حب في المراهقة

العلاقة و ما بعده

٣- العلاقة :
العلاقة اخطر مرحلة و احلى مرحله!!!
بوقت العلاقة كلنا ملائكه و كلنا مميزين و كلنا شرفاء و طموحين و خاصيين! زين منو الي بالشارع!! منو الي يخرب بكل مكان؟ ما نعرف !!! جن!!
المشكله بالعلاقة الاحاسيس يعمي الطرفين .... البنت عاجبها شكل الولد و البنت هم او وظيفته او اسلوبه المهم شي واحد جذبهم لبعض ! بس هذا الشي كفيل يجعل هالشخص مميز!!!!!!!
فلمن يحجون بالحب ينسون او يتجاهلون اغلاط او مساوىء بعض و اصلا بيكذبون على بعض و يصورون نفسهم مثالين !!!
طبعا هالفترة مثالية ! كل شي بيه حلو الاثنين عندهم نقص عاطفي و انملىء و الاثنين يحسون بالاهتمام و يحسون انهم خلقوا لبعض و انو سعادتهم ما تنوصف لان هم ملك بعض فقط و انو هالشخص اهم شي اني عنده بالوجود!! كل هذا صح !! بس ممكن الولد جاي من مشكله او كأبه فانتي علاج و وقت ما يشفى راح يصحى ويكول شنو هاي و يتركج!! و قد يلعب عليج!! و يريد منج شي و هو بنفس اللحظه يحاجي كومات و قد انتي تكوني التجربة رقم ١٠ بحياتي و هكذا ، و شي ثاني هم الولد ما عليه شي!! يعني شما يسوي ما عليه شي اذا لعب بيج و تركج او لمسج واش سوه هو بهذاك الفترة ما عليه اي مسووليه ابدا كل مسولليته يكولج احبك و صباح الخير و اموت عليج!! .... ممكن يحب يقضي وقت!! المهم
اكو عدة احتمالات :
١) صدق الاخ و تزوجوا ، بعد سنة سوف تضعف الكلام عن الحب و راح تبدي اشياء اهم منطقيه وواقعه مرتبطه بحياة اليومية و راح يكتشفو حقيقه بعض و تبدي المشاكل ! انت ما كنت هيج و هي تكول انت مو هيج و انت قلت اني هيج و انتي ما كنتي تهتمين لهل اشياء و انت مقيد حريتي و انت تغار و اهلك و اهلي و و و وهكذا فامامهم حلين اما يخونو بعض او يطلقوا او يعيشو حياة تعيسة تتسمى طلاق صامت !!!
طيب ليش تخون و يخون؟ لان ببالها فترة العلاقة و حلاوته و ماكو اي مشاكل و كل شي سمن ع العسل و اهتمام و تكول هذا اني غلط بيه و ما كان حب و لمن تحتك بولد يهتمله مره ثاني راح تصدق انو يمكن هذا هو الحب و لمن يحجي وياها الولد راح ترجع بيه الايام لايام الخالي و هي تنسى انو هو هو نفس الشي و ان الكل حلوين بالعلاقة و انو اصلا هي وقت العلاقه كان اهتمامها بس كلام بالحب !! و راح تظل تخون و خاصة هسه ماكو اي مسوولية عليها جسديا و وحرية !
و تعيش هالحياة و كل فترة مع شاب لان الشاب راح يتركها !! و طبعا نفس الشي عند الرجال و اسوء و النسبه ٨٠٪ بالرجال و ٢٠٪ بالنسوان!!!
بس المشكله ليش نحجي عن النسوان لان النسوان هم من يربون المجتمع و احنه بمجتمع مانعه ع المراة بكل الطرق و للرجال شوي متساهل ما علينه غلط او لا بس هذا المعمول ! و شي ثاني انو شخصيه المرااة ضعيف او عاطفيه اي خدش بحياتها راح تضل بعقلها و ما تنسى يعني مو قويه لدرجة تجتاز المشاكل راح تضل تتذكر و تحس بالذنب و بدل ما تصححه تكول اني منتهيه منتهيه ! يعني ما تاخذ لنفسها نقطه نهوض او صحيان !!! اما الرجال ما همه ينسى و بكيفه و لا يحس بالذنب لا المجتمع هيج علمه !!
طبعا قريت تعليقات تكول ليش البنات تحاسبوهم و الشباب لا ، خلي هن هم يخونو!! طبعا كلام خطير جدا مثل واحد يسرق الثاني يكول هو ليش يسرق اني هم!!!!!! بهذا الحاله كلنا للهاوية!!
محد ما عليه من احد كل واحد اله علاقة بنفسه !! انتي دينج و مجتمعج و عقلج و المنطق يمنع هالشي و هذا شي غلط تماما بكل المقايسس و لا تحاولي تعاندي او تقلدي زوجج ، فقط شي واحد يشجعج تخوني وهي العاطفه و الشهوة!!!!! وهالشي يدمرون حياتج تماما !! يعني لا تكون تفكريج تفكير المنتقم ! اذا هو خان فالحل الطلاق ! و لا شي غيره ! لان في مجتمعنا لا يرضى احد بالنراءة المتزوجة! فالرجل ان عمل معها علاقه فيكون مغزاه الجنس فقط و ليس الحب ! مثل رجلج ! هو مو يخونج؟ طيب ما الرجال الي تريدين تخوني زوجج بيه هو هم خاين ! اذا اهنا المشكله ليست عاطفيه فرجلج و العشيق خائنين ! اذن المسالة مسالة جنس !
زين فلنفرض انتي و هو هم تخونون و تخونون ! زين الى متى ! و شلون يكون تفكيرج و تفكيرج للحياة و الامور و العلاقات و الصدق و الوفاء و الاخلاص و غيرها من الاشياء!!!