عندما تتنفس الكتب.. رواية للكاتبة/ندى محسن ♕Noody♕

الحلقة 30

#عندما_تتنفس_الكتب♡
الحلقة 30
للكاتبة/ندى محسن عوض الله ♕Noody♕

اخرج الطبيب نسرين وحاول انعاش كاسر
نسرين تبكي بقوة واقترب يوسف راكضآ عند رؤيتها بهذا الشكل
-نسرين ايه اللي حصل هو ماله
نسرين لم تقدر على الحديث ويوسف رأى ما يحدث حاول الدخول له لكنه لم يستطع منعوه الممرضين
-يا فندم مينفعش دا خطر على حياته لو سمحت استنى
يوسف صرخ بهم
-انعشوه لازم يفوق لاااازم دا صاااحبي ايه اللي مش هينفع
الطبيب صعق كاسر عدة مرات ليعيد نبضه وتظهر الخطوط المتعرجة على الشاشة تنهد الطبيب وخرج
-ممنوع الدخول ليه... مش في كل الوقت الكلام مع المريض بيكون كويس... الشخص دا مش طبيعي....
نسرين نظرت له بتعجب وسط دموعها
يوسف بتعب وصوت مهزوز
-تقصد ايه
القى الطبيب نظرة على كاسر من خلف الزجاج
-يمكن نفسيآ متدمر! ايه اكتر حاجة بيحبها وايه اكتر حاجة عقله متعلق بيها؟
يوسف صمت يفكر ونظر لنسرين وهمسوا الأثنين في نفس واحد
انت/ي؟
صمتوا هزوا رأسهم بنفي وناتاشا تتابع كاسر بدموع
نسرين تذكرت فجأة عندما حدث اقتحام بالمنزل وكتب كلمة سر الباب الأسود كان كاسر وخديجة واسم خديجة ايضآ كلمة سر لفتح هاتفه نطقت بسرعة
-خديجة.... يوسف... مامته؟
يوسف هز رأسه بأمل
- مامته......
نسرين نظرت له ونظرت بأتجاه كاسر استندت على الزجاج وهي تبكي
يوسف بحيرة
-بس انت تقصد اجيبها دا مستحيل هو ابدآ مكنش هيرضى بحاجة زي كدا
الطبيب بأمل
-فكروا في حاجة تنعش عقله وتخليه يقاوم فكروه بيها
نسرين تذكرت عندما كانت تداعب شعره كيف تأثر وكيف كانت ترى على وجهه الأستمتاع والشرود بآن واحد
-خليني ادخله....
الطبيب هز رأسه برفض
-لا... مش صح تخاطري تاني هو مش مستقر وهو في مرحله ان قلبه هيتأثر بأي ضغط صدقيني....
نسرين بدموع
-خليني احاول... عندي امل كبير....
الطبيب فتح الباب لها ودخل معها هو واثنان من الممرضين
نسرين بإرتجاف قربت يدها من شعره وهي تتذكر عندما كانوا على الشاطئ وعندما دفن وجهه ببطنها وهو يريدها ان تداعب شعره تذكرت ضمه لها وشعورها بالدفئ تذكرت عندما ركبت خلفه الدراجة النارية ظلت بجواره تداعب شعره ظهر على وجهه شبح ابتسامه وكأنه طفل صغير تداعبه الملائكه ابتسم الطبيب وهز رأسه بإيجاب
-زي متوقعت...
يوسف ابتسم بحزن ودموعه تتساقط كطفل فقد والديه للتو...
اقترب فهد منهم تفاجأ به يوسف وركض عليه
-فهد انت لسة مصاب انت ازاي تيجي هنا
فهد كان يكتم المه ونظر ليوسف بضيق
-محدش بيطمني....كاسر عامل ايه؟
يوسف نظر له بحزن
-كاسر لسة مفقش...بس بيقولوا في امل...هو حالته النفسية مش كويسة بس...في امل...تعالى معايا انت لازم متتحركش دلوقتي خالص..

#رواية_عندما_تتنفس_الكتب♡
للكاتبة/ندى محسن ♕Noody♕
متابعة لصفحتي هنا 👈#Nada_Mohsen