عندما تتنفس الكتب.. رواية للكاتبة/ندى محسن ♕Noody♕

الحلقة 33

#عندما_تتنفس_الكتب..♡
الحلقة 33
للكاتبة/ندى محسن عوض الله♕Noody♕

يوسف نظر لها تحدث بحنان
-جميلة.. مفيش داعي للخوف قبل كدا انتي مكنتيش تقربيلهم حاجة انما دلوقتي يا جميلتي انتي مراتي فاهمه يعني ايه انتي بقيني كنتهم وبلال دا بقى زي اخوكي
جميلة نظرت له وهي تتذكر كيف كان حديث بلال على يوسف ليس جيد كان يشعر بالضيق عندما يذكر اسمه امسكت بيد يوسف وهو اكمل طريقه...

#رواية_عندما_تتنفس_الكتب♡
للكاتبة/ندى محسن ♕Noody♕
متابعة لصفحتي هنا 👈#Nada_Mohsen

ناتاشا دلفت لقصر العميري رأت كاسر كانت مشوشة جدآ اقتربت ووقفت امامه
كاسر نظر لها ونسرين جواره
ناتاشا وهي تشعر بالتشتت
-عايز ايه يا كاسر...
كاسر تنهد
-عايز اخلص من كل حاجة لسة مفتوحة
ناتاشا ابتسمت
-انت مبتفكرش تطلقني علشان العشرة مليون مش كدا؟؟
كاسر نظر لها بجدية
-لو كنت عايز اطلقك غصب عنك مكنتش هستنى متنسيش يا ناتاشا ان حاجات كتيرة بإسمي زي شركة الإستيراد والتصدير والقصر دا علشان لويس كان عايز يبقى برا الصورة فعشرة مليون مش حاجة ولا ايه؟؟
ناتاشا نظرت له
-عايز تطلقني برضايا
كاسر هز رأسه بإيجاب
ناتاشا بتهكم
-وليه اممممم قصدك علشان اتجوزتني برضايا؟
كاسر هز رأسه بنفي
-السبب هحتفظ بيه لنفسي...
ناتاشا نظرت له وابتسمت
-يمكن غلطت كتير بس غلطك... كان اكبر... كان صعب اوي يا كاسر.... انا.... موافقة انا مش هنفذ اللي كنت ناوية عليه مش هدمر علاقتكوا زي مدمرتني صدقني مبقاش في حاجة فارقة معايا... طلقني يا كاسر انا متنزلالك عن كل حاجة...
كاسر نظر لها وهز رأسه
-انتي طالق...
ناتاشا اتت لتذهب امسك بيدها ولكنه تركها سريعآ وتصرفه هذا ضايق نسرين كثيرآ
-استني
ناتاشا بتعجب
-انت عايز ايه تاني؟
كاسر نادى
-تعالى
دلف راجو وناتاشا ابتسمت
-راجو
راجو نظر لكاسر نظرات مبهمة وضم ناتاشا فتعلقت به وبكت بقوة تنهد راجو
-كفاية يا ناتاشا صدقيني تعبت... صدقيني مش قادر استحمل اي حاجة حتى دموعك.... الأيام اللي قضيتها في السجن كانت كابوس اه مش تبعك يا سي كاسر
كاسر بذهول
-هو مش انا اللي مخرجك يلة وبعدين خليك فاكر لو ممشتش عدل قسمآ بالله هتدخله ومش هترجع
راجو نظر لكاسر
-احنا هنعيش في البيت دا وهنمسك شركة الإستيراد والتصدير...
كاسر هز كتفه بلا مبالاة
-انا مش عايز حاجة فيهم.... كل دول ميفرقوش معايا انا جايبلكم هدية...
نظر لنسرين وهي ابتسمت وذهبت للمكتب نظرهم جميعآ توجه للباب وناتاشا اتسعت عيناها في هذا الوقت لتشهق بذهول
-ماما....
راجو نظر لكاسر بذهول
-انت جيبتها ليه؟
ناتاشا ركضت عليها ضمتها بقوة وهي تبكي وتنهار بالبكاء اخذت تحكي لها كل شيئ بطريقة مبعثرة وهي تبكي ووالدتها تبكي وتلعن اليوم الذي تزوجت به بذلك الغشاش لويس على امل انه سيتغير كانت مبهورة بماله بكل شيئ به ونست ان هناك اشياء لا يمكنها التغاضي عنها
ناتاشا ابتسمت كثيرآ وقبلت يدها وضمتها بقوة
