حب في المراهقة

العقل الباطن و الحب

راح اقول كلام يمكن ينتقدني الكل بيه و راح يعاندوني بيه و يرفضونه في بدايته لان هذا نقض الموروث او المعهود و يمكن ينسف الكثير من الاشياء المقلدة الموروثه الي اتخذناه اساسيات!
تابع الفيديو اعلاه. و يوجع على اليوتوب فيديو باسم تاثير الاعلام ل هامي عطية.
شخصيا اضحك عندما اسم او ارى شخص يتحدث عن الحب و يقول احساس فجاءة دخل على حياتي و قلبي زاد دقاته و سحرني البنت و حبيته بلا ولا شي و اسرني حبها و ماكو ربط بينه بس الاحساس و القلب راد !
كأن الرب اراد خلقهما لبعض !
هذا الشي وهم و خيال و لا صلة له بالحقيقة و هذا الشي خداع للذات و توهم رهيب و راح اثبت تماما هذا الشي !
ادري هالشي يكون صدمه و يمكن ما تتقبله لأن صاير عمر مصدق بيه و هسه مو سهل تعترفي انك كنتي مخدوعه او متوهمه او حبك ما كان حب !
المهم ، راح انطي وصف او مثال للتوضيح و التقريب و الفهم !
الفراش::::::::::::
اتصور انتي راجعه من المدرسه او الجامعه و شفتي بالشارع شاب يكنس "كناس" بالبلدية و ينظف الشارع و انتي مريتي يمه شنو يكون نظرتج اله؟
ما اكول راح تنبذيه لا و لا كلت تشوفينه بنظرة دونية
بس راح ما تهتمين له و لا تتحرك مشاعرك تجاهه! المهم ما يلفت نظرك و لا شي ! و هذا الشي قطعي و حتمي و محد يكدر ينكر ، و نفس الشي للشاب من يشوف خادمة او شغالة!
نكمل... لمن ترجعي و تعبري الكناس توصلين يم البيت و تشوفي ابن جيرانكم واكف ويه شاب كاشخ و عنده سيارة و يحجون ، اهنا ممكن جدا هذا الشاب يكسب اعجابج بنسبة كبيرة مقارنة بالكناس! زين السؤال اهنا! هل الاحساس و المشاعر محصور بالاغنياء و الكاشخين و الحلوين؟ و هذا اي احساس الي يصنف البشر على حسب شكله او شغله او منصبه او او !!! هذا لو احساس و لا اريد الاحساس!
الناس كله من تحب تكول حركلي احساسي و هذا من الفوك اثبتت كذبه الاحساس!
زين ليش البنت مالت للشاب الكاشخ مقارنة بالكناس مع ان البنت ما تعرف عنهم اي شي! يمكن الكاشخ مو متعلم او قاتل او سارق او كذاب و ان الكناس يعنل مؤقتا او خلوق و مؤدب و و ى! اهنا اني دائما اكول اذا البنت اختارت شريك حياتها و حبها على هذا الاساس فتستاهل كل ما تحصللها لانها مخدوعه و المخدوعه الغبيه تستاهل كل الي تصير بيها!
زين شنو الي خالها يفضل هذا على ذاك! ببساطه هو العقل الباطن ! نعم العقل الباطن هو من يحدد من تحبين و بمن تعحبين !
اذا دخلت لحفل زفاف لعروسين يهودين و انت مسلم هل سوف تحب احد منهم!؟ ابدا لا ، لان هناك شي بعقل الباطن مثل قاعده يمنعك تحس اتحاه بشي! و تلقائيا و بدون تفكير ما تحبي احد منهم بدون ما تعرفي ليش و شلون و و !
زين عقلي الباطن هذا شلون يختار و شكو بيه؟
عقلك الباطن هو عبارة عن مجموعه افكار و مبادىء و اساسيات ثبتت فيه نتيجة التلقيين المستمر من يوم الولدة لهذا اليوم ! و كل شي تتعلمه تخزن في عقلك الباطن ! هذا عدو هذا شريك هذا زين هذا لا هذا طموحي و هيج تكون حبيبتي و لاتكون هيج و و و و !
الي تنخزن بعقلك الباطن ما حاجه تفكر بيه لان هوه مثل شروط او اساسيات بعقلك حاضر وقت اللزوم !
فعقلك الباطن للحب يكول : ع الاقل ما يكون كناس ما يكون وسخ ما يكون قاتل ما يكون سارق و غير ديانه او قوميه او طائفة او بسرة او او او ...
فلمن تشوفي الكناس عقلك الباطن يكول الشرط متحقق هذا ما يفيد فتهمليه (بدون الحاجه للتفكير) لان سبق و حسم هالشي بعقلك!
اني شخصيا مثلا ما انتبه للغبيات و طائفيات و الفاهيات و اللواتي بدون طموح! بس اتكلم مع هاي النوعيه بثواني اشوف نفسي ممرتاح لان عقلي الباطن يكول هذا مو صنفك!
لهذا بطلوا كلام اغاني و مسلسلات و اشعار و كلام منقول لا اساس له و لا شي فقط ضعف!
.
.
ارجع اكتب اني مو ضد الحب و اعترف بالحب و مو معقد ! اني فقط واعي لهل شي و اعترف بيه و هذا حقيقة اذا ما تريد تصدك بيه فراح تتأذى بعدين !
الحب يكون عظيم لمن يكون يالعقل!
.
.
لهذا حسن عقلك الباطن و غير اساسياته و استبدله باشياء ناتج عن استنتاجاتك وليس بالموروث!
و كلما خليت تقاط جيده كلما كان جيد لمستقبلك!
مثلا لقن عقلك الباطن انو الانسان الذكي اكثر اهميه و الانسان المثقف و الطيب و الوفي و المؤدب و الصريح و الصادق و احعلي هالاشياء من الاساسيات ! لابد منه ! لازم هالشي يجي من قناعه مو بس طلب و تطبيق!
و لازم تلقني عقلك الباطن ان الشكل و المظاهر فانيه و المال فاني و انت تريد شي للعمر و ان التحصيل الدراسي شي مهم و ان الكرامة اكبر من اي شي و الجسد و الحياء و الشرف من اساسيات هالمجتمع و و و و !
وقتها و انت من تمشي بالشارع او تدخل نقاش تعرف انته من يا صنف !

