حب في المراهقة

الفراق؟

٥- الفراق :

الي اتعلمناه و نعرفه و واضح ان كلمه الحب كبيره و ما تنكال هيج و لمن تنكال معناته فيعني انو ذاك الشخص مستعد لفعل اي شي تجتمعوا ... يمكن لدرجة الموت! لان هذا حب!! مع اني ما اتفق و لكن هذا المعمول و المفهوم !!
بنت و شاب على اساس حبو بعض و يتزوجو بعض ... بعد مده تركه الشاب !! والسبب .. متعدد الاسباب اما كان نيته هيج من البدايه او تسليه و تمضية وقت او لمسها و خلص او شاف ماكو انسجام! .... او تركها لان اهله رافضين او مشاكل عائليه او مادياته مو شي .... وما الى ذلك !!!

زين ! بمجرد انو قال احبج هو صار مسؤول عن هالشي و بس يبتعد لاي ظرف كان ظرف عادي او قاهر فهو ما يستحق الذكرى حتى و لازم تعتبر الايام الي كنتو بيها سوا ايام خداع و توهم و انو الشخص هذا سبب في سلب زمن من حياتج و خدعج بالحب و كان مجرد تجربة اله ، و ايضا لازم تعرفي هالشخص كان جبان و ما بيده شي و هذا ما يستاهل اي شي !! هو كان بس لسان و عواطف جياشه ان كان صادقة او لا ، بس هو اكبر حده الحجي و الكلام المعسول ! الحب عمره ما كان بس كلمات !
لو كان هيج لكان الشعراء هم زير النساء ! و الهم الحق يحبوا الالف !!!!هراء و خيال ! كله كلام و جذب
فليش اغاني الفراق ؟؟ اغاني الفراق للضعيفين جدا لان شخص كذب و خدع و ترك يعني سبب اذى الي ! لشنو اشتاق له!!!! و بشنو يفيد اصلا لو سمعتيه!! اضرار كثر اولا الغباء تبقين بيه لان شخص ما يستحق تظليت تنوحين له و تبجين لان عافج !! اي عافج ، من عافج الله وياه انبذيه منو هو !!! الحياة ما انخلق اصرف عمري لواحد تافه اكو ٦ مليار شخص خلي يكون هذا درس اتعلم منه و اتقوى و الحب راح يجي !! اصلا لازم تحمدي ربج تركج هسه لان علمج دروس بعد كم سنة راح تكتشفين شكد كنتي محظوظ ببعاده !! اتفهم راح تسمعين هالشي و تشتاقيله لان كان يهتملج و هسه محد يشتاق و ماكو بديل ! لا اكو بديل و كثار ، لكن التعلق و الايام الي حطيتي نفسج بيه و الحالة الي انتي بيها ! مخليتج ما تبدين من الصفر ! مثل ما التقيتي بيه راح تلتقين بغيره ! اتفهم انو هسه بتفكيرج تكولين اني اخترته هو و ما اتصور الكه مثله و كان يحبني ومحد انطاني هالشعور!!! اريد اكول : لا، اكو كثار ينطونج نفس الاحساس و اكثر و اصدق ، فقط تحتاجين تقتنعين ! تقتنعين انو الي راح ابدا ما كان حب و كان اساءة لنفسج ! و الحب لا للاول و لا شي !
و اصلا انتي مختارته بعينج الشخص الاول و الاخير !! ليش ؟ ماكو دليل او شي يخليج هيج غير ضعفج !! افتحي كلبج للحب و طنشي الي راح و كول اصلا صحيتني على حالي لان كنت عميانه!! الحب كذبه لمن كالو للحبيب الاولى
قاعدة عامة غالبا الحب الاولي تجربة فاشلة ! و بيه منخدرين !! اكو من يحسبه درس للمستقبل و يوعى انو الوقت و الشخص كان غلط و راح تتعلم منو تختار و شلون و بيا وقت في المستقبل ..... و اكو يستسلم و يظل اسير هالشي الفاشل و يعدد علاقاته و ما تعرف الاستقرار حتى بعد ما تتزوج !!!
المشكله الي يصنفون نفسهم عشاق و يتصورون حبيبهم كان وفي و ان الغلط منهم ! و انهم بهذا يثبتون كثر حبهم !!
اكو كلمه لنجيب محفوظ !! يقول " الحقيقة ليس قاسية ، الانفلات من الجهل صعب كالولادة"
بالفعل الحقيقه حلوة و ترتاح لان تعرف هذا الشي كان غلط و هم زين هسه تتخلص منه ! بس الصعب انو توعي هالشخص انو غلطان!!
داعش روح اقنعه انو غلطان!؟ هو ينتحر و يفجر نفسه و الي وياه و هو فرحان !! في سبيل ايديوجيه "كلنا نعرف غلط"
نفس الشي انت تنتحر بحياتك في سبيل شي ما اله وجود او ياذيج!!
انت بكل الاحوال ما تطلع السهم من قلبك حتى يشفى تريده يتعفن !! و هذا دمار لحياتج القادمه كله

الحلو بعدنا بالبداية ٥ سنوات فقط فاتحين عينه!!
ما معقوله بسبب موقف او شخص نوسخ ذكرياتنه و مستقبلنا علمود تجربه فاشله !
اصعب فراق هو الموت و ما غير ذلك غير مبرر
حتى الموت ايضا له من الاسباب التي لايدعو فيه ان نحزن !

المشكله بالي يتباكون على الفراق هو انهم يحملون هالحزن بداخلهم الى اخر يوم بحياتهم او الى فترة طويله !
مما ياثر على حياتهم المقبلة !
وهذا المشكله الكبرى !
المشكله ان بعض الفراق تم غصبا ! فبعد الزواج و بعد سنين سوف يلتقون و يرجعون ايام الماضي فيخونون ازواجهم و زوجاتهم !
هي و هو لا يفكرون انو لو كانوا يحبون بعض بصدق ما كان شي يفصلهم ابدا و انو اصلا ما يستاهلون بعض ! و اصلا لان هم ما مقتنعين بهالشي فهم ما نسوا بعض باقتناع فهذا الشي هم يزيد الطين بله !

حتى في اقسى الظروف !
الي يخلي اثنين ينفصلون ..... انتو انفصلتو شنو بعد! يعني امامك طريقين اما تنسى و تبدي حياتج جديده و صفحه جديده
او تضل اسير الماضي و تخرب بيتك و حياتك طول العمر !
.........
حتى اذا التقيت بيوم بماضيك فلازم تضحك عليه و تعتبره و لا شي لان ما صار وفاء بالعهد !