجو البرد ده و هو مبلول..بس لو عرفوا ان وره الهدوم المبلولة ديه...قصة حب .يا عالم هتبتدي ولا هتنتهي!؟
رجع حسام و هو معاه..بطانية بيعنها معاه في الشنطة..احتسابا لاي ظروف
سارة:و ديه اعمل بيها ايه؟
حسام:اتصرفي..ده اللي لقيته
سارة:حاول تكون كيووت
حسام:حاولت..و كانت ديه اخرتنا
سارة بتضحك:طب هات ايدك
حسام ساعد سارة انها تطلع من المياه..و اداها البطانية
و قعدوا على صخرة..
حسام:هتصدقيني لو قولتلك انك غيرتيني
سارة:ايه حكايتك في موضوع التصديق ده لازم تبقى واثق من نفسك
حسام:و علشان انا واثق..بقولهالك..انا بحبك يا سارة
و متأكد انك بتحبيني...سارة انتي تاني واحدة اقولها بحبك
بعد ياسمين...حتى اميرة كانت خطيبتي اه...بس عمري ما حسيت اللي حسيته معاكي..ممكن تقولي اللي بيني و بنها اعجاب...بس انا بحبك بجد يا سارة...
سارة بتوتر:ممكن نروح
حس حسام...انها عايزة وقت تفكر فيه...
حسام بابتسامة:يالا
راحوا الأتنين على الفندق..و كل واحد طلع أوضته..
حسام طالع قلقان..خايف..من اجابتها
و سارة طالعة مبسوطة..ان اللي حبته حبها..
دخلت سارة الأوضة و غيرت هدومها..قعدت على السرير
و فضلت تبص في السقف..لحد ما رن موبايلها
و كان رقم غريب
سارة:الو
؟؟:اوعي تقولي مش مسجلة رقمي ..ازعل
سارة:مش انا لسة سايباك عايز ايه؟
حسام:بحبك
سارة:و المطلوب
حسام:بوصي بقى ماهو يا تقوليها..يا هتلاقيني بكرة مقدم طلب نقلي من الرحلة و مش تشوفيني تاني..و اكيد قبلها هعرف الفندق كله...اني بحبك
سارة:الكلام..مش قد الأفعال يا بشمهندس
حسام:و هعرفهم بردو اني مش بشمهندس..هاه هتقوليها ولا اطلع اصحي الفندق
سارة:اعملها
حسام:راجعي نفسك يا سو..لو عملتها هتندمي
سارة:اتكلم على قدك
حسام:ماشي..
و فضل حسام على الخط التاني..من غير صوت
كل اللي سارة سامعاه...صوت تخبيط
و فتح باب
حسام بصوت عالي:بحبك يا سارة
سارة في التليفون:بس بس..هتفضحني في الفندق خش جوه
كان صوت حسام مصحي..النزلاء...و كلهم بصين مستنين
ست الحسن اللي عملالهم دوشة
قرر حسام..بعد ما صحى نص النزلاء..انه يدخل
سارة:يخربيت جنانك..انا مش هنزل بكرة
حسام:طب اعمليها يا سارة..و هتلاقيني ناطتلك
سارة:طب اقفل علشان الحق انام
حسام:مش قافل غير لما تقوليها
سارة:يا ابني انت كنت عاقل ايه الي حصل
حسام:حبيت..و مش اي حد حبيتك انتي يا سارة
..
فضلوا يتكلموا كتير..تقريبا للصبح..ولا حسام و لا سارة زهقوا او تعبوا
جيل سارة و حسام ..مبني على الألكترونيات..لو عايز تقول لحد بحبك..قولوا من التليفون او النت...لو عايز تذاكر..ذاكر
من النت..لو عاوز تحفظ حاجة..من النت..و صلت انك لو عايز تطلب اكل..ممكن تطلبه من النت!!
ده مش كان عيب في الألكترونيات او الأختراعات..ده عيب في الناس...الناس اتعودت على اي وسيلة تخليهم يكسلوا
بس طبعا الكلام مش على كل الناس..
سارة مش كانت ضد التكنولوجيا...سارة كانت ضد استعمالها من الناس...بس كانت دايما مؤمنة ان الحب اللي بجد هيجي..بأي طريقة كانت تكنولوجيا...او طبيعيلوجيا
...
بعد وقت طويل في الكلام...قرر الأتنين انهم يفطروا
بره..الساعة 9
جهزت سارة و طلعت لقت حسام..معاه بوكيه ورد
سارة:انت بتشتغلني..جبته منين ده؟
حسام:مش تخافي مش زرعه في الأوضة...قولت للعامل..يجيبلي ورد
سارة:وياترى لمين؟
حسام:لواحده كده..كنت هديهالها..لما تقولي بحبك..اه اسكوتي
وفيها شيكولاته و مصاصات و كل اللي قلبك يحبه
سارة:عادي ..موجودين في السوبر ماركت
حسام:و فيه كرت انا كتبه
سارة كانت معتبرة ان الكروت بتوع حسام كنز..لا يعوض فكانت بتحاول تزعل منه..علشان يجيبلها كرت
سارة بهمس:بحبك
حسام:لا مش سامع
سارة:يالا بقى يا حسام..
