#عندما_تتنفس_الكتب♡
الحلقة 29
للكاتبة/ندى محسن عوض الله ♕Noody♕
ناتاشا وقد فقدت اعصابها
-مش هقولك يا كاسر مش هقولك هسيبك تتعذب علشان تحس
كاسر صرخ بها
-ناتاشاااااا اتكلمي..... لو ضاعت مني انا..... انا....
صمت واغمض عينه لا هو لا يتحمل فكرة ان تضيع منه كاسر هذا ذنبك انت السبب بكل هذا اقترب وناتاشا ابتعدت ظنآ منها انه سيضربها ولكنها تفاجأت به لقد امسك بيدها نظر لها بترجي
-ناناشا انا اسف انا عارف اني غلطت انا اسف انا وحش انا اسوء واحد في الكون
اخرج سلاحه ووضعه بيدها امسك بيدها ووضع السلام الموجود بها امام قلبه
-انا استاهل القتل مااشي انا ظلمتك ومش انتي بس انا دوست على كتير واستغليت منصبي في الشرطة علشان احقق انتقامي بأيدي... بس دا انا مش هي نسرين بريئة نسرين ابعد ما تكون عن كل القرف دا... دي ملاك... ناتاشا وحيات اغلى حاجة عندك...هي ملهاش ذنب
ناتاشا بدموع وصدمه من تصريحه انه بالشرطة ولكن عاطفتها قد غلبت صدمتها
-مكنش عندي اغلى منك يا كاسر....
مدت له السلاح بأيد مرتعشة
-انا اقتل نفسي قبل مقتلك.... هي مش بعيدة عن هنا... بس اوعدني ترجعني لأمي...
كاسر بدموع ابت ان تتحرر من عينه
-بوعدك...
ناتاشا بدموع والم
-هي في ********
سمعها كاسر واسرع بالذهاب لهناك وققت لثواني وتذكرت لويس هو لن يتركه بسرعة ركضت للخارج
نسرين تبكي وهي تضرب الأخشاب توقفت عن الحركة وهي تنظم انفاسها ودموعها تتساقط
-يا رب... علشان ابني يا رب... يا رب كاسر ممكن يحصله حاجة... الولد دا هو بيستناه دا ابنه.... يا رب ساعدني... اشهد ان لا اله الا الله واشهد ان محمد رسول الله....
سمعت صوت بالخارج واصبحت تستغيث
-الحقوني
ضربت الصندوق وهي تبكي وتستغيث شعرت بالصندوق يفتح وبسرعة جلست وخرجت منه وهي تسعل بقوة وتبكي رفعت بصرها لتشهق عن رؤيتها لهذا الشخص زراع لويس اليمين
تامر ابتسم
-انتي لسة حية..
نسرين بدموع وهي تشهق بألم ورأسها تنزف
-عايزة...اروح....لكاسر....
تامر وهو ينظر لها قرب يده منها فأبتعدت ليتنهد بضيق
-تعالي انتي مش قادرة تقفي على رجلك تعالي
نسرين بدموع ابتعدت وكادت تسقط في الصندوق ولكنها ابتعدت
-عايزة...بابا وماما عايزة...كاسر....ابعد انت
تامر بغضب وحدة
-هو انا مطلعك من هنا ومعرض نفسي للخطر علشان تقوليلي وديني لبابا وماما وكاسر يلا يا بت تعالي من سكات
نسرين ابتعدت بسرعة وخوف هزت رأسها بنفي
-متقربش مش هاجي معاك مش هاجي معاك يا حقييير
#رواية_عندما_تتنفس_الكتب♡
للكاتبة/ندى محسن ♕Noody♕
متابعة لصفحتي هنا 👈#Nada_Mohsen
رحيم بحنان وضع مريم بالسرير
نغم وقفت وسارت بحرص للمطبخ اتت بالمياه وهو تبعها خوفآ عليها
-انتي اعصاب رجلك لسة مش جامدة يا نغم بلاش تضغطي على نفسك...
نغم ابتسمت
-انا كويسة يا رحيم...
رحيم امسك بيدها
-طيب تعالي ارتاحي
نغم بحزن
-هو انت لسة زعلان مني
رحيم نظر لها وابعد نظره
-انتي ملكيش ذنب...خلاص يا نغم بلاش تفتحي الموضوع تاني...علشان مقولش حاجة تجرحك...
نغم هزت رأسها بإيجاب وخفوت خرجت من المطبخ وكادت تخرج من الشقة فأمسك بها
-نغم انتي رايحة فين؟
نغم بتعجب
-عند محمد...
رحيم تركها وهز رأسه بإيجاب
-خلي بالك من نفسك
نغم هزت رأسها وذهبت لمحمد
أنت تقرأ
عندما تتنفس الكتب.. رواية للكاتبة/ندى محسن ♕Noody♕
Lãng mạnوحش كاسر لا يمكن لأحد الوقوف امامه ليتعرض لحادث غير مجرى حياته ليستطيع ان يتعرف على تلك الفتاة التي اخذت تحاول ترويضه في صراع بين الخوف والدموع والعشق فهل ستتغلب على قسوته وهل يمكن لشخض مثل كاسر العميري ان يصبح انسان وليس ذلك الحجر اللذي يؤلم الجميع...
