املي في الحياة

(5)

املي في الحياة

(5)
روحت سارة البيت...و دخلت تنام
بنسبالها لو نامت 3 العصر..عادي
المهم انها تستريح و متفكرش في النتيجة
....
عدت الأيام و حسام لسة بيغلس على سارة...و اكيد سارة مش بتسكت ف بتردهاله..مفيش يوم الأتنين اتجمعوا الا و اتخنقوا..و جه يوم النتيجة
دخلت مامتها تصحيها
مامتها:سارة...النتيجة النهاردة قومي شوفيها
سارة:سيبيني يا ماما
مامتها:في حد يفضل مطبق يومين ...يا زفتة قومي خلصيني عايزة اخلص منك
سارة:ربنا يخليكي يا حجة ..حاضر يا ماما قومت
..
قامت سارة و دخلت الحمام..و بعدين خرجت لمامتها
و فضلت سارة تكلم صحابها المصلحة..علشان تسألهم
و رامي دخل عليهم
رامي:سلام عليكم..بعد الشر سارة هانم صاحية قبل 8 بليل الدنيا جرالها ايه؟
سارة:لا يا عسل امك مصحياني علشان النتيجة...شوفت
رامي:والله احسن...المهم ربنا ينجحك يا سارة يا بنت ام سارة
سارة:ماشي يا اخويا كتر خيرك...روح اتلقح جوة
رامي:في بنت تقول اتلقح..جيل اخر زمن
عموما انا هعمل معاكي جميلة..هخلي حسام يجيبهالك اصله قريب من المكان بتاع النتيجة..
سارة بسرعة:لا لا لا عارف لو كلمته مش هتبقى اخويا
رامي:براحة براحة انا قولتلك هيجيب النتيجة مش هيجيب امه و ابوه يخطوبوكي...و بعدين انتي ليه كارهة الواد كده
سارة:يا سيدي مش كارهاه بس مش عايزة حاجة منه..مش عايزة اتعبه
رامي:سارة اوعي تكوني بتحبيه؟
سكتت سارة لثواني ...لأنها مش عارفة الأجابة..
طول الأيام اللي فاتت كانت بتفكر فيه اكتر من الأول
سارة:بطل استهبال ...اكيد لا
رامي:ماشي يا ستي...انا داخل الأوضة و هقوله
علشان ماما مش اكتر
سارة:قولتلك يا ر...
كانت لسة هتكمل...بس رامي خلع على اوضته
..
فضلت سارة بتتفرج على التلفزيون..بتفكر لما حسام يجي
هتقوله شكرا...ولا ؟
بعد شوية دخلت سارة الأوضة و قعدة على النت
مستنية اي اخبار...لحد ما كلمتها سمر على النت
سمر:بما اني عارفة انك معندكيش دم فأكيد هتبقى فاتحة النت
سارة:بسم الله ماشاء الله و انتي حضرتك بتكلميني ازاي مش على النت بردو؟
سمر:لا يا ماما انا النتيجة لسة باينة
سارة:و جبتي كام؟
سمر:91%..اهو احسن من مفيش..و انتي؟
سارة:بلاش تفكريني...

سمر:ليه بس جبتي كام؟
سارة:لسة ماجبتش النتيجة...و الصراحة مش عاوزاها تيجي
سمر:اومال فين البت اللي مش هاممها
سارة:شوفتي انك تافهة...المصيبة مش في الدرجة المصيبة ان اللي هيجبها حسام
سمر:حسام...الواد اللي عايزة تولعي فيه..؟
سارة:عليكي نور ...
سمر:طب تصدقي اني حاسة ان الواد ده كويس
سارة:يا ستي هو حد قالك انه ابو لهب
سمر:ههههههه لا بس هو حاطط الوش الخشب مش اكتر
سارة:طب بس بس اقلبي الموضوع السخيف ده
سمر:ماشي يا ستي..سي يو بقى علشان
ماما وانتس مي
سارة:يخربيت اللي علمك انجليزي..باي
و قفلت سارة مع سمر

سمر اكدت لسارة ان فيه حاجة في حسام
و ان هيحصل حاجة ما بين حسام و سارة
فضلت سارة قاعدة على النت...بتحاول تجيب النتيجة
من اي موقع...بس كأن حسام دافع للمواقع كلها انها متنزلش نتيجة سارة...
فضلت سارة كده لحد الساعة 6 المغرب