لاحظو بالمجتمع المتزوجين و المتزوجات كلهم ٩٠٪ شنو احاديثهم؟؟؟ هل بقى كلام بالحب؟ هل بقى الاحلام الوردية؟ لو الاشياء الحقيقه و مشاكل البيت و التطور و الوصول للاحسن و تربيه اولاد و مناصب!!
فالي مشغولين بكلام الحب وقت العلاقه و ما يكتشفون بعض راح يتضررون بعدين !! مثلا ما انتبهتي الولد بخيل او ما انتبهتي امه ياخذ قرارات او شفتيه نسوانجي او شفتيه كسول او طموح او كذاب او خاين او يطلع من البيت او يشرب!!!! فبعد الزواج من تكتشفين او تكتشفون من بعض هالاشياء تنصدمون و اما تعيشون حياة تعيسه و ربما الكثير يخونون زوجات و ازواج !!!! و هذا سبب من اسباب الخيانة لان جاي من خيبة امل !
او يودي الى الطلاق ولهذا شوفو بالمحاكم كم هي نسبة الطلاق و الانفكاك بالمجتمع !!
الوضع كارثي بس محد مهتم و كل واحد ماخذ نفسه حاله
استثنائية!!!
--------------
اغلب حالات الطلاق تكون بين اشخاص الي حبو تحت ٢٠ و ذلك لان لمن اعجب او احب بالمعنى المتداول انعمى عينه على كل شي و اثنيناتهم كل همهم كلام بالحب و لمن يجون يحجون عن شخصية بعض فالاثنين يكذبون على بعض و ممدركين تاثيرة على حياتهم !!! مثل بائع يبيع سلعة من فوق يخلي الاشياء الزينه وتحت المو زينة فلمن يشتريه المشتري ينطيه الاشياء المو زينة! بعد ما يشتريه المشتري يشوف هذا كان كله تزور و شويه منه كان زين و البقيه خايسه!!!!!!!
نفس الشي للي بعلاقة! بالعلاقة يشوفون بعض افضل ما لهم + اكاذيب + خداع + مبالغة .... فلمن يتزوجون ! يكتشفون اهوال بعض ! و اكيد ما يتقبلون بعض و يكونوا بحالة صدمة و نفير ،السبب من كان!!!! انت !!! اصحى و اصحى !!! عوف الحب اسبوع و شهر و ابحث عنه ! ابحث عن كل شي عنه مو عن طريقه عن طريق غيره باساليب ذكيه !!
انتقدي نفسج و كولي ليش الا هذا ليش مو غيرها "
بس اتركي العاطفة لحين" بدون عاطفة!!!
زائدا هذا النقطة اكو نقطة ثانية وهي المشاعر العاطفية بعد الزواج !
اتخيل انو كل يوم تاكل عسل عسل عسل !
فلمن يجيبولك شاي بدون سكر فاكيد ما تتقبله
هذا نفس الشي ، بوقت العلاقة تصورون للبعض بان الحياة ورديه و عسل و كله حب و غرام و كل شي سهل و تنطون كامل احاسيسكم !
فلمن تتزوجون راح تنصدمون بالحقيقه و انو العاطفة قل ! هو المشكله ما قل هو العاطفة الطبيعيه هيج بس الي كان بوقت العلاقة كان عاطفه متطرفه غير مسؤوله فقط لاقناع المقابل ! !!
ممكن تسال اي زوجين اتزوجوا عن علاقه حب ، اذا تجرا و صدق و اعترف و حكى هالشي !
انصح كل الي دخلوا علاقات يروحو عند ازواج صارلهم ٣-٥ سنوات متزوجين و فقط اسالوهم عن اهم المشاكل الي تصادفهم و شنو الفرق بين هسه و وقبل الزواج في تصرفات الشاب و احاسيس و تصرف و كل شي !
طبعا من الكوارث انو الواحد يتزوج واحد
بينه و بين شريكه :
١- فارق كبير بالعمر اكبر من ١٠
٢- فرق طبقي معيشي كبير !
٣- فرق في الايدلوجيات و المعتقدات
٤- فرق في المستوى الذهني
ممكن واحد يكول التحصيل الدراسي مو مهم !
اني اكو هو مهم جدا بس يعتمد على مدى تنازل طرف للاخر و طبعا اني من اتكلم عن فرق هو مثلا واحد عنده طبيه و الاخر شهادة ثالث!!!!! يعني ممكن مرات الطبيه ويه الاداب و ويا الفنون .. المهم يكون متعلم حتى لو بسيط ! مو يكون واحد متعلم و واحد لا!
......
لازم اكو تقارب بكل بكل النواحي ! كلما كان تقارب كلما كان افضل !
اكو برامج عديده تتحدث عن علاقة بين الزوجين بعد الزواج على القنوات !
ببحث بسيط ممكن تلقوا هالحوارات و البرامج !
مثلا يوجد برنامج اسمه بهدوء على قناة CBC
و تحدث عن الطلاق و مشاكل الازواج
و غيرها من البرامج الحوارية !
اتمنى ما تكتفوا بالقراءة فقط !
أنت تقرأ
حب في المراهقة
Randomنص كتابي شخصي عن رؤية شخصية مدعومة بابحاث علمية و امثله حية و امثلة تاريخية و استنتاجات و تخمينات شخصية ! لغة الكتاب عراقية بسيطه جدا بدون الاهتمام للقواعد و اللغة يحاكي كافة الاعمار من سن ١٠ - ٧٠ يتحدث عن اهم مشاكل المراهقة و مساوءه و تاثيراته ش...
