حب في المراهقة

قبل ما تقرأ

قبل ما تقرأ الشي الموجود لازم تعرف هالاشياء :-

١- اني شخص علماني و ما احب ادخل الدين بالمواضيع ، لكن مجتمع كمجتمعنا الدين هو ركن اساس فيه و يدعي الكثير انهم مسلمون فوجب ان اتحدث بلسانهم وهذا ما يعني بالضرورة اني شخص متدين او لا

٢- ما اطرحه قضية عامة و لمن اني اكون منقوص بشي هذا ما ينتقص من الموضوع شي .. فرضا اني ادخن سكائر و ادعوا الناس لعدم التدخين ! مو معناته اني منافق ... راجع المعلومات و استنتج و ناقش الموضوع شوف السكائر زين لو لا ! نفس الشي من اطرح عليك موضوع اهتم بالموضوع مو بيه ! ما يهم اني منو و شنو ! فقط خلي الموضوع ببالك و شوف اديش اني كلامي صح و اتاكد من الفكرة مو من شخصيتي من يكون !

٣- اني مع حرية الفرد و المراءة خاصة و ادافع عنهم بشدة و مح التحرر و مع الصداقات و الحريات و الانفتاح و كل معالم العلمانية ! لكن كل شي بحدود العقل و المنطق و بالتدرج و بالفصول قد اكون شديد اللهجة يظهر للبعض اني شخص متطرف و حاد و متخلف و ابالغ فالمواضيع !
الامر ليس كذلك ، كل الحكاية اني اعرف الامر في حقيقتها هكذا و يا ريت ما كانت هيج و كنا مثل اوروبا ! بس اكو مصطلحات بمجتمعنا ككلمات فقط اما تطبيقها بعيد كل البعد تماما او يتم تطبيقها بسوء او تم تطبيقها بتطرف او بنفاق !
مثل واحد يلقي علاج مرض السرطان و هو لازم ينطيه للمريض خلال سنتين فهو يروح يجيب الكميه و يحقنه بيوم واحد ! يكول مو هو نفس الكميه راح تنطوه ؟؟؟ تفكيره هيج !! ما يعرف هالمادة داخل الجسم يحتاج انو يشتغل زين و تركيزه اذا كان عالي يكون قاتل و لازم الا بالتدريج ! و هكذا

٤- لا تظن اني عقليتي مختلف بتاتا ... اني شخص معتدل جدا ... بعيد عن اي تطرف عنصري ديني سياسي قومي مذهبي عشائري ........ شخص معتدل جدا .. محب للعلوم و مطلع ع العلوم و الادب جدا !

٥- قد تكول انو هالشخص يحجي بعين طبعه يعني هو عايش ببيئة وسخه و ينقل بيئته ... راح اقولك يمكن صح كلامك و هذا ما يمنع تتاكد من حواليك !
بس صدقا على نطاق العراق سألت كثيرا و كثيرا و استنتجت هالشي !
و فرضا اني احجي عن منطقتي فهذا ما يمنع انو قد يكون يمك هم يحدث هالشي !
ادري ما راح تكدر تتهرب من هالشي اذا موجود
٦- ممكن تكول لأن عقليتك وسخه لهذا هيج تفكر بس
بمواضيع هيج ! راح اكولك هذا الكلام انت حافظه بس لان ركز وياي ! اذا الامثقفين و الادباء و و و يفكرون بس بالاشياء الزينة جنه هسه بخراب ! لا الانسان ممكن يفكر بكل شي و نظر او موقف كافي يحرك هالشي بداخله !

٧- اتمنى تقرا كل الموجود و اعتبر بعض النقاط صعب التحقيق لان المجتمع مخدر تماما و ما اتصور كلام شخص واحد راح يعلو عليهم و خاصة المجتمع مستسلم !
خاصة بالتوصيات ! و المنع ! ادري الصغار بالعمر راح يشتمون و يسبون لان ما يعرفون مصلحتهم و ضدهم اصلا !

لاتتقبلوني بس تقبلو فكرتي او بمعنى اصدق اقروها لمرة ما خسرانين شي

شكرا لكم