عندما تتنفس الكتب.. رواية للكاتبة/ندى محسن ♕Noody♕

الحلقة 7

50 فوت وانزلكوا الحلقة التانية يلاا عايزة رأيكوا ♡♡
#عندما_تتنفس_الكتب2
الحلقة 7
للكاتبة/ندى محسن عوض الله ♕Noody♕

ابتلعت نسرين ما بحلقها بعد ان تفوهت برغبتها في العمل لينظر لها مازن وجلس يحاول تمالك اعصابه
اتت لتطهر جروحه فأمسك بيدها ناظرآ لها بجدية
-مش محتاج....
نظرت له
-ايه يا مازن انت متعور...
انفعل مازن
-لو دا يخليكي تطلبي انك تنزلي تشتغلي وتسيبي ابنك علشان فاكرة اني مش هقدر اصرف عليكي وعلى ابني يبقى ريحي نفسك انا كويس
تنهدت نسرين بضيق
-يا حبيبي صقر مش صغير هو هيتم تلت سنين وهيبقى مع ماما وبعدين يا مازن انا سندك وشريكتك في حياتك لازم اكون بردو شريكتك في مشاكلك...
نظر مازن لها يحاول تمالك اعصابه
-مش عايز الموضوع دا يتفتح تاني ممكن؟
هزت راسها وصمتت فهي تعلم ان حديثها الأن سيكون صعبآ عليه للغاية
-مازن...
تنهد ونظر لها بنفاذ صبر
-نعم... قبل متتكلمي انا مش ناقص انا تعبان لدرجة عمرك مهتتوقعيها
تجاهلته كانها لم تسمعه
-هتوعدني وتحلف بحياة ابنك انك مش هتشرب حاجة من القرف دا لأي سبب من الأسباب
نظر لها هو يعلم انه اخطأ كثيرآ عندما شرب تلك السجائر هز رأسه بإيجاب ونظر لها
-هو صقر شافني لما رجعت وانا.. يعني بعد مشربت؟
هزت نسرين رأسها بنفي ليطمئن قلبه رغم صغر سن صقر الا انه لا يرغب بهذا ابدآ....

