املي في الحياة

(8)

املي في الحياة

(8)

سارة كانت نايمة...بعد وقت طويل من التفكير في حسام
..
مامتها:سو..قومي يا حبيبتي
سارة بصوت نايم:ممكن تسيبيني انا مش قادرة
مامتها:طب قومي النهاردة بس..ده انتي عندك 5 محاضرات يالا يا حبيبتي
سارة:حاضر يا ماما قومت اهو..
طلعت مامتها و دخلت سارة الحمام غسلت وشها
و طلعت تلبس....خلصت سارة لبس و طلعت
سارة:صباح الخير يا ماما
مامتها:صباح النور يا حبيبتي...يالا افطري
سارة:لا يا ماما ده انا يادوب..ألحق
مامتها:يعني هتنزلي على لحم بطنك
سارة:ماتخفيش يا ماما
و طلع رامي من أوضته
رامي:ماما انا نازل...صباح الخير يا سو

سارة:صباح النور ..
مامتهم:يعني هتنزلوا انتوا الأتنين من غير فطار
سارة:انا هفطر مع سمر..لما اخلص اول محاضرتين كده
رامي:انا هبقى اعدي اجيب تصبيرة و بعدين ده هي ساعتين و جي
مامتهم:براحتكم...خدوا بالكم من نفسكوا
سارة:ان شاء الله
مامتهم:لا اله الا الله
سارة و رامي:محمد رسول الله
..
و نزلوا هما الأتنين
رامي :يا بنتي مش عاورة توصيلة...مش هاخد منك فلوس
سارة:و انت فكرك انك تقدر..يا ابني لا ..روح انت شوف حوار شغلك.
رامي:براحتك..لا اله الا الله
سارةسيدنا محمد رسول الله
مشيت سارة علشان تعدي على سمر..
لما وصلت كانت سمر واقفة بره العمارة
سمر:تصدقي ليه حق ..يطردك
سارة:ههههه بقى كده يا سمر
سمر:ده لو طال كان رفدك مش طردك
سارة:ماشي يا اختي يالا..
..
وصلوا جامعة سارة
سارة:هو حقوق ديه مش بيبقى فيها محاضرات..؟
سمر:لا فيها
سارة:اصل شايفة حضرتك مبططة في الجامعة عندي ..
كأن جامعتك متبرية منك
سمر:لا بس مكبرة دماغي ..
سارة:بسم الله ماشاء الله ...ربنا ياخدك..اتفضلي روحي جامعتك
سمر:بس..
سارة قاطعتها:حد الله ما بيني و ما بين الحرام يا بنتي...انا عندي ذنوب كفاية و راضية عنها...مش ناقصة ذنبك
سمر:ماشي يا ستي...انا راحة اهو ..هنتقابل فين؟
سارة:انتي عندك كام محاضرة؟
سمر:محاضرتان
سارة:يا بنت المحظوظة ..انا عندي خمسة ..فتعالي نقضيها هنا و خلاص
سمر:اوكي...سلام
مشيت سمر...و راحت سارة لمحاضرتها
..
دخلت سارة المحاضرة...و قعدت في نفس مكان امبارح
و كان في طلاب ..و برضو بعض طلاب ضحكوا عليها
سارة حاولت تتجاهل الموضوع...بس اللي نرفزها لما الموضوع زاد و الطلاب ضحكاتهم بدأت تعلى ..
لحد ما دخل الدكتور...و كله اتعدل
الدكتور:صباح الخير..احب اعرفكم بنفسي...انا الدكتور هشام
..و هديكم انواع التصوير...بس بما ان ديه اول محاضرة احب
كله يختار واحد او واحدة و نتعرف عليه..و لو اي سؤال يتوجهله.. كسبيل من التعارف
...
