حب في المراهقة

نقاط مهمة

راح اكتب اهنا عن نقاط مهمه اني شخصيا اشوفها هيج :-

١- مستحيل يكون شي اسمه حب من اول نظرة ابدا ابدا !
هذا اسمه اعجاب فقط ! اكو اعجاب بلبسه اكو بعيونه اكو باناقته اكو بصوته اكو بشخصيته اكو بعلمه و و و و و ..... فلمن تنعجب بشي فلا تعممه على كل الاشياء!
مثلا// تشوف واحد حلو او صوته حلو .... مو معناته هالشخص مودب و خلوق و اخلاق و مو زير النساء!!!
اشوف بنات و حتى شباب يعلقون على مغنيين و شاعرين و ممثلين و غيرهم من المشاهير ... مثلا حسام الرسام!
هو الفنان صوته حلو و شكله حلو ! بس اعرف شلون عرف هو مودب و خلوق و اخلاق و و ؟ هو انت حاجي وياه؟ تعرف ماضيه ؟ تعرف يوميه شيسوي؟ انت كل عمرك منىتشوفه ٢٤ ساعة كامله ! و هذا ع الاعلام و الاعلام مستحيل يحجي ضده !! افتهمها و عوف شغلة تحكم ع الناس من شي واحد ! و خاصة الشغلات الي الها علاقة بالشخصية ! لان حتى تعرف واحد لازم تعاشره ! فلا ترفعوه من لا شيء يا شعب التصفيق !

٢- اي شي بعمر المراهقة لا تاخذه بعين الاعتبار و حاول قدر الامكان تكون معندل في كل شي ! بالسياسة و الاقتصاد و الحب و الاعجاب و الذوق و الاراء !!
لا تتعلق بممثلين و مغنين ! و كل فترة مسويلي هوسه واااااو هذا الفنان و ااااو عشقي تامر حسني واااااو عشقي سيمور!!! اهدي عيني اذا صوته حلو مو معناته تعشقيه كولي اعشق صوته و من تعلق عليه اكتب ! صوتك حلو مو يغني و تكتب فدوة لهل خلقة !!!
عيب استحي!!! و ترا هذا يعكس جزء من شخصيتك يعني هلكد مرخص نفسك و ما منطي قيمة لنفسك !!

٣- مشكلة هذا العمر راح يأثر عليك العمر كله فانت قرر تبقى في سبات طول العمر لو تصحى هسه ؟

٤- الجماعة الي كالبيها مواويل و دراما ترا عيب اصحو يلا مافي مناحه و دراما ..... صارت مزعطه كلمن مفارق شخص ! و يتباكى ! هاي وضحت ماكو شي اسمه حب بهالشكل !
قوموا دوروا على حبكم الصحيح ! اول محاوله صح تكون !

٤- بوجهة نظريه اول محاوله للدرس فقط لان دائما فاشله ! لهذا استفد منه للتجارب القادمه !

٥- الي الاحظه هو انو الكل يريد يبين انو حبه الاول بالعالم !! ترا غلطان ها !! الحب هو بينك و بين نفسك ! شكد تكون مرتاح !!! خلي الناس تكولك هذا عاشق !! بس اذا بداخلك ممرتاح شنو فائدته !!

٦- انسى بقناعه مو لان تريد تنسه!

٧- الشاب الي يهتم حيل بملابسه اني ما اثق بيه و لا انصح بعلاقه وياه لان كبر تفكيره على ملابسه ! و نفس الشي للبنات الي حيل مهتمات بالشكل و الميك اب !!

اكو علاقة عندي تكول كلما كان اهتمامك بالميك اب و الملابس و المظهر كلما دل على انو هذا الشخص ما عنده شي يقدمه و اكثر ما يقدمه هو شكله و مظهره لان عقله اقل من شكله !!!

يجي واحد يسال يكول هل المخربط ذكي !!!؟ اكول عيني اني كلت الاهتمام المفرط ! المفرررووط !

٨- شباب جماعة التاتو غالبا و السيارات الجارجر و الموستانك و و و ! هذوله هم نفس المقياس ! كل همهم التفاخر بشيء غير عقلهم و شخصيتهم ! مع الاسف اكو بنات همها السيارة """ فقط ضعف بالشخصية"" والا البنت لو تسالها شنو كابريته ما تعرف !!!!!

