حب في المراهقة

الحب

١- الحب ؟
كثير منا يسال شنو هو الحب !
واحد يكول شعور و الثاني اهتمام و الثالث الوفاء و و و و تعدد الاراء حسب نظرة كل شخص ... اني ما يهمني شلون تفسره بس راح افسر شوكت تتسمى هذا الاحساس بالحب!!!!
راح انطي مثال وافسر على ضوءه
مثال/ شاب باول مرحلة كلية شاف بنت ع الانستا و تعارف و اول يوم تعارف يولدون بداخلهم شويه اعجاب و شوي شوي بعد اسبوع الولد يكول معجب بيج او مباشرة حبيت و البنت شويه تثقل بس بصورة غير مباشرة تكول اني هم !! السوال اهنا شنو الحب لمن كال احبك ! شنو الشي الي خالها يكوله هالشي "اذا اعتبارنا الولد قصده شريف" ، شنو الحب اهنا! احساس من جواه اجاه؟؟ زين من ١٠ ملايين بنت ليش الا هاي البنت!! ؟ و اذا فرضنا البنت ما قبلت تتعرف من البداية!!؟ طبعا تنلغى هالشي و ينتهي ! هذا مو قفل و مفتاح!
# زين السؤال الاهم هل اكو حب من اول نظره او محادثة ا؟ نحجي عن حب شخص لشخص مو حبنا للاشياء الجماد! او حيوانات ! لان احنه بشر و نختلف بكل شي !
تابع الفيديو اعلاه!!!
الجواب/ طبعا كلا و قطعيا ، السبب او الدليل:- اكو شي نسميه اعجاب من اول نظرة بس ماكو شي اسمه حب من اول نظرة ! راح انطي مثال::
لنفرض عندك اخوان اثنين و واحد تعرفه و عايش وياك ١٨ سنة و الثاني ما تعرف بيه ابدا و ما سامع عنه و لا تدري بوجوده ! يمر الايام و بمحاسن الصدف تجتمعون ب جامعه او موتمر او اي مكان ملتقى ! هل قلبك يميل!؟ هل تحس شي اتجاه؟ ابدا ما تحس شي اتجاه و ممكن تنعجب بشاب ثاني احلى او اسلوبه احلى المهم هو لا ! كأحساس!! مع العلم غير مسالة الاحساس اكو مسالة الدم و الدنا او الجينات الوراثية!
اهنا استنتجنا ما كو شي اسمه حبيته من اول نظره !! لان احساس اجاني هو توأم روحي او حب الحياة!!
المسالة مسألة ظروف و اشخاص و اماكن و ازمنه ! كلها تاثر عليك .
مثال ثاني/ الام احن الى ابناءه ام الاب؟ لماذا!
الام حتى لو تركنا مساله انو قطعة منها ! فهي عاشت معه كصديقه ٩ اشهر تحكي معها كل لحظه!
..........
من هنا لازم نحدد لعد هذا ليش حبيناه"اعجبنا بيه" الجواب منطقيا بسيط!
الظروف النفسية و العوامل الخارجية و وقت احتكاك بالشخص و ظروف التقاء و بعض الصفات الظاهرية حكم انو انت تختار هالشخص ! لكن هالشي مو طبيعي لان لو كنت كئيب مثلا ممكن تحب اي واحد قريب يهتم حتى لو كذبا و يطلعك من الجو هذا ! العوامل الخارجية كتقليد و فضول و و .. ظروف الالتقاء مهم يمكن انت طالع من كبت او حصر بالبيت يحولك هالشخص الى انسان تحب الحياة! ... المهم
طيب راح نسال شنو الحب او متى نسميه حب !!؟
نسميه حب بالعشرة الصحيحة ! الاصدقاء يحبون بعض بشكل اصدق و اكثر حبا بالمقارنة مع الذين يقولون حبيت من اول نظرة! و السبب لان يعرفون بعض بحقيقتهم بدون تزيف! و الدلائل ملموسة ، مثلا شلون يتعصب شلون يحجي و اسلوبه و شخصيته و تعامله مع الجنس الثاني و سمعته ! تشوفون كثير من الاصدقاء و الصديقات مختلفين جدا بالاشكال حلوة مصادق بنت اقل حلاوه او شاب مصادق شاب ثاني اقل طولا او وسامة !

شخصيا كلما اشوف علاقة حب "كما يسموها" اعطف و احزن عليهم ! لان هذا ليس الحب! هو فقط اعجاب ! خاااصة الجيل الجديد الي يتعارفون ع النت ويسمون العلاقه حب و هم ما يعرفون اي حقيقه حقيقيه عن بعض!!!
طبعا ما عليكم بالمظاهر لان راح تشوف مظاهر حب و فرح و و و ! لكن خياليه او حالمه و يعني ما يدوم! فقط خدع للنفس!