حسام:مش سامع
سارة:طب انا داخلة و شوف مين هيفطر معاك
حسام:خلاص خلاص..ماصدقتي..اتفضلي
سارة:شكرا شكرا
مشيوا و هما مبسوطين..وراحوا فطروا في محل جنب...المكان اللي راحوا امبارح...و طبعا سارة مش نسيت انها تجيب الكاميرا...لأنها شايفة ان الأوقات اللي بتقديها مع حسام..ايام مش هتتعوض
قضوا اليوم...كله تصوير...و لعب....كان حسام عكس كل يوم و كانت سارة احسن من كل يوم..
سارة:هو مش فيه تجمع بردوا
حسام:تجمع ايه..مش النهاردة..
سارة:بس الطلاب كلهم نزلوا
حسام:بس انا مش هبقى معاهم النهاردة..ياسين هيبقى معاهم
سارة:ياسين..ده رخم اووي
حسام:ضايقك
سارة:كنت ماشية فخبطت فيه..و قعدنا نزعق مع بعض

حسام:و ازاي مش تقوليلي
سارة:خلاص حصل خير...
حسام:لا طبعا ..انا هوريه
سارة:ايه يا عم ده صاحب الفندق..مش ناقصة مشاكل
حسام:ايوة يعني صاحب الفندق..مش يبقى صاحبي
سارة:كداب..المختل ده صاحبك
حسام:هعرفك عليه..بس من غير قفش
..
كملوا يومهم..ورجعوا الفندق...كانت سارة طالعة على الأوضة
حسام:انتي راحة فين؟
سارة:طالعة..انا مش نمت امبارح
حسام:و ياسين..
سارة:بس...
حسام قاطعها:يالا
راحوا على مطعم الفندق..و كان ياسين مستنيهم..و بيلعب بموبايلة..بلامبالاه
راحوا نحيته...حسام:ايه يا ابني ارحم الموبايل هيفرقع في ايدك
ياسين:حس .عام...انتي بتعملي ايه هنا
سارة:شوفت يا حسام
حسام:اهدوا..اقعدوا الأول و افهمك
قعدو و سارة كانت جنب حسام..
حسام:سارة خطيبتي...مقدما
ياسين:انا مش موافق
سارة:و انت حد اخد رأيك
ياسين:بقولك ايه ..اتلمي
سارة:حسام...اتكلم بدل ما الم عليه الناس
حسام:هبلة و تعمليها...من الواضح انكوا تعرفوا بعض..و من الاوضح انكوا كرهتوا بعض..بلاش شغل عيال و صالحوا بعض
لقا حسام صمت و الأتنين مش بيتكلموا
حسام:يالا مستنين عزومة
ياسين:انا اسف
سارة:و انا كمان..
بعد ما اتصالحوا...بقوا اصحاب..صوت ضحكاتهم..كانت المسيطرة على المطعم...خلصوا عشاء
حسام:يالا نسيبك بقى..
ياسين:تمام ..سلام يا سارة
سارة:سلام يا كوتش
سلم ياسين على سارة...بس و هو بيسلم عليها اداها ورقة من حس ان حسام مش يشوف الورقة..برقلها علشان مش تفتحها
مشيوا الأتنين و سارة لسة مستغربة من اللي حصل....و ايه الحاجة الخطيرة اللي تخلي ياسين يديها حاجة من وره صديق عمره
حسام:انا هروح اجيب...المفتاح الأحتياطي علشان نسيته في الأوضة
سارة:و نسيته ليه....ناقصين
حسام:نسيته علشان كنت بزين الورد للي بحبه
سارة بتضحك:افضل سبت فيا كده..طب روح
استغلت سارة غياب حسام و فتحت الرسالة
"خالي بالك من حسام...علشان خاطري"

حست سارة ان الرسالة وراها الم و مش اي الم...الم من النوع الأقوى....بس استغربت ليه مش قالها قدام حسام ..بما ان ده كلام عادي...و ده حسسها ان ايامها الجاية...القدر هيلعب لعبة مش لطيفة معاها...حطت سارة الورقة في شنطتها...و حاولت تتجاهلها
حسام:يالا
سارة بأبتسامة:يالا
مشيوا الأتنين...وصلوا الأوضة
حسام:سلام..
سارة:سلا..
رنة تليفونها قاطعتها..
سارة:ديه ماما
حسام:رودي عليها علشان عايز اكلم ياسمين
ردت سارة على مامتها و هي فرحان اووي من اللي هي فيه..مش عارفة ايه اللي مستنيها
سارة بفرحة.:الو ازيك يا ماما
مامتها:الحقيني يا سارة...هاتي حسام و تعالوا بسرعة
________________
تنتتتتا :)
سربريز
ايه رأيكوا في الجزء..؟
و تفتكروا ايه اللي هيحصل بعد كده ؟
VOTE&COMMENT PLZ
ENJOY<3