-ماما انتي وحشتيني اوي انا محتجالك خلاص اتحبس خلاص مش هيقدر والله مش هيقدر يبعدنا
كاسر دفع راجو عليهم وراجو اقترب بتشتت
-ازيك...
والدته ابتسمت بدموع وهي تبكي
-عامر...
راجو تنهد ونظر لكاسر وهي ضمته بقوة
نسرين ابتسمت وهي تراهم هكذا ولقد تأثرت همست
-هو مين عامر؟
كاسر همس
-راجو هو عامر وعنبر هي ناتاشا
نسرين هزت رأسها بإيجاب واستنتجت تغير اساميهم مؤكد بسبب هذا المجنون لويس لا تصدق ان كاسر تخلى عن عذابه له من اجلها من اجل حبها هي وابنها شعرت بألم كبير وضعت يدها على بطنها بألم ولكنها هدأت نفسها لا شيئ اهدئي...انتي اجهدتي نفسكي... اصبح الألم غير محتمل امسكت بكاسر
-كاسر... الحقني مش قادرة... اااه....الم فظيع مش عارفة هو في ايه...
كاسر حملها
-طيب اهدي... هنروح المستشفى
لويس نظر له
-محتاجنب؟
كاسر هز راسه بنفي
-خليكوا سوا...
ذهب وضعها بسيارته وقاد بسرعة
نسرين تبكي بألم
-انا خايفة يا كاسر خايفة اوي ليحصله حاجة اااه...
كاسر بقلق
-اهدي يا حبيبتي المهم انتي...
وصلوا والطبيبة قامت بفحصها نظرت لكاسر بلهفة
-لازم تولد حالآ الكيس اللي فيه البيبي انفجر ولازم نولدها والا هيحصل تسمم...
كاسر بقلق وتشتت
-بس معاد ولادتها لسة
الطبيبة تنهدت
-هنولدها قيصري هجهز اوضة العمليات..
كاسر هز رأسه بإيجاب وذهب لنسرين ضمها وهي تبكي قبل جبينها وهو يخبأها بحضنه
-هتبقي كويسة شدي مش هتحسي بحاجة شدي حيلك علشان تجيبيلنا صقر الصغير...
نسرين نظرت له بدموع
-خايفة اوي يا كاسر...مرعوبة...كاسر لو حصلي حاجة خلي بالك منه ولو...
كاسر وضع اصبعه على شفتيها يمنعها من الحديث
-شششش اسكتي واهدي واسترخي خالص...نسرين اهدي...حبيبتي انتي مش هيحصلك حاجة هتبقي كويسة صدقيني يا نسري....
نسرين بدموع ضمته بقوة وهي تستنشق عطره
-لو حصلي حاجة خده يا كاسر وارجع لعيلتك....متبعدش عنهم
كاسر اصبح يهدأها وهو يموت قلقآ عليها...
اتت الطبيبة لتأخذها وهي امسكت بكاسر
-تعالى معايا...ادخل معايا...علشان خاطري متسيبنيش
كاسر وهو يشعر بالألم
-حبيبتي...انا هكلم باباكي ومامتك هااه مش انتي عايزاهم
نسرين هزت راسها بإيجاب
-اه يا كاسر...هاتهم خليهم يجو وادخل معايا علشان خاطري يا كاسر
اخذوها للغرفة وهي تنادي عليه تحدث مع عائلتها ليسرعوا بالتجهيز
زينب بقلق اخذت ملابس لنسرين وملابس للطفل
-اكيد هما مش قادرين ولا فاهمين يعملوا ايه
عادل هز راسه بإيجاب واخذ حقيبة الملابس
-يلا يا زينب بسرعة...
كاسر ظل واقف ولم يستطع الصمود دلف لهم وهم لم يمنعوه فحتى وهي تحت تأثير البنج لم تتوقف عن مناداته امسك بيدها وهي تائهه بفعل البنج
-حاسة بأيه؟
نسرين ابتسمت
-هما بيخرجو ابننا؟؟؟
كاسر ابتسم وهو قلق عليها
-اه....بيخرجوا ابننا
نسرين وهي تتأمله ومازالت تائهه
-عايزاه شبهك يا كاسر كدا...جميل...بس مش عايزاه قاسي انت كنت بتقسى عليا....
كاسر قبل جبينها ونظر للممرضة لتهز رأسها وهي تطمأنه
-طبيعي هي بتهلوس