و قام شاب و قال:ايه رأيك يا دكتور في البنت المحجبة
لحظت سارة ان مافيش غيرها المحجبة هنا
هشام:اه طبعا..لو سمحتي عرفينا بنفسك..و اكيد الولد اللي سأل هيعرفنا بنفسه
وقفت سارة :امم...انا اسمي سارة ممدوح..عندي 19 سنة
و بس
وقف الولد:مصطفى محمد..19 سنة..و بس
و قلد سارة في اخر كلمة
ضحكوا شوية من الطلاب و سارة اتضايقت بس ما اخدتش ف بالها
هشام:عند اي حد سؤال ليهم؟
مصطفى:اه انا يا دكتور
هشام:اتفضل
مصطفى:ايه اللي يخلي بنت زيها ...تلبس حجاب
و تدخل معهد سينما
سارة:و انت مالك
مصطفى:اصل شكلك اصلا مش البت المؤمنة و تلاقيه دور لابساه علشان حد من قرايبك هنا ولا حاجة  و خايفة يقول لأهلك
سارة:انت ازاي تتكلم كده
مصطفى:و بعدين ايه لازمة الفوطة اللي هطاها..
سارة:هه ما هو لو حضرتك عارف دينك ماكنتش تقول كده
هشام:بس..اتفضلوا انتو الأتنين عند عميد الكلية
طبعا سارة كانت شايطة....ازاي واحد زي ده يكلمها كده
راحوا الأتنين عند مكتب العميد و دخلوا
و كان حسام قاعد مع شخص...و العميد قاعد معاهم
..
طبعا حسام تنح لما شاف سارة...بس سارة ماكنتش فاضية كانت كل اللي عاوزاه انها تضرب الواد اللي اسمه مصطفى
العميد:صباح الخير..تحبوا اساعدكوا ف حاجة
سارة:لا حضرتك دكتور هشام قالنا روحوا للعميد
العميد:ليه يعني
سارة:صدقني لو اعرف هقولك
..
بعت العميد للدكتور هشام علشان يفهم هو في ايه
هشام:ازاي حضرتك..حسام منور يا باشا..ازيك يا كريم
العميد:والله بقالك كتير ماجتش المكتب
مصطفى بغضب:انتو جايين تتعرفوا على بعض دلوقتي
العميد بلهجة تحذير:مصطفى!!..عيب كده
سكت مصطفى..و سارة لاحظت حسام..و بدأت ترتبك
هشام:يا استاذ مدحت..الأتنين دول اتخانقوا في محاضرتي
مدحت:ده صحيح
مصطفى:حضرتك انا معملتش حاجة
سارة:و الله انا مش شايفة اني غلطت..ده كان بيتريق عليا
مدحت:تعالوا نحكم الدكاترة..ايه رأيك يا حسام..هاه يا كريم
كريم:والله..انا شايف ان لو السبب مقنع يبقى  مصطفى الغلطان
مدحت:قوليلي انتي اسمك ايه؟
سارة:اسمي..سارة
مدحت:و هو اتريق عليكي ازاي يا سارة؟
سارة:اتريق على حجابي و اسلامي
كريم:والله في الحالة ديه انا بقول مصطفى اللي غلطان
مدحت:هاه يا حسام
حسام:انا شايف ان ده سبب غبي..يعني ديه جامعة حرة
و انا شايف انه قال رأيه
سارة متنحة:نعم!!..انت بتتكلم بجد؟
حسام:و انتي تفتكري يا انسة سارة ههزر معاكي ليه؟
مدحت:و انت يا هشام؟
هشام:انا شايف سارة اللي غلطانة..الموضوع كان ممكن يتحل بالهداوة
مدحت:خلاص يا انسة سارة..هتطري تقولي انا اسفة لمصطفى و لدكتور هشام
سارة:لا حضرتك فاهم غلط..انا مش بقول اسفة لحد و خصوصا لما مش اكون غلطانة
مدحت:بس هما قالوا انك غلطانة..و بعدين انتي المفروض تشكري ربنا ان احنا ما اتخدناش معاكي اجراء
سارة:بص يا بشمهندس..اسفة مش بقول...اجراء عايز تخده خده....بس بعيد عني
و مشيت سارة و هي متعصبة من الاستهتار بتاعهم غير رد فعل حسام..