#عندما_تتنفس_الكتب2
للكاتبة/ندى محسن ♕Noody♕

جميلة نظرت ليوسف
-انت بتلومني اني مش حاسة بيك وبشغلك مش حاسة بضغطك ومشاكلك يا يوسف بس انت عمرك متخيلت انا بحس بأيه ولا هتحس لأنك بتخرج تتعامل مع ناس بتروح مشاوير دي بالنسبالي خروجة وخروجة حلوة جدآ كمان... انا بفضل محبوسة بين اربع حيطان انت متخيل... متخيل انا بحس بأيه... انت مستعبدني يا يوسف
انفعل يوسف وامسك بيدها
-انتي ليه مش حاسة بيا وبضغطي هاااه ليييه يا جميلة انتي ليه مش حاسة بالعذاب اللي انا فيه شغلي وانتي سيبك من شغلي انتي مش قادرة تفهمي اني بحبك وخايف عليكي
نظرت له بعدم رضا
-صوتك ابتدى يعلى وابتديت ترجع تتكلم زي منت انت مش فاهم حاجة يا يوسف انت بتحبني زي مبتحب حاجة من حاجتك ومبتحبش حد يقرب منها حبك ليا حب امتلاك يا يوسف
هز رأسه بعدم استيعاب
-ايه الهبل دا انا اللي اعرفه اني بحبك ومش عايزك تتأذي بأي طريقة ايه الوحش في كدا هاااه ايه الغلط اني بحب مراتي وعايز احميها
نظرت له بغضب
-انت بتخنقني تحت مسمى الحب انت بتخنقني يا يوسف وبترهقني وبتحسسني بالضيق انا مش عايزة احس بالإحساس دا تاني انا حسيت بيه كتير اوي مع عيلتي يا يوسف حتى جامعتي انت مانعني عنها .... فأرجوك كفااية
امسك يوسف بيدها
-امممم انتي عايزة تروحي جامعتك
هزت رأسها بإيجاب
-دي ابسط حقوقي يا اخي...
هز رأسه بإيجاب
-طيب موافق وفي بداية السنة الجاية كمان هيكون معاكي حد هنا يساعدك علشان تحافظي على امتيازك تمام كدا!
نظرت له بدت غير مصدقة حديثه
-انت بتتكلم بجد ولا بتقولي كدا وخلاص....
هز رأسه بنفي
-بتكلم بجد يا جميلة مش دا اللي انتي عايزاه
نظرت له وقد بدت متشتتة فلم تتخيل ان يوافق على طلبها ابتلعت ما بحلقها وهزت رأسها بإيجاب
-م.. ماشي..
تنهد وهو يرجع شعره للخلف يحاول ان يبقى هادءً
-خلاص يا  جميلة كدا مفيش مشاكل
هزت راسها بإيجاب
-مفيش...
تنهد وهز رأسه بإيجاب بينما هي اتت لتخرج امسك بيدها
-رايحة فين
ابتلعت ما بحلقها بإرتباك
-هروح اشوف روز يمكن تصحى ولا تكون جعانة
هز يوسف رأسه بنفي
-خلاص بقى انسي روز دلوقتي وبعدين كفاية سنة ونص وافطمي البنت عيد ميلادها قرب وانتي لسة بترضعيها وبعدين صقر اتفطم سنة ونص والبنت فاهمه يعني وبسم الله ماشاء الله عندها استيعاب عالي اوي...
تنهدت روز
-يعني علشان عندها قدرة استيعاب عالية وبتتكلم بسرعة اقصر في انشاذ عضمها يا يوسف
ابتسم وهز رأسه بنفي
-لا يا حبيبتي مقصدش بس خلاص سنتين كفاية
هزت رأسها بإيجاب
-انا فطمتها يا يوسف خلاص لما كنا هناك وهي بسم الله ماشاء الله مكنتش بتزن كتير كنت بأكلها زبادي وسريلاك فمتقلقش
ابتسم وهز رأسه بإيجاب
-تعرفي انا فخور بيها من دلوقتي عندي احساس انها هتكون حاجة كبيرة اوي من دلوقتي وانا حاسس بكدا
(في المستقبل)
-نعم يا روح امك
اردف يوسف وهو يقف امام روز يشتعل غضبآ بينما جميلة تقف خلفه تضع يدها على فمها بقلق لا تتوقع ردة فعله بينما روز اجابته ببساطة
-يا بابا عايزة اشتغل رقاصة ايه المشكلة يا بابا دا فن
نظر يوسف لجميلة
-لمي بنتك علشان ملمهاش انا ايه الهبل دا انتي اتجننتي يا بت انتي ولا ايه رقاصة ايه اللي هتشتغليها
تنهدت روز ونظرت له بإنفعال
-قالولي انفع يا بابا الله انت معترض ليه
انفعل يوسف وهو ينظر لها
-مين اللي قلك يا بنت الأهبل
ابتسمت بخبث
-صقر دا حتى هو اللي هيلم النقطة علشان نجيب العربية اللي عايزينها
اتسعت اعين جميلة بعدم تصديق وروز ابتسمت لترى يوسف يشتعل غضبآ ويخرج ليتجه لمنزل مازن الذي فشل بتربية ابنه لتبتسم تلك الماكرة هامسة
-البس يا حبيبي دا انت هتلبس لبس يا صقوري علشان اوريك ازاي تحترم نفسك... والعلقة مبتكذبش.
back
-حقيقي شايف مستقبلها بارع
هذا ما اردف به يوسف وهو يجهل ما يدبره القدر له...
-ان شاء الله يا چو انا هروح انام بقى تصبح على خير
تنهد يوسف بضيق
-هو في ايه مش قولنا خلاص بقى دي هي اوضتك يا حبيبتي تقدري تنامي هنا
ابتلعت ما بحلقها فهو لا يعلم انها حامل ولا تريد ان تخبره الأن حتى لا يستمر بخنقها تريد ان تشعر ببعض الراحة ذهبت للسرير ونامت ليبتسم اقترب ليقم بسحبها بحضنه لتبتلع ما بحلقها بقلق ولقد لاحظ هذا قبل وجنتها هامسآ
-مالك يا روحي بتفكري في ايه
ابعدت يده وابتعدت
-اصل مينفعش يعني انا تعبانة
نظر لها بتعجب
-ونومك في حضني هيتعبك!!
نظرت للأسفل ليبتسم ويقم بسحبها بحضنه
-نامي يا حبيبتي وارتاحي لأني بجد محتاج تبقي جنبي دايمآ انا بحبك اوي يا جميلتي واسف على كل حاجة
دفنت وجهها بعنقه
-يوسف انا بحبك اوي وبحب الوقت اللي بتبقى فيه كدا هادي ومتفهم ومبتزعقش ولا بتمد ايدك...
اختنق صوتها ولقد علم انها عادت لما فعله ومد يده عليها ليبتعد قليلآ حتى ينظر لها لكنها لم تعطيه الفرصة فتتعلق به وتغمض عيناها يكفي انه جاهد لإرجاعها رغم ان طباعه لن تتغير وهي تعلم هذا...
-تصبحي على كل حاجة حلوة يا حبيبتي
ابتسمت وطبعت قبلة صغيرة على عنقه
-وانت من اهله يا حبيبي...