دائما اردد هالجمله
"الطيور على اشكالها تقع"
و انت هسه انطي لعقلج منو اشكالك
و بالاخير راح تجنين الي تستحقين !
الكل لازم يراجع نفسه و يغير ما بعقله الباطن بقناعات ! و لا يقلل من قيمة نفسه !
مع الاسف اشوف ماس تقلل من نفسها و تقول اني ما استاهل الاخسن او هذا الي يشرب جكاير من مستواي او او او !!
هنا يوجد مشكله كبيرة ما احب اتدخل بيها الان ! لكن اقول اعطي قيمة لنفسك و حدد الشروط في عقلك الباطن و استبدل القديم !
عقلك الباطن عبار عن فلتر (مرشح) لقرارات و الافكار و الشخصيات و كلما عندك ايدلوجيات معينه كلما سهل الامر على تفكيرك العادي لان عقلك الباطن يتكفل بيه !
اذن هسه اكدر اكول الحب هو ما يحدث في عقلك الباطن ! و مدى تقبله و محبته و توافقه للشروط و تحقيقه !
لا تخلي شروط قليله و تافه ! خلي شروط مهمة و مستقبله !!! ماذا افعل بالشكل او منصب او جاه! يهمني شخصيته العادله الحنونه الصادقة الواهبة الذكية الواعية المثقفة !
.................
و عن الي يقول اني شفت شاب و قلبي رف رف و زاد دقاته!! ما اقدر غير اقول انت مخدوع و نائم و متوهم !
القلب يزداد دقاته و تبدا بالعرق لان هرمون الادرنالين يزداد افرازه و هرمون الدوبامين و هرمون الفرح ايضا!! لماذا؟ ارجع و اقول لان عقلك الباطن متعلم كلما يتحقق عنده الشروط يتصرف هكذا ! يعني اذا عقلك الباطن ما يحب الانسان العصبي و شفتي الانسان العصبي راح ما تحسي بشي !
فلمن تتعرق و تزيد دقات قلبك مو معناته تحب !! معناته هالشخص حقق شروط عقلك الباطن !
ادري راح تحارب هالشي و تعتبره فلسفه و هالسوالف ! بس اذا ردت تصحى راح تعترف اما اذا ردت تقضيه ضياع و بجي و ما عندي حظ و تشغل اغاني و اشعار و تغرد و اكو من ينتحر و اكو من يسلم جسده و يخسر كل شي !!! اهتد اشبيك ! اصحى حياتك كله ضياع!!
الحب الي قاتل روحك عليه و مسود عشرتك بيه ولا شي و كله وهم و مخدوع !! صعب تعترف اي ! اعرف صعب ! لان الانسان يحتاج واحد يمه و حتى لو كذب يصدكه ! ادري انت هسه حاسس بسعادة لمن تسمع كلمه احبك و اموت عليك ! بس ارجع هالكلمه لأي مدى باقي! اكو بعد مليار شخص ممكن يقولك هالكلمة و بمواصفات احسن و بصدق احسن ! لاتقول هو غير و احساسي اتجاه غير ! وضحت هالشي فوق و هذا كله خزعبلات و توهمات !

هسه و اليوم و هاللحظه فكر بنفسك و حب الحياة و دور على شي حب بالعقل مو بالعاطفة الي تخليك غبي!

عقلك الباطن محتاج تصليح و تحديث و ترتيب ! رتبه و راح تتغير اهوايه اشياء بحياتك !

كل الحكاية يبقى قصة تعلق ! اي تعلقت بيه بس انت مراهق لهذا تحجي بالتعلق او ماكو بدلاء حاضرين لهذا تحجي هيج !! انتظر راح يجيك الاحسن ! الحب مو مرة بالعمر ... الحب دوم موجود و للابد و الحب للاصح !

اتمنى افتهمتوا هذا النقطه المهمة لان محور الموضوع و يتبين فيه شنو الحب و شنو التعلب و شلون تم الاختيار !
***ادري هذا الكلام ينسف و يكذب اهوايه اشعار و اغاني و كتابات عن الحب ! بس صدقا هذا الحقيقة و الاخريات اظلونا و ضيعونا و خلوا حياتنا اتعس و اتعس !

شخصيا لا احب اغاني الفراق ! لانه غير معالج بالعكس يجرح ! و المشكلة انو هالاغاني لا حاجة له او ليست حقيقية ! لو حبني لبقى و بما انه لم يبقى فلم يكن حب ! مهما كانت الاسباب !