عند مكتب العميد الكل كان مندهش من اللي حصل
مدحت:لا جريئة البنت ديه
مصطفى:طب حضرتك مش هتعمل حاجة؟
مدحت:ما خلاص بقى المسامح كريم و بعدين انت بردو زودتها..و يالا اتكل على الله
و طلع مصطفى..ماكنش زعلان بس كان مبسوط انه قاهرها
..
حسام:طب انا هستأذن انا ..عندي محاضرة بعد شوية
هشام:ايه يا دكتور..ده احنا لسة اول السنة..احنا فينا من كده
حسام:ههههههه لا ماتخفش..عندي يومين من غير حاجة..يلا سلام
كريم:استنى يالا خدني معاك...بعد اذنكوا
..
خرج حسام وراه كريم...كريم ماكنش اقل من حسام
نفس الجمال...و نفس البنات اللي بيجروا ورا حسام بيجروا ورا كريم....بس كريم كان الوحيد اللي عارف حسام ماله
..بما ان الأتنين قرايب..
كريم:انت يا زفت ايه اللي عملته ده البت كانت هتضربك
حسام:انا قلت اللي عليا
كريم:بتهزر انت شايف ان ده الصح ...؟
حسام:ماتفكك هي كانت اختك..تعالى نروح الكافيتيريا
....
سمر:طب ممكن تهدي...هتلمي علينا الخلق
سارة:اهدى...ده انا همووت مشلولة..انا يا سمر
سمر:يا بنتي تلاقيه بس كان ..متوتر
سارة:سمر...انا لسة فيا عقل اقدر اعرف مين المتوتر و مين اللي بيستهبل
سمر:لو سمحت
ندهت سمر على واحد شغال في كافيتيريا الجامعة
الولد:نعم يا فندم
سمر:لو سمحت ممكن اتنين قهوة مظبوطة
الولد:ثواني و هتكون عند حضرتك
و مشي الولد يجيب طلبهم
سمر:بس عجبتيني و انتي بتردي
سارة:بس بقى ..عاملة ايه مع خالد
سمر:ولا اي حاجة بيكلمني..عاملة ايه الحمدالله
طب سلام
سارة:هههه طب والله خالد ده سكر..ع فكرة هو بيتكسف
سمر:يعني اروح اقوله انا..ايه ده!!
سارة:في ايه؟
سمر:اصل حسام جي هو و شخص علينا
سارة اول ما سمعت اسم حسام اتجننت و كانت هتقوم تضربه بس هدت نفسها
حسام:ممكن نقعد معاكوا ..اصل مافيش طربيزة فاضية
كريم:لو مش هنضايقكم يعني.؟
سارة اتضيقت اكتر..لما عرفت انه مش جاي يعتذر
سمر:اه طبعا اتفضلوا
..
و قعدوا..طبعا سارة كرمتها نقحت عليها
سارة:سمر..انا همشي..عايزة حاجة؟
سمر:انتي مش قولتي عندك محاضرة...و بعدين القهوة
سارة:مش هحضرها..و مش هشربها.
سمر:يا بنتي ما تقعدي هاتروحي تتخمدي من دلوقتي لبكرة
سارة:شكلك مش عايزة حاجة انا ماشية
ومشيت سارة...حسام افتكر ان محاضرته هتبقى مع دفعة سارة....فقرر انه يلحقها..
حسام:سارة ...سارة
و سارة عملة نفسها مش سامعة
فضل يمشي وراها و هي بتطنش..
طلعوا بره الجامعة و لما حسام فقد الأمل انها تعبره
فقرر انه يسرع خطواته و مسك دراعها
سارة شدت دراعها منه
سارة:ايه عايز ايه؟
حسام:مش عندك محاضرة..