نسرين اغمضت عيناها بألم
-بطلوا خليهم يبطلوا....بيضغطوا عليها....
نظر لهم وجدهم يضغطون اسفل بطنها واخرجوا الطفل ليبكي وهو ابعد نظره لم يستطع رؤيتها بهذا الشكل نظر بعيناها
-حاسة بأيه
نسرين اخذت نفس عميق
-روحي...بتتسحب...
كاسر بإنفعال نظر للطبيبة
-انتي بتعملي ايه هي تعبانة
الطبيبة هزت رأسها
-اتطمن هي بتحس ان في حاجة بتتسحب منها هي حامل بقالها كام شهر طبيعي هتحس بفرق لما تولد دا طبيعي اهدى
الممرضة اتت بالولد اعطته لكاسر وهو حمله لم يرتجف قلبه فقط هذه المرة بل جسده باكمله ارتجف نظر للولد وهمس وهو يخرج الهاتف ليلتقط له صورة
-حبيب بابا...
وجده يبتسم لقد تعرف على صوته حقآ ما هذا ابتسم كاسر وقربه من نسرين
-نسري...بصي بصي هو ابتسم على صوتي نسري...
نسرين ابتسمت
-شبهك....صح
كاسر ابتسم وقبل جبينها ودموعه تساقطت قربه منها وهي قبلت يده وابتسمت بدموع
انتهو من تخييط الطبقة الخارجية من بطنها ونقلوها لغرفة اخرى وهي تائهه
عادل وزينب وصلوا وبقوا معها
الطبيبة نظرت لنسرين
-لازم ترضعي البيبي علشان مينفعش اول مرة يشرب من اللبن الصناعي والا هيتعود عليه
نسرين بألم بدا يظهر عليها بكت
-مش قادرة...مش هعرف...
كاسر اقترب منها وضع يده على شعرها
-خلاص مش مهم ترضعيه بس انتي حاسة بايه...
نسرين بدموع
-تعبانة...لازم ارضعه....هاتيه يا ماما....
اقتربت زينب بتعاطف مع ابنتها وهي تربت على كتفها
-براحة
نسرين نظرت للطفل وابتسمت بدموع قبلت جبينه وهو بيكي
كاسر نظر لها ونظر لعادل
-تعالى يا عمي هنستناكوا برا خليكي معاها يا حماتي...
خرجو وخرج معه عادل وهو قلق عليها
كاسر استند على الحائط وهو يدعي بهمس ولكن عادل يسمعه
-مش عايز عيال مش عايز حاجة بس عايزها جنبي يا رب تخف وترجع كويسة يا رب....ارجوك يا رب....
عادل تذكر تعامله مع زينب وكيف كان قذر بما فعله حمد الله انه عوض ابنته بهذا الشاب وانه لم يعاقبها بما فعله...ولكن كيف وقد عانت ايضآ بسببه...
اخرج كاسر هاتفه وحدد الصورة وارسلها ليوسف كتب اسفلها
"اول لحظة لأبن اخوك اول مخرج على الدنيا"
يوسف وصلت اليه الرسالة تعجب وفتحها ليتوقف فجأة بتعجب ويدرك ما يعنيه كاسر ليبتسم بل يضحك وجميلة متعجبة اتصل بكاسر
-الو....
كاسر ابتسم
-الو
يوسف بدموع
-بتتكلم بجد يعني دلوقتي دا ابنك انت
كاسر ابتسم وهز راسه بإيجاب
-ابني انا...او ابننا منت واخد كليتي يعني جزء مني
يوسف ضحك-كاااسر بربك...انا جاي انا جيلك حالآ
كاسر هز راسه بنفي
-لا طبعآ كمل طريقك وطمني لما توصل
يوسف بإصرار
-انت في مستشفى ايه يا كاسر
كاسر ابتسم واخبره هو يحتاج اليه ايضآ...ويوسف اخذ الطريق المعاكس
جميلة بتعجب
-هي نسرين ولدت؟
يوسف ابتسم ومسح دموعه
-ولدت....انتي مش متخيلة باعتلي صوره البيبي بيبتسم كدا بيبتسم ايه دا بيضحك ازاي مش فاهم ولا عارف ولا عايز افهم او اعرف بس انا عايز اوصل عنده في اقرب وقت
جميلة ابتسمت وتنهدت براحة هي لم تريد ان تذهب عند عائلته...