٩- الشاب الي يشمر رقمه شتنظر منه؟ يعني مثل ما شمرلك بالحديقة او المول ! يشمر لالف غيرج اذا كانوا بنفس المكان !!! فاي علاقه راح تربطك بهالشخص ؟؟؟؟ ما ادري شي عجيب بس الطيور على اشكاله !

١٠- نفس الشي الي كاتب عناوين الكيك و التيلي غرام و و و و !!! يعني شنو الغرض من كتابته؟؟؟؟؟؟؟ انت فنان لو مصور لو شركه عندك لو شنو؟؟؟؟ هو سبب واحد ! انت مضحكة و نفس الي يشمر رقمه!
و للبنات الي متابعين هالنوع من الشباب ! شمنتظرين منهم!!!!! هذا شخصية شاب يستحق اتابعه لو اصادقه؟؟؟؟ ارجع اكول مبروك على هالصديق و الطيور على اشكالها تقع !

١١- للبنات الي مرتبطات : حبيبج كاتب بمواقع التواصل هو مرتبط ب فلانه؟؟؟؟؟؟؟ اذا لا فاعرفي انتي مجرد تسليه و ماكو داعي يوضلحج و تتباكي ! لان لو همه لكان اثبتلك بكل مكان انو انتي الوحيده بحياته و محد راح يتجرا يتقرب !
فلا تساليه و لا شي ارحلي بسكات او حاولي تقللي التعلق تحضرا للقادم !

١٢-اكو موضوع ثاني بس ما اطول بيه وهو يشمل جماعة النت ! شنو هذا حب الفلورز و اللايكات و التعليقات !!! اشوف ناس بالانستا هم ولا شي و لااااا شي عندهم ١٠-٣٠ الف متابعه !!! ليش؟ انتي ليش مشارك بهالشي و تتابعه !!! ما تعتبر نفسك خروف! قطيع!!؟؟هسه لو عنده ميزة اوك ! بس اذا هو مو شي ليش ؟ ليش تكبره ! انطيه بلوك خلي يتعلم ما يهتم بهالسوالف !
و للعلم هذوله شلة ، جماعة يصفقولن لبعض و يدعمون بعض و يعلقون لبعض و يريدون يصنعون شخصيات و هم و لا شي ابداااااااا

شخصيا اتحدى اكبرهم و فعلت و ناقشت و هرب و اعطاني بلوك مع اني ما غلطت و هو الي غلط !

١٣ حتى هذا مال يطلبون لايكات !!!؟ شنو تطلب لايك ! لايك يعني اعجاب، شنو انطيك لايكات بلاش !!!
ثانيا شيسوي هاللايكات !؟ يسمن يرفع يثقف ؟ يطور؟ شيسوي !؟
اني اقولك شيسوي ! حتى الفلورز هم .......

هذا يبني شخصيه ثقيله بلتزوير و الوهم ! الفقير من يجي يشوف فلورزه اهوايه يكول اووووو هذا فد شي و هو ما يعرف يحجي ، مع الاسف الناس صارت ما يفكر و يشوف شنو مميزاته!!!

ما دام هلكد فلورز اذن هو فد شي:/ !؟
ليش عندنه عقلية التقليد و التبعية!!!! ناقش دائما و فكر و قول ليش اتابع !!!

١٤- شخصيا افضل حسابات الاشخاص المغلقة و قليله المتابعين ! و خاصة البنات ! مما يعطي خصوصية اكبر !!
ان الحساب الي متابعه قليل و مغلق دليل على ان الشخص ينتقي من يتابع و من يتابعه !

هذا عالم الكتروني اللايكات ان زادت او قلت لا يهم و ليس حدث ! مرة شفت فيديو عمليه ذبح عدد اللايكات له فوق الالف ! مؤيدين لهذا الشي !!!

١٥- الحسابات في التطبيقات يعبر عنك ذاتك !! زيادة عدد الاصدقاء او لايكات تعبر عنك ! يعني من تعطي لايك لمنشور طائفي او انحرافي فهذا يدل عليك !

١٦- لا تخلي النت يسرق عمرك و حياتك الاجتماعيه ! لان ستظل الكترونيه !!!!