سارة:و انت مالك
حسام:جاوبيني
سارة:هه عارف يا حسام...شكل الغربة علمت عليك...مبقتش بتفرق معاك...سلام يا بشمهندس
حسام و قف متصلب....و لأول مرة من بعد اللي حصل يحس بتأنيب ضمير..انه ظلامها
رجع حسام للجامعة و راح عند الكافيتيريا
لقى سمر و كريم مستنينه
كريم:عملت ايه.؟
سمر:ابوس ايدك قول انك مضايقتهاش اكتر
حسام بهدوؤ:روَحِلت
سمر:طب انا همشي بقى اتشرفت بمعرفتكوا يا دكاترة
و مشيت سمر و هي متضايقة..سمر عمرها ما حبت حد يكسر قلب سارة ولا يضايقها...و العكس صحيح
..
كريم:مالك يا ابني وشك مخطوف كده ليه؟
حسام:تفتكر زعلت
كريم:لا لا حسام بيحس..جديدة ديه...و بعدين يا جبروتك تبقى متخانق معاها و تروح تقعد معاها
حسام:بجد يا هاني مش بهزر..حستها شوية و هتطعيت
كريم:ده انت قلبت..في ايه يا ابني..و بعدين انت تعرفها
حسام:اخت رامي
كريم:اوبااا هي ديه اللي خلتك تضحك..عرفني عليها ياابني
ده انا هروح انجحها في كل المواد
حسام:خلاص خلاص..يالا انا عندي محاضرة...و انت؟
كريم:مستني فريدة تخلص محاضرتها
حسام:يا ابني..انجز بقى
كريم:انشاءالله في قريب.
حسام:تمام ..انا هخلع
..
رجعت سارة البيت و هي متضايقة وكانت مامتها
في المطبخ..دخلت سارة المطبخ و حاولت ترسم ابتسامة
سارة:مسا مسا..ازيك يا احلى ام
مامتها:بكاشة...ايه اللي رجعك بدري؟
سارة:حسيت بتعب ف جيت
مامتها:سارة ممدوح..ايه اللي حصل خلاكي قلبتي
سارة:ولا حاجة يا ماما
مامتها:سارة...مش انا صحبتك
سارة:طبعا يا ماما...مفيش اتخانقت مع عيل ..كان بيتريق على حجابي
مامتها:و سكتي؟
سارة:عيب ده انا سارة هزقته و في الأخر روحت عند العميد
مامتها:خدي بالك من نفسك يا سارة..باباكي مستني غلطة علشان يطلعك من الجامعة ديه
سارة:بس يا ماما ده مستقبلي
مامتها:و بردو مستقبل بنته...باباكي عمره ما غصب حد على حاجة...بس الجامعة ديه مبدأ مرفوض عنده
سارة:كله مكتوب يا ماما..و ان شاء الله ربنا كاتبلنا الخير
مامتها:انشاءالله..

سارة:اومال رامي فين؟
مامتها:جه و دخل ينام لأنه كان مطبق..يلا ادخلي استريحي
..
دخلت سارة و غيرت هدومها..و قعدت ع السرير..
بتفكر في حسام..و اللي عمله..و كانت بتفكر ازاي جابت الجراءة انها تكلمه كده.. و تمنع دموعها..سارة عمرها ما عيطت قدام حد..دايما كانت متأكدة ان العياط قدام حد ضعف
و كلمة ضعف..مش موجودة في قاموس سارة
تليفون سارة رن..و هي ردت
سارة:الو
سمر:ايه يا بنتي قفشتي كده ليه؟
سارة:ماعرفش بقى
سمر:طب ايه اللي حصل انا فجأة لقيت حسام بينط يجري وراكي..
حكت سارة على اللي حصل مع حسام
سمر:يا جبروتك..المهم..فكك منه و متشليش هم
سارة:ان شاء الله
و فضلوا يحكوا شوية...و في الأخر سارة قررت تنام
..
هتنام من دلوقتي لتاني يوم..زي ما سمر قالت
___________________________
هاي!؟
ايه رأيكوا في الجزء؟
و تفتكروا ايه اللي يحصل بعد كده ؟
VOTE&COMMENT PLZ
ENJOY <3